ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ <ᠨᠢᠭᠡᠳᠦᠭᠡᠷ ᠪᠦᠯᠦᠭ>– ᠭᠤᠷᠪᠠ᠂ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠠᠩᠬᠠᠨ ᠤ᠋ ᠰᠥᠨᠢ Эр эмийн ёсон – Д᠂ Болдцэрэн <Нэгдүгээр бүлэг>– Гурав ᠂ Энгэр зөрүүлсэн анхны шөнө
142ᠭᠤᠷᠪᠠ᠂ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠠᠩᠬᠠᠨ ᠤ᠋ ᠰᠥᠨᠢ
᠁ ᠮᠢᠨᠦ ᠪᠡᠶᠡ ᠡᠴᠢᠭᠡ ᠡᠬᠡ ᠡᠴᠡ ᠳᠥᠷᠪᠡᠭᠦᠯᠡ᠃ ᠪᠢ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠠᠬᠠ ᠳ᠋ᠤ᠌ ᠦᠷᠡᠴᠢᠯᠡᠭᠦᠯᠦᠭᠰᠡᠨ ᠡᠷᠭᠦᠮᠡᠯ ᠬᠥᠮᠦᠨ᠃ ᠨᠠᠮᠠᠶ᠋ᠢ 6-8 ᠨᠠᠰᠤᠲᠠᠢ ᠪᠠᠢᠬᠤ ᠳ᠋ᠤ᠌ ᠡᠴᠢᠭᠡ᠂ ᠡᠬᠡ ᠮᠢᠨᠢ ᠨᠠᠰᠤ ᠪᠠᠷᠠᠵᠤ᠂ ᠪᠢ ᠬᠥᠭᠰᠢᠨ ᠡᠵᠢ᠂ ᠠᠪᠠᠭᠠ ᠠᠬᠠ ᠶ᠋ᠢᠨ ᠳ᠋ᠡᠭᠠᠨ ᠥᠰᠦᠭᠰᠡᠨ ᠬᠥᠮᠦᠨ ᠶᠦᠮ᠃ ᠲᠡᠳᠡ ᠮᠠᠯᠴᠢᠨ ᠠᠢᠯ ᠪᠣᠯᠬᠣᠷ ᠪᠢ ᠰᠤᠷᠭᠠᠭᠤᠯᠢ ᠶ᠋ᠢᠨ ᠳᠣᠲᠣᠭᠤᠷ ᠪᠠᠢᠷᠢᠨ ᠳ᠋ᠤ᠌ ᠰᠤᠷᠴᠤ8 ᠳ᠋ᠤᠭᠠᠷ ᠠᠩᠭᠢ ᠲᠡᠭᠦᠰᠦᠭᠰᠡᠨ᠃ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠪᠠᠷ ᠬᠥᠳᠡᠭᠡ ᠬᠣᠨᠢ ᠬᠠᠷᠢᠭᠤᠯᠳᠠᠭ᠃ ᠨᠣᠮ ᠤᠩᠰᠢᠳᠠᠭ᠃ ᠲᠡᠳᠡᠨ ᠦ᠌ ᠬᠢ ᠭᠠᠭᠴᠠ ᠭᠡᠷ ᠪᠣᠯᠬᠣᠷ ᠪᠢ ᠠᠢᠯ ᠬᠤᠨᠠᠷ ᠢ᠋ᠶ᠋ᠠᠷ ᠨᠢᠭᠡ ᠶᠡᠬᠡ ᠣᠷᠣᠵᠤ ᠭᠠᠷᠴᠤ ᠴᠢᠳᠠᠳᠠᠭ ᠦᠭᠡᠢ ᠪᠠᠢᠯᠠ᠃ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠪᠠᠢᠬᠤ ᠳ᠋ᠠᠭᠠᠨ ᠲᠣᠭᠠ᠂ ᠹᠢᠽᠢᠺ᠂ ᠬᠢᠮᠢ ᠶ᠋ᠢᠨ ᠬᠢᠴᠢᠶᠡᠯ ᠳ᠋ᠦ᠍ ᠣᠨᠴᠠ ᠰᠠᠢᠨ ᠰᠤᠷᠤᠭᠰᠠᠨ ᠪᠠ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠳᠠᠭᠤᠤ ᠬᠥᠭᠵᠢᠮ ᠳ᠋ᠦ᠍ ᠮᠠᠰᠢ ᠳᠤᠷᠠ ᠦᠭᠡᠢ᠂ ᠰᠣᠨᠢᠷᠬᠠᠯ ᠦᠭᠡᠢ ᠪᠠᠢᠭᠰᠠᠨ ᠶᠤᠮ᠃ ᠲᠥᠷᠥᠯᠬᠢ ᠶ᠋ᠢᠨ ᠢᠴᠢᠮᠡᠬᠡᠢ᠂ ᠨᠡᠷᠡᠯᠬᠡᠦ ᠪᠣᠯᠤᠭᠠᠳ ᠴᠦ᠍ ᠲᠡᠷᠡ ᠶᠦᠮ ᠤᠤ᠂ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠬᠢᠴᠢᠶᠡᠯ ᠡᠴᠡ ᠶᠡᠬᠡ ᠵᠢᠭᠤᠳᠠᠳᠠᠭ ᠪᠠᠢᠪᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠣᠯᠠᠨ ᠬᠥᠮᠦᠨ ᠦ᠌ ᠳᠤᠮᠳᠠ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠢᠬᠤ ᠭᠡᠵᠦ(ᠥᠨᠳᠥᠷ ᠪᠣᠯᠤᠨ ᠤᠷᠲᠤ ᠶ᠋ᠢᠨ ᠬᠠᠷᠠᠢᠯᠲᠠ ᠴᠦ᠍ ᠶᠤᠮ ᠤᠤ ᠶᠠᠮᠠᠷ ᠨᠢᠭᠡᠨ ᠳᠠᠰᠬᠠᠯ ᠲᠣᠭᠯᠠᠭᠠᠮ ᠤ᠋ᠳ ᠢ᠋) ᠠᠶᠤᠳᠠᠭ᠃ ᠣᠳᠣ ᠴᠦ᠍ ᠭᠡᠰᠡᠨ ᠪᠢ ᠬᠤᠷᠢᠮ ᠨᠠᠢᠷ ᠪᠣᠯᠭᠠᠨ ᠳ᠋ᠤ᠌ ᠣᠴᠢᠬᠤ ᠦᠭᠡᠢ ᠶ᠋ᠢ ᠬᠢᠴᠢᠶᠡᠨᠡ᠃ ᠲᠤᠩ ᠴᠥᠭᠡᠨ ᠣᠴᠢᠳᠠᠭ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠳᠠᠭᠤᠯᠠᠵᠤ᠂ ᠬᠤᠭᠤᠷᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠡᠴᠡ ᠪᠡᠨ ᠢᠴᠢᠳᠡᠭ᠃7-8 ᠳ᠋ᠤᠭᠠᠷ ᠠᠩᠭᠢ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠪᠣᠢᠵᠢᠯᠲᠠ ᠶ᠋ᠢᠨ ᠦᠶᠡ ᠳ᠋ᠦ᠍ ᠶᠡᠬᠡ ᠵᠣᠪᠠᠳᠠᠭ ᠪᠠᠢᠭᠰᠠᠨ᠃ ᠨᠢᠭᠤᠴᠠ ᠡᠷᠬᠡᠲᠡᠨ ᠮᠢᠨᠢ ᠥᠮᠥᠳᠦᠨ ᠦ᠌ ᠭᠠᠳᠠᠭᠤᠷ ᠳᠣᠪᠣᠢᠵᠤ ᠬᠠᠷᠠᠭᠳᠠᠵᠤ ᠪᠠᠢᠬᠤ ᠰᠢᠭ᠋ ᠰᠠᠨᠠᠭᠳᠠᠵᠤ᠂ ᠨᠢᠭᠤᠷ ᠬᠠᠭᠠᠬᠤ ᠭᠡᠵᠦ ᠣᠷᠣᠯᠳᠣᠳᠠᠭ ᠰᠠᠨ᠃
1972 ᠣᠨ ᠳ᠋ᠤ᠌ ᠬᠡᠳᠦᠨ ᠨᠠᠢᠵᠠ ᠨᠠᠷ ᠲᠠᠢ ᠪᠠᠨ ᠠᠢᠯ ᠤ᠋ᠨ ᠨᠠᠢᠷ ᠲᠤ᠌ ᠣᠴᠢᠵᠤ ᠪᠢᠳᠡ ᠬᠡᠳᠦ ᠰᠥᠨᠢ ᠳᠤᠮᠳᠠ ᠲᠡᠳᠡᠨ ᠦ᠌ ᠢᠷᠡᠵᠦ ᠬᠣᠨᠣᠪᠠ᠃ ᠪᠢᠳᠡᠨ ᠲᠡᠢ ᠴᠣᠭ ᠨᠢᠭᠡ ᠥᠬᠢᠨ ᠢᠷᠡᠭᠰᠡᠨ᠃ ᠪᠣᠳᠣᠪᠠᠯ ᠲᠡᠳᠡᠨ ᠦ᠌ ᠠᠯᠢ ᠨᠢᠭᠡᠨ ᠦ᠌ ᠬᠢᠨᠢ ᠬᠠᠮᠢᠶᠠᠲᠠᠨ ᠪᠠᠢᠭᠰᠠᠨ ᠪᠠᠢᠬᠠ᠂ ᠥᠷᠯᠥᠭᠡ ᠰᠡᠷᠡᠭᠰᠡᠨ ᠴᠢᠨᠢ ᠲᠡᠷᠡ ᠬᠡᠳᠦᠭᠦᠯᠡ ᠠᠵᠢᠯ ᠳ᠋ᠤ᠌ ᠶᠠᠪᠤᠴᠢᠬᠠᠭᠰᠠᠨ᠂ ᠨᠥᠭᠦᠭᠡ ᠥᠬᠢᠨ ᠪᠢᠳᠡ ᠬᠣᠶᠠᠭᠤᠯᠠ ᠯᠠ ᠦᠯᠡᠳᠡᠵᠦ᠂ ᠨᠠᠮᠠᠶ᠋ᠢ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠦ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠥᠬᠢᠨ ᠢᠷᠡᠭᠰᠡᠨ᠃ ᠤᠷᠢᠳᠤ ᠡᠳᠦᠷ ᠨᠢ ᠮᠠᠭᠤᠬᠠᠨ ᠲᠠᠨᠢᠯᠴᠠᠭᠰᠠᠨ ᠪᠥᠭᠡᠳ ᠡᠯᠳᠡᠪ ᠶᠠᠭᠤᠮᠠ ᠶᠠᠷᠢᠵᠤ᠂ ᠪᠢ ᠲᠡᠷᠡ ᠥᠬᠢᠨ ᠲᠡᠢ 《ᠤᠨᠲᠠᠬᠤ》 ᠪᠠᠷ ᠶᠠᠭᠤᠮᠠ ᠶᠠᠷᠢᠭᠰᠠᠨ᠂ ᠲᠡᠷᠡ ᠶᠡᠬᠡ ᠯᠡ ᠳᠤᠷᠠ ᠲᠠᠢ ᠪᠠᠢᠭᠠ ᠪᠣᠯᠤᠯᠲᠠᠢ᠃ ᠪᠢ ᠴᠣᠩᠬᠣᠨ ᠤ᠋ ᠳᠡᠷᠭᠡᠳᠡ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠪᠠ ᠮᠢᠨᠦ ᠡᠷᠬᠡᠲᠡᠨ ᠬᠥᠪᠴᠢᠷᠡᠭᠰᠡᠨ ᠪᠠᠢᠪᠠ᠃ ᠪᠢ ᠨᠢᠭᠡ ᠯᠡ ᠶᠠᠭᠤᠮᠠᠨ ᠠ᠋ᠴᠠ ᠠᠶᠤᠵᠤ᠂ ᠢᠴᠢᠵᠦ ᠪᠠᠢᠯᠠ᠃ ᠲᠡᠷᠡ ᠨᠢ ᠶᠠᠭᠤ ᠭᠡᠪᠡᠯ ᠠᠩᠬᠠ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ《ᠤᠨᠲᠠᠬᠤ》 ᠳ᠋ᠤ᠌ ᠡᠷᠡᠭᠲᠡᠢ ᠨᠢ ᠪᠠᠷᠤᠭ ᠤᠨᠲᠠᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ ᠳᠤᠷᠠ ᠪᠠᠨ ᠲᠠᠯᠪᠢᠵᠤ ᠡᠮᠡᠭᠲᠡᠢ ᠶ᠋ᠢᠨ ᠳᠤᠷᠠ ᠦᠭᠡᠢ ᠶ᠋ᠢ ᠬᠦᠷᠭᠡᠭᠡᠳ ᠵᠣᠭᠰᠣᠬᠤ ᠦᠭᠡᠢ᠂ ᠰᠢᠪᠰᠢᠭ ᠪᠣᠯᠳᠠᠭ ᠭᠡᠵᠦ ᠨᠢᠭᠡ ᠨᠠᠢᠵᠠ ᠮᠢᠨᠢ ᠨᠠᠳᠠ ᠳ᠋ᠤ᠌ ᠬᠡᠯᠡᠭᠰᠡᠨ ᠰᠠᠨ᠂ ᠪᠢ ᠶᠠᠭᠠᠬᠢᠳᠠᠭ ᠪᠣᠯ ᠭᠡᠵᠦ ᠬᠡᠰᠡᠭ ᠡᠷᠡᠭᠡᠯᠵᠡᠭᠰᠡᠨ ᠢ᠋ᠶ᠋ᠡᠨ ᠶᠠᠭᠤ ᠴᠦ᠍ ᠪᠣᠯᠤᠭ ᠦᠵᠡᠳᠡᠭ ᠬᠡᠷᠡᠭ ᠭᠡᠵᠦ ᠰᠢᠢᠳᠦᠭᠡᠳ ᠶᠠᠭ《 ᠤᠨᠲᠠᠬᠤ》 ᠭᠡᠲᠡᠯᠡ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠬᠡᠢ ᠠᠯᠳᠠᠵᠤ᠂ ᠡᠷᠬᠡᠲᠡᠨ ᠮᠢᠨᠢ ᠰᠤᠯᠠᠷᠠᠵᠤ ᠪᠠᠭᠤᠴᠢᠬᠠᠭᠰᠠᠨ ᠶᠤᠮ᠃ ᠪᠢ ᠶᠡᠬᠡ ᠵᠣᠪᠠᠵᠤ ᠪᠢᠯᠡ᠃ ᠲᠡᠷᠡ ᠶᠠᠭᠤ ᠴᠦ᠍ ᠬᠡᠯᠡᠭᠰᠡᠨ ᠦᠭᠡᠢ᠃ ᠪᠢ ᠪᠣᠰᠴᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠢᠭᠠ ᠴᠠᠭᠠᠰᠤ ᠬᠠᠷᠠᠨᠳᠠ ᠶ᠋ᠢ ᠠᠪᠴᠤ᠂《ᠠᠭᠤᠴᠢᠯᠠᠭᠠᠷᠠᠢ ᠨᠠᠢᠵᠠ ᠮᠢᠨᠢ》 ᠭᠡᠵᠦ ᠪᠢᠴᠢᠭᠡᠳ ᠭᠠᠷᠤᠭᠠᠳ ᠶᠠᠪᠤᠭᠰᠠᠨ᠃ ᠡᠷᠭᠢᠵᠦ ᠲᠡᠷᠡ ᠬᠥᠮᠦᠨ ᠲᠡᠢ ᠠᠭᠤᠯᠵᠠᠭᠠ ᠦᠭᠡᠢ᠃ ᠡᠨᠡ ᠶᠠᠪᠤᠳᠠᠯ ᠠ᠋ᠴᠠ ᠬᠣᠢᠰᠢ ᠪᠢ ᠶᠡᠬᠡ ᠵᠣᠪᠠᠳᠠᠭ ᠪᠣᠯᠤᠯᠠ᠃ ᠣᠳᠣ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠤᠨᠲᠠᠬᠤ ᠭᠡᠬᠦᠯᠡᠷ ᠪᠠᠰᠠ ᠯᠠ ᠪᠦᠲᠦᠬᠦ ᠦᠭᠡᠢ᠂ ᠰᠢᠪᠰᠢᠭ ᠪᠣᠯᠬᠤ ᠪᠠᠢᠬᠠ ᠭᠡᠵᠦ ᠠᠶᠤᠭᠠᠳ ᠬᠡᠨ ᠲᠡᠢ ᠴᠦ᠍ ᠢᠩᠭᠢᠬᠦ ᠪᠡᠷ ᠣᠷᠣᠯᠳᠣᠭᠠ ᠦᠭᠡᠢ᠃ ᠭᠡᠬᠦ ᠳ᠋ᠡᠭᠡᠨ ᠶᠡᠬᠡ ᠬᠦᠰᠡᠳᠡᠭ ᠪᠠᠢᠯᠠ᠃ ᠶᠡᠬᠡ ᠬᠦᠰᠡᠵᠦ ᠪᠣᠳᠣᠳᠠᠭ ᠠ᠋ᠴᠠ ᠲᠡᠷᠡ ᠤᠤ ᠦᠷᠭᠦᠯᠵᠢ ᠵᠡᠭᠦᠳᠦᠯᠡᠵᠦ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠭᠠᠷᠭᠠᠳᠠᠭ ᠪᠣᠯᠤᠭᠰᠠᠨ᠃ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠪᠠᠢᠬᠤ ᠳ᠋ᠤ᠌ ᠡᠳᠦᠷ᠂ ᠰᠥᠨᠢ ᠶᠠᠮᠠᠷ ᠴᠦ᠍ ᠦᠶᠡ ᠳ᠋ᠦ᠍《ᠡᠷᠬᠡᠲᠡᠨ》 ᠮᠢᠨᠢ ᠬᠥᠪᠴᠢᠷᠡᠵᠦ᠂ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ《ᠤᠨᠲᠠᠬᠤ》 ᠳᠤᠷᠠ ᠲᠥᠷᠥᠨᠡ᠃ ᠬᠠᠷᠢᠨ ᠡᠮᠡᠭᠲᠡᠢ ᠬᠥᠮᠦᠨ ᠢ᠋ ᠬᠠᠷᠠᠪᠠᠯ ᠪᠦᠬᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠪᠣᠯᠳᠠᠭ᠃ ᠣᠯᠠᠨ ᠰᠠᠷᠠ᠂ ᠵᠢᠯ ᠢᠩᠭᠢᠵᠦ ᠶᠠᠪᠤᠨᠠ᠃ ᠡᠮᠴᠢ ᠳ᠋ᠦ᠍ ᠦᠵᠡᠭᠦᠯᠦᠶᠡ ᠭᠡᠬᠦᠯᠡᠷ ᠢᠴᠢᠵᠦ ᠵᠣᠪᠠᠳᠠᠭ᠃ ᠨᠢᠭᠡ ᠤᠳᠠᠭᠠ ᠬᠣᠲᠠ ᠳ᠋ᠤ᠌ ᠣᠴᠢᠵᠤ ᠡᠮᠴᠢ ᠳ᠋ᠦ᠍ ᠦᠵᠡᠭᠦᠯᠬᠦ ᠳ᠋ᠡᠭᠡᠨ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠣᠢᠷᠠᠳᠴᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠯᠠ ᠭᠡᠳᠡᠭ ᠢ᠋ᠶ᠋ᠡᠨ ᠬᠡᠯᠡᠯᠡ᠃ ᠡᠮᠴᠢ ᠭᠡᠷ ᠪᠦᠯᠢ ᠲᠡᠢ ᠤᠤ ᠭᠡᠵᠦ ᠠᠰᠠᠭᠤᠬᠤ ᠳ᠋ᠤᠨᠢ ᠲᠡᠢᠮᠦ ᠭᠡᠵᠦ ᠬᠤᠳᠠᠯ ᠬᠡᠯᠡᠯᠡ᠃ ᠡᠮᠴᠢ ᠬᠡᠳᠦᠨ ᠡᠮ ᠪᠢᠴᠢᠵᠦ ᠦᠭᠭᠦᠭᠰᠡᠨ᠃ ᠪᠢ ᠡᠮ ᠦ᠋ᠨ ᠰᠠᠩ ᠳ᠋ᠤ᠌ ᠣᠴᠢᠵᠤ᠂ ᠪᠢᠴᠢᠭᠰᠡᠨ ᠡᠮ ᠢ᠋ᠶ᠋ᠡᠨ ᠠᠪᠬᠤ ᠭᠡᠰᠡᠨ ᠢ᠋ᠶ᠋ᠡᠨ ᠢᠴᠢᠵᠦ ᠠᠪᠴᠤ ᠴᠢᠳᠠᠭᠠ ᠦᠭᠡᠢ᠃ ᠲᠡᠷᠡ ᠦᠶᠡ ᠳ᠋ᠦ᠍ ᠡᠮᠴᠢ ᠳ᠋ᠦ᠍ ᠶᠠᠭᠤ ᠭᠡᠵᠦ ᠬᠤᠳᠠᠯ ᠬᠡᠯᠡᠪᠡ ᠭᠡᠵᠦ ᠣᠳᠣ ᠪᠣᠳᠣᠪᠠᠯ ᠬᠠᠷᠠᠮᠰᠠᠬᠤ ᠶᠤᠮ᠃
1986 ᠣᠨ ᠳ᠋ᠤ᠌ ᠪᠢ ᠨᠢᠭᠡ ᠬᠡᠦᠬᠡᠨ ᠳᠤ ᠮᠢᠨᠦ ᠬᠠᠮᠤᠭ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠪᠡ᠃ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠵᠦ ᠭᠠᠭᠴᠠᠭᠠᠷ ᠲᠠᠢ ᠨᠢ ᠠᠭᠤᠯᠵᠠᠪᠠᠯ ᠭᠠᠢᠭᠤᠢ ᠪᠦᠲᠦᠬᠦ ᠪᠠᠢᠬᠠ ᠳᠠ ᠭᠡᠵᠦ ᠪᠣᠳᠣᠭᠰᠠᠨ ᠶᠤᠮ ᠯᠠ ᠳᠠ᠁ ᠪᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠲᠡᠭᠦᠨ ᠢ᠋ ᠬᠦᠯᠢᠶᠡᠵᠦ ᠪᠠᠢᠯᠠ᠁
᠁ ᠵᠠ ᠶᠠᠭᠠᠬᠢᠬᠤ ᠪᠣᠯ ᠭᠡᠬᠦ ᠡᠴᠡ ᠵᠢᠷᠦᠬᠡ ᠲᠦᠭ ᠲᠦᠭ ᠴᠡᠭᠡᠵᠢ ᠪᠡᠨ ᠳᠡᠯᠡᠳᠦᠨᠡ᠃ ᠲᠡᠷᠡ ᠢᠷᠡᠯᠡ ᠪᠠᠰᠠᠯᠠ ᠪᠦᠲᠦᠭᠡ ᠦᠭᠡᠢ᠃ ᠡᠬᠢᠯᠡᠭᠡᠳ ᠲᠡᠷᠡ ᠴᠦ᠍ ᠪᠢ ᠴᠦ᠍ ᠶᠡᠬᠡ ᠯᠡ ᠵᠣᠪᠠᠳᠠᠭ ᠪᠠᠢᠭᠰᠠᠨ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠬᠡᠳᠦ ᠤᠳᠠᠭᠠ ᠠᠭᠤᠯᠵᠠᠭᠰᠠᠨ ᠪᠣᠯᠪᠠᠴᠤ ᠬᠠᠷᠢᠨ ᠤᠷᠢᠳᠤ ᠤᠷᠢᠳᠤ ᠠ᠋ᠴᠠ ᠪᠠᠨ ᠢᠯᠡᠭᠦᠦ ᠳᠣᠷᠣᠢᠳᠣᠪᠠ᠃ ᠰᠡᠭᠦᠯ ᠳ᠋ᠦ᠍ ᠲᠡᠷᠡ ᠨᠠᠢᠵᠠ ᠪᠠᠷᠤᠭ ᠬᠦᠴᠦ ᠪᠡᠷ ᠰᠢᠬᠠᠭᠤ ᠦᠵᠡᠭᠦᠯᠬᠦ ᠭᠡᠵᠦ ᠣᠷᠣᠯᠳᠣᠪᠠ᠃ ᠪᠢ ᠵᠣᠪᠠᠵᠤ ᠵᠣᠪᠠᠵᠤ ᠬᠡᠯᠡᠵᠦ ᠪᠠᠢᠭᠠ ᠮᠢᠨᠢ ᠡᠨᠡ᠃ ᠶᠠᠮᠠᠷ ᠨᠢᠭᠡᠨ ᠡᠪᠡᠳᠴᠢᠨ ᠢ᠋ᠶ᠋ᠡᠨ ᠨᠢᠭᠤᠨᠠ ᠭᠡᠳᠡᠭ ᠢ᠋ᠶ᠋ᠡᠨ ᠣᠢᠯᠠᠭᠠᠬᠤ ᠮᠥᠷᠲᠡᠭᠡᠨ ᠢᠴᠢᠵᠦ ᠵᠣᠪᠠᠬᠤ ᠶ᠋ᠢᠨ ᠲᠤᠢᠯ ᠠ᠋ᠴᠠ ᠭᠠᠷᠴᠤ ᠴᠢᠳᠠᠯ ᠦᠭᠡᠢ ᠡᠳᠦᠢ ᠬᠦᠷᠦᠯᠡ᠃ 39 ᠵᠢᠯ ᠥᠪᠡᠷ ᠢ᠋ ᠪᠡᠨ ᠵᠣᠪᠠᠭᠠᠵᠤ ᠶᠠᠪᠤᠨᠠ᠁ ᠭᠡᠵᠦ ᠪᠢᠯᠡ᠃
ᠢᠩᠭᠢᠬᠦᠯᠡᠷ᠂ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠨᠢ ᠡᠷᠡᠭᠲᠡᠢ ᠬᠥᠮᠦᠨ ᠥᠪᠡᠷ ᠢ᠋ ᠪᠡᠨ ᠵᠢᠩᠬᠢᠨᠢ ᠡᠷᠡ ᠬᠥᠮᠦᠨ ᠮᠥᠨ ᠡᠰᠡᠬᠦ ᠶ᠋ᠢ ᠦᠵᠡᠭᠦᠯᠬᠦ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠡᠭᠦᠷᠭᠡ ᠲᠡᠢ᠃ ᠴᠣᠬᠣᠮ ᠡᠭᠦᠨ ᠢ᠋ ᠡᠨᠡ ᠵᠢᠰᠢᠶᠠ ᠬᠠᠷᠠᠭᠤᠯᠵᠤ ᠪᠠᠢᠭᠠ ᠪᠠᠷ ᠢ᠋ᠶ᠋ᠠᠨ ᠨᠡᠩ ᠰᠤᠷᠭᠠᠮᠵᠢ ᠲᠠᠢ ᠶᠤᠮ᠃ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠠᠮᠵᠢᠯᠲᠠ ᠲᠠᠢ ᠪᠣᠯ《ᠶᠠᠭᠠᠬᠢᠬᠤ ᠪᠣᠯ》 ᠠᠢᠳᠠᠰ ᠡᠷᠡᠭᠡᠯᠵᠡᠭᠡ ᠠᠷᠢᠯᠵᠤ ᠴᠠᠭᠠᠰᠢ ᠪᠦᠬᠦ ᠶᠠᠭᠤᠮᠠ《ᠳᠠᠷᠳᠠᠩ》 ᠪᠣᠯᠤᠨᠠ᠃ ᠪᠦᠲᠦᠯ ᠦᠭᠡᠢ ᠯᠡ ᠪᠣᠯᠪᠠᠯ ᠬᠠᠮᠤᠭ ᠶᠠᠭᠤᠮᠠ ᠪᠠᠯᠠᠷᠠᠬᠤ ᠨᠢ ᠲᠡᠷᠡ᠃ ᠠᠮᠢᠳᠤᠷᠠᠯ ᠳ᠋ᠤ᠌ ᠠᠩᠬᠠ ᠤᠳᠠᠭᠠ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠡᠩᠭᠡᠷ ᠵᠥᠷᠢᠭᠦᠯᠵᠦ ᠪᠠᠢᠭᠠ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠲᠦᠷᠭᠡᠨ ᠠᠯᠳᠠᠵᠤ ᠳᠤᠷᠠ ᠨᠢ ᠬᠤᠷᠳᠤᠨ ᠬᠠᠨᠴᠢᠬᠠᠳᠠᠭ᠃ ᠡᠨᠡ ᠪᠣᠯ ᠡᠪᠡᠳᠴᠢᠨ ᠪᠢᠰᠢ᠃ ᠡᠷᠡᠭᠦᠯ ᠰᠠᠷᠠᠭᠤᠯ ᠯᠠ ᠪᠣᠯ ᠠᠩᠬᠠ ᠬᠥᠮᠦᠨ ᠲᠡᠢ ᠣᠢᠷᠠᠳᠬᠤ ᠳ᠋ᠤ᠌ ᠢᠩᠭᠢᠬᠦ ᠯᠡ ᠤᠴᠢᠷ ᠲᠠᠢ᠃ ᠡᠭᠦᠨ ᠡᠴᠡ ᠠᠶᠤᠬᠤ ᠶ᠋ᠢᠨ ᠬᠡᠷᠡᠭ ᠣᠭᠲᠣᠬᠠᠨ ᠠᠯᠠᠭᠠ᠃ ᠭᠡᠲᠡᠯᠡ 《ᠢᠩᠭᠢᠭᠡᠳ ᠪᠠᠢᠬᠤ ᠶᠤᠮ ᠪᠣᠯ ᠶᠠᠭᠠᠬᠢᠬᠤ ᠶᠤᠮ ᠪᠣᠢ》 ᠭᠡᠰᠡᠨ ᠬᠥᠮᠦᠨ ᠵᠥᠩᠳᠡᠭᠡᠨ ᠲᠠᠭᠠᠷᠠᠯᠳᠤᠳᠠᠭ᠃ ᠡᠭᠦᠨ ᠡᠴᠡ ᠡᠭᠦᠨ ᠦ᠌ ᠤᠴᠢᠷ ᠨᠠᠴᠢᠷ ᠢ᠋ ᠳᠣᠣᠷᠠ ᠲᠠᠢᠯᠪᠤᠷᠢᠯᠠᠶᠠ᠃
ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠡᠩᠭᠡᠷ ᠵᠥᠷᠢᠭᠦᠯᠵᠦ ᠦᠵᠡᠭᠡ ᠦᠭᠡᠢ ᠪᠤᠶᠤ ᠲᠣᠭᠲᠠᠮᠠᠯ《ᠡᠢᠮᠦ》ᠬᠠᠷᠢᠴᠠᠭᠠᠨ ᠳ᠋ᠤ᠌ ᠣᠷᠣᠭᠠ ᠦᠭᠡᠢ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠮᠠᠰᠢ ᠬᠦᠴᠦᠲᠡᠢ ᠪᠠᠢᠳᠠᠭ᠃ ᠡᠨᠡ ᠨᠢ ᠲᠡᠭᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠬᠡᠳᠦ ᠬᠤᠷᠠᠯᠳᠤᠭᠰᠠᠨ ᠲᠠᠢ (ᠬᠤᠷᠠᠮᠳᠠᠭᠤᠯᠤᠭᠳᠠᠭᠰᠠᠨ) ᠲᠠᠢ ᠬᠣᠯᠪᠣᠭᠠ ᠲᠠᠢ᠃ ᠲᠡᠢᠮᠦ ᠡᠴᠡ ᠵᠥᠪᠬᠡᠨ《ᠶᠠᠮᠠᠷ ᠪᠠᠢᠳᠠᠭ ᠪᠣᠯ》 ᠭᠡᠵᠦ ᠪᠣᠳᠣᠬᠤ ᠲᠡᠳᠦᠢ ᠳ᠋ᠦ᠍ ᠯᠡ ᠬᠠᠮᠤᠭ ᠪᠡᠶᠡ ᠨᠢ ᠬᠠᠴᠢᠨ ᠪᠣᠯᠳᠠᠭ᠃ ᠨᠥᠭᠥᠭᠡᠲᠡᠭᠡᠭᠦᠷ᠂ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠶ᠋ᠢ ᠳᠣᠲᠣᠷᠠ ᠪᠠᠨ ᠤᠳᠠᠭᠠᠨ ᠬᠦᠰᠡᠨ ᠬᠦᠯᠢᠶᠡᠵᠦ ᠪᠠᠢᠭᠠᠳ ᠠᠩᠬᠠ ᠤᠳᠠᠭᠠ ᠨᠢᠴᠦᠭᠦᠨ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢ ᠨᠢᠳᠦ ᠪᠡᠷ ᠬᠠᠷᠠᠬᠤ ᠳ᠋ᠤ᠌ ᠰᠠᠷᠠᠯ ᠬᠦᠴᠦᠲᠡᠢ ᠬᠥᠳᠡᠯᠵᠦ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠬᠤᠷᠳᠤᠨ ᠳᠤᠷᠠ ᠬᠠᠨᠳᠠᠭ᠃ ᠡᠢᠮᠦ ᠪᠠᠢᠳᠠᠯ ᠪᠡᠯᠭᠡ ᠶ᠋ᠢᠨ ᠬᠠᠷᠢᠴᠠᠭᠠ ᠵᠢᠭᠳᠡᠷᠡᠵᠦ᠂ ᠲᠣᠭᠲᠠᠮᠠᠯᠵᠢᠬᠤ ᠬᠦᠷᠲᠡᠯᠡ ᠬᠠᠳᠠᠭᠠᠯᠠᠭᠳᠠᠨᠠ᠃
ᠠᠩᠬᠠ ᠤᠳᠠᠭᠠ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠠᠷᠠᠭᠠ ᠬᠠᠷᠠᠵᠤ ᠬᠡᠷᠬᠢᠬᠦ ᠡᠪ ᠢ᠋ᠶ᠋ᠡᠨ ᠣᠯᠬᠤ ᠦᠭᠡᠢ ᠪᠤᠳᠤᠯᠢᠨ ᠰᠠᠭᠤᠭᠠ ᠵᠠᠯᠠᠭᠤ ᠬᠠᠷᠠ ᠬᠦᠦ ᠪᠢᠲᠡᠭᠡᠢ ᠬᠡᠯᠡ᠂ ᠬᠠᠨᠢ ᠲᠠᠢ ᠪᠣᠯᠤᠭᠠᠳ ᠨᠡᠯᠢᠶᠡᠳ ᠬᠡᠳᠦᠨ ᠵᠢᠯ ᠦ᠋ᠨ ᠨᠢᠭᠤᠷ ᠦᠵᠡᠭᠰᠡᠨ ᠬᠠᠰᠢᠷ ᠳᠣᠬᠢ ᠨᠢᠭᠡ ᠨᠢ ᠬᠦᠷᠲᠡᠯᠡ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠦᠭᠡᠢ ᠤᠳᠠᠪᠠᠯ ᠮᠥᠨ ᠯᠡ ᠡᠢᠮᠦ《ᠵᠣᠪᠠᠯᠠᠩ》 ᠲᠠᠢ ᠤᠴᠠᠷᠠᠨᠠ᠃ ᠢᠩᠭᠢᠬᠦᠯᠡᠷ ᠬᠤᠷᠳᠤᠨ ᠬᠠᠩᠬᠤ ᠭᠡᠭᠴᠢ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠪᠢᠰᠢ᠂ ᠣᠯᠠᠨ ᠬᠣᠨᠣᠭ ᠰᠠᠷᠠ ᠰᠣᠢᠭᠳᠠᠭᠰᠠᠨ ᠤ᠋ ᠬᠢ ᠠᠵᠤᠭᠤ᠃ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠤᠯᠠᠮ ᠣᠯᠠᠳᠠᠬᠤ ᠲᠣᠰᠤᠮ ᠲᠡᠭᠦᠨ ᠦ᠌ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠤᠷᠲᠤᠰᠴᠤ ᠲᠣᠭᠠ ᠨᠢ ᠴᠥᠭᠡᠳᠬᠦ ᠲᠣᠰᠤᠮ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠨᠢ ᠪᠣᠭᠣᠨᠢᠰᠳᠠᠭ ᠵᠢᠮᠡ ᠲᠡᠢ ᠶ᠋ᠢ ᠬᠥᠮᠦᠨ ᠪᠦᠬᠦᠨ ᠣᠢᠯᠭᠠᠬᠤ ᠬᠡᠷᠡᠭᠲᠡᠢ᠃ ᠡᠢᠮᠦ ᠡᠴᠡ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠠᠩᠬᠠ《ᠬᠥᠯ ᠭᠢᠰᠬᠢᠵᠦ》 ᠪᠠᠢᠭᠠ ᠡᠷᠡ ᠬᠥᠮᠦᠨ ᠦ᠌《ᠵᠣᠪᠠᠯᠠᠩ》 ᠢ᠋ ᠣᠢᠯᠭᠠᠬᠤ ᠦᠭᠡᠢ᠂《ᠴᠢ ᠴᠢᠳᠠᠳᠠᠭ ᠦᠭᠡᠢ ᠶᠦᠮ ᠤᠤ! ᠶᠠᠭᠠᠬᠢᠭᠰᠠᠨ ᠪᠤᠯᠢᠴᠢᠬᠠᠭᠰᠠᠨ ᠡᠷᠡ ᠪᠣᠢ?》 ᠭᠡᠪᠡᠯ ᠡᠭᠦᠨ ᠰᠢᠭ ᠬᠠᠲᠠᠭᠤ ᠦᠭᠡ ᠡᠷᠡ ᠬᠥᠮᠦᠨ ᠳ᠋ᠦ᠍ ᠥᠷᠲᠥᠨᠡ ᠭᠡᠵᠦ ᠤᠤ! ᠶᠡᠷᠦᠨᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠲᠣᠭᠯᠠᠭᠠᠮ ᠱᠣᠭᠯᠠᠭᠠᠮ ᠢ᠋ᠶ᠋ᠠᠷ ᠴᠦ᠍ ᠶᠤᠮ ᠤᠤ᠂ ᠬᠣᠶᠠᠭᠤᠯᠠᠬᠠᠨ ᠢ᠋ᠶ᠋ᠠᠨ ᠪᠠᠢᠬᠤ ᠳ᠋ᠤ᠌ ᠴᠦ᠍ ᠶᠤᠮ ᠤᠤ᠂ ᠲᠡᠷᠡ ᠲᠣᠰᠤᠮ ᠢ᠋ᠶ᠋ᠠᠨ ᠭᠠᠳᠠᠨᠠᠬᠢ ᠬᠥᠮᠦᠨ ᠦ᠌ ᠳᠡᠷᠭᠡᠳᠡ《ᠴᠢᠳᠠᠳᠠᠭ ᠴᠢᠳᠠᠳᠠᠭ ᠦᠭᠡᠢ》 ᠪᠡᠷ ᠨᠢ ᠵᠢᠮᠡᠯᠡᠬᠦ᠂ ᠡᠯᠡᠭᠯᠡᠬᠦ ᠶ᠋ᠢᠨ ᠠᠯᠢ ᠨᠢ ᠴᠦ᠍ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠵᠦᠢᠯ᠃ ᠡᠨᠡ ᠪᠣᠯ ᠡᠷᠡ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠳ᠋ᠦ᠍ ᠶᠠᠭᠤᠲᠠᠢ ᠴᠦ᠍ ᠵᠦᠢᠷᠯᠡᠰᠢ ᠦᠭᠡᠢ ᠬᠦᠴᠦᠲᠡᠢ ᠰᠡᠳᠬᠢᠯ ᠦ᠋ᠨ ᠴᠣᠬᠢᠯᠲᠠ ᠥᠭᠭᠦᠨᠡ᠃ ᠬᠠᠢᠷᠠ ᠲᠠᠢ ᠳᠤᠷᠠ ᠲᠠᠢ ᠭᠡᠳ ᠰᠠᠭᠤᠭᠰᠠᠨ ᠠ᠋ᠴᠠ ᠬᠣᠢᠰᠢ ᠬᠠᠨᠢᠯᠠᠭᠰᠠᠨ ᠬᠠᠨᠢ ᠶ᠋ᠢᠨ ᠵᠣᠪᠠᠬᠤ᠂ ᠵᠦᠳᠡᠷᠡᠬᠦ ᠴᠠᠭ ᠲᠤ᠌ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ᠶ᠋ᠡᠷ ᠲᠤᠰᠠ ᠳᠠᠮ ᠪᠣᠯᠪᠠᠯ ᠡᠷᠡ ᠬᠥᠮᠦᠨ ᠬᠡᠴᠢᠨᠡᠨ ᠶᠡᠬᠡ ᠪᠠᠶᠠᠷᠯᠠᠬᠤ ᠪᠣᠯ ᠠ᠋᠃ ᠠᠮᠠᠷᠠᠭ ᠰᠡᠳᠬᠢᠯ ᠢ᠋ᠶ᠋ᠡᠷ ᠲᠣᠯᠣᠭᠠᠢ ᠬᠣᠯᠪᠣᠵᠤ ᠠᠵᠠᠢ ᠪᠤᠭᠤᠷᠤᠯ ᠪᠣᠯᠲᠠᠯᠠ ᠪᠠᠨ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠶ᠋ᠢ ᠬᠡᠵᠢᠶᠡ ᠴᠦ᠍ ᠳᠤᠲᠠᠭᠤ ᠦᠨᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠡᠬᠡᠨᠡᠷ ᠦ᠋ᠨ ᠢ᠋ᠶ᠋ᠡᠨ ᠤᠷᠮᠠ ᠬᠠᠢᠷᠠᠯᠠᠭᠰᠠᠨ ᠦᠭᠡᠨ ᠳ᠋ᠦ᠍ ᠡᠷᠡ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠨᠢ ᠰᠡᠷᠭᠦᠵᠦ᠂ ᠳᠤᠷᠠ ᠬᠦᠰᠡᠯ ᠨᠢ ᠤᠯᠠᠮ ᠠᠰᠠᠨᠠ᠃
ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠠᠩᠬᠠᠨ ᠤ᠋ ᠰᠥᠨᠢ᠂ ᠠᠩᠬᠠᠨ ᠤ᠋ ᠣᠢᠷᠠᠳᠤᠯᠲᠠ ᠪᠦᠷ ᠴᠦ᠍ ᠬᠡᠴᠡᠭᠦᠦ᠃ ᠶᠡᠷᠦᠨᠢ ᠠᠩᠬᠠᠨ ᠤ᠋ ᠶᠠᠭᠤᠮᠠ ᠪᠦᠬᠦᠨ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍(ᠠᠩᠬᠠᠨ ᠤ᠋ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ᠂ ᠠᠩᠬᠠᠨ ᠤ᠋ ᠰᠥᠨᠢ᠂ ᠠᠩᠬᠠᠨ ᠤ᠋ ᠲᠦᠷᠦᠯᠲᠡ) ᠠᠶᠤᠮᠰᠢᠭᠲᠠᠢ ᠰᠠᠨᠠᠭᠳᠠᠵᠤ ᠠᠢᠳᠠᠰ ᠲᠦᠷᠦᠭᠦᠯᠡᠵᠦ ᠪᠠᠢᠳᠠᠭ᠃ ᠠᠷᠢᠭᠤᠨ ᠪᠡᠶᠡ ᠦᠨᠡᠨᠴᠢ ᠬᠠᠢᠷᠠ ᠪᠠᠨ ᠵᠢᠷᠭᠠᠬᠤ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠥᠬᠢᠨ ᠬᠥᠮᠦᠨ ᠳ᠋ᠦ᠍ ᠨᠢᠭᠡ ᠲᠠᠯᠠ ᠠ᠋ᠴᠠ ᠪᠡᠶᠡ ᠶ᠋ᠢᠨ᠂ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠰᠡᠳᠬᠢᠯ ᠵᠦᠢ ᠶ᠋ᠢᠨ ᠬᠣᠶᠠᠷ ᠬᠡᠴᠡᠭᠦᠦ ᠪᠡᠷᠬᠡ《ᠳᠠᠪᠠᠭᠠ》 ᠲᠤᠯᠭᠠᠷᠠᠳᠠᠭ᠃ ᠤᠷᠢᠳᠤ ᠡᠮᠦᠨᠡ ᠨᠢ ᠪᠡᠶᠡ ᠪᠡᠷ ᠦᠵᠡᠭᠡ ᠦᠭᠡᠢ᠂ ᠮᠡᠳᠡᠬᠦ ᠦᠭᠡᠢ ᠶᠠᠭᠤᠮᠠ ᠭᠡᠳᠡᠭ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠵᠦᠢ ᠳ᠋ᠦ᠍ ᠬᠦᠨᠳᠦ ᠲᠤᠰᠬᠤ ᠨᠢ ᠠᠷᠭᠠ ᠦᠭᠡᠢ᠃ ᠲᠡᠷᠡ ᠲᠣᠰᠤᠮ ᠢ᠋ᠶ᠋ᠠᠨ ᠥᠬᠢᠨ ᠭᠡᠳᠡᠭ ᠡᠩᠬᠦᠷᠡᠢ ᠨᠡᠷᠡ ᠡᠴᠡ ᠪᠡᠨ ᠣᠷᠴᠢᠯᠠᠩ ᠤ᠋ᠨ ᠵᠢᠮᠡ ᠪᠡᠷ ᠬᠠᠰᠤᠭᠳᠠᠵᠤ ᠪᠠᠢᠭᠠ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠳᠣᠲᠣᠷᠠ ᠠᠶᠤᠬᠤ᠂ ᠭᠠᠢᠬᠠᠬᠤ ᠵᠡᠷᠭᠡᠴᠡᠨ᠂ ᠬᠣᠷᠸᠠ ᠳᠡᠯᠡᠬᠡᠢ ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠠᠵᠠᠢᠴᠢᠬᠠᠬᠤ ᠰᠢᠭ᠋ ᠰᠠᠨᠠᠭᠳᠠᠨᠠ᠃ ᠡᠮᠡᠭᠲᠡᠢ ᠬᠥᠮᠦᠨ ᠠᠩᠬᠠᠨ ᠤ᠋ ᠰᠥᠨᠢ ᠡᠢᠮᠦ ᠯᠡ ᠡᠮᠵᠡᠭᠬᠡᠨ ᠪᠠᠢᠳᠠᠭ᠃ ᠡᠢᠮᠦ ᠡᠴᠡ ᠡᠷᠡᠭᠲᠡᠢ ᠬᠥᠮᠦᠨ ᠬᠠᠢᠷᠠ ᠰᠡᠳᠬᠢᠯ ᠢ᠋ᠶ᠋ᠡᠷ ᠲᠦᠷᠦᠭᠦᠦ ᠪᠠᠷᠢᠵᠤ᠂ ᠬᠠᠪᠢᠳᠠᠵᠤ ᠣᠢᠷᠠᠳᠬᠤ ᠶ᠋ᠢ ᠤᠷᠢᠳᠠᠯ ᠪᠣᠯᠭᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠥᠪᠡᠷ ᠲᠡᠭᠡᠨ ᠨᠣᠭᠳᠠᠵᠤ ᠪᠠᠢᠭᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠰᠠᠢᠲᠤᠷ ᠤᠬᠠᠭᠠᠷᠠᠵᠤ ᠪᠦᠰᠡᠭᠦᠢ ᠬᠥᠮᠦᠨ ᠢ᠋ ᠬᠠᠢᠷᠠᠯᠠᠬᠤ᠂ ᠡᠷᠬᠢᠮᠯᠡᠨ ᠳᠡᠭᠡᠳᠦᠯᠡᠬᠦ ᠢᠯᠪᠢ ᠤᠬᠠᠭᠠᠨ ᠳ᠋ᠤ᠌ ᠲᠡᠭᠦᠰ ᠲᠡᠭᠦᠯᠳᠡᠷ ᠪᠣᠯᠪᠠᠰᠤᠷᠠᠭᠰᠠᠨ ᠪᠠᠢᠬᠤ ᠤᠴᠢᠷ ᠲᠠᠢ᠃ ᠲᠡᠭᠡᠭᠰᠡᠨ ᠴᠠᠭ ᠲᠤ᠌ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠠᠩᠬᠠᠨ ᠤ᠋ ᠣᠢᠷᠠᠳᠤᠯᠲᠠ ᠪᠠᠢᠭᠠᠯᠢ ᠶ᠋ᠢᠨ ᠵᠢᠮᠡ ᠶᠣᠰᠣ ᠪᠣᠯᠤᠨ ᠵᠥᠪ ᠵᠦᠭᠡᠷ ᠥᠩᠭᠡᠷᠡᠨᠡ᠃ ᠭᠡᠲᠡᠯᠡ ᠠᠩᠬᠠᠨ ᠤ᠋ ᠣᠢᠷᠠᠳᠤᠯᠲᠠ ᠶ᠋ᠢᠨ ᠳᠠᠷᠠᠭᠠ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠤᠷᠮᠠ ᠬᠤᠭᠤᠷᠠᠵᠤ ᠬᠠᠷᠠᠭᠤᠰᠤᠨ ᠬᠠᠯᠬᠠᠯᠠᠬᠤ ᠲᠡᠷᠡ ᠪᠦᠦ ᠬᠡᠯᠡ ᠡᠷᠡᠭᠲᠡᠢ ᠬᠥᠮᠦᠨ ᠢ᠋ ᠵᠢᠭᠰᠢᠨ ᠵᠢᠪᠡᠭᠦᠴᠡᠬᠦ ᠰᠡᠳᠬᠢᠯ ᠲᠥᠷᠥᠬᠦ ᠨᠢ ᠴᠥᠭᠡᠨ ᠦᠭᠡᠢ᠂ ᠡᠨᠡ ᠪᠣᠯ ᠨᠢᠭᠡ ᠲᠠᠯᠠ ᠪᠠᠷ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠠᠢᠷᠠ ᠰᠡᠳᠬᠢᠯ ᠦ᠋ᠨ ᠪᠢᠴᠢᠭᠳᠡᠭᠡ ᠦᠭᠡᠢ ᠬᠠᠤᠯᠢ ᠶ᠋ᠢ ᠪᠦᠳᠦᠭᠦᠯᠢᠭ ᠢ᠋ᠶ᠋ᠡᠷ ᠵᠥᠷᠢᠴᠡᠵᠦ᠂ ᠵᠥᠪᠬᠡᠨ ᠬᠦᠰᠡᠯ ᠢ᠋ᠶ᠋ᠡᠨ ᠯᠡ ᠬᠠᠩᠭᠠᠬᠤ ᠶ᠋ᠢ ᠡᠷᠡᠮᠡᠯᠵᠡᠨ᠂ ᠬᠦᠴᠦ ᠪᠡᠷ ᠲᠦᠷᠦᠭᠦᠦ ᠪᠠᠷᠢᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ᠂ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠡᠴᠢᠭᠡ ᠡᠬᠡᠴᠦᠳ᠂ ᠪᠠᠭᠰᠢ᠂ ᠡᠮᠴᠢ ᠨᠠᠷ ᠥᠬᠢᠳ ᠬᠥᠪᠡᠭᠦᠳ ᠲᠦ᠍ ᠭᠡᠷ ᠪᠦᠯᠢ᠂ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠵᠣᠬᠢᠬᠤ ᠬᠥᠮᠦᠵᠢᠯ᠂ ᠮᠡᠳᠡᠯᠭᠡ ᠣᠯᠭᠣᠬᠤ ᠦᠭᠡᠢ᠂ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠵᠠᠢᠯᠠᠪᠤᠷᠢ ᠦᠭᠡᠢ ᠳᠠᠭᠠᠷᠢᠵᠤ ᠭᠠᠷᠳᠠᠭ ᠵᠢᠮᠡ ᠶᠣᠰᠣ ᠭᠡᠳᠡᠭ ᠢ᠋ ᠡᠯᠢᠭᠡᠰᠡᠭ ᠳᠣᠲᠣᠨᠣ᠂ ᠡᠩ ᠦ᠋ᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠲᠠᠢᠯᠪᠤᠷᠢᠯᠠᠨ ᠬᠡᠯᠡᠵᠦ ᠥᠭᠭᠦᠭᠡ ᠦᠭᠡᠢ ᠲᠡᠢ ᠰᠠᠯᠤᠰᠢ ᠦᠭᠡᠢ ᠬᠣᠯᠪᠣᠭᠠ ᠲᠠᠢ᠃
ᠭᠡᠷ ᠪᠦᠯᠢ ᠶ᠋ᠢᠨ ᠬᠤᠪᠢ ᠵᠠᠶᠠᠭᠠ ᠠᠩᠬᠠᠨ ᠤ᠋ ᠰᠥᠨᠢ ᠡᠴᠡ ᠶᠡᠬᠡᠬᠡᠨ ᠰᠢᠯᠲᠠᠭᠠᠯᠠᠳᠠᠭ ᠤᠴᠢᠷ ᠠ᠋ᠴᠠ ᠲᠡᠭᠦᠨ ᠳ᠋ᠦ᠍ ᠡᠷᠡᠭᠲᠡᠢ ᠬᠥᠮᠦᠨ ᠬᠥᠩᠭᠡᠮᠰᠦᠭ᠂ ᠬᠠᠭᠤᠮᠠᠭᠠᠢ ᠬᠠᠨᠳᠤᠵᠤ ᠬᠡᠷᠬᠢᠪᠡᠴᠦ ᠪᠣᠯᠬᠤ ᠦᠭᠡᠢ᠃ ᠡᠷᠢᠶᠡᠨ ᠪᠠᠷᠠᠭᠠᠨ ᠥᠩᠭᠡᠲᠡᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠣᠭᠲᠣ ᠠᠯᠳᠠᠬᠤ ᠦᠭᠡᠢ ᠲᠠᠩᠳᠠ ᠤᠨᠤᠬᠤ ᠶ᠋ᠢᠨ ᠪᠠᠲᠤᠯᠠᠭᠠ ᠬᠡᠨ ᠳ᠋ᠦ᠍ ᠴᠦ᠍ ᠦᠭᠡᠢ᠃ ᠲᠡᠢᠮᠦ ᠪᠣᠯᠬᠣᠷ ᠠᠯᠳᠠᠵᠤ ᠤᠨᠤᠬᠤ ᠨᠢ ᠪᠠᠢᠳᠠᠭ ᠶᠠᠭᠤᠮᠠ ᠪᠠᠨ ᠭᠡᠭᠡᠬᠦ ᠳ᠋ᠦ᠍ ᠠᠩᠬᠠᠨ ᠤ᠋ ᠰᠥᠨᠢ ᠶ᠋ᠢᠨ ᠶᠠᠪᠤᠳᠠᠯ ᠠ᠋ᠴᠠ ᠬᠣᠢᠰᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠣᠲᠣᠷᠠ ᠡᠷᠡ ᠬᠥᠮᠦᠨ ᠢ᠋ ᠦᠵᠡᠨ ᠶᠠᠳᠠᠬᠤ᠂ ᠵᠢᠭᠰᠢᠨ ᠵᠢᠪᠡᠭᠦᠴᠡᠬᠦ ᠰᠡᠳᠬᠢᠯ ᠦᠯᠡᠳᠡᠵᠦ ᠬᠣᠴᠣᠷᠪᠠᠯ ᠮᠣᠷᠳᠠᠬᠤ ᠶ᠋ᠢᠨ ᠬᠠᠵᠠᠭᠠᠢ ᠭᠡᠭᠴᠢ ᠪᠡᠷ ᠭᠡᠷ ᠪᠦᠯᠢ ᠶ᠋ᠢᠨ ᠴᠢᠨᠠᠭᠰᠢᠳᠠ ᠶ᠋ᠢᠨ ᠬᠤᠪᠢ ᠵᠠᠶᠠᠭᠠ ᠳ᠋ᠤ᠌ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠨᠡ᠃ ᠡᠨᠡ ᠬᠣᠷᠸᠠ ᠳ᠋ᠤ᠌ ᠠᠩᠬᠠ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠬᠥᠮᠦᠨ ᠲᠡᠢ ᠪᠡᠨ ᠠᠮᠢᠳᠤᠷᠠᠨ ᠰᠠᠭᠤᠵᠤ ᠪᠠᠢᠭᠠ ᠬᠥᠮᠦᠨ ᠠᠯᠢ ᠬᠢᠷᠢ ᠣᠯᠠᠨ ᠪᠠᠢᠳᠠᠭ ᠪᠣᠯ? ᠭᠡᠳᠡᠭ ᠢ᠋ ᠰᠤᠳᠤᠯᠤᠨ ᠦᠵᠡᠬᠦ ᠳ᠋ᠦ᠍᠂ ᠰᠤᠳᠤᠯᠭᠠᠨ ᠳ᠋ᠤ᠌ ᠬᠠᠮᠤᠷᠤᠭᠳᠠᠭᠰᠠᠨ ᠡᠮᠡᠭᠲᠡᠢᠴᠦᠳ ᠦ᠋ᠨ46.3 ᠬᠤᠪᠢ ᠵᠠᠶᠠᠭᠠ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠠᠯᠳᠠᠵᠠᠢ᠃ ᠡᠨᠡ ᠨᠢ ᠶᠡᠬᠡᠪᠴᠢᠯᠡᠨ ᠴᠢᠨᠠᠳᠤ ᠬᠥᠮᠦᠨ ᠢ᠋ᠶ᠋ᠡᠨ ᠰᠠᠢᠨ ᠲᠠᠨᠢᠵᠤ ᠮᠡᠳᠡᠭᠡ ᠦᠭᠡᠢ ᠪᠠᠢᠵᠤ ᠠᠮᠢᠳᠤᠷᠠᠯ ᠳ᠋ᠤ᠌ ᠡᠷᠲᠡ ᠣᠷᠣᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ᠃ ᠡᠢᠮᠦ ᠳ᠋ᠦ᠍ ᠥᠬᠢᠨ ᠪᠡᠶᠡ ᠪᠡᠨ ᠬᠥᠨᠳᠡᠬᠦ ᠨᠠᠰᠤᠨ ᠤ᠋ ᠬᠠᠨᠢ ᠲᠠᠢ ᠪᠠᠨ ᠤᠴᠠᠷᠠᠵᠤ ᠭᠠᠯ ᠭᠣᠯᠣᠮᠲᠠ ᠪᠠᠨ ᠠᠰᠠᠭᠠᠨ ᠳᠡᠷᠡ ᠨᠡᠢᠯᠡᠭᠦᠯᠬᠦ ᠬᠦᠷᠲᠡᠯᠡ ᠪᠡᠨ ᠥᠬᠢᠨ ᠨᠡᠷᠡ ᠲᠥᠷᠥ ᠪᠡᠨ ᠬᠠᠮᠠᠭᠠᠯᠠᠵᠤ ᠶᠠᠪᠤᠬᠤ ᠶ᠋ᠢ ᠡᠷᠬᠢᠮᠯᠡ᠃ ᠶᠠᠭᠠᠷᠠᠪᠠᠯ ᠲᠠᠭᠠᠷᠳᠠᠭ ᠬᠣᠷᠸᠠ ᠬᠣᠢᠨᠠ ᠥᠬᠢᠨ ᠢ᠋ᠶ᠋ᠡᠨ ᠬᠠᠰᠢᠷ ᠬᠡᠷᠡᠰᠦ ᠪᠣᠯᠭᠠᠨ ᠬᠥᠮᠦᠵᠢᠭᠦᠯᠬᠦ ᠨᠢ ᠲᠤᠩ ᠴᠢᠬᠤᠯᠠ᠃ ᠲᠡᠭᠡᠬᠦ ᠠᠮᠢᠳᠤᠷᠠᠯ ᠦᠵᠡᠵᠦ ᠬᠣᠣᠰ ᠤ᠋ᠨ ᠵᠢᠷᠭᠠᠯ ᠡᠳ᠋ᠯᠡᠭᠡ ᠦᠭᠡᠢ ᠪᠠᠢᠬᠤ ᠳ᠋ᠠᠭᠠᠨ ᠪᠤᠲᠠᠴᠢ ᠦᠷᠡ ᠲᠡᠪᠡᠷᠢᠨ ᠰᠡᠳᠬᠢᠯ ᠦ᠋ᠨ ᠵᠣᠪᠠᠯᠠᠩ ᠳ᠋ᠤ᠌ ᠤᠨᠠᠵᠤ ᠮᠡᠳᠡᠬᠦ ᠶ᠋ᠢ ᠬᠡᠨ ᠤᠷᠢᠳᠠ ᠨᠢ ᠳᠠᠭᠠᠬᠤ ᠪᠢᠯᠡ᠃ ᠭᠠᠢ ᠭᠠᠵᠠᠷ ᠳᠣᠣᠷᠠ ᠠ᠋ᠴᠠ ᠭᠡᠳᠡᠭ ᠢ᠋ᠶ᠋ᠡᠷ ᠥᠬᠢᠨ ᠬᠥᠮᠦᠨ ᠨᠢᠭᠡ ᠭᠱᠠᠨ ᠳ᠋ᠤ᠌ ᠠᠯᠳᠠᠳᠠᠭ ᠶᠤᠮ ᠰᠢᠦ᠃ ᠬᠠᠷᠠᠮᠰᠠᠯᠲᠠᠢ ᠨᠢ ᠠᠩᠬᠠᠨ ᠤ᠋ ᠰᠥᠨᠢ ᠠᠬᠢᠭᠠᠳ ᠬᠡᠵᠢᠶᠡ ᠴᠦ᠍ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ᠃ ᠬᠡᠷᠪᠡ ᠢᠲᠡᠭᠡᠵᠦ ᠨᠠᠢᠳᠠᠵᠤ ᠶᠠᠪᠤᠭᠰᠠᠨ ᠬᠥᠮᠦᠨ ᠴᠢᠨᠢ ᠠᠮᠠᠯᠠᠭᠰᠠᠨ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠠ᠋ᠴᠠ ᠪᠠᠨ ᠨᠢᠴᠤᠵᠤ᠂ ᠢᠲᠡᠭᠡᠯ ᠡᠪᠳᠡᠪᠡᠯ ᠬᠠᠭᠤᠷᠲᠠᠭᠰᠠᠨ ᠳ᠋ᠠᠭᠠᠨ ᠬᠠᠷᠠᠮᠰᠠᠨ ᠬᠠᠯᠬᠠᠯᠠᠵᠤ᠂ ᠶᠣᠰᠣᠲᠠᠢ ᠶᠠᠭᠠᠬᠢᠬᠤ ᠤᠴᠢᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ᠂ ᠵᠦᠳᠡᠵᠦ ᠶᠠᠪᠤᠭᠰᠠᠨ ᠵᠠᠮ ᠠ᠋ᠴᠠ ᠪᠠᠨ ᠬᠠᠵᠠᠢᠭᠠᠳ ᠶᠠᠪᠤᠴᠢᠬᠠᠮᠠᠷ ᠰᠠᠨᠠᠭᠳᠠᠵᠤ ᠪᠣᠯᠤᠨᠠ᠃ ᠲᠡᠷᠡ ᠴᠠᠭ ᠲᠤ᠌ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠣᠢ? ᠨᠢᠳᠦ ᠪᠡᠨ ᠣᠯᠤᠭᠠ ᠦᠭᠡᠢ ᠠᠩᠬᠠᠨ ᠤ᠋ ᠬᠠᠢᠷᠠ ᠠᠯᠢ ᠶ᠋ᠢ ᠨᠢ ᠲᠡᠷᠡ ᠭᠡᠬᠦᠪ᠃ ᠲᠡᠢᠮᠦ ᠡᠴᠡ ᠥᠪᠡᠷ ᠲᠡᠭᠡᠨ ᠭᠤᠲᠤᠷᠠᠵᠤ ᠭᠤᠨᠢᠯ ᠦᠭᠡᠢ᠂ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠠᠷᠢᠵᠤ᠂ ᠲᠡᠭᠡᠬᠦ ᠲᠣᠰᠤᠮ ᠥᠪᠡᠷ ᠢ᠋ ᠪᠡᠨ ᠤᠯᠠᠮ ᠥᠭᠡᠳᠡ ᠲᠠᠲᠠᠵᠤ᠂ ᠢᠷᠡᠭᠡᠳᠦᠢ ᠶ᠋ᠢᠨ ᠰᠠᠢᠨ ᠰᠠᠢᠬᠠᠨ ᠤ᠋ ᠪᠠᠨ ᠲᠥᠯᠥᠭᠡ ᠲᠡᠮᠡᠦᠯᠬᠦ ᠰᠡᠳᠬᠢᠯ ᠦ᠋ᠨ ᠲᠡᠩᠬᠡᠭᠡ ᠲᠠᠢ ᠯᠠ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠥᠨᠥᠳᠥᠷ ᠠᠯᠳᠠᠭᠰᠠᠨ ᠴᠦ᠍ ᠮᠠᠷᠭᠠᠰᠢ ᠵᠠᠶᠠᠭᠠᠨ ᠤ᠋ ᠬᠠᠨᠢ ᠲᠠᠢ ᠪᠠᠨ ᠤᠴᠠᠷᠠᠵᠤ᠂ ᠠᠮᠢᠳᠤ ᠶ᠋ᠢᠨ ᠵᠢᠷᠭᠠᠯ ᠡᠳ᠋ᠯᠡᠨᠡ ᠭᠡᠳᠡᠭ ᠲᠦ᠍ ᠪᠠᠲᠤ ᠢᠳᠡᠭᠡ! ᠭᠡᠪᠡᠴᠦ ᠲᠡᠭᠦᠨ ᠳ᠋ᠦ᠍ ᠪᠠᠰᠠ ᠶᠠᠷᠢᠬᠤ ᠬᠡᠷᠡᠭ ᠦᠭᠡᠢ᠃ ᠠᠵᠠ ᠵᠢᠷᠭᠠᠯ ᠬᠢᠮᠳᠠᠬᠠᠨ ᠣᠯᠳᠠᠬᠤ ᠦᠭᠡᠢ᠂ ᠲᠡᠭᠦᠨ ᠢ᠋ ᠲᠡᠰᠪᠦᠷᠢᠲᠡᠢ ᠬᠦᠯᠢᠶᠡᠭᠡᠷᠡᠢ᠃
ᠬᠠᠢᠷᠠ ᠪᠠᠨ ᠢᠯᠡᠴᠢᠯᠡᠵᠦ᠂ ᠬᠣᠷᠸᠠ ᠶ᠋ᠢ ᠬᠠᠮᠲᠤ ᠳ᠋ᠠᠭᠠᠨ ᠲᠤᠭᠤᠯᠬᠤ ᠬᠠᠨᠢ ᠲᠠᠢ ᠪᠠᠨ ᠠᠩᠬᠠ ᠳᠡᠷᠡ ᠨᠡᠢᠯᠡᠭᠦᠯᠬᠦ ᠳ᠋ᠦ᠍《ᠥᠬᠢᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠪᠠᠢᠭᠠᠰᠠᠢ》 ᠭᠡᠵᠦ ᠵᠠᠯᠠᠭᠤ ᠬᠥᠮᠦᠨ ᠪᠦᠷ ᠬᠦᠰᠡᠳᠡᠭ᠃ ᠭᠡᠲᠡᠯᠡ ᠲᠡᠷᠡ ᠪᠦᠰᠡᠭᠦᠢ ᠨᠢ ᠬᠠᠢᠷᠠᠲᠤ ᠬᠥᠮᠦᠨ ᠲᠡᠢ ᠪᠡᠨ ᠳᠡᠷᠡ ᠨᠡᠢᠯᠡᠭᠦᠯᠬᠦ ᠡᠴᠡ ᠡᠮᠦᠨᠡ ᠬᠡᠦᠬᠡᠨ ᠪᠣᠯᠴᠢᠬᠠᠭᠰᠠᠨ ᠪᠠᠢᠪᠠᠯ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠤᠤ? ᠭᠡᠳᠡᠭ ᠠᠰᠠᠭᠤᠯᠲᠠ ᠣᠯᠠᠨᠲᠠ ᠭᠠᠷᠳᠠᠭ᠃ ᠴᠢᠨᠠᠳᠤ ᠬᠥᠮᠦᠨ ᠳ᠋ᠡᠭᠡᠨ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠬᠠᠢᠷᠠᠲᠠᠢ ᠯᠠ ᠪᠣᠯ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠴᠢᠳᠠᠨᠠ ᠭᠡᠵᠦ ᠬᠠᠷᠢᠭᠤᠯᠤᠮᠠᠷ ᠪᠠᠢᠨᠠ᠃ ᠬᠡᠦᠬᠡᠨ ᠪᠣᠯᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠨᠢ ᠰᠠᠭᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠦ᠍ ᠠᠮᠢᠳᠤᠷᠠᠯ ᠲᠡᠷᠡ ᠪᠦᠬᠦᠨ ᠰᠠᠢᠬᠠᠨ ᠪᠣᠯᠳᠠᠭ ᠦᠭᠡᠢ᠃ ᠬᠠᠷᠠ ᠨᠢᠯᠬᠠ ᠠ᠋ᠴᠠ ᠪᠠᠨ ᠨᠢᠭᠡ ᠭᠡᠷ ᠲᠦ᠍ ᠣᠷᠣᠵᠤ ᠡᠳᠦᠢ ᠲᠡᠳᠦᠢ ᠬᠡᠦᠬᠡᠳ ᠦ᠋ᠨ ᠡᠴᠢᠭᠡ ᠡᠬᠡ ᠪᠣᠯᠴᠢᠬᠠᠭᠠᠳ ᠬᠠᠭᠠᠷᠠᠵᠤ ᠪᠤᠲᠠᠷᠠᠬᠤ ᠶ᠋ᠢ ᠠᠯᠢ ᠶ᠋ᠢ ᠲᠡᠷᠡ ᠭᠡᠬᠦᠪ᠃ ᠥᠬᠢᠨ ᠪᠢᠰᠢ ᠪᠢᠲᠡᠭᠡᠢ ᠬᠡᠯᠡ᠂ ᠬᠡᠦᠬᠡᠳ ᠲᠡᠢ ᠬᠥᠮᠦᠨ ᠲᠡᠢ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠶᠠᠪᠤᠭᠠ ᠬᠥᠮᠦᠨ ᠢ᠋ ᠴᠦ᠍ ᠪᠠᠰᠠ ᠠᠯᠢ ᠶ᠋ᠢ ᠨᠢ ᠬᠡᠯᠡᠵᠦ ᠪᠡᠷᠬᠡ ᠪᠢᠯᠡ᠃ ᠲᠡᠭᠡᠬᠦᠯᠡᠷ᠂ ᠨᠢᠭᠡᠨᠲᠡ ᠬᠠᠢᠷᠠᠲᠠᠢ ᠳᠤᠷᠠᠲᠠᠢ ᠭᠡᠳ ᠨᠢᠭᠡ ᠭᠡᠷ ᠲᠦ᠍ ᠣᠷᠣᠭᠰᠠᠨ ᠯᠠ ᠶᠤᠮ ᠪᠣᠯ ᠤᠷᠢᠳᠤ ᠡᠮᠦᠨᠡ ᠬᠢ ᠶᠠᠭᠤᠮᠠ ᠶ᠋ᠢ ᠰᠡᠬᠦᠬᠦ ᠬᠡᠷᠡᠭ ᠦᠭᠡᠢ᠃ ᠢᠩᠭᠢᠭᠰᠡᠨ ᠡᠴᠡ ᠬᠡᠨ ᠬᠡᠨ ᠦ᠌ ᠰᠡᠳᠬᠢᠯ ᠢ᠋ ᠰᠡᠪᠲᠦᠭᠡᠵᠦ ᠮᠠᠭᠤ ᠶᠠᠭᠤᠮᠠ ᠪᠣᠯᠬᠤ ᠠ᠋ᠴᠠ ᠰᠠᠢᠨ ᠶᠠᠭᠤᠮᠠ ᠪᠣᠯᠤᠨᠠ ᠭᠡᠵᠦ ᠬᠡᠵᠢᠶᠡ ᠴᠦ᠍ ᠦᠭᠡᠢ᠃ ᠭᠡᠪᠡᠴᠦ ᠡᠨᠡ ᠪᠣᠯ ᠵᠠᠶᠠᠭᠠᠨ ᠤ᠋ ᠬᠠᠨᠢ ᠪᠠᠨ ᠣᠯᠤᠭᠠ ᠦᠭᠡᠢ ᠪᠠᠢᠵᠤ ᠥᠬᠢᠨ ᠨᠡᠷᠡ ᠪᠡᠨ ᠥᠭᠡᠷᠡᠴᠢᠯᠡᠬᠦ ᠶ᠋ᠢ ᠵᠥᠪᠲᠦᠭᠡᠵᠦ ᠪᠠᠢᠬᠤ ᠶᠠᠭᠤᠮᠠ ᠣᠭᠲᠣ ᠪᠢᠰᠢ᠃ ᠶᠠᠭᠠᠬᠢᠬᠤᠪ᠂ ᠠᠮᠢᠳᠤᠷᠠᠯ ᠳ᠋ᠤ᠌ ᠬᠥᠮᠦᠨ ᠠᠯᠳᠠᠵᠤ ᠪᠣᠯᠤᠨᠠ᠂ ᠲᠡᠭᠦᠨ ᠢ᠋ᠶ᠋ᠡᠨ ᠢ᠋ᠶ᠋ᠡᠨ ᠳᠠᠭᠠᠷᠢᠵᠤ ᠳᠠᠪᠰᠢᠯᠠᠬᠤ ᠶ᠋ᠢᠨ ᠬᠡᠷᠡᠭ ᠦᠭᠡᠢ ᠭᠡᠰᠡᠨ ᠢ᠋ ᠯᠡ ᠬᠡᠯᠡᠬᠦ ᠭᠡᠰᠡᠨ ᠶᠦᠮ ᠰᠢᠦ᠃ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠥᠬᠢᠨ ᠬᠠᠯᠢᠰᠤ ᠤᠷᠠᠭᠳᠠᠭᠰᠠᠨ ᠠ᠋ᠴᠠ ᠪᠠᠭᠠ ᠡᠪᠡᠳᠴᠦ ᠴᠢᠰᠤ ᠭᠠᠷᠳᠠᠭ᠂ ᠭᠡᠪᠡᠴᠦ ᠡᠭᠦᠰᠬᠦ ᠡᠪᠡᠳᠦᠯᠲᠡ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠪᠦᠷᠢ ᠳ᠋ᠦ᠍ ᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠨᠠ᠃ ᠡᠨᠡ ᠨᠢ ᠥᠬᠢᠨ ᠬᠠᠯᠢᠰᠤᠨ ᠤ᠋ ᠵᠤᠵᠠᠭᠠᠨ᠂ ᠨᠢᠮᠭᠡᠨ᠂ ᠬᠡᠯᠪᠡᠷᠢ ᠳᠦᠷᠰᠦ᠂ ᠮᠡᠳᠡᠷᠡᠯ ᠦ᠋ᠨ ᠰᠤᠳᠠᠯ ᠢ᠋ᠶ᠋ᠠᠷ ᠬᠢᠷᠢ ᠪᠠᠶᠠᠯᠢᠭ ᠪᠠᠢᠭᠠ ᠵᠡᠷᠭᠡ ᠡᠴᠡ ᠰᠢᠯᠲᠠᠭᠠᠯᠠᠳᠠᠭ᠃ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠥᠬᠢᠳ ᠦ᠋ᠨ ᠪᠠᠷᠤᠭ ᠵᠠᠭᠤᠨ ᠤ᠋ ᠳᠠᠩ ᠬᠠᠭᠠᠰ ᠨᠢ ᠡᠪᠡᠳᠦᠯᠲᠡ ᠶ᠋ᠢ ᠶᠠᠯᠢᠮ ᠦᠭᠡᠢ ᠮᠡᠳᠡᠷᠡᠳᠡᠭ ᠪᠠᠢᠨᠠ᠃ ᠭᠡᠪᠡᠴᠦ ᠲᠡᠷᠡ ᠠᠩᠬᠠ ᠡᠷᠡᠭᠲᠡᠢ ᠬᠥᠮᠦᠨ ᠲᠡᠢ ᠣᠢᠷᠠᠳᠬᠤ ᠳ᠋ᠤ᠌ ᠠᠶᠤᠮᠠᠷ ᠡᠪᠡᠳᠳᠡᠭ ᠭᠡᠰᠡᠨ ᠪᠤᠷᠤᠭᠤ ᠣᠢᠯᠠᠭᠠᠯᠲᠠ ᠶ᠋ᠢᠨ ᠤᠯᠠᠮ ᠠ᠋ᠴᠠ ᠡᠭᠦᠰᠬᠦ ᠡᠪᠡᠳᠦᠯᠲᠡ ᠶ᠋ᠢᠨ ᠬᠡᠮᠵᠢᠶᠡ ᠶ᠋ᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠡᠮᠡᠭᠳᠡᠭᠦᠯᠬᠦ ᠨᠢ ᠪᠢᠰᠢᠭᠦᠢ ᠪᠠᠢᠳᠠᠭ᠂ ᠬᠤᠷᠢᠴᠠᠯ ᠪᠣᠯ ᠪᠠᠢᠭᠠᠯᠢ ᠠ᠋ᠴᠠ ᠵᠠᠶᠠᠭᠠᠭᠰᠠᠨ ᠹᠢᠽᠢᠣᠯᠣᠭᠢ ᠶ᠋ᠢᠨ ᠦᠢᠯᠡᠳᠦᠯ᠂ ᠬᠥᠮᠦᠨ ᠶᠣᠰᠣᠨ ᠠ᠋ᠴᠠ ᠭᠠᠵᠢᠭᠤᠳᠠ ᠵᠦᠢᠯ ᠪᠢᠰᠢ ᠤᠴᠢᠷ ᠠ᠋ᠴᠠ ᠲᠡᠭᠡᠲᠡᠯᠡ ᠪᠡᠨ ᠡᠪᠡᠳᠬᠦ ᠤᠴᠢᠷ ᠭᠡᠵᠦ ᠬᠠᠮᠢᠭᠠ ᠪᠠᠢᠬᠤᠪ᠃ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠲᠡᠳᠦᠢ ᠦᠭᠡᠢ ᠴᠢᠨᠠᠭᠰᠢᠳᠠ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠴᠦ᠍ ᠥᠬᠢᠨ ᠬᠠᠯᠢᠰᠤ ᠭᠦᠢᠴᠡᠳ ᠤᠷᠠᠭᠳᠠᠬᠤ ᠦᠭᠡᠢ ᠪᠥᠭᠡᠳ ᠠᠩᠬᠠᠨ ᠤ᠋ ᠲᠦᠷᠦᠯᠲᠡ ᠶ᠋ᠢᠨ ᠦᠶᠡ ᠳ᠋ᠦ᠍ ᠪᠦᠷᠢᠨ ᠤᠷᠠᠭᠳᠠᠳᠠᠭ᠃ ᠥᠬᠢᠨ ᠬᠠᠯᠢᠰᠤ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠭᠠᠳᠠᠨᠠ ᠳᠣᠲᠣᠷᠠ ᠪᠡᠯᠭᠡ ᠡᠷᠬᠡᠲᠡᠨ ᠵᠠᠭᠠᠭᠯᠠᠭᠳᠠᠳᠠᠭ ᠪᠠ ᠲᠡᠭᠦᠨ ᠡᠴᠡ ᠳᠣᠲᠣᠭᠰᠢ ᠤᠶᠠᠨ ᠨᠠᠯᠠᠷᠬᠠᠢ᠂ ᠪᠤᠯᠴᠢᠩᠯᠢᠭ ᠬᠠᠨᠠ ᠲᠠᠢ᠂ ᠬᠥᠨᠳᠡᠢ ᠬᠣᠭᠣᠯᠠᠢ ᠪᠠᠢᠨᠠ᠃ ᠲᠡᠭᠦᠨ ᠢ᠋ ᠦᠲᠦᠷᠢᠶᠡ ᠭᠡᠳᠡᠭ ᠪᠥᠭᠡᠳ ᠡᠨᠡ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠷᠢᠴᠠᠯ ᠤ᠋ᠨ ᠡᠷᠬᠡᠲᠡᠨ ᠪᠣᠯᠠᠢ᠃
ᠡᠷᠡᠴᠦᠳ ᠦ᠋ᠨ ᠳᠣᠲᠣᠷᠠ《ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠡᠮᠡᠭᠲᠡᠢ ᠬᠥᠮᠦᠨ ᠡᠴᠡ ᠵᠠᠪᠠᠯ ᠴᠢᠰᠤ ᠭᠠᠷᠴᠤ᠂ ᠡᠪᠡᠳᠬᠦ ᠶᠣᠰᠣᠲᠠᠢ》 ᠭᠡᠰᠡᠨ ᠠᠨᠳᠠᠭᠤ ᠲᠡᠰᠢᠶᠡ ᠬᠠᠵᠠᠭᠠᠢ ᠣᠢᠯᠠᠭᠠᠯᠲᠠ ᠭᠠᠵᠠᠷ ᠠᠪᠤᠭᠰᠠᠨ ᠪᠠᠢᠳᠠᠭ ᠢ᠋ ᠨᠢᠭᠤᠬᠤ ᠶᠠᠭᠤᠨ᠃ ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍᠂ ᠵᠠᠪᠠᠯ ᠢᠩᠭᠢᠬᠦ ᠶᠣᠰᠣᠲᠠᠢ ᠪᠢᠰᠢ ᠠ᠋᠃ ᠥᠬᠢᠨ ᠬᠠᠯᠢᠰᠤ ᠬᠡᠯᠪᠡᠷᠢ ᠬᠡᠮᠵᠢᠶᠡ ᠪᠣᠯᠤᠨ ᠰᠤᠩᠬᠤ ᠴᠢᠳᠠᠪᠤᠷᠢ ᠪᠠᠷ ᠢ᠋ᠶ᠋ᠠᠨ ᠣᠨᠳᠣᠣ ᠣᠨᠳᠣᠣ ᠪᠠᠢᠳᠠᠭ ᠤᠴᠢᠷ ᠠ᠋ᠴᠠ ᠵᠠᠷᠢᠮ ᠡᠮᠡᠭᠲᠡᠢ ᠳ᠋ᠦ᠍ ᠠᠩᠬᠠᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠡᠪᠡᠳᠬᠦ ᠦᠭᠡᠢ ᠴᠢᠰᠤ ᠭᠠᠷᠬᠤ ᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ᠃ ᠡᠨᠡ ᠬᠡᠳᠦ ᠬᠡᠳᠦᠨ ᠤᠴᠢᠷ ᠰᠢᠯᠲᠠᠭᠠᠨ ᠲᠠᠢ ᠪᠠᠢᠳᠠᠭ᠃ ᠲᠤᠬᠠᠢᠯᠠᠪᠠᠯ᠄ ᠲᠥᠷᠥᠯᠬᠢ ᠡᠴᠡ ᠪᠡᠨ ᠥᠬᠢᠨ ᠬᠠᠯᠢᠰᠤ ᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ᠃ ᠡᠢᠮᠦ ᠪᠦᠰᠡᠭᠦᠢ ᠶ᠋ᠢ ᠥᠬᠢᠨ ᠬᠠᠯᠢᠰᠤ ᠲᠠᠢ ᠪᠦᠰᠡᠭᠦᠢ ᠲᠡᠢ ᠵᠢᠱ᠌ᠢᠨ ᠦᠵᠡᠬᠦ ᠳ᠋ᠦ᠍ ᠲᠡᠭᠦᠨ ᠡᠴᠡ ᠳᠤᠲᠠᠭᠤ ᠶᠠᠭᠤᠮᠠ ᠣᠭᠲᠣ ᠪᠠᠢᠳᠠᠭ ᠦᠭᠡᠢ᠃ ᠢᠩᠭᠢᠬᠦᠯᠡᠷ᠂ ᠥᠬᠢᠨ ᠬᠠᠯᠢᠰᠤ ᠲᠠᠢ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠥᠷᠥᠯᠬᠢ ᠡᠴᠡ ᠪᠡᠨ ᠡᠢᠮᠦ ᠬᠠᠯᠢᠰᠤ ᠦᠭᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠡᠴᠡ ᠳᠠᠪᠠᠭᠤ ᠵᠦᠢᠯ ᠦᠭᠡᠢ᠃ ᠭᠡᠪᠡᠴᠦ ᠶᠠᠭᠠᠬᠢᠭᠠᠳ ᠴᠦ᠍ ᠶᠤᠮ ᠮᠡᠳᠡᠬᠦ ᠦᠭᠡᠢ᠂ ᠡᠷᠲᠡ ᠳᠡᠭᠡᠷᠡ ᠦᠶᠡ ᠡᠴᠡ ᠥᠨᠥ ᠬᠦᠷᠲᠡᠯᠡ ᠡᠭᠦᠨ ᠶᠡᠬᠡᠳᠡ ᠴᠢᠬᠤᠯᠠᠴᠢᠯᠠᠨ ᠢᠷᠡᠵᠡᠢ᠃ ᠪᠦᠰᠡᠭᠦᠢ ᠬᠥᠮᠦᠨ ᠪᠦᠬᠦᠨ ᠡᠬᠡ ᠡᠴᠡ ᠲᠥᠷᠥᠭᠰᠡᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠡᠷᠡ ᠨᠥᠬᠥᠷ ᠲᠦ᠍ ᠣᠴᠢᠬᠤ ᠶ᠋ᠢ ᠯᠡ ᠠᠯᠢ ᠪᠣᠯᠬᠤ ᠪᠠᠷ ᠡᠷᠬᠢᠮᠯᠡᠬᠦ ᠨᠢ ᠵᠦᠢ ᠶ᠋ᠢᠨ ᠬᠡᠷᠡᠭ᠃ ᠭᠡᠲᠡᠯᠡ ᠬᠡᠦᠬᠡᠨ ᠪᠣᠯᠤᠭᠠ ᠦᠭᠡᠢ ᠭᠡᠳᠡᠭ ᠢ᠋ ᠵᠥᠪᠬᠡᠨ ᠥᠬᠢᠨ ᠬᠠᠯᠢᠰᠤ ᠪᠠᠷ ᠲᠣᠭᠲᠠᠭᠠᠵᠤ ᠪᠣᠯᠬᠤ ᠤᠤ? ᠬᠡᠷᠪᠡ ᠡᠬᠡ ᠡᠴᠡ ᠥᠬᠢᠨ ᠬᠠᠯᠢᠰᠤ ᠦᠭᠡᠢ ᠲᠥᠷᠥᠭᠰᠡᠨ ᠪᠣᠯ ᠶᠠᠭᠠᠬᠢᠬᠤ ᠪᠣᠢ? ᠬᠡᠦᠬᠡᠨ ᠭᠡᠬᠦ ᠤᠤ! ᠮᠥᠨ ᠲᠡᠭᠦᠨᠴᠢᠯᠡᠨ ᠤᠴᠢᠷ ᠮᠡᠳᠡᠬᠦ ᠦᠭᠡᠢ ᠪᠠᠭᠠ ᠨᠠᠰᠤᠨ ᠳ᠋ᠠᠭᠠᠨ ᠦᠵᠦᠭᠦᠷ ᠲᠡᠢ ᠶᠠᠭᠤᠮᠠᠨ ᠳᠡᠭᠡᠷᠡ ᠪᠣᠯᠭᠣᠮᠵᠢ ᠦᠭᠡᠢ ᠰᠠᠭᠤᠭᠰᠠᠨ ᠠ᠋ᠴᠠ ᠥᠬᠢᠨ ᠬᠠᠯᠢᠰᠤ ᠨᠢ ᠬᠥᠨᠳᠡᠭᠳᠡᠭᠰᠡᠨ ᠪᠠᠢᠪᠠᠯ ᠶᠠᠭᠠᠬᠢᠨᠠ? ᠲᠡᠢᠮᠦ ᠡᠮᠡᠭᠲᠡᠢ ᠰᠡᠳᠬᠢᠯ ᠳ᠋ᠡᠭᠡᠨ ᠵᠣᠪᠠᠨ ᠪᠢᠳᠡᠨ ᠡᠴᠡ ᠵᠥᠪᠯᠡᠯᠭᠡ ᠠᠪᠬᠤ ᠪᠠᠷ ᠢᠷᠡᠵᠦ ᠪᠠᠢᠭᠰᠠᠨ ᠢ᠋ ᠰᠠᠨᠠᠵᠤ ᠪᠠᠢᠨᠠ᠃ ᠥᠬᠢᠨ ᠬᠠᠯᠢᠰᠤ ᠨᠢᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠵᠢᠵᠢᠭ ᠨᠦᠬᠡ ᠲᠡᠢ᠂ ᠲᠡᠭᠦᠨ ᠢ᠋ᠶ᠋ᠡᠷ ᠪᠠᠶᠠᠨ ᠤ᠋ ᠶᠠᠭᠤᠮᠠ ᠭᠠᠳᠠᠭᠰᠢ ᠢᠯᠭᠠᠷᠠᠳᠠᠭ᠃ ᠭᠡᠲᠡᠯᠡ ᠵᠠᠷᠢᠮ ᠡᠮᠡᠭᠲᠡᠢ ᠶ᠋ᠢᠨ ᠥᠬᠢᠨ ᠬᠠᠯᠢᠰᠤ ᠨᠢ ᠲᠣᠮᠣ ᠨᠦᠬᠡ ᠲᠡᠢ᠂ ᠶᠡᠬᠡ ᠤᠶᠠᠨ ᠵᠥᠭᠡᠯᠡᠨ ᠪᠠᠢᠳᠠᠭ ᠠ᠋ᠴᠠ ᠶᠠᠭᠤ ᠴᠦ᠍ ᠮᠡᠳᠡᠭᠳᠡᠬᠦ ᠦᠭᠡᠢ ᠥᠩᠭᠡᠷᠡᠵᠦ ᠪᠣᠯᠤᠨᠠ᠃ ᠡᠨᠡ ᠪᠦᠬᠦᠨ ᠢ᠋ ᠮᠡᠳᠡᠬᠦ ᠦᠭᠡᠢ ᠡᠴᠡ ᠪᠣᠯᠤᠭᠠᠳ ᠡᠬᠡᠨᠡᠷ ᠢ᠋ᠶ᠋ᠡᠨ ᠣᠩᠭᠣᠨ ᠪᠠᠢᠭᠰᠠᠨ ᠡᠰᠡᠬᠦ ᠳ᠋ᠦ᠍ ᠡᠷᠡᠭᠡᠯᠵᠡᠨ᠂ ᠬᠡᠢ ᠬᠣᠭᠣᠰᠣᠨ ᠬᠠᠷᠠᠳᠠᠵᠤ ᠰᠡᠷᠡᠳᠡᠵᠦ᠂ ᠬᠡᠯᠡ ᠠᠮᠠ ᠪᠠᠷ ᠳᠠᠭᠠᠷᠢᠬᠤ ᠨᠢ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ ᠪᠣᠯᠤᠯᠲᠠᠢ᠃ ᠡᠨᠡ ᠨᠢ ᠣᠭᠲᠣ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠵᠦᠢᠯ᠃ ᠬᠠᠷᠠᠳᠠᠯᠲᠠ ᠪᠣᠯ ᠬᠥᠮᠦᠨ ᠦ᠌ ᠰᠠᠢᠨ ᠰᠠᠢᠬᠠᠨ ᠪᠣᠯᠭᠠᠨ ᠢ᠋ ᠲᠡᠮᠦᠷ ᠦ᠋ᠨ ᠵᠢᠪᠡ ᠰᠢᠭ ᠢᠳᠡᠵᠦ᠂ ᠬᠠᠢᠷᠠ ᠰᠡᠳᠬᠢᠯ ᠢ᠋ ᠭᠤᠲᠤᠭᠠᠬᠤ ᠬᠠᠷᠠ ᠰᠡᠭᠦᠳᠡᠷ᠃ ᠨᠥᠬᠥᠷ ᠨᠢ ᠦᠷᠭᠦᠯᠵᠢ ᠬᠠᠷᠠᠳᠠᠭᠠᠳ᠂ ᠠᠮᠤᠷ ᠵᠠᠶᠠᠭᠠ ᠦᠵᠡᠭᠦᠯᠬᠦ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠶᠠᠭᠠᠬᠢᠨ ᠰᠠᠢᠬᠠᠨ ᠲᠡᠨᠢᠭᠡᠷ ᠪᠠᠢᠬᠤ ᠪᠢᠯᠡ᠃ ᠡᠨᠡ ᠨᠢ ᠲᠡᠭᠦᠨ ᠦ᠌ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠢ᠋ ᠪᠠᠭᠤᠷᠠᠭᠤᠯᠵᠤ ᠡᠴᠦᠰ ᠲᠡᠭᠡᠨ ᠬᠦᠢᠲᠡᠨ ᠴᠢᠪᠳᠡᠭ ᠪᠣᠯᠭᠠᠵᠤ ᠮᠡᠳᠡᠬᠦ ᠶ᠋ᠢ ᠠᠩᠬᠠᠷᠤᠨᠠ ᠤᠤ᠃
ᠡᠷᠡᠭᠲᠡᠢ ᠬᠥᠮᠦᠨ ᠥᠰᠪᠥᠷᠢ ᠨᠠᠰᠤᠨ ᠳ᠋ᠠᠭᠠᠨ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠵᠣᠷᠢᠭᠤᠳᠠ ᠣᠷᠣᠯᠳᠣᠬᠤ ᠪᠤᠶᠤ ᠵᠡᠭᠦᠳᠦ ᠨᠣᠢᠷ ᠲᠠᠭᠠᠨ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠠᠯᠳᠠᠬᠤ ᠳ᠋ᠤ᠌ ᠪᠡᠶᠡ ᠨᠢ ᠰᠠᠢᠬᠠᠨ ᠪᠣᠯᠵᠤ ᠳᠤᠷᠠ ᠨᠢ ᠬᠠᠨᠳᠠᠭ ᠤᠴᠢᠷ ᠪᠡᠯᠭᠡ ᠶ᠋ᠢᠨ ᠪᠣᠢᠵᠢᠯᠲᠠ ᠶ᠋ᠢᠨ ᠦᠶᠡ ᠪᠤᠶᠤ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠣᠢᠷᠠᠳᠴᠤ ᠥᠵᠡᠭᠡ ᠦᠭᠡᠢ ᠪᠠᠢᠬᠤ ᠳ᠋ᠠᠭᠠᠨ ᠴᠦ᠍ ᠪᠡᠶᠡ ᠲᠠᠯᠪᠢᠭᠤᠷᠠᠵᠤ᠂ ᠬᠤᠷᠢᠴᠠᠬᠤ ᠶ᠋ᠢᠨ ᠰᠠᠢᠬᠠᠨ ᠢ᠋ ᠤᠷᠢᠳᠠᠪᠡᠷ ᠰᠠᠢᠬᠠᠨ ᠮᠡᠳᠡᠵᠦ ᠪᠠᠢᠳᠠᠭ᠃ ᠲᠡᠭᠡᠪᠡᠯ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠠᠩᠬᠠᠨ ᠤ᠋ ᠰᠥᠨᠢ ᠪᠠᠨ ᠯᠠ ᠳᠤᠷᠠ ᠬᠠᠩᠬᠤ ᠪᠠᠨ ᠮᠡᠳᠡᠷᠡᠳᠡᠭ ᠪᠣᠯᠴᠢᠬᠠᠳᠠᠭ ᠡᠮᠡᠭᠲᠡᠢ ᠬᠥᠮᠦᠨ ᠡᠳᠦᠷ ᠦ᠋ᠨ ᠣᠳᠣ ᠰᠢᠭ᠋ ᠬᠣᠪᠣᠷᠬᠠᠨ᠃ ᠠᠮᠢᠳᠤᠷᠠᠯ ᠦᠵᠡᠭᠡ ᠦᠭᠡᠢ ᠪᠠᠯᠴᠢᠷᠬᠠᠨ ᠥᠬᠢᠳ ᠪᠢᠲᠡᠭᠡᠢ ᠬᠡᠯᠡ᠂ ᠠᠩᠬᠠᠨ ᠤ᠋ ᠦᠷᠡ ᠪᠡᠨ ᠲᠡᠭᠡᠭᠡᠵᠦ ᠶᠠᠪᠤᠭᠠ ᠲᠥᠷᠥᠭᠦᠯᠦᠨ ᠡᠬᠡ ᠬᠥᠮᠦᠨ ᠦ᠌ ᠵᠢᠷᠭᠠᠯ ᠢ᠋ ᠡᠳ᠋ᠯᠡᠵᠦ ᠶᠠᠪᠤᠭᠠ ᠲᠡᠷᠡ ᠪᠠᠢᠲᠤᠭᠠᠢ ᠬᠡᠳᠦ ᠬᠡᠳᠦᠨ ᠬᠡᠦᠬᠡᠳ ᠦ᠋ᠨ ᠡᠬᠡ᠂ ᠥᠨᠢᠷ ᠥᠳᠬᠡᠨ ᠠᠢᠯ ᠤ᠋ᠨ ᠡᠵᠡᠭᠲᠡᠢ ᠪᠣᠯᠴᠢᠬᠠᠭᠰᠠᠨ ᠬᠢᠷᠢ ᠨᠢ ᠳᠤᠷᠠ ᠬᠠᠩᠬᠤ ᠶ᠋ᠢ ᠮᠡᠳᠡᠷᠡᠬᠦ ᠦᠭᠡᠢ ᠪᠠᠢᠬᠤ ᠲᠣᠬᠢᠶᠠᠯᠳᠤᠯ ᠪᠢᠰᠢᠭᠦᠢ ᠪᠣᠢ᠃ ᠡᠮᠡᠭᠲᠡᠢ ᠬᠥᠮᠦᠨ ᠳᠤᠷᠠ ᠬᠠᠩᠬᠤ ᠶ᠋ᠢ ᠮᠡᠳᠡᠷᠡᠳᠡᠭ ᠪᠣᠯᠬᠤ ᠳ᠋ᠤ᠌ ᠭᠠᠭᠴᠠ ᠪᠢᠰᠢ ᠣᠯᠠᠨ ᠰᠥᠨᠢ ᠬᠡᠷᠡᠭᠲᠡᠢ᠃ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠡᠷᠡ ᠳ᠋ᠦ᠍ ᠭᠠᠷᠤᠭᠰᠠᠨ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠡᠷᠬᠡᠯᠡᠨ ᠨᠠᠭᠠᠯᠢᠩᠬᠠᠢᠲᠤᠬᠤ᠂ ᠦᠨᠦᠰᠦᠨ ᠲᠠᠭᠠᠯᠠᠬᠤᠢ ᠳᠤᠷᠠ ᠬᠦᠰᠡᠯ ᠳᠠᠪᠠᠭᠠᠢᠮᠠᠯᠠᠵᠤ ᠶᠡᠬᠡᠪᠴᠢᠯᠡᠨ ᠠᠩᠬᠠᠨ ᠤ᠋ ᠲᠦᠷᠦᠯᠲᠡ ᠶ᠋ᠢᠨ ᠳᠠᠷᠠᠭᠠ ᠪᠠᠷ ᠳᠤᠷᠠ ᠬᠠᠩᠬᠤ ᠶ᠋ᠢ ᠮᠡᠳᠡᠷᠡᠵᠦ ᠪᠠᠢᠨᠠ᠃ ᠡᠨᠡ ᠦᠶᠡᠰ ᠲᠦ᠍ ᠡᠷᠡ ᠨᠥᠬᠥᠷ ᠲᠡᠢ ᠪᠡᠨ ᠣᠢᠷᠠᠳᠬᠤ ᠳᠤᠷᠠ ᠬᠦᠰᠡᠯ ᠠᠭᠠᠵᠢᠮ ᠢ᠋ᠶ᠋ᠠᠷ ᠲᠥᠷᠥᠳᠡᠭ᠃ ᠡᠭᠦᠨ ᠢ᠋ ᠨᠢᠭᠡ ᠠᠵᠢᠯᠴᠢᠨ ᠪᠦᠰᠡᠭᠦᠢ ᠶ᠋ᠢᠨ《ᠵᠣᠪᠠᠯᠠᠩ 》 ᠢ᠋ᠶ᠋ᠠᠨ ᠲᠣᠭᠠᠴᠢᠨ ᠶᠠᠷᠢᠭᠰᠠᠨ ᠢ᠋ᠶ᠋ᠠᠷ ᠵᠢᠰᠢᠶᠠ ᠪᠣᠯᠭᠠᠶᠠ᠃
᠁ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠬᠣᠭᠣᠯᠠᠨ ᠳ᠋ᠤ᠌ ᠬᠦᠷᠭᠡᠬᠦ ᠭᠡᠰᠡᠨ ᠵᠣᠷᠢᠯᠭᠠ ᠳ᠋ᠠᠭᠠᠨ ᠬᠦᠷᠬᠦ ᠭᠡᠭᠰᠡᠭᠡᠷ ᠶᠠᠪᠤᠭᠠᠳ᠂ ᠨᠠᠮᠠᠶ᠋ᠢ ᠭᠡᠰᠡᠨ ᠰᠠᠢᠨ ᠮᠠᠭᠤ ᠣᠯᠠᠨ ᠬᠥᠮᠦᠨ ᠢ᠋ ᠣᠢᠰᠢᠶᠠᠯ ᠦᠭᠡᠢ ᠥᠩᠭᠡᠷᠡᠵᠦ26 ᠨᠠᠰᠤ ᠬᠦᠷᠦᠭᠰᠡᠨ ᠲᠡᠭᠡᠭᠡᠳ᠂ ᠵᠠ ᠣᠳᠣ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠣᠳᠣᠬᠤ ᠦᠭᠡᠢ ᠪᠣᠯ ᠣᠷᠣᠢᠲᠠᠯᠠ ᠭᠡᠵᠦ ᠪᠣᠳᠣᠬᠤ ᠪᠣᠯᠤᠭᠰᠠᠨ ᠲᠡᠷᠡ ᠯᠠ ᠦᠶᠡ ᠳ᠋ᠦ᠍ ᠰᠠᠨᠠᠵᠤ ᠶᠠᠪᠤᠭᠰᠠᠨ ᠬᠥᠮᠦᠨ ᠲᠡᠢ ᠪᠡᠨ ᠢᠷᠦᠭᠡᠯ ᠢ᠋ᠶ᠋ᠡᠷ ᠤᠴᠠᠷᠠᠯᠠ ᠭᠡᠵᠦ ᠪᠣᠳᠣᠵᠤ ᠪᠠᠢᠯᠠ᠃ ᠪᠢᠳᠡ4 ᠵᠢᠯ ᠬᠠᠮᠲᠤ ᠠᠵᠢᠯᠯᠠᠵᠤ ᠵᠠᠩ ᠵᠠᠩ ᠢ᠋ᠶ᠋ᠠᠨ ᠠᠪᠤᠭᠰᠠᠨ ᠭᠡᠵᠦ ᠪᠣᠯᠬᠣᠷ᠂ ᠪᠠᠰᠠ ᠰᠡᠳᠬᠢᠯ ᠳ᠋ᠡᠭᠡᠨ ᠪᠢᠲᠡᠭᠦᠬᠡᠨ ᠮᠥᠷᠥᠭᠡᠳᠵᠦ ᠶᠠᠪᠤᠭᠰᠠᠨ ᠬᠥᠮᠦᠨ ᠭᠡᠨᠡᠳᠲᠡ ᠨᠢᠭᠡ ᠡᠳᠦᠷ ᠠᠮᠠ ᠨᠡᠭᠡᠭᠡᠵᠦ ᠪᠢ ᠴᠦ᠍ ᠰᠡᠳᠬᠢᠯ ᠠᠯᠲᠠᠨ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠨᠠᠳᠠ ᠪᠠᠶᠠᠷ ᠵᠢᠷᠭᠠᠯ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠬᠣᠶᠠᠷᠬᠠᠨ ᠰᠠᠷᠠ ᠶ᠋ᠢᠨ ᠳᠠᠷᠠᠭᠠ ᠤᠢᠳᠬᠠᠷ ᠭᠤᠨᠢᠭ ᠳᠦᠭᠦᠷᠦᠭᠰᠡᠨ ᠤᠴᠢᠷ ᠤᠳᠬᠠ ᠦᠭᠡᠢ ᠠᠮᠢᠳᠤᠷᠠᠯ ᠢ᠋ᠶ᠋ᠠᠷ ᠠᠷᠭᠠ ᠪᠤᠶᠤ ᠪᠢ ᠠᠮᠢᠳᠤᠷᠠᠬᠤ ᠪᠣᠯᠤᠯᠠ᠃ ᠬᠠᠢᠷᠠᠨ ᠰᠡᠳᠬᠢᠯ ᠬᠠᠢᠷᠠᠨ ᠴᠦ᠍ ᠪᠡᠶᠡ ᠮᠢᠨᠢ᠁ ᠪᠢ ᠤᠷᠢᠳᠤ ᠨᠢ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠ᠂ ᠵᠠᠩ ᠬᠠᠷᠢᠴᠠᠭᠠ᠂ ᠠᠵᠢᠯ ᠦᠢᠯᠡᠰ᠂ ᠪᠡᠶᠡ ᠪᠡᠨ ᠠᠪᠴᠤ ᠶᠠᠪᠤᠬᠤ ᠪᠠᠢᠳᠠᠯ ᠵᠡᠷᠭᠡ ᠪᠡᠷ ᠲᠠᠲᠠᠳᠠᠭ ᠭᠡᠵᠦ ᠪᠣᠳᠣᠳᠠᠭ ᠪᠠᠢᠯᠠ᠃ ᠬᠠᠷᠢᠨ ᠣᠳᠣ ᠪᠣᠯ ᠬᠠᠷᠢᠨ᠂ ᠲᠡᠷᠡ ᠳᠤᠮᠳᠠ ᠪᠠᠨ ᠬᠠᠮᠤᠭ ᠤ᠋ᠨ ᠭᠣᠣᠯ ᠨᠢ ᠪᠣᠯᠬᠤ ᠪᠡᠯᠭᠡ ᠶ᠋ᠢᠨ ᠬᠠᠷᠢᠴᠠᠭᠠ ᠪᠠᠷ ᠲᠠᠲᠠᠳᠠᠭ ᠪᠣᠯᠬᠤ ᠶ᠋ᠢ ᠣᠢᠯᠠᠭᠠᠯᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠬᠠᠮᠲᠤ ᠠᠵᠢᠯᠯᠠᠳᠠᠭ ᠬᠡᠦᠬᠡᠨ ᠨᠦ᠍ᠭᠦᠳ ᠲᠡᠢ ᠥᠪᠡᠷ ᠢ᠋ ᠪᠡᠨ ᠬᠠᠷᠢᠴᠠᠭᠤᠯᠬᠤ ᠳ᠋ᠤ᠌ ᠦᠢᠯᠡ ᠣᠶᠣᠳᠠᠯ᠂ ᠮᠡᠷᠭᠡᠰᠢᠯ᠂ ᠮᠡᠳᠡᠯᠭᠡ᠂ ᠴᠢᠮᠠ ᠠ᠋ᠴᠠ ᠦᠨᠡᠲᠡᠢ ᠪᠢᠰᠢ ᠪᠣᠯᠪᠠᠴᠤ ᠴᠢᠮᠠ ᠥᠪᠡᠷ ᠲᠡᠭᠡᠨ ᠲᠣᠬᠢᠷᠠᠭᠰᠠᠨ ᠡᠮᠦᠰᠳᠡᠭ᠂ ᠴᠡᠪᠡᠷᠴᠢ ᠨᠢᠮᠪᠠᠢ᠂ ᠴᠢᠷᠠᠢ ᠵᠢᠰᠦ ᠪᠡᠨ ᠭᠣᠢᠳᠠ ᠪᠢᠰᠢ ᠴᠦ᠍ ᠨᠢᠳᠦᠨ ᠳ᠋ᠦ᠍ ᠳᠤᠯᠠᠭᠠᠬᠠᠨ᠂ ᠬᠠᠮᠲᠤ ᠣᠯᠠᠨ ᠳ᠋ᠠᠭᠠᠨ ᠨᠡᠷᠡ ᠬᠦᠨᠳᠦ ᠰᠠᠢᠲᠠᠢ ᠭᠡᠬᠦ ᠵᠡᠷᠭᠡ ᠮᠠᠭᠲᠠᠬᠤ ᠲᠠᠯᠠ ᠪᠠᠷ ᠶᠡᠬᠡᠩᠬᠢ ᠨᠢ ᠪᠠᠢᠭᠠ ᠶᠤᠮ ᠰᠢᠭ᠋᠃ ᠪᠠᠰᠠ ᠡᠮᠡᠭᠲᠡᠢᠴᠦᠳ ᠡᠴᠡ ᠡᠬᠢᠯᠡᠭᠡᠳ ᠨᠠᠷᠢᠨ ᠮᠡᠷᠭᠡᠵᠢᠯ ᠦ᠋ᠨ ᠡᠮᠴᠢ ᠳ᠋ᠦ᠍ ᠦᠵᠡᠭᠦᠯᠬᠦ ᠳ᠋ᠦ᠍ ᠶᠠᠮᠠᠷ ᠴᠦ᠍ ᠡᠪᠡᠳᠴᠢᠨ ᠡᠮᠭᠡᠭ ᠦᠭᠡᠢ ᠴᠦ᠍ ᠡᠷᠡᠭᠦᠯ ᠬᠣᠶᠠᠷᠬᠠᠨ ᠬᠥᠮᠦᠨ ᠦ᠌ ᠨᠢᠭᠡ ᠨᠢ ᠪᠢ ᠶᠦᠮ᠃ ᠭᠡᠪᠡᠴᠦ ᠪᠢ ᠥᠪᠡᠷ ᠢ᠋ ᠪᠡᠨ ᠪᠡᠯᠭᠡ ᠶ᠋ᠢᠨ ᠡᠪᠡᠳᠴᠢᠨ ᠲᠡᠢ ᠶᠦᠮ ᠤᠤ ᠡᠰᠡᠪᠡᠯ ᠶᠠᠮᠠᠷ ᠨᠢᠭᠡ ᠭᠠᠵᠢᠭ ᠲᠠᠢ ᠯᠠ ᠭᠡᠵᠦ ᠪᠣᠳᠣᠳᠠᠭ᠃ ᠤᠴᠢᠷ ᠨᠢ᠄ ᠮᠢᠨᠦ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠠᠩᠬᠠᠨ ᠤ᠋ ᠲᠡᠷᠡ ᠬᠥᠮᠦᠨ ᠮᠠᠨᠢ ᠨᠠᠳᠠᠳᠤ᠄《ᠴᠢᠨᠦᠬᠢ ᠳᠣᠣᠷᠠ ᠪᠠᠢᠷᠢᠯᠠᠯ ᠲᠠᠢ ᠴᠦ᠍ ᠶᠤᠮ ᠤᠤ ᠳᠠ》《ᠴᠢᠨᠦᠬᠢ ᠶᠠᠭᠠᠬᠢᠭᠰᠠᠨ ᠰᠤᠯᠠ ᠶᠤᠮ ᠪᠣᠢ》 ᠭᠡᠬᠦ ᠮᠡᠲᠦ ᠡᠪ ᠦᠭᠡᠢ᠂ ᠨᠢᠭᠡ ᠯᠡ ᠣᠢᠯᠠᠭᠠᠮᠵᠢ ᠦᠭᠡᠢ ᠶᠠᠭᠤᠮᠠ ᠬᠡᠯᠡᠬᠦ ᠪᠠ ᠨᠢᠭᠡ ᠤᠳᠠᠭᠠ ᠨᠠᠳᠠ ᠠ᠋ᠴᠠ《ᠴᠢ ᠪᠣᠯᠤᠭᠰᠠᠨ ᠤᠤ》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠨᠢ ᠪᠢ《ᠪᠣᠯᠤᠭᠰᠠᠨ》 ᠭᠡᠲᠡᠯᠡ《ᠲᠡᠭᠡᠭᠡᠳ ᠶᠠᠭᠠᠬᠢᠭᠠᠳ ᠲᠠᠯᠪᠢᠬᠤ ᠦᠭᠡᠢ ᠪᠠᠢᠭᠠ ᠶᠤᠮ ᠪᠣᠢ?》 ᠭᠡᠰᠡᠨ᠃ ᠪᠢ《ᠲᠠᠯᠪᠢᠨᠠ ᠭᠡᠵᠦ ᠶᠠᠭᠠᠬᠢᠳᠠᠭ ᠶᠤᠮ ᠪᠣᠢ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ 《ᠭᠡᠲᠡᠯᠡ ᠪᠢ ᠴᠢᠮᠠ ᠶ᠋ᠢ ᠶᠡᠷᠦ ᠡᠴᠡ ᠪᠡᠨ ᠬᠠᠩᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠦᠮ ᠪᠠᠢᠨᠠ》 ᠭᠡᠰᠡᠨ᠃ ᠲᠡᠷᠡ ᠪᠠᠰᠠ ᠰᠡᠭᠦᠯᠴᠢ ᠶ᠋ᠢᠨ ᠤᠳᠠᠭᠠ ᠠᠭᠤᠯᠵᠠᠬᠤ ᠳ᠋ᠠᠭᠠᠨ《ᠪᠢ ᠴᠢᠮᠠᠶ᠋ᠢ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠭᠡᠬᠦ ᠳ᠋ᠡᠭᠡᠨ ᠪᠠᠰᠠ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ》 ᠭᠡᠬᠦ ᠳ᠋ᠦ᠍ ᠨᠢ ᠪᠢ ᠶᠠᠭᠤ ᠨᠢ ᠪᠣᠯᠤᠭᠠ ᠦᠭᠡᠢ ᠪᠠᠢᠭᠠ ᠶ᠋ᠢ ᠬᠡᠯᠡᠭᠡᠴᠢ ᠭᠡᠬᠦ ᠳ᠋ᠦ᠍《ᠪᠢ ᠬᠡᠯᠡᠵᠦ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ》 ᠭᠡᠰᠡᠨ᠃ ᠲᠡᠭᠡᠭᠡᠳ ᠨᠠᠮᠠᠶ᠋ᠢ《ᠥᠭᠡᠷᠡ ᠬᠥᠮᠦᠨ ᠲᠡᠢ ᠪᠣᠯᠤᠭᠠᠴᠢ》 ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠨᠢ ᠬᠠᠷᠢᠭᠤ ᠳ᠋ᠤ᠌ ᠨᠢ ᠬᠡᠯᠡᠬᠦ ᠦᠭᠡ ᠣᠯᠳᠠᠭᠠ ᠦᠭᠡᠢ ᠠ᠋᠃
ᠡᠮᠴᠢ ᠠ᠋! ᠲᠠ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠴᠢ ᠳᠠ᠃ ᠪᠢ ᠡᠮᠴᠢᠯᠡᠭᠳᠡᠬᠦ ᠡᠰᠡᠬᠦ ᠪᠡᠨ ᠦᠵᠡᠮᠡᠷ᠂ ᠮᠡᠳᠡᠮᠡᠷ ᠪᠠᠢᠨᠠ᠃ ᠨᠠᠳᠠᠳᠤ ᠦᠨᠡᠬᠡᠷ ᠬᠡᠴᠡᠭᠦᠦ ᠪᠠᠢᠨᠠ᠃ ᠪᠢ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠬᠠᠮᠤᠭ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠲᠡᠷᠡ ᠬᠥᠮᠦᠨ ᠳ᠋ᠦ᠍ ᠵᠣᠷᠢᠭᠤᠯᠳᠠᠭ᠃ ᠶᠡᠷᠦ ᠨᠢ ᠪᠦᠬᠦ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠲᠡᠭᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠠᠭᠤᠰᠴᠢᠬᠠᠮᠠᠷ᠂ ᠲᠡᠭᠦᠨ ᠦ᠌ ᠲᠥᠯᠥᠭᠡ ᠶᠠᠭᠤ ᠴᠦ᠍ ᠬᠢᠬᠦ ᠡᠴᠡ ᠪᠤᠴᠠᠬᠤ ᠦᠭᠡᠢ ᠪᠠᠢᠳᠠᠭ᠃ ᠭᠡᠪᠡᠴᠦ᠁ ᠲᠡᠷᠡ ᠰᠠᠢᠬᠠᠨ ᠢ᠋ ᠨᠢ ᠮᠡᠳᠡᠬᠦ ᠦᠭᠡᠢ᠂ ᠲᠡᠭᠦᠨ ᠢ᠋ ᠪᠡᠨ ᠲᠠᠲᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠨᠠ ᠭᠡᠵᠦ ᠬᠦᠦᠷᠨᠢᠨ ᠶᠠᠷᠢᠭᠠᠳ᠂ ᠤᠷᠲᠤ ᠪᠠᠷ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠶᠤᠮ᠃ ᠡᠨᠡ ᠪᠦᠰᠡᠭᠦᠢ ᠶ᠋ᠢᠨ ᠰᠡᠳᠬᠢᠯ ᠦ᠋ᠨ ᠥᠴᠢᠯ ᠶᠠᠮᠠᠷ ᠴᠦ᠍ ᠬᠦᠨᠳᠦ ᠶᠡᠬᠡ ᠶ᠋ᠢ ᠪᠣᠳᠣᠭᠳᠠᠭᠤᠯᠤᠨᠠ᠃ ᠢᠩᠭᠢᠵᠦ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠴᠡᠪᠡᠷ ᠠᠷᠢᠭᠤᠨ ᠰᠡᠳᠬᠢᠯ ᠢ᠋ ᠭᠬᠢᠷᠲᠦᠭᠡᠵᠦ ᠪᠤᠯᠠᠩᠭᠢᠷᠳᠠᠭᠤᠯᠬᠣ ᠶ᠋ᠢᠨ ᠬᠡᠷᠡᠭ ᠶᠠᠭᠤ ᠪᠠᠢᠨᠠ ᠳᠠ ᠭᠡᠵᠦ ᠲᠡᠷᠡ ᠬᠠᠷᠠ ᠬᠦᠦ ᠳ᠋ᠦ᠍ ᠬᠡᠯᠡᠮᠡᠷ ᠰᠠᠨᠠᠭᠳᠠᠵᠤ ᠪᠢᠯᠡ᠃ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠶ᠋ᠢᠨ ᠪᠡᠶᠡ ᠴᠣᠭᠴᠠᠰ᠂ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠢᠭᠠᠯᠢ ᠠ᠋ᠴᠠ ᠬᠣᠶᠠᠷ ᠥᠭᠡᠷᠡ ᠵᠠᠶᠠᠭᠠᠭᠰᠠᠨ ᠪᠠᠢᠳᠠᠭ ᠢ᠋ ᠲᠡᠷᠡ ᠬᠠᠷᠠ ᠬᠦᠦ ᠮᠡᠳᠡᠳᠡᠭ ᠴᠦ᠍ ᠪᠣᠯᠤᠭᠠᠰᠠᠢ᠃ ᠪᠦᠭᠦᠳᠡ ᠶ᠋ᠢ ᠥᠪᠡᠷ ᠰᠢᠭ ᠢ᠋ᠶ᠋ᠡᠨ᠂ ᠡᠷᠡᠭᠲᠡᠢ ᠬᠥᠮᠦᠨ ᠰᠢᠭ ᠪᠣᠳᠣᠵᠤ ᠶᠠᠭᠠᠬᠢᠨ ᠪᠣᠯᠬᠤ ᠪᠢᠯᠡ᠃ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡᠴᠦᠳ ᠰᠢᠭ ᠠᠩᠬᠠᠨ ᠤ᠋ ᠣᠢᠷᠠᠳᠤᠯᠲᠠ ᠪᠠᠷ ᠳᠤᠷᠠ ᠬᠠᠩᠬᠤ ᠨᠢ ᠣᠭᠲᠣ ᠦᠭᠡᠢ᠃ ᠲᠡᠭᠦᠨ ᠦ᠌ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠭᠦᠨ ᠨᠣᠢᠷ ᠠ᠋ᠴᠠ ᠪᠠᠨ ᠰᠡᠷᠢᠵᠦ ᠳᠤᠷᠠ ᠬᠠᠩᠬᠤ ᠶ᠋ᠢᠨ ᠰᠠᠢᠬᠠᠨ ᠢ᠋ ᠠᠮᠰᠠᠨ ᠮᠡᠳᠡᠷᠡᠬᠦ ᠳ᠋ᠦ᠍ ᠡᠷᠡ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠡᠪ ᠲᠦᠢ᠂ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠣᠶᠣᠯ ᠬᠥᠮᠦᠵᠢᠯ ᠭᠣᠣᠯᠯᠠᠬᠤ ᠡᠭᠦᠷᠭᠡ ᠲᠡᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠡᠮᠡᠭᠲᠡᠢ ᠬᠥᠮᠦᠨ ᠢ᠋ ᠡᠷᠡ ᠨᠥᠬᠥᠷ ᠨᠢ ᠯᠡ ᠠᠪᠴᠤ ᠶᠠᠪᠤᠬᠤ ᠶᠣᠰᠣᠲᠠᠢ ᠶᠤᠮ ᠰᠢᠦ᠃ ᠭᠡᠲᠡᠯᠡ ᠶᠠᠭᠤ ᠶᠠᠭᠤᠨ ᠤ᠋ ᠲᠤᠬᠠᠢᠨ ᠳ᠋ᠤ᠌᠂ ᠬᠣᠶᠠᠷᠬᠠᠨ ᠰᠠᠷᠠ ᠪᠣᠯᠴᠢᠬᠠᠭᠠᠳ ᠠᠮᠠ ᠨᠡᠭᠡᠭᠡᠵᠦ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠡᠷᠭᠦᠭᠰᠡᠨ ᠬᠠᠢᠷᠠᠲᠤ ᠬᠥᠮᠦᠨ ᠢ᠋ᠶ᠋ᠡᠨ ᠡᠢᠨᠬᠦ ᠡᠪ ᠦᠭᠡᠢ ᠪᠠᠢᠳᠠᠯ ᠳ᠋ᠤ᠌ ᠣᠷᠣᠭᠤᠯᠵᠤ᠂ ᠪᠦᠰᠡᠭᠦᠢ ᠬᠥᠮᠦᠨ ᠢ᠋ ᠰᠡᠳᠬᠢᠯ ᠦ᠋ᠨ ᠵᠣᠪᠠᠯᠠᠩ ᠳ᠋ᠤ᠌ ᠤᠨᠠᠭᠠᠭᠰᠠᠨ ᠨᠢ ᠬᠡᠨ ᠦ᠌ ᠪᠤᠷᠤᠭᠤ ᠪᠣᠢ? ᠲᠡᠷᠡ ᠬᠠᠷᠠ ᠬᠦᠦ ᠶ᠋ᠢᠨ ᠵᠠᠭᠤᠨ ᠬᠤᠪᠢ ᠶ᠋ᠢᠨ ᠪᠤᠷᠤᠭᠤ ᠭᠡᠵᠦ ᠪᠢ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠃ ᠲᠡᠷᠡ᠂ ᠮᠠᠭᠠᠳ ᠦᠭᠡᠢ᠂ ᠲᠡᠢᠮᠦ ᠴᠦ᠍ ᠮᠠᠭᠤ ᠬᠥᠮᠦᠨ ᠪᠢᠰᠢ ᠪᠠᠢᠵᠤ ᠪᠣᠯᠤᠨᠠ᠃ ᠡᠭᠦᠨ ᠬᠡᠨ ᠡᠰᠡ ᠮᠡᠳᠡᠯᠡ᠃ ᠭᠠᠭᠴᠠᠬᠦ ᠲᠡᠭᠦᠨ ᠳ᠋ᠦ᠍ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠮᠡᠳᠡᠯᠭᠡ ᠯᠡ ᠳᠤᠲᠠᠭᠰᠠᠨ ᠤ᠋ ᠬᠢ᠃ ᠡᠢᠮᠦ ᠪᠠᠢᠳᠠᠯ ᠠ᠋ᠴᠠ ᠪᠣᠯᠵᠤ ᠬᠡᠴᠢᠨᠡᠨ ᠣᠯᠠᠨ ᠡᠮᠡᠭᠲᠡᠢᠴᠦᠳ ᠰᠢᠨᠡᠯᠡᠵᠦ ᠶᠠᠪᠤᠭᠠ ᠶ᠋ᠢ ᠲᠣᠭᠠ ᠪᠠᠷ ᠢᠯᠡᠷᠬᠡᠢᠯᠡᠬᠦ ᠠᠷᠭᠠ ᠦᠭᠡᠢ᠃ ᠠᠩᠬᠠᠨ ᠤ᠋ ᠬᠠᠢᠷᠠ ᠨᠢ ᠪᠦᠲᠦᠭᠡ ᠦᠭᠡᠢ ᠡᠴᠡ ᠰᠡᠳᠬᠢᠯ ᠦ᠋ᠨ ᠡᠪᠡᠳᠴᠢᠨ ᠲᠤᠰᠤᠭᠰᠠᠨ ᠪᠣᠯᠪᠠᠴᠤ ᠢᠷᠠᠭᠤ ᠨᠠᠢᠷᠠᠭ ᠲᠤ᠌ ᠠᠪᠢᠶᠠᠰᠲᠠᠢ ᠵᠢᠷ ᠦ᠋ᠨ ᠨᠢᠭᠡ ᠡᠮᠡᠭᠲᠡᠢ ᠠᠩᠬᠠᠨ ᠤ᠋ ᠰᠥᠨᠢ ᠡᠴᠡ ᠦᠯᠡᠳᠡᠵᠦ ᠬᠣᠴᠣᠷᠤᠭᠰᠠᠨ ᠳᠤᠷᠠᠰᠤᠮᠵᠢ ᠪᠠᠨ ᠡᠢᠨᠬᠦ ᠰᠢᠯᠦᠭᠯᠡᠭᠰᠡᠨ ᠢ᠋ᠶ᠋ᠡᠨ ᠨᠠᠳᠠ ᠳ᠋ᠤ᠌ ᠳᠤᠷᠠᠰᠬᠠᠭᠰᠠᠨ ᠶᠤᠮ᠃
ᠠᠩᠬᠠᠨ ᠤ᠋ ᠰᠥᠨᠢ ᠁
ᠴᠣᠩᠬᠣ ᠪᠠᠷ ᠥᠯᠢᠢᠭᠰᠡᠨ ᠠᠯᠮᠠᠩ ᠰᠠᠷᠠ
ᠴᠣᠭᠣ ᠰᠢᠷᠳᠡᠭᠡᠳ ᠪᠠᠢᠬᠤ ᠰᠢᠭ᠋ ᠠᠨᠢᠷ ᠦᠭᠡᠢ ᠰᠥᠨᠢ
ᠴᠢᠪ ᠴᠢᠮᠡᠭᠡ ᠦᠭᠡᠢ ᠠᠮᠢᠰᠬᠤᠯ ᠳᠠᠷᠤᠨ ᠴᠢᠩᠨᠠᠬᠤ ᠰᠢᠭ᠋
ᠢᠴᠢᠬᠦ ᠶ᠋ᠢᠨ ᠵᠣᠪᠠᠯᠠᠩ ᠳ᠋ᠤ᠌ ᠬᠦᠯᠢᠭ ᠲᠡᠢ
ᠶᠡᠬᠡ ᠶ᠋ᠢᠨ ᠶᠡᠬᠡ ᠬᠠᠢᠷᠠ ᠪᠠᠨ ᠪᠢ ᠢᠯᠡᠴᠢᠯᠡᠭᠡ ᠦᠭᠡᠢ
ᠠᠩᠬᠠᠨ ᠤ᠋ ᠰᠥᠨᠢ ᠮᠢᠨᠢ
ᠠᠷᠢᠭᠤᠬᠠᠨ ᠴᠦ᠍ ᠭᠡᠰᠡᠨ ᠶᠠᠭᠠᠬᠢᠭᠰᠠᠨ ᠲᠡᠨᠡᠭ ᠪᠣᠢ?
ᠴᠢ ᠨᠠᠳᠠ ᠳ᠋ᠤ᠌ ᠬᠠᠢᠷᠠᠲᠠᠢ ᠤᠤ ᠭᠡᠵᠦ
ᠴᠢᠮᠡᠭᠡ ᠦᠭᠡᠢ ᠡᠴᠡ ᠴᠢ ᠰᠢᠪᠡᠨᠡᠨᠡ
ᠬᠠᠷᠢᠶᠠᠴᠠᠢ ᠨᠠᠰᠤᠨ ᠳ᠋ᠤ᠌ ᠤᠴᠠᠷᠠᠭᠰᠠᠨ
ᠬᠠᠷᠠᠴᠠᠨ ᠤ᠋ ᠬᠠᠢᠷᠠ ᠠ᠋ᠴᠠ ᠪᠠᠨ ᠵᠣᠪᠠᠵᠤ
ᠦᠨᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠴᠢᠮᠠ ᠳ᠋ᠤ᠌ ᠥᠭᠭᠦᠭᠰᠡᠨ
ᠰᠡᠳᠬᠢᠯ ᠦ᠋ᠨ ᠢ᠋ᠶ᠋ᠡᠨ ᠦᠭᠡ ᠶ᠋ᠢ ᠪᠢ ᠬᠡᠯᠡᠵᠦ ᠴᠢᠳᠠᠭᠠ ᠦᠭᠡᠢ
ᠥᠬᠢᠨ ᠪᠡᠶᠡ ᠪᠡᠨ ᠴᠢᠮᠠ ᠳ᠋ᠠᠭᠠᠨ ᠥᠭᠭᠦᠯᠡ
ᠣᠷᠴᠢᠯᠠᠩ ᠳ᠋ᠤ᠌ ᠭᠠᠭᠴᠠ ᠴᠢ ᠮᠢᠨᠦ ᠬᠠᠢᠷᠠ
ᠡᠨᠡ ᠯᠡ ᠦᠭᠡ ᠶ᠋ᠢ ᠴᠠᠭ ᠢ᠋ᠶ᠋ᠠᠨ ᠣᠯᠵᠤ ᠬᠡᠯᠡᠭᠡ ᠦᠭᠡᠢ ᠠ᠋
ᠬᠥᠭᠡᠷᠦᠬᠦᠢ᠂ ᠪᠠᠯᠴᠢᠷ ᠤᠬᠠᠭᠠᠨ ᠮᠢᠨᠢ
ᠬᠡᠨ ᠴᠦ᠍ ᠬᠦᠷᠦᠭᠡ ᠦᠭᠡᠢ ᠤᠷᠤᠭᠤᠯ ᠢ᠋ ᠮᠢᠨᠢ
ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠴᠢ ᠰᠢᠮᠡᠨᠡ ᠣᠵᠣᠨᠠ
ᠠᠶᠤᠬᠤ ᠢᠴᠢᠬᠦ ᠶ᠋ᠢᠨ ᠬᠦᠯᠢᠭ ᠲᠡᠢ ᠪᠢ ᠴᠢᠨᠢ
ᠠᠮᠢ ᠦᠭᠡᠢ ᠶᠦᠮ ᠰᠢᠭ ᠲᠡᠪᠡᠷᠢᠬᠦ ᠴᠦ᠍ ᠦᠭᠡᠢ ᠬᠡᠪᠲᠡᠨᠡ
ᠣᠯᠠᠨ ᠵᠢᠯ ᠰᠡᠳᠬᠢᠯ ᠢ᠋ᠶ᠋ᠡᠨ ᠰᠢᠨᠠᠯᠭᠠᠵᠤ
ᠣᠯᠠᠨ ᠠ᠋ᠴᠠ ᠭᠠᠭᠴᠠᠬᠠᠨ ᠴᠢᠮᠠᠶ᠋ᠢ ᠶ᠋ᠢ ᠬᠠᠢᠷᠠᠯᠠᠬᠤ ᠳ᠋ᠤ᠌ ᠪᠠᠨ
ᠣᠩᠭᠣᠨ ᠪᠡᠶᠡ ᠪᠡᠨ ᠵᠣᠷᠢᠭᠤᠯᠬᠤ ᠠᠩᠬᠠᠨ ᠤ᠋ ᠰᠥᠨᠢ
ᠣᠷᠴᠢᠯᠠᠩ ᠤ᠋ᠨ ᠵᠢᠷᠭᠠᠯ ᠢ᠋ ᠬᠠᠨᠲᠠᠯᠠ ᠪᠠᠨ ᠠᠮᠲᠠᠯᠠᠵᠤ
ᠳᠤᠯᠠᠭᠠᠨ ᠵᠥᠭᠡᠯᠡᠨ ᠤᠷᠤᠭᠤᠯ ᠢ᠋ ᠴᠢᠨᠢ
ᠳᠤᠷᠠ ᠪᠠᠨ ᠬᠠᠨᠲᠠᠯᠠ ᠦᠨᠦᠰᠴᠦ
ᠰᠠᠢᠬᠠᠨ ᠴᠢᠨᠦᠬᠢ ᠪᠡᠨ ᠪᠡᠶᠡ ᠶ᠋ᠢ
ᠰᠠᠨᠠᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠᠲᠠᠯᠠ ᠲᠡᠪᠡᠷᠢᠭᠡ ᠦᠭᠡᠢ
ᠶᠠᠩᠬᠠᠨ ᠤ᠋ ᠪᠤᠰᠤ ᠠᠷᠢᠭᠤᠨ ᠪᠡᠶᠡ ᠪᠡᠷ
ᠢᠨᠠᠭ ᠤ᠋ᠨ ᠵᠢᠷᠭᠠᠯ ᠳ᠋ᠤ᠌ ᠠᠭᠤᠰᠤᠨ ᠰᠢᠩᠭᠡᠵᠦ
ᠬᠦᠰᠡᠭᠰᠡᠨ ᠭᠠᠵᠠᠷ ᠪᠦᠬᠦᠨ ᠢ᠋ᠶ᠋ᠡᠨ ᠡᠩᠬᠦᠷᠡᠢᠯᠡᠨ
ᠬᠦᠯᠢᠶᠡᠭᠰᠡᠨ ᠵᠣᠪᠠᠯᠠᠩ ᠢ᠋ᠶ᠋ᠠᠨ ᠮᠠᠷᠲᠠᠲᠠᠯᠠ ᠵᠢᠷᠭᠠᠭᠠ ᠦᠭᠡᠢ
ᠪᠠᠴᠢᠭᠤᠬᠠᠨ ᠤᠬᠠᠭᠠᠨ ᠪᠣᠳᠣᠯ ᠮᠢᠨᠢ
ᠪᠠᠭᠯᠠᠭᠰᠠᠨ ᠢᠴᠢᠬᠦ ᠵᠣᠪᠠᠬᠤ ᠳ᠋ᠤ᠌
ᠪᠠᠢᠳᠠᠭ ᠪᠡᠶᠡ ᠬᠦᠯᠢᠭᠳᠡᠴᠢᠬᠡᠭᠡᠳ ᠪᠢ
ᠦᠬᠦᠭᠰᠡᠨ ᠮᠡᠲᠦ ᠬᠡᠪᠲᠡᠭᠰᠡᠨ ᠪᠡᠶᠡ
ᠡᠪᠡᠳᠬᠦ ᠲᠡᠷᠡᠬᠡᠨ ᠭᠱᠠᠨ ᠳ᠋ᠤ᠌
ᠪᠣᠯᠢᠭᠠᠴᠢ᠂ ᠶᠠᠭᠠᠬᠢᠭᠰᠠᠨ ᠮᠠᠭᠤᠬᠠᠢ ᠶᠤᠮ ᠪᠣᠢ ᠭᠡᠵᠦ
ᠪᠠᠰᠠ ᠯᠠ ᠲᠡᠨᠡᠭᠯᠡᠨ ᠰᠢᠪᠡᠨᠡᠭᠰᠡᠨ ᠶᠠᠭ ᠯᠠ ᠲᠡᠷᠡ ᠮᠥᠴᠡ ᠳ᠋ᠦ᠍ ᠴᠢ
ᠴᠢ ᠨᠠᠳᠠᠳᠤ ᠬᠠᠢᠷᠠ ᠦᠭᠡᠢ ᠭᠡᠵᠦ
ᠴᠢᠮᠡᠭᠡᠭᠦᠢᠬᠡᠨ ᠵᠢᠷᠦᠬᠡᠨ ᠳ᠋ᠡᠭᠡᠨ ᠭᠣᠮᠣᠳᠠᠭᠰᠠᠨ ᠬᠠᠢᠷᠠ
ᠡᠨᠡ ᠮᠥᠴᠡ ᠳᠡᠭᠡᠷᠡ ᠲᠣᠭᠲᠠᠳᠠᠭ ᠢ᠋ ᠬᠠᠷᠢᠨ
ᠲᠡᠭᠡᠬᠦ ᠳ᠋ᠦ᠍ ᠪᠢ ᠮᠡᠳᠡᠭᠡ ᠦᠭᠡᠢ
ᠠᠩᠬᠠᠨ ᠤ᠋ ᠰᠥᠨᠢ ᠡᠷᠭᠢᠵᠦ ᠢᠷᠡᠳᠡᠭ ᠰᠠᠨ ᠪᠣᠯ ᠭᠡᠵᠦ
ᠠᠯᠳᠠᠭᠰᠠᠨ ᠤᠬᠠᠭᠠᠨ ᠣᠳᠣ ᠴᠦ᠍ ᠭᠡᠮᠰᠢᠭᠰᠡᠭᠡᠷ᠁
ᠴᠢᠮᠠᠲᠤ ᠪᠢ ᠬᠠᠢᠷᠠᠲᠠᠢ ᠭᠡᠵᠦ
ᠤᠬᠢᠯᠠᠵᠤ ᠪᠠᠢᠭᠠᠳ ᠲᠡᠪᠡᠷᠢᠬᠦ ᠰᠠᠨ
ᠴᠢᠮᠠᠶ᠋ᠢ ᠪᠠᠷ ᠭᠤᠶᠤᠯᠭᠠᠵᠤ ᠦᠨᠡᠷᠬᠡᠯ ᠦᠭᠡᠢ
ᠤᠨᠠᠭᠠᠨ ᠪᠡᠶᠡ ᠪᠡᠨ ᠨᠢᠴᠦᠭᠦᠯᠡᠬᠦ ᠰᠠᠨ
ᠬᠦᠯᠢᠶᠡᠬᠦ ᠶ᠋ᠢᠨ ᠵᠣᠪᠠᠯᠠᠩ ᠳ᠋ᠤ᠌ ᠬᠠᠲᠠᠭᠰᠠᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ
ᠬᠦᠰᠡᠯ ᠬᠠᠢᠷᠠ ᠪᠠᠨ ᠵᠢᠷᠭᠠᠭᠠᠬᠤ ᠰᠠᠨ
ᠰᠠᠨᠠᠭᠠ ᠰᠡᠳᠬᠢᠯ ᠳ᠋ᠦ᠍ ᠮᠥᠩᠬᠡᠷᠡᠭᠰᠡᠨ
ᠰᠠᠢᠬᠠᠨ ᠨᠢᠳᠦ ᠪᠡᠶᠡ ᠶ᠋ᠢ ᠴᠢᠨᠢ
ᠰᠠᠨᠠᠭᠰᠠᠨ ᠴᠠᠩᠭᠠᠭᠠ ᠪᠠᠨ ᠲᠡᠢᠯᠡᠲᠡᠯᠡ
ᠰᠠᠷᠠᠨ ᠳᠣᠣᠷᠠ ᠡᠩᠬᠦᠷᠡᠢᠯᠡᠬᠦ ᠰᠠᠨ
ᠪᠢ ᠡᠮᠡᠭᠲᠡᠢ ᠬᠥᠮᠦᠨ ᠭᠡᠵᠦ
ᠪᠡᠶᠡ ᠪᠡᠨ ᠪᠠᠷᠢᠬᠤ ᠶᠠᠭᠠᠬᠢᠭᠰᠠᠨ ᠲᠡᠨᠡᠭ ᠪᠣᠢ
ᠪᠢ ᠴᠢᠮᠠᠲᠤ ᠬᠠᠢᠷᠠᠲᠠᠢ ᠭᠡᠳ
ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠳᠤᠷᠠ ᠪᠠᠷ ᠲᠠᠯᠪᠢᠵᠤ
ᠶᠠᠭᠠᠬᠢᠭᠠᠳ ᠪᠣᠯᠬᠤ ᠦᠭᠡᠢ ᠪᠠᠢᠬᠤ ᠪᠣᠢ
ᠶᠠᠭᠠᠬᠢᠪᠠᠴᠤ ᠢᠴᠢᠨᠡ ᠭᠡᠳᠡᠭ ᠲᠡᠨᠡᠭᠯᠡᠯ
ᠪᠡᠶᠡ ᠪᠡᠨ ᠡᠪᠡᠳᠬᠡᠬᠦ ᠪᠡᠷ ᠢᠷᠠᠭᠠᠯᠠᠨ ᠢᠨᠠᠭᠯᠠᠵᠤ
ᠪᠡᠶᠡ ᠪᠡᠨ ᠲᠠᠯᠪᠢᠲᠠᠯᠠ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠴᠡᠩᠭᠡᠵᠦ
ᠠᠷᠢᠭᠤᠨ ᠪᠡᠶᠡ ᠦᠨᠡᠨ ᠬᠠᠢᠷᠠ ᠪᠠᠨ ᠵᠢᠷᠭᠠᠭᠠᠬᠤ ᠪᠠᠷ
ᠠᠩᠬᠠᠨ ᠤ᠋ ᠰᠥᠨᠢ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ!
ᠡᠨᠡ ᠰᠢᠯᠦᠭ ᠥᠬᠢᠨ ᠪᠡᠶᠡ ᠪᠡᠨ ᠬᠥᠨᠳᠡᠭᠦᠯᠵᠦ ᠪᠠᠢᠭᠠ ᠣᠯᠠᠨ ᠪᠦᠰᠡᠭᠦᠢ ᠶ᠋ᠢᠨ ᠰᠡᠳᠬᠢᠯ ᠢ᠋ ᠨᠡᠪᠲᠡ ᠬᠠᠷᠠᠭᠤᠯᠤᠨᠠ᠃ ᠡᠴᠦᠰ ᠲᠦ᠍ ᠨᠢ ᠴᠣᠮᠣᠷᠯᠢᠭ ᠢ᠋ᠶ᠋ᠠᠨ ᠨᠡᠭᠡᠭᠡᠵᠦ ᠪᠣᠢ ᠴᠡᠴᠡᠭ ᠰᠢᠭ᠋ ᠬᠣᠩᠭᠣᠷᠬᠠᠨ ᠥᠬᠢᠨ᠂ ᠲᠠ ᠨᠠᠷ ᠢ᠋ ᠪᠡᠨ ᠭᠠᠭᠴᠠ ᠨᠠᠰᠤᠨ ᠤ᠋ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠪᠢᠲᠡᠭᠡᠢ ᠠᠯᠳᠠᠵᠤ ᠣᠨᠣᠭᠠᠰᠠᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠨᠢᠭᠡ ᠰᠤᠷᠭᠠᠮᠵᠢ ᠬᠡᠯᠡᠶᠡ᠃ ᠥᠬᠢᠨ᠂ ᠲᠠᠨᠠᠷ ᠪᠣᠯ ᠢᠷᠡᠭᠡᠳᠦᠢ ᠶ᠋ᠢᠨ ᠡᠬᠡᠴᠦᠳ ᠪᠢᠯᠡ᠃ ᠲᠡᠢᠮᠦ ᠡᠴᠡ ᠡᠨᠡ ᠶᠢᠷᠲᠢᠨᠴᠦ ᠳ᠋ᠦ᠍ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠠᠷᠢᠭᠤᠨ ᠪᠡᠶᠡ ᠶ᠋ᠢ ᠣᠯᠵᠤ ᠲᠥᠷᠥᠭᠰᠡᠨ ᠬᠡᠨ ᠪᠣᠯᠪᠠᠴᠤ ᠨᠡᠷᠡ ᠠᠯᠳᠠᠷ ᠢ᠋ᠶ᠋ᠠᠨ ᠢᠮᠠᠭᠲᠠ ᠡᠷᠬᠢᠮᠯᠡᠨ ᠶᠠᠪᠤᠬᠤ ᠤᠴᠢᠷ ᠲᠠᠢ᠃ ᠪᠤᠰᠤᠳ ᠲᠤ᠌ ᠤᠷᠤᠭᠤ ᠲᠠᠲᠠᠭᠳᠠᠨ᠂ ᠶᠠᠭᠠᠬᠢᠭᠠ ᠴᠦ᠍ ᠦᠭᠡᠢ ᠪᠠᠢᠵᠤ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠢᠲᠡᠭᠡᠢ ᠡᠷᠲᠡ ᠣᠷᠣᠭᠠᠷᠠᠢ᠃ ᠵᠠᠯᠠᠭᠤ ᠨᠠᠰᠤᠨ ᠮᠥᠩᠬᠡ ᠪᠤᠰᠤ ᠶ᠋ᠢᠨ ᠤᠴᠢᠷ ᠬᠣᠵᠢᠮ ᠬᠣᠢᠴᠢ ᠶ᠋ᠢᠨ ᠡᠳᠦᠷ ᠬᠠᠷᠠᠮᠰᠠᠨ ᠬᠠᠯᠠᠭᠯᠠᠵᠤ᠂ ᠠᠮᠠ ᠪᠠᠨ ᠪᠠᠷᠢᠬᠤ ᠦᠭᠡᠢ ᠭᠡᠪᠡᠯ ᠨᠠᠰᠤᠨ ᠤ᠋ ᠬᠠᠨᠢ ᠪᠠᠨ ᠠᠩᠬᠠᠨ ᠠ᠋ᠴᠠ ᠪᠠᠨ ᠵᠥᠪ ᠰᠢᠯᠢᠨ ᠰᠣᠩᠭᠣ᠃ ᠨᠢᠳᠦᠨ ᠳ᠋ᠦ᠍ ᠥᠷᠲᠥᠭᠰᠡᠨ ᠪᠦᠬᠦᠨ᠂ ᠠᠮᠠ ᠨᠡᠭᠡᠭᠡᠵᠦ ᠬᠠᠢᠷᠠ ᠰᠡᠳᠬᠢᠯ ᠠᠮᠠᠯᠠᠭᠰᠠᠨ ᠪᠣᠯᠭᠠᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠠᠵᠠ ᠵᠢᠷᠭᠠᠯ ᠠᠪᠴᠢᠷᠠᠳᠠᠭ ᠪᠤᠰᠤ ᠠ᠋᠃