ᠬᠡᠯᠡ ᠪᠢᠴᠢᠭ - ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢᠭᠡᠳᠦᠭᠡᠷ ᠣᠨ ᠳᠣᠣᠷᠠᠳᠤ 22 ᠵᠤᠯᠵᠠᠭᠠᠨ ᠮᠤᠤᠷ ᠵᠢᠭᠠᠰᠤ ᠭᠥᠬᠢᠳᠡᠭᠰᠡᠨ ᠨᠢХэл бичиг-бага сургуули нэгдүгээр он доорд
87122 ᠵᠤᠯᠵᠠᠭᠠᠨ ᠮᠤᠤᠷ ᠵᠢᠭᠠᠰᠤ ᠭᠥᠬᠢᠳᠡᠭᠰᠡᠨ ᠨᠢ
ᠨᠢᠭᠡᠨ ᠡᠳᠦᠷ ᠪᠦᠳᠦᠭᠦᠨ ᠮᠤᠤᠷ ᠵᠤᠯᠵᠠᠭᠠᠨ ᠮᠤᠤᠷ ᠲᠠᠢ ᠪᠠᠨ ᠭᠣᠣᠯ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠣᠴᠢᠵᠤ ᠵᠢᠭᠠᠰᠤ ᠭᠥᠬᠢᠳᠡᠪᠡ᠃
ᠨᠢᠭᠡ ᠥᠷᠥᠮᠡ ᠬᠤᠯᠠᠭᠠᠢᠴᠢ ᠨᠢᠰᠴᠦ ᠢᠷᠡᠪᠡ᠃ ᠵᠤᠯᠵᠠᠭᠠᠨ ᠮᠤᠤᠷ ᠭᠥᠬᠢ ᠪᠡᠨ ᠲᠠᠯᠪᠢᠭᠠᠳ ᠲᠡᠭᠦᠨ ᠢ᠋ ᠪᠠᠷᠢᠬᠤ ᠪᠠᠷ ᠭᠦᠶᠦᠯᠡ᠃ ᠥᠷᠥᠮᠡ ᠬᠤᠯᠠᠭᠠᠢᠴᠢ ᠨᠢᠰᠴᠢᠬᠡᠭᠰᠡᠨ ᠲᠤᠯᠠ ᠵᠤᠯᠵᠠᠭᠠᠨ ᠮᠤᠤᠷ ᠪᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠪᠤᠴᠠᠭᠠᠳ ᠢᠷᠡᠬᠦ ᠳ᠋ᠦ᠍ ᠨᠢ ᠪᠦᠳᠦᠭᠦᠨ ᠮᠤᠤᠷ ᠨᠢᠭᠡ ᠲᠣᠮᠣ ᠵᠢᠭᠠᠰᠤ ᠭᠥᠬᠢᠳᠡᠭᠰᠡᠨ ᠪᠠᠢᠪᠠ᠃
ᠪᠠᠰᠠ ᠨᠢᠭᠡ ᠡᠷᠪᠡᠬᠡᠢ ᠨᠢᠰᠴᠦ ᠢᠷᠡᠯᠡ᠃ ᠵᠤᠯᠵᠠᠭᠠᠨ ᠮᠤᠤᠷ ᠭᠥᠬᠢ ᠪᠡᠨ ᠲᠠᠯᠪᠢᠭᠠᠳ ᠲᠡᠭᠦᠨ ᠢ᠋ ᠪᠠᠷᠢᠬᠤ ᠪᠠᠷ ᠭᠦᠶᠦᠪᠡ᠃ ᠡᠷᠪᠡᠬᠡᠢ ᠨᠢᠰᠦᠨ ᠣᠳᠤᠭᠰᠠᠨ ᠲᠤᠯᠠ ᠵᠤᠯᠵᠠᠭᠠᠨ ᠮᠤᠤᠷ ᠪᠠᠰᠠ ᠪᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠪᠤᠴᠠᠵᠤ ᠢᠷᠡᠬᠦ ᠳ᠋ᠦ᠍ ᠪᠦᠳᠦᠭᠦᠨ ᠮᠤᠤᠷ ᠪᠠᠰᠠ ᠨᠢᠭᠡ ᠲᠣᠮᠣ ᠵᠢᠭᠠᠰᠤ ᠭᠥᠬᠢᠳᠡᠭᠰᠡᠨ ᠪᠠᠢᠪᠠ᠃
《ᠬᠠᠴᠢᠨ ᠳᠠ! ᠪᠢ ᠶᠠᠭᠠᠬᠢᠭᠠᠳ ᠨᠢᠭᠡ ᠵᠢᠷᠠᠭᠠᠬᠠᠢ ᠴᠦ᠍ ᠣᠯᠵᠤ ᠭᠥᠬᠢᠳᠡᠬᠦ ᠦᠭᠡᠢ ᠶᠤᠮ? 》 ᠭᠡᠵᠦ ᠵᠤᠯᠵᠠᠭᠠᠨ ᠮᠤᠤᠷ ᠬᠡᠯᠡᠭᠡᠳ ᠤᠷᠤᠭᠤ ᠴᠢᠷᠠᠢᠯᠠᠪᠠ᠃
ᠪᠦᠳᠦᠭᠦᠨ ᠮᠤᠤᠷ ᠲᠡᠭᠦᠨ ᠢ᠋ ᠬᠠᠷᠠᠭᠠᠳ :《ᠵᠢᠭᠠᠰᠤ ᠭᠥᠬᠢᠳᠡᠶᠡ ᠭᠡᠬᠦ ᠶᠤᠮ ᠪᠣᠯ ᠯᠠᠪᠳᠠᠭᠤᠨ ᠰᠠᠭᠤᠭᠠᠳ ᠭᠥᠬᠢᠳᠡ᠃ ᠪᠠᠢᠵᠤ ᠪᠠᠢᠭᠠᠳ ᠥᠷᠥᠮᠡ ᠬᠤᠯᠠᠭᠠᠢᠴᠢ ᠬᠥᠭᠡᠭᠡᠵᠦ᠂ ᠪᠠᠢᠵᠤ ᠪᠠᠢᠭᠠᠳ ᠡᠷᠪᠡᠬᠡᠢ ᠲᠠᠭᠤᠬᠤ ᠶᠤᠮ ᠴᠢᠨᠢ ᠶᠠᠭᠠᠬᠢᠵᠤ ᠵᠢᠭᠠᠰᠤ ᠭᠥᠬᠢᠳᠡᠵᠦ ᠳᠡᠢᠯᠬᠦ ᠪᠣᠢ? 》 ᠭᠡᠵᠡᠢ᠃
ᠪᠦᠳᠦᠭᠦᠨ ᠮᠤᠤᠷ ᠤ᠋ᠨ ᠦᠭᠡ ᠪᠡᠷ ᠵᠤᠯᠵᠠᠭᠠᠨ ᠮᠤᠤᠷ ᠰᠡᠳᠬᠢᠯ ᠲᠠᠯᠪᠢᠨ ᠭᠥᠬᠢᠳᠡᠪᠡ᠃
ᠥᠷᠥᠮᠡ ᠬᠤᠯᠠᠭᠠᠢᠴᠢ ᠪᠠᠰᠠ ᠨᠢᠰᠴᠦ ᠢᠷᠡᠯᠡ᠃ ᠡᠷᠪᠡᠬᠡᠢ ᠪᠠᠰᠠ ᠨᠢᠰᠴᠦ ᠢᠷᠡᠯᠡ᠃ ᠵᠤᠯᠵᠠᠭᠠᠨ ᠮᠤᠤᠷ ᠦᠵᠡᠭᠰᠡᠨ ᠦᠭᠡᠢ ᠶᠤᠮ ᠰᠢᠭ ᠵᠢᠭᠠᠰᠤ ᠪᠠᠨ ᠭᠥᠬᠢᠳᠡᠪᠡ᠃
ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠵᠤᠯᠵᠠᠭᠠᠨ ᠮᠤᠤᠷ ᠨᠢᠭᠡ ᠲᠣᠮᠣ ᠵᠢᠭᠠᠰᠤ ᠭᠥᠬᠢᠳᠡᠵᠡᠢ᠃