ᠬᠡᠯᠡ ᠪᠢᠴᠢᠭ - ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢᠭᠡᠳᠦᠭᠡᠷ ᠣᠨ ᠳᠣᠣᠷᠠᠳᠤ 21 ᠪᠢᠴᠢᠬᠠᠨ ᠨᠠᠢᠵᠠ Хэл бичиг-бага сургуули нэгдүгээр он доорд
71921 ᠪᠢᠴᠢᠬᠠᠨ ᠨᠠᠢᠵᠠ
ᠳ᠋᠊᠂ ᠳ᠋ᠠᠮᠪᠢᠵᠠᠯᠰᠠᠨ
ᠨᠢᠭᠡ
ᠪᠣᠷᠣᠬᠠᠨ ᠪᠣᠲᠣᠭᠣ ᠭᠠᠳᠠᠰᠤ ᠪᠠᠨ ᠲᠣᠭᠣᠷᠢᠨ ᠪᠤᠢᠯᠠᠨᠠ᠂ ᠲᠠᠪᠤᠨ ᠨᠠᠰᠤᠲᠠᠢ ᠰᠤᠪᠤᠳ ᠭᠠᠢᠬᠠᠨ ᠬᠠᠷᠠᠵᠤ:
《ᠴᠢ ᠶᠠᠭᠤᠨ ᠳ᠋ᠤ᠌ ᠮᠥᠭᠡᠷᠡᠭᠡᠳ ᠪᠠᠢᠭᠠ ᠶᠤᠮ ᠪᠣᠢ ?》 ᠭᠡᠪᠡ᠃
ᠪᠣᠲᠣᠭᠣ ᠥᠬᠢᠨ ᠢ᠋ ᠬᠠᠷᠠᠵᠤ:
《ᠲᠤᠭᠤᠯ ᠮᠥᠭᠡᠷᠡᠳᠡᠭ ᠡᠴᠡ ᠪᠢᠰᠢ᠂ ᠪᠣᠲᠣᠭᠣ ᠮᠥᠭᠡᠷᠡᠳᠡᠭ ᠪᠢᠯᠡ ᠦᠦ?》 ᠭᠡᠪᠡ᠃
ᠪᠢᠴᠢᠬᠠᠨ ᠰᠤᠪᠤᠳ ᠪᠠᠬᠠᠨ ᠪᠣᠳᠣᠭᠰᠠᠨ ᠢ᠋ᠶ᠋ᠠᠨ:
《ᠴᠢ ᠶᠠᠭᠠᠬᠢᠭᠠᠳ ᠮᠠᠢᠯᠠᠭᠠᠳ ᠪᠠᠢᠭᠠ ᠶᠤᠮ ᠪᠣᠢ?》 ᠭᠡᠪᠡ᠃
ᠪᠣᠲᠣᠭᠣ:
《ᠬᠡᠵᠢᠶᠡ ᠪᠣᠲᠣᠭᠣ ᠮᠠᠢᠯᠠᠵᠤ ᠪᠠᠢᠭᠰᠠᠨ ᠶᠤᠮ ᠪᠣᠢ?》 ᠭᠡᠪᠡ ᠃
ᠬᠣᠶᠠᠷ
ᠰᠤᠪᠤᠳ ᠥᠬᠢᠨ ᠪᠣᠲᠣᠭᠣᠨ ᠤ᠋ ᠲᠣᠯᠣᠭᠠᠢ ᠶ᠋ᠢ ᠢᠯᠢᠵᠦ:
《ᠪᠢᠲᠡᠭᠡᠢ ᠤᠬᠢᠯᠠ ᠳᠠ᠃ ᠡᠵᠢ ᠴᠢᠨᠢ ᠬᠠᠮᠢᠭᠠ ᠣᠴᠢᠭᠰᠠᠨ ᠶᠤᠮ ᠪᠣᠢ ? ᠪᠢ ᠳᠠᠭᠤᠳᠠᠭᠠᠳ ᠥᠭᠭᠦᠶᠡ! 》 ᠭᠡᠪᠡ ᠃
ᠪᠣᠲᠣᠭᠣ:
《ᠡᠵᠢ ᠮᠢᠨᠢ ᠪᠡᠯᠴᠢᠭᠡᠷ ᠲᠦ᠍ ᠶᠠᠪᠤᠭᠠ᠂ ᠬᠠᠯᠠᠭᠤᠨ ᠨᠠᠷᠠ ᠰᠢᠷᠠᠭᠠᠳ᠂ ᠠᠮᠠ ᠴᠠᠩᠭᠠᠭᠠᠳ ᠪᠠᠢᠨᠠ》 ᠭᠡᠪᠡ᠃
ᠰᠤᠪᠤᠳ ᠭᠡᠷ ᠤᠷᠤᠭᠤ ᠪᠠᠨ ᠭᠦᠶᠦᠪᠡ᠃ ᠡᠮᠡᠭᠡ ᠡᠴᠡ ᠪᠡᠨ ᠶᠠᠭᠤᠮᠠ ᠠᠰᠠᠭᠤᠯᠠ᠃ ᠬᠤᠪᠢᠩ ᠲᠠᠢ ᠤᠰᠤ ᠪᠠᠨ ᠳᠠᠭᠠᠭᠠᠵᠤ ᠶᠠᠳᠠᠭᠰᠠᠭᠠᠷ ᠪᠣᠲᠣᠭᠣᠨ ᠤ᠋ ᠳᠡᠷᠭᠡᠳᠡ ᠢᠷᠡᠭᠡᠳ:
《ᠪᠢ ᠴᠥᠮ ᠢ᠋ ᠨᠢ ᠮᠡᠳᠡᠭᠰᠡᠨ᠂ ᠪᠣᠲᠣᠭᠣ ᠪᠣᠢᠯᠠᠨᠠ᠂ ᠬᠤᠷᠠᠭᠠ ᠮᠠᠢᠯᠠᠨᠠ᠂ ᠲᠤᠭᠤᠯ ᠮᠥᠭᠡᠷᠡᠨᠡ᠂ ᠤᠨᠠᠭᠠ ᠢᠨᠴᠠᠭᠠᠨᠠ᠃ ᠡᠢᠮᠦ ᠦᠦ?》 ᠭᠡᠬᠦ ᠳ᠋ᠦ᠍ ᠪᠣᠲᠣᠭᠣ:
《ᠴᠢ ᠶᠠᠮᠠᠷ ᠤᠬᠠᠭᠠᠨ ᠲᠠᠢ ᠶᠤᠮ ᠪᠣᠢ! ᠪᠦᠭᠦᠳᠡ ᠶ᠋ᠢ ᠮᠡᠳᠡᠵᠡᠢ》 ᠭᠡᠪᠡ᠃