ᠨᠠᠢᠷᠲᠠᠢ ᠮᠣᠩᠭᠣᠯ -ᠳ᠋᠊᠂ ᠨᠠᠢᠳᠠᠨᠳᠣᠷᠵᠢ᠂ ᠽ ∙ ᠡᠷᠳᠡᠨᠢᠸᠴᠢᠷ Naidandorj Erdene-Ochir - Nairtai Mongol Найртай Монгол -Д.Найдандорж, З.Эрдэнэ-Очир ᠳᠠᠭᠤᠤ ᠬᠥᠭᠵᠢᠮ

Шүлэг: Д.Ган-Очир /МЗЭ-ийн шагналт/
Хөгжми: Б.Сайнтөмөр
Дуучин: Д.Найдандорж, З.Эрдэнэ-Очир

Шүүдэр гялалзах өглөө найрын зар тараая
Шүрэн толгойт хөөргөөр босон суун мэндчилье
Шүлэг найргийн уянгаар олон түмнээ магтая
Шүтээн хайрхан ууландаа охьюу дээжээ өргөе

Дахилт:
Намба төгөлдөр буурлуудаа дээш нь залъя
Нартын гэгээн хойморт хуураа татъя
Дээвэр туургаа хөвсөлзүүлэн найрлая
Дэргэдийн уулсаа өндөлзтөл дуулъя

Уртын сайхан дуу гэрийн хаяанаас цойлно
Ураг төрөл, садангуудын сэтгэлийн хөг яруусна
Уулзаагүй удсан голынхон биесээ хөөргөнө
Уйтан буурал хорвоод уламж найраа хөгжөөнө

Дахилт:
Намба төгөлдөр буурлуудаа дээш нь залъя
Нартын гэгээн хойморт хуураа татъя
Дээвэр туургаа хөвсөлзүүлэн найрлая
Дэргэдийн уулсаа өндөлзтөл дуулъя

Ерөөлийн мөнгөн аяганд нар өнжүүлж тухлая
Ертөнцийн анир үргээж сар мандтал цэнгэе
Эсгий цагаан гэртээ дугараа эргүүлж найрлая
Энэ л яваа насандаа нажидаа эдлэн жаргая

Дахилт:
Намба төгөлдөр буурлуудаа дээш нь залъя
Нартын гэгээн хойморт хуураа татъя
Дээвэр туургаа хөвсөлзүүлэн найрлая
Дэргэдийн уулсаа өндөлзтөл дуулъя