ᠪᠠᠭᠠᠲᠤᠷ - ᠴᠤᠭᠤᠷ ᠬᠠᠮᠲᠤᠯᠢᠭ᠋ Баатар-Цоор хамтлаг
659ᠪᠠᠭᠠᠲᠤᠷ
ᠦᠭᠡ᠄ ᠪᠦᠵᠢᠩᠬᠦᠢ᠍ᠦ ᠳᠣᠷᠣᠨᠠ
(ᠦᠭᠡ ᠠᠶᠠ ᠶ᠋ᠢ ᠬᠤᠭᠤᠷ ᠤ᠋ᠨ ᠦᠯᠢᠭᠡᠷ ᠲᠦ᠍ ᠦᠨᠳᠦᠰᠦᠯᠡᠪᠡ)
ᠬᠥᠭᠵᠢᠮ ᠦ᠋ᠨ ᠨᠠᠢᠷᠠᠭᠤᠯᠤᠭᠴᠢ᠄ ᠲᠡᠮᠥᠷᠮᠥ᠋ᠩᠬᠡ
ᠴᠣᠭᠣᠷ ᠬᠠᠮᠲᠤᠯᠢᠭ ᠳᠠᠭᠤᠯᠠᠨᠠ
ᠦᠯᠢᠭᠡᠷ ᠦ᠋ᠨ ᠤᠴᠢᠷ ᠢ᠋ ᠮᠡᠳᠡᠭᠦᠯᠪᠡᠰᠦ᠂
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠨᠢᠭᠡᠨ ᠪᠠᠭᠠᠲᠤᠷ ᠵᠠᠭᠤᠨ ᠲᠦᠮᠡᠨ ᠴᠡᠷᠢᠭ ᠦ᠋ᠨ ᠵᠠᠬᠢᠷᠤᠭᠴᠢ᠂ ᠮᠠᠩᠭᠤᠰ ᠢ᠋ ᠳᠠᠷᠤᠬᠤ ᠵᠠᠷᠯᠢᠭ ᠢ᠋ ᠬᠦᠯᠢᠶᠡᠨ ᠠᠪᠴᠤ ᠳᠠᠭᠤ ᠪᠠᠷ ᠢ᠋ᠶ᠋ᠠᠨ ᠬᠠᠰᠬᠢᠷᠴᠤ ᠲᠣᠭᠰᠢᠨ ᠰᠦᠷ ᠢ᠋ ᠮᠠᠨᠳᠤᠭᠤᠯᠵᠤ ᠬᠤᠶᠠᠭ ᠪᠣᠯᠤᠨ ᠲᠤᠭᠤᠯᠭᠠ ᠶ᠋ᠢ ᠬᠤᠷᠳᠤᠨ ᠨᠠᠰᠢ ᠪᠠᠨ ᠠᠪᠴᠤ᠂ ᠠᠷᠠᠳ ᠪᠣᠯᠤᠨ ᠴᠡᠷᠢᠭ ᠠᠨᠳᠠ ᠰᠠᠨᠳᠠ ᠪᠠᠨ ᠠᠯᠳᠠᠷᠠᠵᠤ᠂ ᠬᠤᠶᠠᠭ ᠤ᠋ᠨ ᠠᠪᠳᠠᠷᠠ ᠶ᠋ᠢ ᠳᠠᠮᠨᠠᠭᠠᠳ ᠢᠷᠡᠬᠦ ᠶ᠋ᠢᠨ ᠦᠶᠡᠰ ᠲᠦ᠍᠂ ᠰᠠᠭᠤᠵᠤ ᠪᠠᠢᠭᠰᠠᠨ ᠣᠷᠣᠨ ᠠ᠋ᠴᠠ ᠰᠤᠭᠤ ᠲᠡᠳᠡᠨ ᠪᠣᠰᠴᠤ᠂ ᠭᠠᠩ ᠭᠠᠷᠠᠬᠠ᠂ ᠬᠤᠶᠠᠭ ᠢ᠋ ᠭᠠᠳᠠᠷ ᠲᠠᠯᠠ ᠳ᠋ᠤ᠌ ᠪᠠᠨ ᠲᠣᠣᠷᠯᠠᠭᠠᠳ᠂ ᠭᠠᠯᠵᠠᠭᠤ ᠪᠠᠷᠰ ᠤ᠋ᠨ ᠲᠣᠯᠣᠭᠠᠢ ᠭᠡᠳᠡᠭ ᠨᠢ ᠮᠥᠷᠦᠨ ᠳᠡᠭᠡᠷᠡ ᠨᠢ ᠭᠢᠯᠠᠯᠵᠠᠵᠤ᠂ ᠬᠦᠷᠡᠯ ᠲᠣᠯᠢ ᠶ᠋ᠢᠨ ᠳᠣᠲᠣᠷᠠ ᠬᠥᠬᠡ ᠯᠤᠤ ᠮᠠᠭᠰᠢᠭᠠᠳ᠂ ᠥᠨᠳᠥᠷ ᠥᠨᠳᠥᠷ ᠬᠤᠶᠠᠭ ᠤ᠋ᠨ ᠣᠭᠣᠰᠣᠷ ᠥᠯᠵᠡᠢ ᠵᠠᠩᠭᠢᠶᠠ ᠵᠠᠩᠭᠢᠳᠤᠭᠠᠳ᠂ ᠥᠯᠵᠡᠢ ᠵᠠᠩᠭᠢᠶᠠ ᠣᠭᠣᠰᠣᠷ ᠠ᠋ᠴᠠ ᠰᠠᠨᠴᠢᠭ ᠳᠣᠷᠣᠭᠰᠢ ᠮᠢᠷᠠᠯᠵᠠᠭᠠᠳ᠂ ᠰᠤᠨᠤᠭᠠᠳ ᠭᠠᠷᠤᠭᠰᠠᠨ ᠬᠤᠶᠠᠭ ᠤ᠋ᠨ ᠣᠭᠣᠰᠣᠷ ᠠ᠋ᠴᠠ ᠰᠤᠸᠠᠮᠫᠠᠨ ᠭᠠᠳᠠ ᠵᠠᠩᠭᠢᠳᠤᠭᠠᠳ᠂ ᠰᠤᠸᠠᠮᠫᠠᠨ ᠭᠠᠳᠠ ᠦᠵᠦᠭᠦᠷ ᠡᠴᠡ ᠰᠠᠨᠴᠢᠭ ᠳᠣᠷᠣᠭᠰᠢ ᠮᠢᠷᠠᠯᠵᠠᠭᠠᠳ᠂ ᠬᠦᠳᠡᠷ ᠴᠠᠬᠢᠷᠠᠭ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ᠂ ᠬᠥᠯᠦᠭ ᠮᠣᠷᠢᠨ ᠳ᠋ᠤ᠌ ᠪᠠᠨ ᠦᠰᠦᠷᠦᠭᠡᠳ ᠭᠠᠷᠤᠯᠠ᠂ ᠳᠠᠯᠪᠠᠭᠠ ᠲᠤᠭ ᠢ᠋ᠶ᠋ᠠᠨ ᠥᠨᠳᠥᠷ ᠮᠠᠨᠳᠤᠭᠤᠯᠤᠭᠠᠳ᠂ ᠮᠠᠩᠭᠤᠰ ᠢ᠋ ᠳᠠᠷᠤᠬᠤ ᠪᠠᠷ ᠮᠣᠷᠳᠠᠭᠠᠳ ᠭᠠᠷᠤᠯᠠ᠂ ᠪᠢᠷᠠ ᠬᠦᠴᠦᠲᠡᠢ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ᠂ ᠵᠢᠯᠣᠭᠣ ᠳᠤᠭᠲᠤᠷᠤᠭᠠᠳ ᠵᠠᠩᠳᠤᠷᠤᠭᠠᠳ ᠢᠷᠡᠯᠡ᠂ ᠭᠠᠩ ᠰᠡᠷᠡᠭᠡ ᠵᠡᠪᠰᠡᠭ ᠢ᠋ᠶ᠋ᠡᠨ ᠰᠢᠭᠦᠷᠡᠭᠡᠳ ᠠᠪᠤᠯᠠ᠂ ᠠᠯᠲᠠᠨ ᠳᠥᠷᠥᠭᠡ ᠢᠰᠬᠦᠯᠦᠭᠡᠳ ᠳᠠᠭᠠᠷᠢᠭᠠᠳ ᠢᠷᠡᠯᠡ᠂ ᠠᠭᠰᠤᠷᠤᠨ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠠᠷᠰᠯᠠᠨ ᠮᠡᠲᠦ᠂ ᠪᠠᠭᠠᠲᠤᠷᠯᠠᠨ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠪᠠᠯᠠᠷ ᠣᠢ ᠶ᠋ᠢᠨ ᠳᠣᠭᠰᠢᠨ ᠪᠠᠷᠰ ᠮᠡᠲᠦ᠂ ᠦᠰᠦᠷᠦᠭᠡᠳ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠥᠯᠥᠨ ᠭᠥᠷᠥᠭᠡᠰᠦ ᠴᠢᠨᠣᠠ ᠮᠡᠲᠦ᠂ ᠳᠡᠭᠳᠡᠵᠦ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠲᠩᠷᠢ ᠶ᠋ᠢᠨ ᠭᠠᠯᠵᠠᠭᠤ ᠬᠠᠷᠠ ᠯᠤᠤ ᠮᠡᠲᠦ᠂
ᠬᠦᠴᠦᠨ ᠰᠦᠷ ᠲᠡᠢ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ
ᠬᠥᠯᠦᠭ ᠠᠭᠲᠠᠨ ᠳ᠋ᠤ᠌ ᠪᠠᠨ ᠦᠰᠦᠷᠦᠭᠡᠳ ᠭᠠᠷᠤᠯᠠ ᠬᠦᠷᠡᠯ ᠵᠡᠪᠰᠡᠭ ᠢ᠋ᠶ᠋ᠡᠨ ᠠᠳᠬᠤᠭᠠᠳ ᠠᠪᠤᠯᠠ ᠬᠤᠢ ᠰᠠᠯᠬᠢᠨ ᠲᠠᠲᠠᠭᠠᠳ ᠡᠷᠭᠢᠯᠳᠦᠭᠡᠳ ᠢᠷᠡᠯᠡ ᠴᠠᠬᠢᠷᠠᠭ ᠬᠠᠲᠠᠭᠤ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ ᠴᠠᠬᠢᠯᠭᠠᠨ ᠮᠡᠲᠦ ᠵᠦᠰᠦᠭᠡᠳ ᠢᠷᠡᠯᠡ᠂ ᠢᠳᠡᠷ ᠬᠦᠴᠦ ᠲᠡᠢ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ ᠢᠷᠪᠢᠰ ᠮᠡᠲᠦ ᠰᠤᠮᠤᠳᠠᠭᠠᠳ ᠢᠷᠡᠯᠡ᠂ ᠠᠭᠰᠤᠷᠤᠨ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠠᠷᠰᠯᠠᠨ ᠮᠡᠲᠦ᠂ ᠪᠠᠭᠠᠲᠤᠷᠯᠢᠭ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠪᠠᠯᠠᠷ ᠣᠢ ᠶ᠋ᠢᠨ ᠳᠣᠭᠰᠢᠨ ᠪᠠᠷᠰ ᠮᠡᠲᠦ᠂ ᠦᠰᠦᠷᠦᠭᠡᠳ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠥᠯᠥᠨ ᠭᠥᠷᠥᠭᠡᠰᠦ ᠴᠢᠨᠣᠠ ᠮᠡᠲᠦ ᠳᠡᠭᠳᠡᠵᠦ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠲᠩᠷᠢ ᠶ᠋ᠢᠨ ᠭᠠᠯᠵᠠᠭᠤ ᠬᠠᠷᠠ ᠯᠤᠤ ᠮᠡᠲᠦ᠂ ᠬᠥᠯᠦᠭ ᠠᠭᠲᠠᠨ ᠳ᠋ᠤ᠌ ᠪᠠᠨ ᠦᠰᠦᠷᠦᠭᠡᠳ ᠭᠠᠷᠤᠯᠠ᠂ ᠬᠦᠷᠡᠯ ᠵᠡᠪᠰᠡᠭ ᠢ᠋ᠶ᠋ᠡᠨ ᠠᠳᠬᠤᠭᠠᠳ ᠠᠪᠤᠯᠠ᠂ ᠬᠦᠳᠡᠷ ᠴᠢᠬᠢᠷᠡᠭ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ᠂ ᠬᠥᠯᠦᠭ ᠠᠭᠲᠠᠨ ᠳ᠋ᠤ᠌ ᠪᠠᠨ ᠦᠰᠦᠷᠦᠭᠡᠳ ᠭᠠᠷᠤᠯᠠ᠂ ᠳᠠᠯᠪᠠᠭᠠ ᠲᠤᠭ ᠢ᠋ᠶ᠋ᠠᠨ ᠥᠨᠳᠥᠷ ᠮᠠᠨᠳᠤᠭᠤᠯᠤᠭᠠᠳ ᠮᠠᠩᠭᠤᠰ ᠢ᠋ ᠳᠠᠷᠤᠬᠤ ᠪᠠᠷ ᠮᠣᠷᠳᠠᠭᠠᠳ ᠭᠠᠷᠤᠯᠠ᠂ ᠪᠢᠷᠠ ᠬᠦᠴᠦᠲᠡᠢ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ᠂ ᠵᠢᠯᠣᠭᠣ ᠳᠤᠭᠲᠤᠷᠤᠭᠠᠳ ᠰᠠᠨᠳᠤᠷᠤᠭᠠᠳ ᠢᠷᠡᠯᠡ᠂ ᠭᠠᠩ ᠰᠡᠷᠡᠭᠡ ᠵᠡᠪᠰᠡᠭ ᠢ᠋ᠶ᠋ᠡᠨ ᠰᠢᠭᠦᠷᠡᠭᠡᠳ ᠠᠪᠤᠯᠠ᠂ ᠠᠯᠲᠠᠨ ᠳᠥᠷᠥᠭᠡ ᠢᠰᠬᠦᠯᠦᠭᠡᠳ ᠳᠠᠭᠠᠷᠢᠭᠠᠳ ᠢᠷᠡᠯᠡ᠂ ᠬᠦᠳᠡᠷ ᠰᠦᠷᠲᠡᠢ ᠪᠠᠭᠠᠲᠤᠷ ᠤ᠋ᠨ ᠪᠡᠶᠡ᠂ ᠬᠥᠯᠦᠭ ᠠᠭᠲᠠᠨ ᠳ᠋ᠤ᠌ ᠪᠠᠨ ᠦᠰᠦᠷᠦᠭᠡᠳ ᠭᠠᠷᠤᠯᠠ᠂ ᠬᠦᠷᠡᠯ ᠵᠡᠪᠰᠡᠭ ᠢ᠋ᠶ᠋ᠡᠨ ᠠᠳᠬᠤᠭᠠᠳ ᠠᠪᠤᠯᠠ᠂ ᠬᠤᠢ ᠰᠠᠯᠬᠢᠨ ᠲᠠᠲᠠᠭᠠᠳ ᠡᠷᠭᠢᠯᠳᠦᠭᠡᠳ ᠢᠷᠡᠯᠡ᠂ ᠦᠰᠦᠷᠦᠭᠡᠳ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠥᠯᠥᠨ ᠭᠥᠷᠥᠭᠡᠰᠦ ᠴᠢᠨᠣᠠ ᠮᠡᠲᠦ᠂ ᠳᠡᠭᠳᠡᠵᠦ ᠳᠠᠪᠬᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠰᠦ᠂ ᠲᠩᠷᠢ ᠶ᠋ᠢᠨ ᠭᠠᠯᠵᠠᠭᠤ ᠬᠠᠷᠠ ᠯᠤᠤ ᠮᠡᠲᠦ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠪᠠᠢ ᠰᠠᠷᠠᠨᠠ