ᠳᠠᠷᠬᠠᠳ ᠨᠡᠭᠦᠳᠡᠯДАРХАД НҮҮДЭЛ
1298ᠳᠠᠷᠬᠠᠳ ᠨᠡᠭᠦᠳᠡᠯ
ᠳᠠᠷᠬᠠᠳ ᠤ᠋ᠨ ᠴᠡᠩᠬᠡᠷ ᠬᠣᠲᠣᠭᠣᠷ ᠲᠤ᠌ ᠬᠦᠢᠲᠡᠨ ᠦ᠌ ᠡᠷᠴᠢ ᠴᠢᠩᠭᠠᠷᠠᠵᠤ᠂ ᠡᠳᠦᠷ ᠢᠷᠡᠬᠦ ᠲᠣᠰᠤᠮ ᠴᠠᠰᠤ ᠯᠠᠪᠰᠠᠨᠠ᠃ ᠬᠥᠪᠰᠥᠭᠥᠯ ᠠᠢᠮᠠᠭ ᠤ᠋ᠨ ᠷᠢᠨᠴᠢᠩᠯᠬᠦᠮᠪᠦ ᠰᠤᠮᠤ ᠶ᠋ᠢᠨ ᠮᠠᠯᠴᠢᠳ ᠬᠥᠯ ᠦᠭᠡᠢ ᠴᠠᠰᠤᠨ ᠠ᠋ᠴᠠ ᠤᠷᠢᠲᠤᠵᠤ᠂ ᠳᠠᠪᠠᠭᠠ ᠬᠥᠪᠡᠭᠡ ᠬᠠᠭᠠᠭᠳᠠᠬᠤ ᠠ᠋ᠴᠠ ᠡᠮᠦᠨᠡ ᠳᠤᠯᠠᠭᠠᠨ ᠡᠪᠦᠯᠵᠢᠶᠡ ᠪᠡᠨ ᠵᠣᠷᠢᠬᠤ ᠪᠠᠷ ᠬᠠᠢᠨᠤᠭ ᠤ᠋ᠨ ᠢ᠋ᠶ᠋ᠠᠨ ᠨᠢᠷᠤᠭᠤᠨ ᠳ᠋ᠤ᠌ ᠬᠣᠭᠣᠯᠠ ᠬᠦᠨᠡᠰᠦ᠂ ᠭᠡᠷ ᠣᠷᠣᠨ ᠢ᠋ᠶ᠋ᠠᠨ ᠠᠴᠢᠶᠠᠯᠠᠵᠤ᠂ ᠮᠠᠯ ᠰᠦᠷᠦᠭ ᠢ᠋ᠶ᠋ᠡᠨ ᠲᠠᠭᠤᠭᠰᠠᠭᠠᠷ ᠶᠡᠬᠡ ᠨᠡᠭᠦᠳᠡᠯ ᠬᠥᠳᠡᠯᠦᠨᠡ᠃
ᠨᠡᠭᠦᠳᠡᠯ ᠦ᠋ᠨ ᠵᠠᠮ ᠪᠠᠷᠲᠠᠭᠠ ᠶᠡᠬᠡ ᠲᠡᠢ᠂ ᠡᠭᠴᠡ ᠴᠠᠪᠴᠢᠮᠠ ᠰᠠᠷᠢᠳᠠᠭ ᠤ᠋ᠳ ᠢ᠋ᠶ᠋ᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ᠃ ᠴᠠᠭ ᠠᠭᠠᠷ ᠤ᠋ᠨ ᠬᠦᠨᠳᠦ ᠨᠥᠬᠥᠴᠡᠯ ᠳ᠋ᠦ᠍ ᠬᠠᠲᠠᠭᠤ ᠪᠡᠷᠬᠡ ᠶ᠋ᠢ ᠲᠤᠭᠤᠯᠬᠤ ᠮᠠᠯᠴᠢᠳ ᠤ᠋ᠨ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ᠂ ᠮᠠᠯ ᠢ᠋ᠶ᠋ᠠᠨ ᠬᠠᠢᠷᠠᠯᠠᠬᠤ᠂ ᠮᠠᠯ ᠢ᠋ᠶ᠋ᠠᠨ ᠣᠨᠣᠯᠭᠠ ᠡᠳ᠋ᠯᠡᠭᠡ ᠳ᠋ᠦ᠍ ᠡᠳ᠋ᠯᠡᠬᠦ ᠠᠷᠭᠠ ᠤᠬᠠᠭᠠᠨ ᠤ᠋ ᠲᠤᠬᠠᠢ ᠥᠭᠦᠯᠡᠨᠡ᠃ ᠳᠠᠷᠬᠠᠳ ᠲᠦᠮᠡᠨ ᠦ᠌ ᠨᠡᠭᠦᠳᠡᠯ ᠢ᠋ᠶ᠋ᠡᠨ ᠳᠠᠭᠠᠭᠰᠠᠨ ᠭᠠᠢᠬᠠᠮᠰᠢᠭᠲᠤ ᠰᠣᠶᠣᠯ ᠲᠠᠢ ᠲᠠᠨᠢᠯᠴᠠᠬᠤ ᠠ᠋ᠴᠠ ᠭᠠᠳᠠᠨᠠ ᠨᠡᠭᠦᠳᠡᠯ ᠦ᠋ᠨ ᠡᠮᠦᠨᠡᠬᠢ ᠪᠡᠯᠡᠳᠬᠡᠯ᠂ ᠨᠡᠭᠦᠳᠡᠯ ᠦ᠋ᠨ ᠦᠶᠡ ᠶ᠋ᠢᠨ ᠮᠠᠯ ᠮᠠᠯᠯᠠᠭᠠ᠂ ᠨᠡᠭᠦᠳᠡᠯ ᠲᠡᠢ ᠬᠣᠯᠪᠣᠭᠳᠠᠭᠰᠠᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠰᠣᠶᠣᠯ ᠤ᠋ᠨ ᠴᠢᠬᠤᠯᠠ ᠵᠦᠢᠯᠡᠰ ᠢ᠋ ᠡᠨᠡᠬᠦ ᠪᠠᠷᠢᠮᠲᠠᠲᠤ ᠺᠢᠨᠣᠨ ᠳ᠋ᠤ᠌ ᠲᠤᠰᠬᠠᠭᠰᠠᠨ᠃