ᠡᠪᠦᠯ ᠢᠷᠡᠬᠦᠢ -ᠣᠭᠤᠨᠤᠰ ᠪ᠊· ᠡᠷᠳᠡᠮᠲᠦ Өвөл ирэхүй-Оонс Б· Эрдэмт
1065ᠡᠪᠦᠯ ᠢᠷᠡᠬᠦᠢ
ᠵᠣᠬᠢᠶᠠᠭᠴᠢ᠄ ᠣᠭᠤᠨᠤᠰ ᠪ᠊· ᠡᠷᠳᠡᠮᠲᠦ
ᠤᠶᠠᠩᠭᠠᠯᠠᠭᠴᠢ᠄ ᠨᠠᠷᠠᠨᠲᠤᠶᠠᠭᠠ
ᠬᠣᠩᠭᠣᠷ ᠨᠠᠮᠤᠷ ᠤᠨ ᠰᠢᠪᠲᠤᠷᠠᠭᠠᠨ ᠡᠴᠡ ᠡᠷᠦᠬᠡᠨ ᠦ᠌ ᠣᠭᠣᠰᠣᠷ ᠲᠠᠲᠠᠵᠤ
ᠬᠣᠰᠢᠯᠠᠬᠤ ᠨᠠᠷᠠᠨ ᠤ᠋ ᠴᠢᠯᠥᠭᠡᠨ ᠡᠴᠡ ᠬᠦᠢᠲᠡᠨ ᠰᠡᠭᠦᠳᠡᠷ ᠨᠠᠭᠠᠰᠢᠯᠠᠭᠠᠳ
ᠬᠣᠯᠠ ᠶ᠋ᠢᠨ ᠲᠡᠷᠭᠡᠯ ᠬᠥᠳᠡᠭᠡ ᠪᠤᠭᠤᠷᠤᠯ ᠳᠠᠪᠬᠤᠴᠠ ᠪᠠᠨ ᠨᠥᠮᠥᠷᠬᠦ ᠳ᠋ᠦ᠍
ᠬᠣᠢᠨᠠ ᠡᠴᠡ ᠬᠣᠩᠭᠢᠨᠠᠬᠤ ᠵᠢᠪᠠᠷ ᠢ᠋ᠶ᠋ᠠᠷ ᠬᠣᠶᠠᠷ ᠴᠢᠬᠢ ᠵᠢᠮᠵᠢᠭᠢᠨᠡᠬᠦᠢ
ᠭᠣᠣᠯ ᠤ᠋ᠨ ᠤᠷᠤᠰᠬᠠᠯ ᠬᠠᠴᠠᠷᠯᠠᠭᠠᠳ ᠡᠷᠲᠡ ᠶ᠋ᠢᠨ ᠬᠢᠯᠠᠭᠠ ᠪᠤᠲᠠᠷᠠᠵᠤ
ᠭᠤᠨᠢᠭ ᠢ᠋ᠶ᠋ᠠᠨ ᠨᠢᠭᠤᠵᠤ ᠴᠠᠢᠷᠠᠭᠠᠳ ᠮᠥᠩᠭᠥᠨ ᠳᠡᠯᠡᠬᠡᠢ ᠴᠠᠷᠴᠠᠴᠢᠬᠠᠭᠠᠳ
ᠭᠣᠪᠢ ᠶ᠋ᠢᠨ ᠵᠡᠯᠢᠭᠦᠳ ᠲᠦ᠍ ᠨᠥᠭᠡᠯᠬᠦ ᠶᠢᠰᠦ ᠶ᠋ᠢᠨ ᠴᠠᠭᠠᠨ ᠰᠠᠯᠬᠢ
ᠭᠤᠨᠠᠨ ᠦᠬᠡᠷ ᠦ᠋ᠨ ᠡᠪᠡᠷ ᠢ᠋ ᠶᠠᠩᠭᠢᠨᠠᠲᠠᠯᠠ ᠳᠡᠯᠡᠰᠦᠭᠡᠳ ᠢᠷᠡᠬᠦᠢ
ᠲᠠᠷᠭᠤᠨ ᠰᠦᠷᠦᠭ ᠬᠤᠢᠯᠠᠷᠠᠨ ᠶᠠᠪᠠᠭᠠᠨ ᠰᠢᠭᠤᠷᠭᠠ ᠪᠠᠷ ᠠᠯᠠᠭᠠᠳᠠᠭᠤᠯᠵᠤ
ᠲᠠᠰᠢᠶᠠᠯᠠᠪᠴᠢ ᠲᠦᠷᠢᠭᠰᠡᠨ ᠶᠠᠩᠵᠤ ᠪᠠᠷ ᠴᠠᠩ ᠬᠦᠦᠷᠭᠡ ᠰᠠᠪᠰᠠᠭᠰᠠᠨ
ᠲᠠᠩᠰᠤᠭ ᠨᠤᠲᠤᠭ ᠲᠤ᠌ ᠡᠭᠡᠯᠵᠢᠯᠡᠬᠦ ᠤᠯᠠᠷᠢᠯ ᠲᠣᠭᠣᠭᠰᠠᠨ ᠵᠢᠩ ᠦ᠋ᠨ
ᠲᠠᠭᠠᠷᠠᠬᠤ ᠶ᠋ᠢᠨ ᠡᠷᠴᠢ ᠡᠴᠡ ᠢᠪᠢᠯᠴᠡᠭᠡᠳ ᠠᠮᠢᠨ ᠭᠣᠣᠯ ᠪᠦᠯᠢᠶᠡᠰᠬᠦᠢ
ᠤᠯᠪᠠᠭᠠ ᠲᠠᠲᠠᠭᠰᠠᠨ ᠬᠠᠭᠤᠴᠢ ᠡᠪᠦᠭᠡᠳ ᠦ᠋ᠨ ᠬᠤᠭᠤᠷ ᠡᠴᠡ ᠤᠷᠤᠰᠴᠤ
ᠤᠷᠲᠤ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦᠨ ᠳ᠋ᠦ᠍ ᠣᠲᠣᠷ ᠤ᠋ᠨ ᠠᠳᠤᠭᠤᠳ ᠢᠨᠴᠠᠭᠠᠭᠰᠠᠨ
ᠣᠩᠭᠣᠨ ᠪᠠᠢᠭᠠᠯᠢ ᠠᠮᠤᠷᠵᠢᠨ ᠴᠠᠰᠤᠨ ᠤ᠋ ᠳᠣᠣᠷᠠ ᠳᠤᠭᠵᠢᠷᠠᠭᠠᠳ
ᠣᠳᠣᠳ ᠠᠨᠢᠪᠠᠯᠵᠠᠭᠰᠠᠨ ᠲᠩᠷᠢ ᠡᠴᠡ ᠤᠳᠤᠮ ᠰᠤᠳᠤᠷ ᠠᠰᠬᠠᠷᠠᠬᠤᠢ
ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢ᠄ ᠣᠳᠬᠣᠩᠬᠤᠸᠠᠷ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠨᠣᠶᠠᠨᠬᠢᠨ· ᠡᠩᠬᠡᠮᠡᠨᠳᠦ
《ᠲᠤᠯᠭᠠ ᠶ᠋ᠢᠨ ᠭᠤᠷᠪᠠᠨ》 ᠴᠢᠯᠠᠭᠤ ᠤᠳᠬᠠ ᠰᠣᠶᠣᠯ ᠤ᠋ᠨ ᠨᠡᠢᠭᠡᠮᠯᠢᠭ ᠡᠴᠡ ᠬᠠᠩᠭᠠᠪᠠ᠃
