ᠬᠠᠷᠠᠳᠠ! ᠨᠠᠮᠠᠶ᠋ᠢ ᠪᠠᠨ᠁ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Хард! намагаа… — Бавуугийн Лхагвасүрэн
688ᠬᠠᠷᠠᠳᠠ! ᠨᠠᠮᠠᠶ᠋ᠢ ᠪᠠᠨ᠁
ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ
ᠲᠡᠭᠡᠵᠦ ᠯᠡ ᠶᠠᠪᠤᠭᠠ ᠭᠡᠰᠡᠨ
ᠲᠡᠭᠡᠨᠡᠭᠡᠯᠵᠡᠬᠡᠨ ᠳ᠋ᠡᠭᠡᠨ ᠦᠨᠡᠮᠰᠢᠵᠦ ᠬᠠᠷᠠᠳᠠ!
ᠲᠡᠭᠡᠬᠦ ᠦᠭᠡᠢ ᠳᠡ! ᠶᠠᠭᠠᠬᠢᠭᠰᠠᠨ ᠴᠦ᠍ ᠭᠡᠵᠦ ᠪᠣᠳᠣᠬᠤ ᠪᠠᠨ
ᠲᠠᠰᠤ ᠮᠠᠷᠲᠠᠵᠤ ᠬᠠᠷᠠᠳᠠ!
ᠲᠣᠮᠣᠭᠠ ᠦᠭᠡᠢ ᠵᠠᠯᠠᠭᠤ ᠨᠠᠰᠤᠨ ᠤ᠋ ᠮᠢᠨᠢ
ᠠᠯᠳᠠᠭᠠ ᠪᠣᠯᠭᠠᠨ ᠲᠠᠢ ᠮᠢᠨᠢ ᠵᠠᠷᠭᠤᠯᠳᠤᠵᠤ ᠬᠠᠷᠠᠳᠠ!
ᠲᠣᠭᠲᠠᠵᠤ ᠨᠠᠮᠠᠶ᠋ᠢ ᠰᠢᠷᠲᠡᠭᠰᠡᠨ
ᠨᠢᠳᠦ ᠪᠦᠬᠦᠨ ᠲᠡᠢ ᠬᠠᠷᠭᠤᠯᠳᠤᠵᠤ ᠬᠠᠷᠠᠳᠠ!
ᠬᠡᠢ ᠬᠣᠭᠣᠰᠣᠨ ᠠ᠋ᠴᠠ ᠲᠡᠮᠲᠡᠷᠢᠵᠦ ᠣᠯᠤᠭᠰᠠᠨ ᠢ᠋ᠶ᠋ᠠᠨ
ᠦᠨᠡᠨ ᠪᠣᠯᠲᠠᠯᠠ ᠤᠷᠭᠤᠭᠤᠯᠵᠤ ᠬᠠᠷᠠᠳᠠ!
ᠬᠡᠢᠰᠴᠦ ᠢᠷᠡᠭᠰᠡᠨ ᠬᠣᠪ ᠤ᠋ᠨ ᠦᠭᠡᠨ ᠦ᠌
ᠰᠠᠯᠬᠢ ᠶ᠋ᠢ ᠢᠷᠯᠡᠨ ᠭᠠᠯᠵᠠᠭᠤᠷᠠᠭᠤᠯᠵᠤ ᠬᠠᠷᠠᠳᠠ!
ᠦᠳᠡᠰᠢ ᠶ᠋ᠢᠨ ᠤᠷᠲᠤ ᠰᠡᠭᠦᠳᠡᠷ ᠦ᠋ᠳ ᠦ᠋ᠨ ᠮᠢᠨᠢ
ᠦᠵᠦᠭᠦᠷ ᠨᠢ ᠦᠨᠦᠰᠦᠯᠴᠡᠵᠦ ᠪᠠᠢᠭᠰᠠᠨ ᠭᠡᠵᠦ ᠬᠠᠷᠠᠳᠠ!
ᠱᠦᠷᠭᠦᠭᠡᠳ ᠥᠩᠭᠡᠷᠡᠬᠦ ᠰᠠᠢᠬᠠᠨ ᠪᠦᠰᠡᠭᠦᠢ ᠶ᠋ᠢᠨ
ᠰᠡᠷᠡᠢᠭᠰᠡᠨ ᠬᠥᠬᠥᠨ ᠳ᠋ᠦ᠍ ᠡᠰᠬᠡᠭᠦᠯᠦᠨ ᠰᠢᠷᠬᠠᠳᠤᠭᠰᠠᠨ ᠴᠢ᠁ ᠭᠡᠵᠦ ᠬᠠᠷᠠᠳᠠ!
ᠡᠩᠨᠡᠭᠰᠡᠨ ᠣᠯᠠᠨ ᠪᠤᠯᠠᠰᠢ ᠪᠤᠩᠬᠤᠨ ᠳᠤᠮᠳᠠ
ᠡᠨᠡ ᠪᠡᠶᠡ ᠶ᠋ᠢ ᠮᠢᠨᠢ《 ᠨᠤᠲᠤᠭᠯᠠᠭᠤᠯᠬᠤ》 ᠳ᠋ᠤ᠌
ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠵᠡᠷᠭᠡᠴᠡᠵᠦ ᠲᠠᠭᠠᠷᠠᠪᠠᠯ
ᠡᠩᠬᠦᠷᠡᠢ ᠮᠢᠨᠢ ᠲᠡᠭᠡᠬᠦ ᠳ᠋ᠦ᠍ ᠯᠡ ᠪᠢᠲᠡᠭᠡᠢ ᠬᠠᠷᠠᠳᠠ!
2007 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ