ᠮᠥᠩᠬᠡᠷᠡᠬᠦᠢ - ᠱ ᠂ ᠭᠦᠷᠦᠪᠠᠽᠠᠷ Мөнхрөхүй – Ш᠂ Гүрбазар
467ᠮᠥᠩᠬᠡᠷᠡᠬᠦᠢ
ᠱ᠂ ᠭᠦᠷᠦᠪᠠᠽᠠᠷ
ᠮᠥᠩᠬᠡᠷᠡᠬᠦᠢ
ᠲᠠᠭᠠᠷᠠᠭᠰᠠᠨ ᠴᠤ᠌᠂ ᠲᠠᠭᠠᠷᠠᠭᠠ ᠦᠭᠡᠢ ᠴᠤ᠌
ᠳᠥᠷᠪᠡᠨ ᠴᠠᠭ ᠤ᠋ᠨ ᠰᠠᠯᠬᠢ ᠨᠠᠮᠠᠶ᠋ᠢ ᠣᠷᠢᠶᠠᠯᠭᠠᠨᠠ
ᠳᠠᠰᠤᠭᠰᠠᠨ ᠴᠤ᠌᠂ ᠲᠠᠰᠤᠭᠠ ᠦᠭᠡᠢ ᠴᠤ᠌
ᠳᠥᠴᠢᠨ ᠵᠢᠯ ᠬᠠᠨᠢᠯᠠᠭᠰᠠᠨ ᠬᠠᠨᠢ ᠮᠢᠨᠢ ᠨᠠᠳᠠ ᠳ᠋ᠤ᠌ ᠯᠠ ᠠᠭᠤᠰᠤᠨᠠ
ᠤᠶᠠᠷᠠᠭᠰᠠᠨ ᠴᠤ᠌᠂ ᠤᠶᠠᠷᠠᠭᠠ ᠦᠭᠡᠢ ᠴᠤ᠌
ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠷᠭᠡᠳᠡ ᠪᠢ ᠥᠲᠡᠯᠦᠨᠡ
ᠠᠭᠤᠴᠢᠯᠠᠭᠰᠠᠨ ᠴᠤ᠌᠂ ᠠᠭᠤᠴᠢᠯᠠᠭᠠ ᠦᠭᠡᠢ ᠴᠤ᠌
ᠤᠷᠤᠭᠤᠳᠠᠬᠤ᠂ ᠥᠭᠰᠥᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠦᠨᠡᠨ ᠢ᠋ ᠪᠢ ᠡᠭᠦᠷᠦᠨᠡ᠃
ᠠᠷᠭᠠᠳᠠᠭᠠᠳ
ᠠᠳᠬᠠᠭᠠᠳ᠂ ᠳᠠᠪᠴᠢᠭᠤᠳᠠᠭᠠᠳ
ᠤᠢᠮᠤᠷᠠᠭᠠᠳ᠂ ᠦᠢᠮᠡᠷᠡᠭᠡᠳ
ᠡᠷᠡᠭᠡᠯᠵᠡᠭᠡᠳ᠂ ᠡᠮᠵᠡᠭᠯᠡᠭᠡᠳ ᠴᠤ᠌ ᠶᠠᠭᠠᠬᠢᠬᠤ ᠨᠢ ᠪᠣᠢ ᠳᠠ ᠬᠦ
ᠬᠥᠳᠡᠯᠵᠦ ᠶᠠᠪᠤᠭᠠ ᠬᠥᠰᠬᠡ
ᠵᠣᠭᠰᠣᠵᠤ ᠪᠠᠢᠵᠤ ᠠᠴᠢᠶᠠ ᠪᠠᠨ ᠴᠢᠩᠭᠠᠯᠠᠳᠠᠭ ᠶᠤᠮ
ᠬᠥᠮᠦᠨ ᠦ᠌ ᠤᠬᠠᠭᠠᠨ
ᠵᠠᠪᠠᠯ ᠰᠠᠢᠬᠠᠨ ᠢ᠋ ᠨᠢ ᠪᠠᠷᠠᠳᠠᠨᠠ ᠳᠠ ᠬᠦ᠃
ᠬᠣᠷᠮᠣᠢ ᠨᠢ
ᠬᠣᠷᠮᠣᠢ ᠨᠢ ᠰᠡᠮᠡᠷᠡᠭᠰᠡᠨ ᠠᠭᠤᠯᠠ ᠶ᠋ᠢᠨ ᠢ᠋ᠶ᠋ᠡᠨ
ᠣᠷᠭᠢᠯ ᠢ᠋ ᠦᠷᠦ ᠡᠪᠡᠳᠦᠭᠰᠡᠨ ᠬᠥᠮᠦᠨ
ᠬᠣᠮᠣᠬᠠᠢ ᠰᠠᠨᠠᠭᠠ ᠪᠠᠨ ᠲᠠᠲᠠᠨᠠ
ᠡᠬᠢ ᠨᠢ ᠪᠤᠯᠠᠩᠭᠢᠷᠲᠤᠭᠰᠠᠨ ᠭᠣᠣᠯ ᠤᠰᠤᠨ ᠤ᠋ ᠪᠠᠨ
ᠤᠷᠤᠰᠬᠠᠯ ᠢ᠋ ᠬᠠᠷᠠᠭᠰᠠᠨ ᠬᠥᠮᠦᠨ
ᠡᠨᠡ ᠶᠠᠪᠤᠭᠠ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠮᠥᠷᠭᠥᠯᠴᠢᠨ ᠪᠣᠯᠤᠨᠠ
ᠥᠩᠭᠡ ᠮᠥᠩᠭᠥ ᠬᠣᠶᠠᠷ
ᠥᠪᠡᠷ ᠢ᠋ ᠪᠡᠨ ᠡᠯᠡᠭᠡᠬᠦ ᠶ᠋ᠢᠨ ᠴᠠᠭ ᠲᠤ
ᠥᠭᠡᠷᠡ ᠶᠠᠭᠤᠮᠠ ᠬᠥᠮᠦᠰ ᠪᠣᠳᠣᠳᠠᠭ ᠪᠣᠯᠤᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ