ᠬᠡᠢᠮᠣᠷᠢ ᠪᠣᠰᠤᠭᠠ ᠠᠰᠢᠭᠲᠤ ᠰᠦᠯᠵᠢᠶᠡ ᠠᠰᠢᠳᠠ ᠬᠥᠭᠵᠢᠯᠲᠡᠢ - ᠪᠣᠷᠵᠢᠭᠢᠨ ᠴᠢᠨᠳᠠᠮᠤᠨᠢХийморь босоо ашигт сүлжээ ашид хөгжилтэй-Боржгин Чандмань
4586ᠬᠡᠢᠮᠣᠷᠢ ᠪᠣᠰᠤᠭᠠ ᠠᠰᠢᠭᠲᠤ ᠰᠦᠯᠵᠢᠶᠡ ᠠᠰᠢᠳᠠ ᠬᠥᠭᠵᠢᠯᠲᠡᠢ
hiimor.com ᠭᠤᠷᠪᠠᠨ ᠵᠢᠯ ᠦ᠋ᠨ ᠣᠢ ᠶ᠋ᠢᠨ ᠪᠠᠶᠠᠷ ᠲᠤ᠌
ᠪᠣᠷᠵᠢᠭᠢᠨ ᠴᠢᠨᠳᠠᠮᠤᠨᠢ
ᠠᠷᠠᠯᠲᠤ ᠬᠤᠭᠤᠷ ᠤ᠋ᠨ ᠡᠭᠡᠰᠢᠭ ᠨᠢ ᠳᠣᠯᠣᠭᠠᠨ ᠠᠶᠠᠯᠭᠤ ᠶ᠋ᠢ ᠴᠢᠪᠬᠠᠳᠠᠳᠠᠭ
ᠠᠰ ᠤ᠋ᠨ ᠪᠡᠶᠡ ᠶ᠋ᠢᠨ ᠠᠵᠢᠯ ᠴᠤ᠌ ᠳᠣᠯᠣᠭᠠᠨ ᠡᠭᠡᠰᠢᠭ ᠢ᠋ᠶ᠋ᠡᠨ ᠵᠢᠭᠠᠳᠠᠭ
ᠠᠯᠤᠰ ᠬᠣᠯᠠ ᠶ᠋ᠢᠨ ᠨᠠᠢᠵᠠ ᠨᠠᠷ ᠴᠤ᠌ ᠳᠣᠬᠢᠭᠤᠷ ᠣᠳᠣ ᠪᠠᠨ ᠲᠠᠨᠢᠳᠠᠭ
ᠠᠷᠠᠯᠲᠤ ᠪᠠᠨ ᠲᠠᠲᠠᠭᠰᠠᠨ ᠪᠢᠳᠡᠨᠡᠷ ᠴᠦ᠍ ᠲᠠᠯᠠ ᠶ᠋ᠢᠨ ᠰᠣᠯᠣᠩᠭᠠ ᠮᠡᠳᠡᠳᠡᠭ
ᠬᠤᠭᠤᠷ ᠤ᠋ᠨ ᠬᠣᠶᠠᠷ ᠤᠲᠠᠰᠤ ᠴᠤ᠌ ᠳᠣᠯᠣᠭᠠᠨ ᠠᠶᠠᠯᠭᠤ ᠶ᠋ᠢ ᠭᠠᠷᠭᠠᠳᠠᠭ
ᠬᠣᠪᠳᠣᠯ ᠵᠢᠷᠦᠬᠡᠨ ᠦ᠌ ᠴᠣᠬᠢᠯᠭᠠ ᠴᠤ᠌ ᠳᠣᠯᠣᠭᠠᠨ ᠡᠭᠡᠰᠢᠭ ᠳᠠᠭᠠᠳᠠᠭ
ᠬᠤᠭᠤᠷ ᠤ᠋ᠨ ᠳᠥᠷᠪᠡᠨ ᠤᠲᠠᠰᠤ ᠳᠣᠯᠣᠭᠠᠨ ᠠᠶᠠᠯᠭᠤ ᠡᠭᠡᠰᠢᠭᠯᠡᠳᠡᠭ
ᠬᠣᠯᠪᠣᠭᠠ ᠪᠠᠨ ᠬᠡᠯᠡᠳᠡᠭ ᠪᠢᠳᠡᠨᠡᠷ ᠬᠡᠢᠮᠣᠷᠢ ᠬᠣᠯᠪᠣᠭᠠ ᠪᠠᠨ ᠡᠷᠭᠦᠶᠡ
ᠠᠯᠲᠠᠨ ᠨᠠᠷᠠᠨ ᠤ᠋ ᠲᠤᠶᠠᠭᠠᠨ ᠳ᠋ᠤ᠌ ᠠᠮᠢᠯᠠᠨ ᠪᠣᠰᠤᠭᠰᠠᠨ ᠭᠤᠷᠪᠠᠨ ᠵᠢᠯ
ᠡᠩᠬᠡ ᠮᠡᠨᠳᠦ ᠶ᠋ᠢᠨ ᠬᠠᠳᠠᠭ ᠲᠠᠢ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠤ ᠰᠦᠯᠵᠢᠶᠡ
ᠢᠵᠢᠯ ᠬᠣᠶᠠᠷ ᠪᠠᠢᠳᠠᠭ ᠦᠭᠡᠢ ᠠᠭᠤᠯᠭᠠ ᠪᠠᠶᠠᠯᠢᠭ hiimor ᠰᠦᠯᠵᠢᠶᠡ
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶ᠋ᠢᠨ ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠶ᠋ᠢ ᠬᠤᠷᠠᠭᠤᠯᠳᠠᠭ ᠬᠣᠢᠮᠣᠷ
ᠤᠳᠤᠮᠲᠤ ᠦᠨᠳᠦᠰᠦᠲᠡᠨ ᠦ᠌ ᠲᠡᠦᠬᠡ ᠶ᠋ᠢ ᠤᠯᠪᠠᠭᠠᠯᠠᠬᠤ ᠥᠷᠭᠡᠨ ᠲᠠᠪᠴᠠᠩ
ᠥᠳᠬᠡᠨ ᠵᠤᠵᠠᠭᠠᠨ ᠨᠣᠮ ᠪᠢᠴᠢᠭ ᠢ᠋ ᠡᠷᠭᠦᠬᠦ ᠴᠢᠬᠤᠯᠠ ᠦᠭᠡᠢ ᠨᠣᠮ ᠤ᠋ᠨ ᠰᠠᠩ
ᠦᠳᠡᠰᠢᠯᠡᠭᠡ ᠺᠢᠨᠣ᠋ ᠬᠡᠦᠬᠡᠯᠳᠡᠢ ᠵᠦᠴᠦᠭᠡ ᠶ᠋ᠢ ᠰᠣᠨᠢᠷᠬᠠᠭᠤᠯᠵᠤ ᠪᠣᠯᠬᠤ ᠲᠢᠶᠠᠲ᠋ᠷ
ᠨᠠᠷᠠᠨ ᠰᠠᠷᠠᠨ ᠢ᠋ ᠮᠠᠨᠳᠤᠭᠤᠯᠵᠤ ᠰᠢᠩᠭᠡᠭᠡᠯᠭᠡᠭᠰᠡᠨ ᠠᠮᠢᠯᠠᠯ ᠲᠠᠢ ᠭᠤᠷᠪᠠᠨ ᠵᠢᠯ
ᠨᠡᠷᠡ ᠮᠥᠷ ᠢ᠋ᠶ᠋ᠡᠨ ᠬᠥᠮᠦᠰ ᠲᠦ᠍ ᠲᠠᠨᠢᠭᠤᠯᠤᠭᠰᠠᠨ hiimor ᠰᠦᠯᠵᠢᠶᠡ
ᠨᠢᠭᠡ ᠪᠠᠢᠭᠰᠠᠨ ᠡᠴᠡ ᠵᠠᠭᠤᠨ ᠲᠦᠮᠡ ᠬᠦᠷᠭᠡᠭᠰᠡᠨ ᠣᠶᠤᠨ ᠪᠢᠯᠢᠭ ᠦ᠋ᠨ ᠲᠠᠯᠠᠰᠲᠤ
ᠨᠣᠴᠣᠵᠤ ᠳᠦᠷᠡᠯᠵᠡᠭᠰᠡᠨ ᠭᠠᠯ ᠮᠡᠲᠦ ᠦᠷᠪᠢᠰᠦᠭᠰᠡᠨ ᠴᠠᠬᠢᠮ ᠶᠢᠷᠲᠢᠨᠴᠦ ᠶ᠋ᠢᠨ ᠭᠠᠢᠬᠠᠮᠰᠢᠭ
ᠨᠤᠭᠤᠷᠠᠯ ᠪᠦᠳᠦᠷᠢᠯ ᠴᠠᠭ ᠮᠥᠴᠡ ᠭᠡᠵᠦ ᠶᠡᠷᠦ ᠣᠷᠴᠢᠯᠠᠩ ᠳ᠋ᠤ᠌ ᠰᠢᠯᠲᠠᠭᠠ ᠦᠭᠡᠢ
ᠨᠥᠭᠡᠴᠡ ᠬᠥᠳᠡᠯᠮᠦᠷᠢ ᠳᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠ ᠡᠷᠳᠡᠮᠲᠦ ᠬᠥᠮᠦᠨ ᠦ᠌ ᠮᠥᠷᠦᠨ ᠳᠡᠭᠡᠷᠡ
ᠨᠦᠰᠡᠷ ᠠᠵᠢᠯ ᠂ ᠨᠦᠬᠡ ᠪᠥᠭᠯᠡᠬᠦ ᠮᠡᠲᠦ ᠬᠠᠰᠢ ᠶᠠᠰᠢ ᠬᠠᠨᠲᠤᠭᠠ ᠴᠤ᠌ ᠦᠭᠡᠢ
ᠪᠠᠷᠰ ᠵᠢᠯ ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠷᠤᠭ ᠤ᠋ᠨ ᠪᠡᠷᠬᠡ ᠲᠡᠢ ᠠᠵᠢᠯ ᠪᠢᠰᠢ ᠭᠤᠷᠪᠠᠨ ᠵᠢᠯ
ᠪᠡᠷᠬᠡ ᠭᠡᠵᠦ ᠪᠡᠷᠬᠡ ᠶ᠋ᠢᠨ ᠭᠠᠵᠠᠷ ᠴᠤ᠌ ᠪᠡᠷᠬᠡ ᠪᠡᠨ ᠡᠷᠢᠭᠡᠳ ᠠᠵᠢᠯᠯᠠᠳᠠᠭ ᠲᠡᠷᠡ
ᠪᠢᠴᠢᠭ ᠦᠰᠦᠭ ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠲᠠᠨᠢᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ
ᠪᠣᠳᠣᠯ ᠰᠡᠳᠬᠢᠯ ᠰᠢᠭᠤᠳᠤᠨ ᠵᠢᠳᠬᠦᠭᠰᠡᠨ ᠮᠢᠩᠭᠠᠭᠠᠳ ᠬᠣᠨᠣᠭ ᠤ᠋ᠨ ᠴᠢᠷᠮᠠᠢᠯᠭᠠ
ᠪᠤᠬᠢᠨᠢᠳᠤᠬᠤ ᠵᠣᠪᠠᠭᠤᠷᠢ ᠶ᠋ᠢ ᠬᠡᠯᠡᠪᠡᠯ ᠪᠤᠭᠤᠳᠠᠢ ᠲᠠᠷᠢᠭᠰᠠᠨ ᠡᠴᠡ ᠬᠡᠴᠡᠭᠦᠦ ᠪᠠᠢᠳᠠᠭ
ᠪᠥᠭᠡᠰᠦ ᠲᠡᠭᠦᠭᠰᠡᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠲᠡᠭᠡᠨ ᠴᠢᠩ ᠰᠡᠳᠬᠢᠯ ᠢ᠋ᠶ᠋ᠡᠷ ᠲᠠᠯᠠᠷᠬᠠᠳᠠᠭ
ᠪᠦᠭᠦᠳᠡ ᠪᠢᠳᠡᠨ ᠦ᠌ ᠥᠪ ᠰᠣᠶᠣᠯ ᠭᠡᠵᠦ ᠪᠣᠳᠣᠬᠤ ᠳ᠋ᠤ᠌ ᠰᠡᠳᠬᠢᠯ ᠳᠦᠭᠦᠷᠡᠩ ᠪᠠᠢᠳᠠᠭ
ᠫᠠᠢᠵᠠ ᠫᠠᠩᠰᠠ ᠫᠠᠢ ᠫᠠᠢᠯᠤᠤ ᠶ᠋ᠢᠨ ᠠᠯᠢ ᠶ᠋ᠢ ᠨᠢ ᠬᠦᠰᠡᠭᠡ ᠦᠭᠡᠢ ᠰᠦᠯᠵᠢᠶᠡ
ᠫᠧᠩ ᠰᠠᠷᠠᠪᠴᠢ ᠡᠴᠡ ᠫᠧᠩᠰᠡ ᠪᠠᠷᠢᠵᠤ ᠪᠠᠳᠢᠷ ᠡᠷᠢᠭᠡ ᠦᠭᠡᠢ ᠡᠷᠳᠡᠮᠲᠡᠨ
ᠫᠢᠸᠣ᠋ ᠠᠷᠢᠬᠢ ᠰᠢᠭ᠋ ᠳᠡᠭᠳᠡᠬᠦ ᠬᠥᠭᠡᠰᠦ ᠶ᠋ᠢᠨ ᠬᠡᠢ ᠬᠣᠭᠣᠰᠣᠨ ᠢ᠋ ᠴᠦ᠍ ᠬᠦᠰᠡᠭᠡ ᠦᠭᠡᠢ
ᠫᠣᠷ ᠫᠣᠷ ᠮᠠᠨᠳᠤᠬᠤ ᠲᠣᠭᠣᠰᠣ ᠮᠠᠨᠠᠨ ᠠᠳᠠᠯᠢ ᠳᠡᠭᠳᠡᠬᠦ ᠲᠤᠩᠬᠤ ᠳ᠋ᠠᠭᠠᠨ ᠠᠩᠬᠠᠷᠴᠤ
ᠫᠤᠤ ᠪᠠᠷᠢᠭᠰᠠᠨ ᠴᠡᠷᠢᠭ ᠰᠢᠭ ᠵᠠᠪᠠᠯ ᠰᠣᠨᠢᠷᠬᠠᠬᠤ ᠶ᠋ᠢ ᠠᠯᠪᠠᠳᠠᠭᠠ ᠴᠤ᠌ ᠦᠭᠡᠢ
ᠫᠥᠬᠥ ᠭᠡᠵᠦ ᠵᠢᠭᠰᠢᠬᠦ ᠦᠭᠡᠢ ᠦᠶᠡ ᠳ᠋ᠡᠭᠡᠨ ᠮᠡᠳᠡᠬᠦ ᠵᠦᠢᠯ ᠢ᠋ᠶ᠋ᠡᠨ ᠠᠩᠬᠠᠷᠤᠭᠠᠷᠠᠢ
ᠫᠦᠷ ᠬᠢᠲᠡᠯᠡ ᠨᠢᠰᠦᠭᠰᠡᠨ ᠪᠣᠯᠵᠣᠮᠣᠷ ᠰᠢᠭ᠋ ᠨᠢᠰᠴᠦ ᠶᠠᠪᠤᠭᠠᠳ ᠪᠢᠲᠡᠭᠡᠢ ᠠᠷᠢᠯᠤᠭᠠᠷᠠᠢ
ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠬᠥᠮᠦᠰ ᠦ᠋ᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠥᠯᠥᠭᠡᠢ ᠪᠣᠯ ᠲᠡᠷᠡ
ᠬᠡᠰᠢᠭ ᠥᠷᠭᠡᠨ ᠠᠷᠠᠳ ᠤ᠋ᠨ ᠬᠡᠢᠮᠣᠷᠢ ᠮᠠᠨᠳᠤᠭᠤᠯᠬᠤ ᠲᠠᠪᠴᠠᠩ ᠪᠣᠯ ᠲᠡᠷᠡ
ᠬᠢᠨᠠᠭᠤᠷ ᠮᠡᠷᠭᠡᠨ ᠬᠥᠮᠦᠰ ᠦ᠋ᠨ ᠬᠢᠨᠠᠮᠠᠭᠠᠢ ᠠᠵᠢᠯᠯᠠᠳᠠᠭ ᠣᠷᠣᠨ ᠵᠠᠢ ᠪᠣᠯ ᠲᠡᠷᠡ
ᠬᠣᠢᠮᠣᠷ ᠭᠣᠣᠯᠯᠠᠭᠰᠠᠨ ᠨᠠᠰᠤᠲᠠᠳ ᠡᠪᠦᠭᠡᠳ ᠦ᠋ᠨ ᠵᠣᠭᠣᠭ ᠤ᠋ᠨ ᠲᠠᠪᠴᠠᠩ ᠪᠣᠯ ᠲᠡᠷᠡ
ᠬᠤᠷᠠᠭᠰᠠᠨ ᠣᠯᠠᠨ ᠡᠷᠳᠡᠮᠲᠡᠨ ᠦ᠌ ᠮᠡᠷᠭᠡᠳ ᠦ᠋ᠨ ᠴᠤᠭᠯᠠᠭᠠᠨ ᠪᠣᠯ ᠲᠡᠷᠡ
ᠬᠥᠳᠡᠯᠮᠦᠷᠢ ᠲᠡᠮᠡᠴᠡᠯ ᠦ᠋ᠨ ᠣᠷᠣᠮ ᠢ᠋ ᠲᠡᠮᠳᠡᠭᠯᠡᠵᠦ ᠲᠠᠯᠪᠢᠳᠠᠭ ᠭᠠᠵᠠᠷ ᠪᠣᠯ ᠲᠡᠷᠡ
ᠬᠦᠴᠦᠨ ᠴᠢᠳᠠᠯ ᠪᠦᠬᠦᠨ ᠢ᠋ᠶ᠋ᠡᠨ ᠦᠯᠡᠳᠡᠭᠡᠵᠦ ᠬᠠᠳᠠᠭᠠᠯᠠᠵᠤ ᠪᠣᠯᠳᠠᠭ ᠰᠦᠯᠵᠢᠶᠡ ᠪᠣᠯ ᠲᠡᠷᠡ
ᠭᠠᠯ ᠢ᠋ᠶ᠋ᠠᠨ ᠮᠠᠨᠠᠭᠰᠠᠨ ᠲᠡᠦᠬᠡ ᠶ᠋ᠢᠨ ᠨᠢᠭᠤᠴᠠ ᠶ᠋ᠢ ᠬᠠᠳᠠᠭᠠᠯᠠᠬᠤ ᠵᠤᠤᠬᠠ
ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠢᠷᠡᠭᠡᠳᠦᠢ ᠶ᠋ᠢᠨ ᠵᠦᠭ ᠢ᠋ ᠵᠠᠮᠴᠢᠯᠠᠬᠤ ᠴᠠᠮᠬᠠᠭ
ᠭᠢᠯᠠᠯᠵᠠᠬᠤ ᠰᠣᠶᠣᠯ ᠤ᠋ᠨ ᠰᠣᠯᠢᠯᠴᠠᠭᠠ ᠶ᠋ᠢ ᠤᠬᠠᠭᠤᠯᠵᠤ ᠲᠠᠨᠢᠭᠤᠯᠳᠠᠭ ᠲᠥᠪ
ᠭᠣᠴᠣ ᠤᠷᠠᠯᠢᠭ ᠰᠣᠶᠣᠯ ᠢ᠋ ᠥᠪᠯᠡᠭᠦᠯᠵᠦ ᠤᠯᠠᠮᠵᠢᠯᠠᠭᠤᠯᠬᠤ ᠥᠷᠲᠡᠭᠡ
ᠭᠤᠸᠠ ᠦᠵᠡᠰᠬᠦᠯᠡᠩ ᠪᠦᠰᠡᠭᠦᠢᠴᠦᠳ ᠬᠡᠦᠬᠡᠳ ᠦ᠋ᠨ ᠪᠠᠬᠠᠳᠤᠯᠲᠤ ᠰᠦᠯᠵᠢᠶᠡ
ᠭᠥᠬᠢ ᠲᠠᠯᠪᠢᠭᠰᠠᠨ ᠵᠢᠭᠠᠰᠤᠴᠢᠨ ᠤ᠋ ᠥᠭᠶᠥᠭᠡ ᠬᠦᠯᠢᠶᠡᠬᠦ ᠲᠠᠪᠴᠠᠩ ᠪᠢᠰᠢ
ᠬᠦᠰᠡᠯ ᠳᠡᠯᠭᠡᠵᠦ ᠵᠥᠩᠨᠡᠯ ᠬᠦᠰᠡᠬᠦ ᠰᠣᠶᠣᠯ ᠤ᠋ᠨ ᠥᠭᠡᠳᠡᠰᠦ ᠲᠡᠢ ᠰᠦᠯᠵᠢᠶᠡ
ᠮᠠᠨ ᠤ᠋ ᠲᠠᠨ ᠤ᠋ ᠶᠡᠷᠦ ᠨᠢ ᠪᠢᠳᠡ ᠪᠦᠭᠦᠳᠡ ᠬᠠᠮᠲᠤ ᠪᠠᠷ ᠢ᠋ᠶ᠋ᠠᠨ ᠨᠢᠭᠡ ᠤᠭᠰᠠᠭᠠ
ᠮᠡᠨᠳᠦ ᠠᠮᠤᠷ ᠢ᠋ᠶ᠋ᠠᠨ ᠮᠡᠨᠳᠦᠯᠡᠯᠴᠡᠵᠦ ᠲᠠᠨᠢᠯᠴᠠᠳᠠᠭ ᠬᠠᠯᠠᠭᠤᠨ ᠶᠠᠰᠤᠲᠠᠨ ᠨᠤᠭᠤᠳ
ᠮᠢᠩᠭᠠᠨᠲᠤ ᠡᠷᠳᠡᠮᠲᠡᠨ ᠦ᠌ ᠨᠡᠷᠡᠯᠡᠭᠰᠡᠨ ᠣᠳᠣ ᠶ᠋ᠢᠨ ᠨᠡᠷᠡ ᠪᠡᠷ ᠣᠮᠣᠭᠰᠢᠳᠠᠭ ᠬᠥᠮᠦᠰ
ᠮᠣᠬᠣᠰᠢ ᠦᠭᠡᠢ ᠵᠣᠷᠢᠭ ᠨᠢ ᠬᠡᠳᠦᠨ ᠲᠢᠪ ᠢ᠋ ᠰᠤᠨᠳᠠᠯᠠᠭᠰᠠᠨ ᠢ᠋ᠶ᠋ᠠᠨ ᠶᠡᠷᠦ ᠮᠠᠷᠲᠠᠭᠠ ᠦᠭᠡᠢ
ᠮᠤᠬᠤᠯᠠᠢ ᠪᠠᠭᠠᠲᠤᠷ ᠤ᠋ᠨ ᠰᠡᠴᠡᠨ ᠤᠬᠠᠭᠠᠨ ᠢ᠋ᠶ᠋ᠠᠷ ᠬᠠᠭᠠᠨ ᠡᠵᠡᠨ ᠢ᠋ᠶ᠋ᠡᠨ ᠲᠡᠳᠬᠦᠭᠰᠡᠨ ᠢ᠋
ᠮᠥᠷᠥᠭᠡᠳᠦᠯ ᠦ᠋ᠨ ᠴᠠᠭᠠᠨᠠ ᠡᠮᠦᠨᠡ ᠣᠷᠣᠨ ᠤ᠋ ᠲᠡᠷᠡ ᠨᠤᠲᠤᠭ ᠤ᠋ᠨ ᠢᠦᠢ ᠶ᠋ᠢ ᠴᠦ᠍ ᠮᠠᠲᠠᠨᠠᠮ
ᠮᠦᠰᠢᠶᠡᠯ ᠦ᠋ᠨ ᠴᠠᠭᠠᠨᠠ ᠬᠢᠲᠤᠭᠠ ᠪᠠᠢᠭᠠ ᠶ᠋ᠢ ᠡᠪᠦᠭᠡᠳ ᠦ᠋ᠨ ᠰᠤᠷᠭᠠᠯ ᠡᠴᠡ ᠰᠡᠩᠬᠡᠷᠡᠨᠡᠮ
ᠯᠠᠪᠯᠠᠵᠤ ᠠᠰᠠᠭᠤᠬᠤ ᠵᠦᠢᠯ ᠢ᠋ ᠬᠠᠷᠢᠨ ᠡᠨᠳᠡ ᠡᠴᠡ ᠬᠠᠢᠵᠤ ᠣᠯᠳᠠᠳᠠᠭ ᠶᠤᠮ
ᠯᠡᠭᠰᠡᠢᠵᠦ ᠪᠠᠭᠤᠬᠤ ᠴᠠᠰᠤᠨ ᠤ᠋ ᠯᠠᠪᠰᠠ ᠮᠡᠲᠦ ᠰᠤᠷᠠᠭ ᠤ᠋ᠨ ᠳᠠᠯᠠᠢ ᠡᠨᠡ ᠣᠷᠴᠢᠨ
ᠯᠢᠮᠪᠦ ᠶ᠋ᠢᠨ ᠡᠭᠡᠰᠢᠭ ᠲᠡᠢ ᠯᠢᠩᠬᠤᠠ ᠴᠡᠴᠡᠭ ᠢ᠋ ᠰᠣᠨᠢᠷᠬᠠᠵᠤ ᠪᠣᠯᠳᠠᠭ ᠰᠠᠢᠬᠠᠨ ᠭᠠᠵᠠᠷ
ᠯᠣᠭᠢᠭ ᠰᠡᠳᠬᠢᠬᠦᠢ ᠶᠠᠷᠢᠶᠠ ᠬᠥᠭᠡᠷᠦᠭᠡ ᠰᠠᠨᠠᠭᠠ ᠰᠡᠷᠭᠦᠭᠡᠬᠦ ᠠᠮᠢᠯᠠᠯ ᠤ᠋ᠨ ᠰᠤᠳᠤᠷ ᠲᠠᠢ
ᠯᠤᠭᠰᠢᠭᠤᠨ ᠰᠤᠳᠠᠯ ᠤ᠋ᠨ ᠡᠷᠡᠭᠦᠯ ᠡᠩᠬᠡ ᠶ᠋ᠢᠨ ᠲᠤᠰᠠᠯᠠᠮᠵᠢ ᠪᠣᠯᠤᠭᠰᠠᠨ ᠲᠠᠢᠯᠪᠤᠷᠢ ᠲᠠᠢ
ᠯᠥᠲᠥᠨᠡ ᠬᠠᠷᠢᠨ ᠪᠦᠲᠦᠨᠡ ᠶ᠋ᠢᠨ ᠠᠩᠭᠠᠬᠠᠢ ᠶ᠋ᠢ ᠴᠦ᠍ ᠣᠢᠯᠠᠭᠠᠵᠤ ᠮᠡᠳᠡᠬᠦ ᠲᠠᠪᠴᠠᠩ
ᠯᠦᠭᠬᠢᠮᠡ ᠬᠠᠯᠠᠭᠤᠨ ᠳ᠋ᠤ᠌ ᠴᠤ᠌ ᠬᠠᠰᠢᠯᠠ ᠡᠨᠳᠡ ᠡᠴᠡ ᠰᠤᠷᠠᠭ ᠵᠠᠩᠭᠢ ᠡᠷᠢᠬᠦ ᠰᠠᠢᠬᠠᠨ
ᠰᠠᠷᠠ ᠰᠢᠨᠡ ᠶ᠋ᠢᠨ ᠰᠠᠢᠬᠠᠨ ᠮᠡᠨᠳᠦ ᠶ᠋ᠢ ᠠᠰᠠᠭᠤᠵᠤ ᠪᠠᠢᠳᠠᠭ ᠪᠣᠯᠪᠠᠰᠤᠨ ᠬᠣᠯᠪᠣᠭᠠ
ᠰᠡᠩᠬᠡᠷᠡᠭᠦᠯᠦᠯ ᠰᠠᠨᠠᠭᠤᠯᠭᠠ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠵᠠᠬᠢᠶᠠ ᠶ᠋ᠢ ᠳᠠᠮᠵᠢᠭᠤᠯᠵᠤ ᠪᠠᠢᠳᠠᠭ ᠴᠠᠭᠳᠠᠭᠠ
ᠰᠢᠢᠳᠪᠦᠷᠢ ᠪᠣᠳᠣᠯᠭᠠ ᠲᠥᠷᠥ ᠶ᠋ᠢᠨ ᠳᠠᠭᠤᠨ ᠢ᠋ ᠴᠠᠭ ᠲᠤᠬᠠᠢ ᠮᠡᠳᠡᠭᠡᠯᠡᠳᠡᠭ ᠨᠢᠳᠦ
ᠰᠣᠨᠣᠷ ᠰᠠᠢᠨ ᠬᠥᠮᠦᠰ ᠦ᠋ᠨ ᠰᠣᠩᠭᠣᠯᠲᠠ ᠶ᠋ᠢ ᠪᠠᠲᠤᠯᠠᠳᠠᠭ ᠳᠠᠢᠴᠢᠨ ᠬᠠᠨᠢ ᠪᠣᠯ ᠲᠡᠷᠡ
ᠰᠤᠨᠢᠶᠠᠯᠭᠠ ᠬᠦᠷᠬᠦ ᠦᠶᠡ ᠳ᠋ᠦ᠍ ᠶᠠᠳᠠᠷᠠᠭᠠ ᠲᠠᠢᠯᠳᠠᠭ ᠡᠩᠬᠡ ᠶ᠋ᠢᠨ ᠪᠠᠲᠤᠯᠠᠭᠠ ᠪᠣᠯ ᠲᠡᠷᠡ
ᠰᠥᠨᠢ ᠤᠨᠲᠠᠬᠤ ᠡᠴᠡ ᠡᠮᠦᠨᠡ ᠵᠠᠪᠠᠯ ᠵᠤᠭᠠᠴᠠᠬᠤ ᠭᠠᠷ ᠤᠲᠠᠰᠤᠨ ᠤ᠋ ᠵᠠᠬᠠ ᠪᠣᠯ ᠲᠡᠷᠡ
ᠰᠦᠷᠡᠬᠡᠢ ᠶᠠᠳᠠᠷᠠᠯ ᠲᠠᠢ ᠴᠤ᠌ ᠵᠠᠪᠠᠯ ᠣᠴᠢᠭᠠᠳ ᠰᠣᠨᠢᠷᠬᠠᠬᠤ ᠰᠣᠷᠢᠨᠵᠢᠨ ᠬᠦᠷᠦ ᠪᠣᠯ ᠲᠡᠷᠡ
ᠱᠠᠩᠬᠤ ᠲᠠᠢ ᠰᠢᠷᠭᠠ ᠪᠠᠨ ᠱᠠᠩᠰᠢ ᠮᠣᠳᠣᠨ ᠤ᠋ ᠬᠠᠵᠠᠭᠤ ᠪᠠᠷ ᠭᠠᠯᠭᠢᠭᠤᠯᠳᠠᠭ ᠲᠡᠦᠬᠡ ᠲᠡᠢ
ᠱᠡᠵᠢᠭᠡᠢ ᠠᠷᠤᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠥᠯᠳᠡᠭᠦᠰᠦ ᠲᠡᠭᠦᠳᠡᠭ ᠬᠥᠳᠡᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠲᠠᠢ
ᠱ᠌ᠢᠷᠦ ᠣᠭ᠌ᠶᠤ ᠪᠠᠷ ᠴᠢᠮᠡᠭᠯᠡᠵᠦ ᠵᠠᠰᠠᠭᠰᠠᠨ ᠬᠡᠦᠬᠡᠨ ᠥᠬᠢᠨ ᠦ᠌ ᠵᠠᠰᠠᠯ ᠵᠢᠮᠰᠡᠭ ᠲᠡᠢ
ᠱᠣᠭ ᠶᠦᠮᠦᠷ ᠲᠦ᠍ ᠨᠢ ᠨᠢᠭᠡᠮᠦᠰᠦᠨ ᠰᠣᠭᠲᠣᠭᠤᠷᠠᠬᠤ ᠦᠯᠢᠭᠡᠷ ᠬᠠᠭᠤᠴᠢ ᠲᠠᠢ
ᠱᠤᠤᠭᠢᠬᠤ ᠰᠠᠯᠬᠢᠨ ᠤ᠋ ᠴᠢᠮᠡᠭᠡ ᠠᠨᠢᠷ ᠢ᠋ᠶ᠋ᠠᠷ ᠥᠳᠥᠭᠡᠨ ᠲᠠᠲᠠᠬᠤ ᠬᠡᠦᠬᠡᠯᠳᠡᠢ ᠵᠦᠴᠦᠭᠡ ᠲᠡᠢ
ᠱᠥᠯᠥ ᠤᠰᠤᠨ ᠳ᠋ᠤ᠌ ᠨᠢ ᠰᠠᠶᠢ ᠰᠢᠮᠡ ᠨᠢ ᠦᠯᠡᠳᠡᠳᠡᠭ ᠡᠪᠦᠭᠡᠳ ᠦ᠋ᠨ ᠰᠤᠷᠭᠠᠯ ᠲᠠᠢ
ᠱᠦᠷᠬᠡᠢ ᠪᠣᠳᠣᠯ ᠳ᠋ᠤ᠌ ᠭᠡᠨᠡᠨ ᠪᠠᠢᠳᠠᠭ ᠢ ᠤᠷᠢᠳᠴᠢᠯᠠᠨ ᠮᠡᠳᠡᠭᠦᠯᠬᠦ ᠡᠷᠳᠡᠮᠲᠡᠨ ᠦ᠌ ᠶᠠᠷᠢᠶᠠ ᠲᠠᠢ
ᠲᠠᠢᠪᠤᠭᠤᠨ᠂ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠲᠠᠢᠪᠤᠰᠢᠷᠠᠵᠤ ᠰᠤᠷᠤᠭᠰᠠᠨ ᠠᠯᠵᠠᠭᠤ ᠬᠥᠮᠦᠨ ᠦ᠌ ᠰᠡᠷᠡᠮᠵᠢ ᠲᠡᠢ
ᠲᠡᠨᠡᠭ ᠬᠥᠮᠦᠨ ᠦ᠌ ᠵᠥᠷᠢᠭᠦᠦ ᠬᠢᠳᠡᠯ ᠡᠴᠡ ᠰᠤᠷᠭᠠᠮᠵᠢ ᠠᠪᠬᠤ ᠤᠬᠠᠭᠤᠯᠭᠠ ᠶ᠋ᠢᠨ ᠫᠷᠤᠭ᠌ᠷᠠᠮ ᠲᠠᠢ
ᠲᠢᠲᠢᠮ ᠮᠠᠯᠠᠭᠠᠢ ᠪᠠᠨ ᠲᠢᠭ ᠵᠢᠷᠤᠮ ᠲᠠᠢ ᠵᠡᠭᠦᠳᠡᠭ ᠦ᠋ᠨ ᠲᠤᠬᠠᠢ ᠶᠣᠰᠣ ᠵᠤᠲᠠᠭ ᠤ᠋ᠨ ᠤᠴᠢᠷ ᠲᠠᠢ
ᠲᠣᠢᠭ ᠤ᠋ᠨ ᠳᠠᠭᠤᠤ ᠮᠡᠲᠦ ᠭᠠᠭᠴᠠᠬᠠᠨ ᠦᠭᠡ ᠲᠡᠢ ᠤᠴᠢᠷ ᠲᠠᠢ ᠵᠦᠢᠯᠡᠰ ᠡᠨᠳᠡ ᠪᠠᠢᠳᠠᠭ
ᠲᠤᠤᠯᠢ (ᠵᠠᠩᠭᠠᠷ) ᠪᠦᠬᠦᠯᠢ ᠪᠡᠷ ᠢ᠋ᠶ᠋ᠡᠨ ᠬᠡᠦᠬᠡᠯᠳᠡᠢ ᠵᠦᠴᠦᠭᠡ ᠪᠡᠷ ᠪᠦᠷᠢᠳᠬᠡᠭᠳᠡᠭᠰᠡᠨ ᠪᠠᠢᠳᠠᠭ
ᠲᠥᠪᠯᠡᠭᠦᠨ ᠪᠠᠢᠬᠤ ᠪᠣᠯ ᠴᠢᠬᠤᠯᠠ ᠭᠡᠵᠦ ᠵᠥᠪ ᠡᠰᠢᠲᠦ ᠰᠤᠷᠭᠠᠯ ᠤ᠋ᠳ ᠲᠥᠪᠯᠡᠷᠡᠭᠰᠡᠨ ᠪᠠᠢᠳᠠᠭ
ᠲᠦᠪᠰᠢᠨ ᠴᠠᠭ ᠲᠤ᠌ ᠲᠦᠮᠡᠨ ᠠᠮᠤᠭᠤᠯᠠᠩ ᠭᠡᠵᠦ ᠲᠤᠰ ᠭᠠᠵᠠᠷ ᠲᠤ᠌ ᠤᠴᠢᠷᠯᠠᠭᠰᠠᠨ ᠪᠠᠢᠳᠠᠭ
ᠲᠡᠢᠨ ᠳᠠᠵᠢᠨ ᠤ᠋ ᠬᠣᠣᠷ ᠬᠥᠨᠥᠭᠡᠯ ᠡᠴᠡ ᠬᠥᠮᠦᠨ ᠵᠤᠨ ᠴᠤ᠌ ᠵᠣᠪᠠᠵᠤ ᠰᠢᠨᠠᠯᠳᠠᠭ ᠢ᠋ ᠮᠡᠳᠡᠨᠡ
ᠲᠠᠢᠯᠤᠨ ᠳᠡᠢᠯᠦᠭᠳᠡᠬᠦ ᠴᠡᠷᠢᠭ ᠦ᠋ᠨ ᠡᠩ ᠦ᠋ᠨ ᠵᠢᠮᠡ ᠶᠣᠰᠣ ᠶ᠋ᠢ ᠡᠨᠳᠡ ᠡᠴᠡ ᠣᠢᠯᠠᠭᠠᠳᠠᠭ
ᠳᠢᠭᠯᠢᠮ ᠵᠠᠮᠪᠠᠷᠠᠭᠠ ᠪᠣᠯ ᠶᠣᠰᠣ ᠰᠤᠷᠲᠠᠬᠤᠨ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢᠨ ᠴᠦ᠍ ᠰᠠᠭᠤᠷᠢ ᠭᠡᠳᠡᠭ ᠰᠢᠦ
ᠲᠣᠮ ᠵᠠᠰᠠᠯ ᠪᠣᠯ ᠮᠠᠨ ᠤ᠋ ᠦᠨᠳᠦᠰᠦᠲᠡᠨ ᠦ᠌ ᠵᠠᠰᠠᠯᠭᠠ ᠵᠠᠰᠠᠯ ᠤ᠋ᠨ ᠨᠢᠭᠡ ᠲᠠᠯᠠᠰᠲᠤ ᠭᠡᠳᠡᠭ
ᠳᠣᠭᠣᠯᠭᠠᠬᠤ ᠴᠢᠮᠡᠭᠡ ᠪᠡᠨ ᠰᠦᠯᠵᠢᠶᠡ ᠠᠰᠢᠭᠯᠠᠵᠤ ᠬᠣᠷᠸᠠ ᠶ᠋ᠢ ᠬᠣᠯᠪᠣᠵᠤ ᠪᠣᠯᠳᠠᠭ ᠢ᠋
ᠳᠥᠷᠪᠡ ᠶᠢᠰᠦ ᠳ᠋ᠦ᠍ ᠳᠥᠨᠡᠨ ᠦᠬᠡᠷ ᠦ᠋ᠨ ᠡᠪᠡᠷ ᠬᠥᠯᠳᠡᠬᠦ ᠡᠷᠲᠡᠨ ᠦ᠌ ᠶᠣᠰᠣ ᠶ᠋ᠢ ᠤᠬᠠᠭᠠᠷᠠᠳᠠᠭ
ᠳᠦᠭᠦᠷᠡᠩ ᠪᠠᠶᠠᠷ ᠲᠦᠪᠰᠢᠨ ᠵᠢᠷᠭᠠᠯ ᠭᠡᠵᠦ ᠵᠥᠩᠨᠡᠯ ᠡᠷᠭᠦᠵᠦ ᠵᠣᠯᠭᠠᠯᠴᠠᠳᠠᠭ ᠰᠠᠢᠬᠠᠨ ᠰᠤᠷᠲᠠᠯ
ᠴᠠᠭ ᠣᠷᠣᠨ ᠢ᠋ ᠲᠣᠪᠴᠢᠯᠠᠵᠤ ᠴᠢᠳᠠᠳᠠᠭ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠬᠤᠷᠢᠶᠠᠩᠭᠤᠢ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠴᠡᠴᠡᠭ ᠡᠪᠡᠰᠦ ᠡᠴᠡ ᠴᠡᠷᠢᠭ ᠠᠷᠠᠳ ᠬᠦᠷᠲᠡᠯᠡ ᠪᠦᠷᠢᠨ ᠠᠭᠤᠯᠭᠠ ᠲᠠᠢ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠴᠢᠩ ᠵᠣᠷᠢᠭ ᠤ᠋ᠨ ᠨᠢᠳᠬᠡᠯ ᠪᠣᠯᠤᠭᠰᠠᠨ ᠥᠩᠭᠡᠷᠡᠭᠰᠡᠨ ᠦ᠌ ᠲᠣᠯᠢ ᠪᠣᠯᠬᠤ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠴᠣ ᠰᠢᠨᠡ ᠪᠡᠷ ᠪᠤᠰᠤᠳ ᠡᠴᠡ ᠢᠯᠭᠠᠭᠳᠠᠬᠤ ᠴᠣᠷ ᠤ᠋ᠨ ᠭᠠᠭᠴᠠ ᠪᠣᠰᠤᠭᠠ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠴᠤᠭᠯᠠᠷᠠᠬᠤ ᠬᠥᠮᠦᠰ ᠦ᠋ᠨ ᠪᠠᠬᠠᠷᠬᠠᠯ ᠪᠣᠯᠤᠭᠰᠠᠨ ᠳᠡᠯᠡᠬᠡᠢ ᠶ᠋ᠢ ᠪᠠᠭᠠᠰᠬᠠᠭᠰᠠᠨ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠴᠥᠮᠡ ᠰᠢᠮᠡ ᠶ᠋ᠢᠨ ᠣᠬᠢ ᠲᠠᠯᠠᠰ ᠪᠣᠯᠤᠭᠰᠠᠨ ᠮᠡᠳᠡᠯᠭᠡ ᠣᠶᠤᠨ ᠤ᠋ ᠪᠠᠬᠠᠷᠬᠠᠯ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠴᠦᠴᠡ ᠂ ᠠᠯᠤᠬᠠ ᠂ ᠮᠡᠰᠡ ᠂ ᠬᠢᠲᠤᠭᠠ ᠂ ᠮᠡᠳᠡᠯᠭᠡ ᠶ᠋ᠢᠨ ᠬᠥᠮᠥᠷᠭᠡ ᠪᠣᠯᠤᠭᠰᠠᠨ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠵᠠᠰᠠᠵᠤ ᠠᠮᠢᠯᠠᠭᠤᠯᠤᠭᠰᠠᠨ ᠰᠢᠯᠢᠳᠡᠭ ᠵᠣᠬᠢᠶᠠᠯ ᠢ᠋ ᠨᠡᠢᠲᠡᠯᠡᠵᠦ ᠥᠭᠳᠡᠭ ᠭᠠᠷ ᠤᠲᠠᠰᠤᠨ ᠬᠣᠢᠮᠣᠷ
ᠵᠡᠷᠭᠡ ᠡᠷᠬᠡ ᠶ᠋ᠢᠨ ᠬᠤᠪᠢᠷᠠᠯᠲᠠ ᠬᠥᠭᠵᠢᠯᠲᠡ ᠶ᠋ᠢ ᠠᠯᠭᠠᠰᠠᠯ ᠦᠭᠡᠢ ᠲᠡᠮᠳᠡᠭᠯᠡᠳᠡᠭ ᠵᠥᠪ ᠵᠦᠭᠯᠡᠭᠦᠷ
ᠵᠢᠮᠰᠡᠭ ᠪᠣᠳᠣᠭ ᠵᠠᠰᠠᠯ ᠤ᠋ᠨ ᠦᠨᠡ ᠬᠠᠩᠰᠢ ᠶ᠋ᠢᠨ ᠬᠤᠪᠢᠷᠠᠯᠲᠠ ᠳ᠋ᠤ᠌ ᠠᠩᠬᠠᠷᠤᠯ ᠬᠦᠷᠳᠡᠭ ᠭᠠᠵᠠᠷ
ᠵᠣ ᠰᠢᠯᠢ ᠶ᠋ᠢᠨ ᠦᠯᠢᠭᠡᠷ ᠳᠣᠮᠣᠭ ᠢ᠋ ᠬᠦᠦᠷᠨᠢᠵᠦ ᠶᠠᠷᠢᠳᠠᠭ ᠦᠯᠢᠭᠡᠷ ᠬᠠᠭᠤᠴᠢ ᠶ᠋ᠢᠨ ᠪᠠᠬᠠᠷᠬᠠᠯ ᠣᠷᠣᠨ
ᠵᠤᠷᠰᠢᠯ ᠵᠠᠩᠰᠢᠯ ᠪᠠᠶᠠᠷ ᠨᠠᠭᠠᠳᠤᠮ ᠢ᠋ ᠴᠢᠳᠠᠬᠤ ᠴᠢᠨᠡᠭᠡ ᠪᠡᠷ ᠳᠤᠷᠠᠰᠤᠨ ᠲᠡᠮᠳᠡᠭᠯᠡᠬᠦ ᠰᠦᠯᠵᠢᠶᠡ
ᠵᠥᠭᠡᠬᠡᠢ ᠂ ᠬᠤᠷᠤᠳ ᠂ ᠪᠢᠰᠢᠯᠠᠭ ᠂ ᠠᠭᠠᠷᠤᠤᠯ ᠂ ᠴᠥᠴᠥᠭᠡᠢ ᠂ ᠥᠷᠥᠮᠡ ᠂ ᠬᠤᠰᠤᠮ ᠪᠦᠭᠦᠳᠡ ᠶ᠋ᠢ
ᠵᠦᠴᠦᠭᠡ ᠂ ᠦᠯᠢᠭᠡᠷ ᠂ ᠪᠢᠴᠢᠯᠭᠡ ᠪᠡᠷ ᠲᠠᠨᠢᠭᠤᠯᠵᠤ ᠮᠡᠳᠡᠭᠦᠯᠳᠡᠭ ᠬᠠᠴᠢᠨ ᠴᠠᠬᠢᠮ ᠤ᠋ᠨ ᠣᠷᠴᠢᠯᠠᠩ
ᠶᠠᠪᠠᠭᠠᠨ ᠪᠠᠢᠭᠰᠠᠨ ᠴᠠᠭ ᠦᠶᠡ ᠶ᠋ᠢ ᠣᠢᠷᠠᠲᠤᠭᠤᠯᠵᠤ ᠪᠠᠭᠠᠰᠬᠠᠭᠰᠠᠨ ᠴᠠᠬᠢᠮ ᠭᠡᠷ ᠪᠣᠯ ᠡᠨᠳᠡ
ᠶᠡᠬᠡ ᠪᠠᠭᠠ ᠴᠤ᠌ ᠠᠩᠬᠠᠷᠤᠯ ᠢ᠋ᠶ᠋ᠠᠨ ᠬᠠᠨᠳᠤᠭᠤᠯᠬᠤ ᠪᠠᠬᠠᠷᠬᠠᠯ ᠲᠠᠲᠠᠭᠰᠠᠨ ᠰᠦᠯᠵᠢᠶᠡᠨ ᠬᠣᠢᠮᠣᠷ
ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠶ᠋ᠢ ᠠᠯᠠᠭᠠᠨ ᠳᠡᠭᠡᠷᠡ ᠠᠭᠰᠢᠭᠠᠭᠰᠠᠨ ᠡᠷᠳᠡᠮ ᠦ᠋ᠨ ᠬᠤᠷᠢᠶᠠᠩᠭᠤᠢ ᠪᠣᠯ ᠡᠨᠳᠡ
ᠶᠣᠣᠯᠠᠬᠤ ᠢᠨᠢᠶᠡᠬᠦ ᠶ᠋ᠢᠨ ᠬᠣᠷᠣᠮ ᠳ᠋ᠤ᠌ ᠳᠡᠯᠡᠬᠡᠢ ᠶ᠋ᠢᠨ ᠰᠣᠨᠢᠨ ᠢ᠋ ᠬᠠᠭᠤᠴᠢᠯᠠᠬᠤ ᠤᠲᠠᠰᠤᠨAPP
ᠶᠤᠤᠮᠠᠢ ᠂ ᠰᠠᠭᠠᠭ ᠂ ᠪᠤᠭᠤᠳᠠᠢ ᠂ ᠲᠤᠲᠤᠷᠭᠠ ᠂ ᠰᠢᠯᠦᠬᠡᠢ ᠲᠠᠪᠤᠨ ᠲᠠᠷᠢᠶᠠᠨ ᠤ᠋ ᠰᠢᠮᠡ ᠵᠡᠷᠭᠡ ᠶ᠋ᠢ
ᠶᠥᠷᠭᠡᠬᠦ ᠂ ᠵᠢᠷᠣᠭᠠᠯᠠᠬᠤ ᠂ ᠬᠠᠲᠠᠷᠢᠬᠤ ᠂ ᠲᠡᠰᠢᠬᠦ ᠂ ᠴᠤᠢᠯᠠᠬᠤ ᠠᠮᠢᠲᠠᠨ ᠤ᠋ ᠭᠦᠶᠦᠳᠡᠯ ᠶᠠᠪᠤᠳᠠᠯ ᠢ᠋
ᠶᠦᠮᠦᠷ ᠲᠡᠢ ᠂ ᠱᠣᠭ ᠲᠠᠢ ᠂ ᠢᠨᠢᠶᠡᠳᠦ ᠲᠡᠢ ᠂ ᠦᠯᠢᠭᠡᠷ ᠲᠡᠢ ᠪᠢᠴᠢᠯᠭᠡ ᠰᠢᠩᠭᠡᠭᠡᠯᠲᠡ ᠨᠦ᠍ᠭᠦᠳ ᠢ᠋
ᠷᠠᠰᠢᠶᠠᠨ ᠪᠤᠯᠠᠭ ᠤ᠋ᠨ ᠤᠰᠤᠨ ᠮᠡᠲᠦ ᠤᠨᠳᠤᠷᠤᠨ ᠣᠷᠭᠢᠯᠳᠠᠭ ᠬᠡᠢᠮᠣᠷᠢ ᠶ᠋ᠢᠨ ᠪᠦᠲᠦᠭᠡᠯ
ᠷᠢᠯᠦ ᠬᠤᠮᠵᠢᠶᠠ ᠠᠳᠠᠯᠢ ᠰᠡᠳᠬᠢᠯ ᠵᠢᠷᠦᠬᠡ ᠶ᠋ᠢ ᠠᠮᠤᠷᠵᠢᠭᠤᠯᠳᠠᠭ ᠬᠡᠢᠮᠣᠷᠢ ᠶ᠋ᠢᠨ ᠳᠠᠷᠤᠮ
ᠷᠣᠮᠠᠨ ᠲᠣᠭᠣᠵᠢ ᠰᠢᠤᠬᠠᠨ ᠰᠡᠳᠬᠢᠯ ᠠᠷᠭᠠᠮᠵᠢᠳᠠᠭ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠦ᠌ ᠤᠷᠠᠨ ᠵᠣᠬᠢᠶᠠᠯ
ᠷᠦᠪᠯᠢ ᠠᠷᠠᠳ ᠤ᠋ᠨ ᠵᠣᠭᠣᠰ ᠠᠳᠠᠯᠢ ᠰᠠᠨᠠᠭᠠ ᠶ᠋ᠢ ᠲᠠᠲᠠᠭᠠᠳ ᠪᠠᠢᠳᠠᠭ ᠬᠡᠢᠮᠣᠷᠢ ᠰᠦᠯᠵᠢᠶᠡ
ᠸᠠᠭᠠᠷ ᠲᠣᠭᠣᠰᠬᠠ ᠮᠡᠲᠦ ᠪᠡᠷ ᠴᠢᠮᠠ ᠨᠠᠮᠠ ᠶ᠋ᠢ ᠴᠢᠮᠡᠭᠯᠡᠳᠡᠭ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠠᠭᠤᠯᠭᠠ
ᠸᠢᠴᠠᠲQQ ᠪᠤᠰᠤᠳ ᠢ᠋ᠶ᠋ᠠᠷ ᠪᠤᠲᠠᠷᠠᠲᠠᠯᠠ ᠳᠠᠮᠵᠢᠭᠳᠠᠳᠠᠭ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠦ᠌ ᠠᠯᠢᠪᠠ
ᠸᠴᠢᠷ ᠠᠯᠮᠠᠰ ᠡᠪᠦᠷᠯᠡᠭᠰᠡᠨ ᠰᠢᠤᠬᠠᠨ ᠳᠦᠭᠦᠷᠡᠩ ᠰᠠᠨᠠᠭᠳᠠᠬᠤ ᠬᠠᠨᠤᠮᠵᠢ ᠶ᠋ᠢᠨ ᠬᠣᠢᠮᠣᠷ ᠬᠡᠢᠮᠣᠷᠢ
ᠶᠡᠬᠡ ᠶ᠋ᠢ ᠪᠣᠳᠣᠵᠤ ᠬᠡᠦᠬᠡᠳ ᠲᠡᠭᠡᠨ ᠦᠢᠯᠡᠴᠢᠯᠡᠬᠦ ᠡᠬᠢ ᠶ᠋ᠢ ᠪᠣᠳᠣᠳᠠᠭ ᠲᠠᠯᠠᠷᠬᠠᠯ
ᠲᠦᠭᠡᠭᠡᠵᠦ ᠳᠡᠯᠭᠡᠷᠡᠭᠦᠯᠬᠦ ᠵᠢᠷᠭᠠᠯ ᠡᠳ᠋ᠯᠡᠭᠰᠡᠨ ᠪᠢᠳᠡ ᠪᠦᠬᠦᠨ ᠦ᠌ ᠬᠣᠪᠢᠶᠠᠯᠴᠠᠯ ᠪᠠᠶᠠᠰᠤᠯ
ᠪᠠᠭᠰᠢ ᠶ᠋ᠢᠨ ᠪᠠᠢᠭᠤᠯᠤᠭᠰᠠᠨ ᠠᠴᠢᠲᠤ ᠬᠥᠮᠦᠨ ᠦ᠌ ᠨᠥᠷᠢ ᠬᠥᠳᠡᠯᠮᠦᠷᠢ ᠶ᠋ᠢᠨ ᠬᠦᠷᠲᠡᠭᠡᠯ
ᠠᠯᠤᠰ ᠤ᠋ᠨ ᠪᠣᠳᠣᠯᠭᠠ ᠲᠠᠢ ᠬᠥᠮᠦᠨ ᠦ᠌ ᠬᠥᠳᠡᠯᠮᠦᠷᠢ ᠳ᠋ᠦ᠍ ᠴᠠᠭ ᠮᠥᠴᠡ ᠠᠯᠲᠠ ᠠᠳᠠᠯᠢ
ᠬᠣᠯᠠ ᠶ᠋ᠢᠨ ᠦᠢᠯᠡᠰ ᠲᠡᠢ ᠬᠥᠮᠦᠨ ᠳ᠋ᠦ᠍ ᠬᠢᠭᠡᠳ ᠪᠠᠷᠠᠬᠤ ᠦᠭᠡᠢ ᠨᠢ ᠦᠷᠭᠦᠯᠵᠢ
ᠬᠠᠷᠠᠴᠠ ᠥᠷᠭᠡᠨ ᠪᠠᠢᠳᠠᠭ ᠡᠴᠡ ᠪᠡᠨ ᠪᠣᠳᠣᠬᠤ ᠨᠢ ᠴᠦ᠍ ᠣᠯᠠᠨ ᠶᠠᠷᠢᠶᠠᠨ ᠦᠭᠡᠢ
ᠮᠤᠨᠳᠠᠭ ᠪᠠᠢᠳᠠᠭ ᠡᠴᠡ ᠵᠢᠷᠭᠤᠭᠠᠨ ᠣᠷᠣᠨᠲᠤ ᠲᠣᠭᠠ ᠬᠦᠷᠲᠡᠯᠡ ᠨᠡᠮᠡᠭᠳᠡᠨᠡ ᠦᠨᠡᠨ
ᠴᠠᠬᠢᠮ ᠭᠡᠳᠡᠭ ᠰᠢᠨᠡ ᠵᠦᠢᠯ ᠢ᠋ᠶ᠋ᠡᠷ ᠴᠢᠷᠮᠠᠢᠵᠤ ᠠᠵᠢᠯᠯᠠᠨᠠ ᠭᠡᠳᠡᠭ ᠪᠣᠯ ᠰᠢᠨᠡ ᠰᠢᠯᠭᠠᠯᠲᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠪᠡᠭᠡ ᠶ᠋ᠢ ᠬᠣᠯᠪᠣᠵᠤ ᠰᠦᠯᠵᠢᠨᠡ ᠭᠡᠳᠡᠭ ᠮᠡᠷᠭᠡᠵᠢᠯ ᠦ᠋ᠨ ᠬᠦᠴᠦᠨ
ᠣᠯᠠᠨ ᠬᠠᠷᠢᠭᠤᠴᠠᠯᠭᠠᠲᠤ ᠬᠥᠮᠦᠰ ᠢ᠋ ᠳᠠᠢᠴᠢᠯᠠᠨᠠ ᠤᠷᠢᠶᠠᠯᠠᠨᠠ ᠭᠡᠳᠡᠭ ᠪᠣᠯ ᠣᠪᠣᠷ
ᠬᠡᠯᠪᠡᠷᠢ ᠲᠣᠭᠠ ᠶ᠋ᠢᠨ ᠠᠯᠢ ᠨᠢ ᠴᠦ᠍ ᠳᠤᠲᠠᠵᠤ ᠪᠣᠯᠳᠠᠭ ᠦᠭᠡᠢ ᠣᠳᠣ ᠴᠠᠭ ᠲᠤ᠌
ᠮᠠᠶᠢᠭ ᠤ᠋ᠨ ᠬᠠᠷᠢᠯᠴᠠᠨ ᠦᠯᠢᠶᠡᠯᠲᠡ ᠮᠠᠭᠲᠠᠭᠠᠯ ᠪᠢᠳᠡᠨ ᠳ᠋ᠦ᠍ ᠬᠡᠷᠡᠭ ᠦᠭᠡᠢ
ᠤᠬᠠᠭᠤᠯᠭᠠ ᠰᠤᠷᠲᠠᠯᠴᠢᠯᠠᠭᠠ ᠬᠢᠵᠦ ᠪᠠᠢᠭᠠ ᠥᠪᠡᠷ ᠦ᠋ᠨ ᠲᠥᠯᠥᠭᠡ ᠪᠢᠰᠢ
ᠰᠦᠷᠡᠬᠡᠢ ᠦᠭᠡ ᠪᠡᠷ ᠪᠤᠰᠤᠳ ᠢ᠋ ᠬᠣᠭᠣᠰᠣᠨ ᠮᠠᠭᠲᠠᠬᠤ ᠪᠠᠷ ᠥᠪᠡᠷ ᠢ᠋ᠶ᠋ᠡᠨ ᠬᠥᠳᠡᠯ
ᠨᠢᠭᠡ ᠬᠥᠮᠦᠨ ᠦ᠌ ᠤᠬᠠᠭᠠᠨ ᠢ᠋ ᠵᠠᠷᠤᠵᠤ ᠭᠦᠢᠴᠡᠬᠦ ᠦᠭᠡᠢ ᠵᠢᠮᠡ ᠶᠣᠰᠣ ᠪᠠᠢᠳᠠᠭ
ᠵᠠᠭᠤᠨ ᠲᠦᠮᠡ ᠡᠴᠡ ᠳᠠᠬᠢᠵᠦ ᠨᠡᠮᠡᠭᠳᠡᠬᠦ ᠪᠢᠳᠡ ᠪᠦᠭᠦᠳᠡ ᠬᠠᠮᠲᠤ ᠳ᠋ᠠᠭᠠᠨ
ᠬᠣᠶᠠᠷ ᠬᠥᠮᠦᠨ ᠦ᠌ ᠤᠬᠠᠭᠠᠨ ᠢ᠋ ᠵᠠᠷᠤᠭᠠᠳ ᠪᠠᠷᠠᠬᠤ ᠦᠭᠡᠢ ᠡᠪᠦᠭᠡᠳ ᠦ᠋ᠨ ᠰᠤᠷᠭᠠᠯ ᠲᠠᠢ
ᠮᠢᠩᠭᠠᠨ ᠵᠠᠭᠠᠨ ᠢ᠋ ᠬᠤᠷᠤᠭᠤ ᠳᠠᠷᠤᠮ ᠵᠠᠢ ᠳ᠋ᠤ᠌ ᠴᠤ᠌ ᠵᠢᠷᠤᠵᠤ ᠴᠢᠳᠠᠳᠠᠭ ᠨᠢ ᠡᠷᠳᠡᠮ
ᠵᠢᠷᠠᠨ ᠳᠣᠯᠣᠭᠠᠨ ᠣᠷᠣᠨ ᠬᠦᠷᠲᠡᠯᠡ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠨᠡᠷᠡᠢᠳᠦᠯ ᠲᠡᠢ ᠨᠢ ᠦᠨᠡᠨ
ᠰᠠᠨᠠᠭᠠ ᠪᠠᠢᠪᠠᠯ ᠰᠠᠨᠠᠭᠰᠠᠨ ᠳ᠋ᠠᠭᠠᠨ ᠬᠦᠷᠬᠦ ᠳ᠋ᠦ᠍ ᠪᠢᠳᠡ ᠪᠦᠬᠦᠨ ᠬᠠᠮᠲᠤ ᠪᠠᠷ ᠢ᠋ᠶ᠋ᠠᠨ
ᠤᠨᠤᠭᠠ ᠵᠠᠪᠠᠯ ᠵᠣᠷᠢᠭᠰᠠᠨ ᠳ᠋ᠠᠭᠠᠨ ᠬᠦᠷᠬᠦ ᠪᠡᠷ ᠪᠢᠳᠡ ᠵᠠᠪᠠᠯ ᠦᠢᠯᠡᠳᠦᠯᠭᠡ ᠪᠡᠷ ᠢ᠋ᠶ᠋ᠡᠨ
ᠳᠠᠯᠠᠢ ᠳ᠋ᠤ᠌ ᠴᠢᠳᠬᠤᠭᠰᠠᠨ ᠮᠥᠷᠡᠨ ᠲᠠᠩᠭᠢᠰ ᠬᠠᠨᠳᠤᠭᠰᠠᠨ ᠵᠦᠭ ᠲᠡᠭᠡᠨ ᠰᠢᠳᠤᠷᠭᠤ
ᠳᠠᠶᠠᠭᠠᠷ ᠲᠤ᠌ ᠬᠦᠷᠦᠭᠰᠡᠨ hiimor.com ᠵᠢᠳᠬᠦᠭᠰᠡᠨ ᠵᠦᠭ ᠲᠡᠭᠡᠨ ᠰᠢᠭᠤᠳ
ᠣᠯᠠᠨ ᠤ᠋ ᠬᠦᠴᠦᠨ ᠳ᠋ᠦ᠍ ᠣᠪᠣᠭᠠ ᠬᠥᠲᠥᠯᠦᠭᠳᠡᠬᠦ ᠢᠲᠡᠭᠡᠯ ᠦ᠋ᠨ ᠬᠦᠴᠦᠨ ᠭᠦᠢᠴᠡᠳ
ᠣᠮᠣᠭ ᠤ᠋ᠨ ᠡᠮᠦᠨᠡ ᠪᠣᠳᠣᠭᠳᠠᠬᠤ ᠡᠴᠡ ᠬᠥᠳᠡᠯᠦᠯ ᠦ᠋ᠨ ᠬᠥᠳᠡᠯᠮᠦᠷᠢ ᠣᠨᠳᠣᠷᠣᠯ ᠲᠠᠢ
ᠵᠣᠷᠢᠭᠯᠠᠵᠤ ᠪᠢᠴᠢᠭᠰᠡᠨ ᠬᠣᠯᠪᠣᠭᠠ ᠮᠠᠨᠢ ᠪᠢᠴᠢᠭᠰᠡᠨ ᠴᠠᠭ ᠡᠴᠡ ᠪᠠᠨ ᠲᠦᠭᠦᠬᠡᠢ
ᠴᠢᠷᠮᠠᠢᠵᠤ ᠬᠡᠯᠡᠭᠰᠡᠨ ᠬᠣᠯᠪᠣᠭᠠ ᠴᠤ᠌ ᠬᠡᠯᠡᠭᠰᠡᠨ ᠴᠠᠭ ᠡᠴᠡ ᠪᠠᠨ ᠳᠤᠲᠠᠮᠠᠭ
ᠠᠩᠬᠠᠷᠤᠯ ᠢ᠋ᠶ᠋ᠠᠨ ᠬᠠᠨᠳᠤᠭᠤᠯᠤᠭᠰᠠᠨ ᠲᠠ ᠨᠠᠷ ᠲᠠᠭᠠᠨ ᠴᠢᠩ ᠰᠡᠳᠬᠢᠯ ᠡᠴᠡ ᠲᠠᠯᠠᠷᠬᠠᠯᠠ
ᠤᠷᠮᠠ ᠬᠠᠢᠷᠠᠯᠠᠭᠰᠠᠨ ᠡᠷᠬᠢᠮ ᠦ᠋ᠳ ᠲᠡᠭᠡᠨ ᠦᠨᠡᠨ ᠰᠠᠨᠠᠭᠠᠨ ᠡᠴᠡ ᠪᠠᠨ ᠪᠠᠶᠠᠷᠯᠠᠯᠠ !
ᠬᠥᠬᠡ ᠯᠤᠤ ᠵᠢᠯ ᠦ᠋ᠨ ᠬᠠᠮᠤᠭ ᠰᠡᠭᠦᠯᠴᠢ ᠶ᠋ᠢᠨ ᠡᠳᠦᠷ ᠪᠤᠭᠤᠲᠤ ᠬᠣᠲᠠᠨᠠ ᠰᠡᠢᠷᠡᠭᠦᠯᠪᠡᠢ !
2024.12.31