ᠬᠠᠷᠠᠴᠠᠨ ᠠ᠋ᠴᠠ ᠴᠢᠨᠢ ᠰᠢᠯᠦᠭ ᠬᠠᠢᠯᠠ - ᠡᠷᠬᠡХарцнаас чинь шүлэг хайл-Эрх
1194ᠬᠠᠷᠠᠴᠠᠨ ᠠ᠋ᠴᠠ ᠴᠢᠨᠢ ᠰᠢᠯᠦᠭ ᠬᠠᠢᠯᠠ
ᠡᠷᠬᠡ
ᠬᠠᠷᠠᠴᠠᠨ ᠠ᠋ᠴᠠ ᠴᠢᠨᠢ ᠪᠢ ᠰᠢᠯᠦᠭ ᠬᠠᠢᠯᠠ
ᠬᠠᠪ ᠬᠠᠷᠠᠬᠠᠨ ᠬᠥᠮᠥᠰᠬᠡ ᠲᠡᠢ
ᠰᠠᠷᠠᠨ ᠤ᠋ ᠬᠡ ᠲᠡᠢ ᠵᠢᠷᠪᠢᠰᠬᠢᠯᠡ
ᠢᠨᠢᠶᠡᠳᠦ ᠡᠴᠡ ᠴᠢᠨᠢ ᠵᠢᠷᠭᠠᠯ ᠮᠡᠳᠡᠷᠡᠬᠦ
ᠡᠩᠬᠦᠷᠡᠢ ᠬᠠᠢᠷᠠ ᠣᠳᠣᠳ ᠤ᠋ᠨ ᠰᠦᠵᠢᠭ ᠲᠡᠢ
ᠤᠴᠠᠷᠠᠬᠤ ᠶ᠋ᠢᠨ ᠲᠠᠪᠢᠯᠠᠩ ᠬᠦᠰᠡᠬᠦ ᠲᠤᠨᠢᠷᠬᠠᠯ
ᠤᠶᠠᠷᠠᠬᠤ ᠭᠱᠠᠨ ᠢ᠋ᠶ᠋ᠠᠨ ᠰᠠᠨᠠᠬᠤ ᠪᠢᠰᠢᠬᠦᠷᠬᠡᠯ
ᠠᠭᠤᠯᠵᠠᠬᠤ ᠶ᠋ᠢ ᠵᠥᠩᠨᠡᠭᠰᠡᠨ ᠨᠠᠢᠷᠠᠭ ᠠ᠋ᠴᠠ ᠴᠢᠨᠢ
ᠤᠷᠤᠭᠤᠯ ᠤ᠋ᠨ ᠴᠢᠨᠢ ᠥᠩᠭᠡ ᠲᠡᠢ ᠨᠠᠷᠠ ᠮᠠᠨᠳᠤᠨᠠ
ᠦᠨᠡᠨ ᠰᠡᠳᠬᠢᠯ ᠳ᠋ᠦ᠍ ᠴᠢᠨᠢ ᠡᠷᠬᠡᠯᠡᠬᠦ
ᠡᠭᠡᠰᠢᠭ ᠪᠣᠯᠵᠤ ᠴᠢᠮᠠᠲᠤ ᠰᠢᠩᠭᠡᠨᠡ
ᠪᠥᠮᠪᠥᠷᠴᠡᠭ ᠲᠦ᠍ ᠦᠵᠡᠰᠬᠦᠯᠡᠩ ᠨᠡᠮᠡᠵᠦ
ᠪᠦᠭᠦᠳᠡ ᠳ᠋ᠦ᠍ ᠡᠷᠬᠢᠮᠰᠦᠭ ᠬᠠᠷᠠᠭᠳᠠᠬᠤ
ᠳᠡᠯᠡᠬᠡᠢ ᠳ᠋ᠦ᠍ ᠭᠠᠭᠴᠠᠬᠠᠨ ᠴᠢᠮᠠ ᠲᠠᠢ ᠤᠴᠠᠷᠠᠬᠤ ᠶ᠋ᠢ
ᠪᠦᠯᠢᠶᠡᠨ ᠵᠢᠷᠦᠬᠡᠨ ᠦ᠌ ᠦᠵᠦᠭ ᠨᠠᠢᠷᠠᠭ ᠢ᠋ᠶ᠋ᠠᠷ ᠳᠠᠭᠤᠳᠠᠨᠠ
ᠭᠡᠵᠢᠭᠡ ᠪᠡᠷ ᠴᠢᠨᠢ ᠡᠷᠬᠡᠯᠡᠬᠦ ᠰᠠᠯᠬᠢ ᠲᠠᠢ ᠠᠲᠠᠭᠠᠷᠬᠠᠵᠤ
ᠭᠡᠭᠡᠨ ᠠᠭᠤᠯᠵᠠᠯᠲᠠ ᠶ᠋ᠢᠨ ᠢᠷᠦᠭᠡᠯ ᠡᠷᠭᠦᠨ
ᠭᠡᠷᠡᠯᠲᠦ ᠬᠣᠷᠸᠠ ᠶ᠋ᠢᠨ ᠨᠠᠨᠳᠢᠨ ᠵᠠᠶᠠᠭᠠᠨ ᠳ᠋ᠤ᠌
ᠬᠠᠷᠠᠴᠠᠨ ᠠ᠋ᠴᠠ ᠴᠢᠨᠢ ᠰᠢᠯᠦᠭ ᠬᠠᠢᠯᠠ᠃
ᠤᠶᠠᠩᠭᠠᠯᠠᠭᠴᠢ᠄ ᠡᠷᠬᠡ
ᠦᠰᠦᠭ ᠬᠠᠲᠠᠭᠴᠢ᠄ ᠪᠦᠷᠢᠨᠵᠢᠷᠭᠠᠯ
ᠠᠮᠢᠯᠠᠭᠤᠯᠤᠭᠴᠢ᠄ ᠪᠦᠷᠢᠨᠵᠢᠷᠭᠠᠯ