ᠬᠠᠰᠢᠷ ᠲᠤᠷᠰᠢᠯᠭᠠ ᠦᠢᠯᠡᠳᠦᠯᠭᠡ ᠡᠴᠡ ᠬᠠᠳᠠᠨ ᠵᠣᠷᠢᠭ ᠬᠦᠰᠡᠯᠡᠩ ᠡᠴᠡ᠂ ᠰᠢᠨᠡᠬᠡᠨ ᠰᠠᠭᠠᠲᠠᠭᠰᠠᠨ ᠰᠢᠨᠡ ᠣᠨ ᠤ᠋ ᠪᠣᠱᠣᠭᠠᠨ ᠳᠡᠭᠡᠷᠡ — ᠪᠣᠷᠵᠢᠭᠢᠨ ᠡᠷᠳᠡᠨᠢᠴᠢᠮᠡᠭ
3960ᠠᠯᠳᠠᠵᠤ ᠤᠨᠤᠵᠤ ᠶᠠᠪᠤᠭᠰᠠᠨ ᠬᠣᠷᠢᠨ ᠳᠥᠷᠪᠡᠨ ᠣᠨ ᠪᠠᠶᠠᠷᠲᠠᠢ᠂
ᠠᠮᠢᠳᠤᠷᠠᠯ ᠠᠵᠢᠯ ᠬᠥᠮᠦᠨ ᠵᠤᠨ ᠤ᠋ ᠠᠮᠵᠢᠯᠲᠠ ᠠᠯᠳᠠᠭᠠ ᠶ᠋ᠢ᠂
ᠠᠴᠢᠶᠠᠯᠠᠭᠰᠠᠨ ᠬᠠᠭᠤᠴᠢᠨ ᠣᠨ ᠢ᠋ᠶ᠋ᠠᠨ ᠥᠲᠡᠯᠡ
ᠢᠲᠡᠭᠡᠯ ᠬᠦᠰᠡᠯ ᠪᠡᠶᠡᠯᠡᠬᠦ ᠢᠷᠡᠵᠦ ᠪᠣᠢ ᠰᠢᠨᠡ ᠣᠨ ᠤᠶᠠᠭᠠᠨ ᠳᠡᠭᠡᠷᠡ ᠮᠢᠨᠢ ᠠᠮᠤᠭᠤᠯᠠᠩ ᠰᠠᠭᠠᠲᠠᠯᠠ᠂
ᠪᠦᠬᠦ ᠳᠡᠯᠡᠬᠡᠢ ᠶ᠋ᠢᠨ ᠬᠥᠬᠡ ᠲᠣᠯᠪᠣᠲᠤ ᠶ᠋ᠢᠨ
ᠪᠦᠯᠬᠦᠮᠳᠡᠯ ᠦ᠋ᠨ ᠰᠦᠷ ᠬᠦᠴᠦᠨ ᠭᠠᠢᠬᠠᠮᠰᠢᠭ⁈
ᠪᠦᠬᠦᠨ ᠳ᠋ᠦ᠍ ᠮᠡᠳᠡᠷᠡᠭᠳᠡᠭᠰᠡᠨ ᠨᠢᠭᠡᠨ ᠰᠠᠢᠬᠠᠨ ᠬᠤᠪᠢᠰᠬᠠᠯ ᠤ᠋ᠨ ᠥᠷᠨᠢᠯᠲᠡ᠂
ᠪᠣᠷᠣ ᠵᠢᠷᠦᠬᠡ ᠶ᠋ᠢ ᠳᠣᠭᠳᠣᠯᠤᠭᠤᠯᠤᠭᠰᠠᠨ ᠰᠦᠷ ᠳᠠᠯᠠᠢᠴᠠᠲᠠᠢ ᠬᠥᠳᠡᠯᠭᠡᠭᠡᠨ᠂
(ᠰᠦᠨ ᠰᠠᠴᠤᠯᠢ) ᠴᠤᠭᠯᠠᠷᠠᠯ (ᠬᠡᠢᠮᠣᠷᠢ ᠰᠦᠯᠵᠢᠶᠡ) ᠶ᠋ᠢ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠵᠦ ᠡᠬᠢᠯᠡᠭᠰᠡᠨ ᠴᠠᠭ ᠬᠤᠭᠤᠴᠠᠭᠠ ᠬᠣᠶᠠᠷ ᠮᠢᠩᠭᠠ ᠬᠣᠷᠢᠨ ᠳᠥᠷᠪᠡᠨ ᠣᠨ ᠤ᠋ ᠳᠣᠯᠣᠭᠠᠨ ᠰᠠᠷᠠ ᠠ᠋ᠴᠠ ᠡᠬᠢᠯᠡᠵᠦ ᠶᠠᠪᠤᠭᠳᠠᠵᠤ᠂ ᠨᠠᠶᠠᠨ ᠬᠡᠳᠦᠨ ᠴᠤᠭᠯᠠᠷᠠᠯ ᠳ᠋ᠤ᠌ ᠬᠥᠮᠦᠨ ᠦ᠌ ᠲᠣᠭᠠ ᠭᠤᠷᠪᠠᠨ ᠲᠦᠮᠡ ᠵᠢᠷᠭᠤᠭᠠᠨ ᠮᠢᠩᠭᠠ ᠭᠠᠷᠤᠢ ᠳ᠋ᠤ᠌ ᠬᠦᠷᠦᠭᠰᠡᠨ ᠪᠠᠢᠨᠠ᠃
ᠢᠨᠢᠶᠡᠵᠦ ᠤᠬᠢᠯᠠᠵᠤ ᠶᠠᠪᠤᠭᠰᠠᠨ ᠣᠨ ᠴᠠᠭ ᠤ᠋ᠨ ᠨᠤᠭᠤᠴᠠᠭᠠᠨ ᠳ᠋ᠤ᠌ ᠡᠨᠡᠬᠦ ᠦᠢᠯᠡᠳᠦᠯᠭᠡ ᠨᠢ ᠭᠠᠢᠬᠠᠮᠰᠢᠭ ᠲᠠᠢ ᠪᠠᠶᠠᠷᠯᠠᠭᠤᠰᠢᠲᠠᠢ᠃
ᠠᠷᠢᠭᠤᠨ ᠴᠠᠭᠠᠨ ᠰᠦ ᠪᠡᠨ ᠠᠯᠲᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠰᠠᠴᠤᠵᠤ
ᠠᠷᠤ ᠳ᠋ᠤ᠌ ᠬᠣᠴᠣᠷᠬᠤ ᠦᠷᠡ ᠬᠣᠢᠴᠢᠰ ᠲᠠᠭᠠᠨ ᠦᠯᠡᠳᠡᠭᠡᠬᠦ ᠥᠪ ᠡᠷᠳᠡᠨᠢᠰ ᠲᠡᠢ᠃
ᠰᠠᠨᠠᠭᠰᠠᠨ ᠦᠢᠯᠡᠰ ᠮᠢᠨᠢ ᠰᠡᠳᠬᠢᠯ ᠦ᠋ᠨ ᠨᠠᠷᠠ ᠲᠠᠢ ᠵᠢᠳᠬᠦᠯ ᠦ᠋ᠨ ᠮᠥᠷ ᠲᠡᠢ ᠦᠯᠡᠳᠡᠭ᠃
ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠮᠣᠩᠭᠣᠯ ᠤ᠋ᠨ ᠦᠷᠡ ᠬᠡᠦᠬᠡᠳ ᠮᠢᠨᠢ ᠭᠡᠭᠡᠯᠢᠭ ᠶᠠᠪᠤᠭ᠃
ᠬᠡᠢᠮᠣᠷᠢ ᠰᠦᠯᠵᠢᠶᠡ ᠭᠡᠪᠡᠯ ᠬᠣᠷᠸᠠ ᠳ᠋ᠤ᠌ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠠᠯᠠᠭᠠ
ᠬᠣᠪᠢᠨ ᠤ᠋ ᠴᠢᠨᠢ ᠥᠮᠴᠢ ᠶᠦ᠍ᠮ ᠰᠢᠦ ᠭᠡᠵᠦ ᠪᠤᠭᠤᠷᠤᠯᠴᠤᠳ ᠮᠢᠨᠢ ᠰᠤᠷᠭᠠᠳᠠᠭ!
ᠬᠤᠪᠢᠶᠠᠯᠴᠠᠵᠤ ᠲᠦᠷᠭᠡᠨ ᠮᠡᠳᠡᠭᠦᠯᠦᠶᠡ ᠭᠡᠵᠦ ᠭᠠᠪᠰᠢᠭᠠᠢᠯᠠᠭᠴᠢ ᠨᠠᠷ ᠮᠢᠨᠢ ᠰᠠᠨᠠᠭᠤᠯᠳᠠᠭ!
ᠬᠣᠷᠸᠠ ᠶᠢᠷᠲᠢᠨᠴᠦ ᠠᠭᠤᠳᠠᠮ ᠴᠤ᠌ ᠬᠣᠪᠣᠷᠬᠠᠨ ᠣᠯᠳᠠᠬᠤ ᠨᠢ
ᠥᠪᠡᠷ ᠦ᠋ᠨ ᠦᠨᠳᠦᠰᠦᠲᠡᠨ ᠦ᠌ ᠴᠢᠨᠢ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠰᠢᠦ ᠭᠡᠵᠦ
ᠡᠪᠦᠭᠡᠳ ᠨᠠᠰᠤᠲᠠᠳ ᠮᠢᠨᠢ ᠰᠡᠴᠡᠯᠡᠳᠡᠭ!
ᠥᠩᠭᠡᠷᠡᠭᠰᠡᠨ ᠣᠨ ᠳ᠋ᠤ᠌ ᠤᠬᠢᠯᠠᠵᠤ ᠶᠠᠪᠤᠭᠰᠠᠨ ᠠᠷᠪᠠᠨ ᠡᠳᠦᠷ ᠪᠠᠢᠬᠤ ᠳ᠋ᠤ᠌
ᠢᠨᠢᠶᠡᠵᠦ ᠶᠠᠪᠤᠭᠰᠠᠨ ᠨᠢ ᠵᠠᠭᠤᠨ ᠳᠠᠬᠢᠨ ᠢᠯᠡᠭᠦᠦ ᠲᠡᠢ ᠡᠴᠡ ᠢᠯᠡᠭᠦᠦ ᠲᠡᠢ᠂
ᠥᠷᠥᠭᠡᠯ ᠦ᠋ᠨ ᠬᠠᠷᠠ ᠴᠠᠭᠠᠨ ᠠᠮᠠᠨ ᠳ᠋ᠤ᠌ ᠢᠷᠥᠭᠡᠭᠳᠡᠵᠦ ᠶᠠᠪᠤᠭᠰᠠᠨ ᠡᠳᠦᠷ ᠴᠦ᠍ ᠪᠣᠢ
ᠡᠯᠳᠡᠪ ᠵᠦᠢᠯ ᠦ᠋ᠨ ᠦᠯᠢᠭᠡᠷ ᠲᠡᠢ ᠬᠠᠷᠢᠶᠠᠭᠳᠠᠵᠤ ᠶᠠᠪᠤᠭᠰᠠᠨ ᠰᠥᠨᠢ ᠴᠤ᠌ ᠪᠣᠢ⁈
ᠪᠠᠷᠪᠠᠭᠠᠷ ᠬᠠᠷᠠ ᠤᠷᠲᠤ ᠰᠥᠨᠢ ᠵᠡᠭᠦᠳᠦ ᠮᠡᠲᠦ ᠬᠠᠭᠤᠴᠢᠨ ᠲᠣᠭᠣᠰᠣ ᠪᠣᠯᠤᠨ ᠬᠣᠴᠣᠷᠪᠠ
(ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠲᠡᠦᠬᠡ ᠪᠣᠯᠤᠨ ᠲᠡᠮᠳᠡᠭᠯᠡᠭᠳᠡᠵᠦ ᠦᠯᠡᠳᠡᠭᠰᠡᠨ ᠬᠠᠭᠤᠴᠢᠨ ᠣᠨ ᠮᠢᠨᠢ ᠴᠢᠮᠡᠭᠡ ᠦᠭᠡᠢᠬᠡᠨ ᠠᠶᠠᠷᠯᠠᠯᠠ᠃)
ᠲᠩᠷᠢᠯᠢᠭ ᠵᠠᠶᠠᠭᠠᠲᠠᠢ ᠮᠢᠨᠦ ᠦᠨᠳᠦᠰᠦᠲᠡᠨ ᠮᠢᠨᠢ ᠡᠷᠡᠭᠦᠯ ᠡᠩᠬᠡ ᠪᠠᠢᠭᠠᠰᠠᠢ!
ᠳᠡᠭᠡᠳᠦ ᠡᠵᠡᠨ ᠴᠢᠩᠭᠢᠰ ᠪᠣᠭᠳᠠ ᠶ᠋ᠢᠨ ᠮᠢᠨᠢ ᠭᠡᠭᠡᠨ ᠰᠦᠨᠡᠰᠦ ᠢᠪᠡᠭᠡᠬᠦ ᠪᠣᠯᠲᠤᠭᠠᠢ!
ᠪᠠᠶᠠᠷᠲᠠᠢ ᠢᠨᠢᠶᠡᠭᠰᠡᠨ ᠮᠣᠩᠭᠣᠯ ᠴᠢᠷᠠᠢ ᠠ᠋ᠴᠠ ᠦᠨᠡᠨ ᠢ᠋ ᠣᠯᠵᠤ ᠨᠥᠬᠥᠷᠯᠡ!
ᠪᠢᠯᠳᠠᠤᠴᠢ ᠵᠢᠰᠤᠷ ᠵᠠᠯᠢᠬᠠᠢ ᠠ᠋ᠴᠠ ᠵᠠᠢ ᠪᠠᠨ ᠪᠠᠷᠢᠵᠤ ᠶᠠᠪᠤ!
ᠪᠠᠭᠠᠲᠤᠷ ᠵᠣᠷᠢᠭ ᠢ᠋ ᠡᠪᠦᠷᠯᠡᠵᠦ, ᠪᠡᠶᠡ ᠳ᠋ᠡᠭᠡᠨ ᠢᠲᠡᠭᠡᠯ ᠲᠡᠢ ᠣᠷᠣᠭᠰᠢ ᠵᠢᠳᠬᠦ!
ᠪᠠᠶᠠᠯᠢᠭ ᠲᠠᠩᠰᠤᠭ ᠬᠡᠰᠢᠭ ᠪᠤᠶᠠᠨ ᠬᠤᠷᠤᠢᠯᠠᠭᠰᠠᠨ ᠰᠢᠨᠡ ᠣᠨ ᠳ᠋ᠤ᠌ ᠪᠠᠨ
ᠰᠠᠨᠠᠭᠰᠠᠨ ᠦᠢᠯᠡᠰ ᠴᠢᠨᠢ ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠬᠦ ᠪᠣᠯᠲᠤᠭᠠᠢ!
ᠰᠠᠢᠨ ᠰᠠᠢᠬᠠᠨ ᠤ᠋ ᠭᠡᠭᠡᠨ ᠬᠦᠰᠡᠯ ᠲᠠᠨᠢ ᠪᠡᠶᠡᠯᠡᠭᠳᠡᠬᠦ ᠪᠣᠯᠲᠤᠭᠠᠢ!
ᠰᠠᠨᠰᠠᠷ ᠤ᠋ᠨ ᠣᠳᠣᠳ ᠤ᠋ᠨ ᠲᠣᠭᠠ ᠪᠠᠷ ᠰᠠᠪᠠ ᠳᠦᠭᠦᠷᠡᠩ ᠰᠦ ᠮᠡᠯᠮᠡᠯᠵᠡᠭᠡᠰᠡᠢ!
ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠮᠣᠩᠭᠣᠯ ᠲᠦᠮᠡᠨ ᠮᠢᠨᠢ ᠤᠷᠲᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠭᠠᠷᠠᠢ!
ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ!
ᠬᠣᠶᠠᠷ ᠮᠢᠩᠭᠠ ᠬᠣᠷᠢᠨ ᠲᠠᠪᠤ ᠣᠨ ᠤ᠋ ᠨᠢᠭᠡᠳᠦᠭᠡᠷ ᠰᠠᠷᠠ ᠶ᠋ᠢᠨ ᠰᠢᠨᠡ ᠶ᠋ᠢᠨ ᠨᠢᠭᠡᠨ
ᠣᠨ ᠲᠣᠭᠠᠯᠠᠯ ᠤ᠋ᠨ ᠬᠥᠬᠡ ᠯᠤᠤ ᠵᠢᠯ ᠦ᠋ᠨ ᠠᠷᠪᠠᠨ ᠬᠣᠶᠠᠷ ᠰᠠᠷᠠ ᠶ᠋ᠢᠨ ᠰᠢᠨᠡ ᠶ᠋ᠢᠨ ᠬᠣᠶᠠᠷ ᠤ᠋ᠨ ᠡᠳᠦᠷ
ᠤᠯᠠᠭᠴᠢᠨ ᠦᠬᠡᠷ ᠰᠠᠷᠠ᠃(ᠴᠠᠭᠠᠨ ᠮᠣᠷᠢ ᠡᠳᠦᠷ) ᠪᠣᠳᠢ ᠭᠠᠷᠠᠭ(ᠭᠠᠷᠠᠭ ᠤ᠋ᠨ ᠭᠤᠷᠪᠠᠨ) ᠠᠵᠠ ᠶ᠋ᠢᠨ ᠬᠣᠷᠸᠠ ᠰᠢᠯᠢ ᠶ᠋ᠢᠨ ᠬᠣᠲᠠᠨᠠ ᠪᠢᠴᠢᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰ ᠳᠣᠷᠣᠨᠠ
ᠬᠢᠨᠠᠭᠴᠢ᠄ ᠪᠣᠷᠵᠢᠭᠢᠨ ᠡᠷᠳᠡᠨᠢᠴᠢᠮᠡᠭ