ᠥᠷᠯᠥᠭᠡ ᠶᠢᠨ ᠬᠥᠬᠡᠬᠣᠲᠠ ᠮᠢᠨᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Өглөөгийн хөххот минь – Ёндоны Билиг - Баатар
636ᠥᠷᠯᠥᠭᠡ ᠶ᠋ᠢᠨ ᠬᠥᠬᠡᠬᠣᠲᠠ ᠮᠢᠨᠢ
ᠥᠷᠯᠥᠭᠡ ᠶ᠋ᠢᠨ ᠵᠠᠯᠠᠭᠤ ᠨᠠᠷᠠᠨ ᠳᠣᠣᠷᠠ
ᠥᠪᠥᠷ ᠦ᠋ᠨ ᠭᠣᠯᠣᠮᠲᠠ – ᠬᠥᠬᠡᠬᠣᠲᠠ
ᠠᠷᠢᠶᠠᠪᠠᠯᠤ ᠰᠢᠭ᠋ ᠦᠵᠡᠰᠬᠦᠯᠡᠩ ᠠᠭᠠᠳ
ᠠᠳᠠᠪᠰᠢ ᠭᠠᠢᠬᠠᠮᠰᠢᠭᠲᠠᠢ ᠨᠢᠭᠦᠯᠡᠰᠦᠩᠭᠦᠢ
ᠠᠷᠢᠭᠤᠨ ᠠᠭᠠᠷ ᠨᠢ ᠮᠥᠰᠥᠨ ᠲᠤᠩᠭᠠᠯᠠᠭ
ᠠᠭᠠᠰᠢ ᠨᠢ ᠬᠦᠷᠲᠡᠯᠡ ᠬᠡᠦᠬᠡᠮᠰᠦᠭ
ᠠᠷᠤ ᠪᠠᠷ ᠨᠢ ᠳᠣᠭᠰᠢᠷᠠᠨ ᠳᠠᠪᠬᠢᠯᠳᠤᠭᠰᠠᠨ
ᠳᠠᠯᠠᠨ ᠬᠠᠷᠠ ᠠᠳᠤᠭᠤᠳ ᠢ᠋
ᠠᠷᠪᠠ ᠶᠢᠰᠦᠨ ᠳᠠᠪᠬᠤᠷ ᠠ᠋ᠴᠠ
ᠳᠠᠯᠠᠯᠤᠨ ᠪᠠᠷᠠᠯᠠᠬᠤᠢᠶᠠ
ᠳᠡᠯ ᠦ᠋ᠨ ᠲᠤᠢᠮᠦᠷ ᠠ᠋
ᠬᠡᠳᠤᠨ ᠵᠠᠭᠤᠨ ᠲᠦᠮᠡᠨ ᠠᠯᠠᠭ ᠵᠢᠷᠦᠬᠡ
ᠨᠢᠮᠭᠡᠨ ᠪᠣᠷᠣ ᠬᠠᠯᠢᠰᠤᠨ ᠳ᠋ᠠᠭᠠᠨ ᠪᠤᠯᠭᠢᠯᠠᠵᠤ
ᠴᠢᠳᠥᠷ ᠡᠴᠡ ᠤᠢᠳᠤᠭᠰᠠᠨ
ᠲᠦᠪᠡᠷᠭᠡᠨ ᠦ᠌ ᠴᠢᠮᠡᠭᠡ
ᠶᠠᠭᠤᠲᠠᠢ ᠲᠣᠳᠣ ᠠ᠋
ᠳᠣᠯᠭᠢᠶᠠᠨ ᠤ᠋ ᠬᠢᠨᠢ ᠳᠠᠪᠲᠠᠮᠵᠢ ᠳ᠋ᠤ᠌
ᠶᠢᠰᠦ ᠶ᠋ᠢᠨ ᠬᠦᠢᠲᠡᠨ ᠰᠦᠢᠷᠡᠯᠭᠦᠢ
ᠶᠠᠭᠠᠬᠢᠬᠤᠪ ᠠ᠋
ᠠᠪᠤᠷᠭᠤ ᠬᠣᠲᠠ ᠶ᠋ᠢᠨ ᠤᠨᠠᠭᠠᠨ ᠢᠷᠭᠡᠳ
ᠡᠩᠬᠡ ᠮᠥᠩᠬᠡ ᠶ᠋ᠢᠨ ᠮᠠᠨᠠᠭᠠᠴᠢᠳ —
ᠠᠯᠠᠭᠠᠨ ᠴᠢᠨᠡᠭᠡᠨ ᠱᠠᠭᠠᠵᠠᠭᠠᠢ ᠨᠢ ᠥᠯᠴᠢᠷ
ᠡᠷᠡᠬᠡᠢ ᠶ᠋ᠢᠨ ᠴᠢᠨᠡᠭᠡᠨ ᠪᠣᠯᠵᠣᠮᠣᠷ ᠨᠢ ᠡᠩᠬᠦᠷᠡᠢ
ᠡᠯᠳᠡᠪ ᠦ᠋ᠨ ᠰᠢᠪᠠᠭᠤᠳ ᠠ᠋ᠴᠠ ᠪᠠᠨ
ᠡᠨᠡ ᠬᠣᠶᠠᠷ ᠮᠢᠨᠢ ᠯᠡ ᠬᠥᠭᠡᠷᠦᠬᠦᠢ
ᠡᠨᠳᠡ ᠡᠴᠡ ᠪᠡᠨ ᠵᠠᠢᠯᠠᠳᠠᠭ ᠦᠭᠡᠢ ᠨᠢ
ᠡᠷᠲᠡᠨ ᠦ᠌ ᠤᠯᠠᠭᠠᠴᠢᠳ ᠤ᠋ᠨ ᠢ᠋ᠶ᠋ᠠᠨ
ᠤᠶᠠᠭᠠ ᠱᠣᠩ ᠢ᠋ ᠨᠢ
ᠰᠠᠬᠢᠳᠠᠭ ᠶᠤᠮ ᠭᠡᠨᠡ ᠯᠠᠢ
ᠢᠵᠠᠭᠤᠷ ᠭᠠᠯᠪᠠ ᠶ᠋ᠢᠨ ᠥᠷᠲᠡᠭᠡᠨ ᠵᠠᠮ
ᠠᠯᠲᠠᠨ ᠬᠠᠭᠠᠨ ᠤ᠋ ᠨᠡᠢᠰᠯᠡᠯ ᠡᠴᠡ
ᠥᠷᠯᠥᠭᠡ ᠪᠡᠷ ᠵᠢᠷᠦᠬᠡᠨ ᠳᠡᠭᠡᠭᠦᠷ
ᠠᠯᠢ ᠵᠦᠭ ᠰᠤᠨᠤᠯᠵᠠᠨᠠ ᠪᠣᠢ
2024᠂12᠂27᠃
ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃