ᠵᠦᠢᠷ ᠰᠡᠴᠡᠨ ᠦᠭᠡ ᠵᠢᠨ ᠰᠤᠷᠭᠠᠯЗүйр цэцэн үгийн сургаал
8476ᠵᠦᠢᠷ ᠰᠡᠴᠡᠨ ᠦᠭᠡ ᠵᠢᠨ ᠰᠤᠷᠭᠠᠯ
ᠬᠥᠮᠦᠨ ᠬᠡᠳᠦᠢ ᠮᠡᠷᠭᠡᠨ ᠪᠣᠯᠪᠠᠴᠤ
ᠬᠡᠯᠡᠬᠦ ᠦᠭᠡᠢ ᠪᠣᠯ ᠮᠡᠳᠡᠬᠦ ᠦᠭᠡᠢ
ᠴᠠᠭᠠᠰᠤ ᠬᠡᠳᠦᠢ ᠨᠢᠮᠭᠡᠨ ᠪᠣᠯᠪᠠᠴᠤ
ᠴᠢᠴᠢᠬᠦ ᠦᠭᠡᠢ ᠪᠣᠯ ᠴᠣᠭᠣᠷᠠᠬᠤ ᠦᠭᠡᠢ᠂
ᠰᠡᠳᠬᠢᠯ ᠦ᠋ᠨ ᠰᠠᠢᠬᠠᠨ ᠬᠥᠮᠦᠨ ᠢ᠋ ᠴᠢᠮᠡᠳᠡᠭ
ᠪᠣᠳᠣᠯ ᠤ᠋ᠨ ᠰᠠᠢᠬᠠᠨ ᠲᠠᠷᠢᠬᠢ ᠶ᠋ᠢ ᠴᠢᠮᠡᠳᠡᠭ᠂
ᠳᠠᠷᠤᠤ ᠶᠠᠪᠤᠪᠠᠯ ᠲᠠᠪᠰᠢᠯᠲᠠ ᠲᠠᠢ
ᠪᠠᠷᠳᠠᠮ ᠶᠠᠪᠤᠪᠠᠯ ᠪᠠᠷᠴᠢᠳ ᠲᠠᠢ᠂
ᠦᠨᠡᠨ ᠦᠭᠡ ᠦᠨᠡ ᠬᠦᠷᠦᠨᠡ
ᠬᠤᠳᠠᠯ ᠦᠭᠡ ᠬᠣᠣᠷ ᠬᠦᠷᠦᠨᠡ᠂
ᠭᠠᠭᠴᠠ ᠬᠥᠮᠦᠨ ᠠᠢᠯ ᠪᠣᠯᠬᠤ ᠦᠭᠡᠢ
ᠭᠠᠭᠴᠠ ᠮᠣᠳᠣ ᠭᠠᠯ ᠪᠣᠯᠬᠤ ᠦᠭᠡᠢ᠂
ᠠᠭᠤᠯᠠᠨ ᠤ᠋ ᠴᠢᠮᠡᠭ ᠮᠣᠳᠣ
ᠤᠬᠠᠭᠠᠨ ᠤ᠋ ᠴᠢᠮᠡᠭ ᠡᠷᠳᠡᠮ᠂
ᠪᠠᠷᠳᠠᠮ ᠳ᠋ᠤ᠌ ᠰᠠᠢᠨ ᠦᠭᠡᠢ
ᠪᠠᠩᠵᠠᠯ ᠳ᠋ᠤ᠌ ᠳᠤᠯᠠᠭᠠᠨ ᠦᠭᠡᠢ᠂
ᠰᠠᠢᠨ ᠰᠠᠨᠠᠭᠠᠨ ᠤ᠋ ᠦᠵᠦᠭᠦᠷ ᠰᠦ
ᠮᠠᠭᠤ ᠰᠠᠨᠠᠭᠠᠨ ᠤ᠋ ᠦᠵᠦᠭᠦᠷ ᠬᠦ᠂
ᠬᠥᠮᠦᠨ ᠬᠥᠮᠦᠨ ᠦ᠌ ᠬᠦᠴᠦᠨ ᠳ᠋ᠦ᠍
ᠵᠢᠭᠠᠰᠤ ᠤᠰᠤᠨ ᠤ᠋ ᠬᠦᠴᠦᠨ ᠳ᠋ᠦ᠍᠂
ᠬᠤᠳᠠᠯᠴᠢ ᠬᠡᠦᠬᠡᠳ ᠢ᠋ ᠠᠢᠯ ᠭᠣᠯᠣᠨᠠ
ᠬᠤᠪᠠᠬᠠᠢ ᠮᠣᠳᠣ ᠶ᠋ᠢ ᠮᠣᠳᠣᠴᠢᠨ ᠭᠣᠯᠣᠨᠠ᠂
ᠪᠣᠳᠣᠯᠭᠠ ᠦᠭᠡᠢ ᠬᠥᠮᠦᠨ ᠤᠨᠲᠠᠩᠬᠠᠢ
ᠪᠤᠶᠠᠨ ᠦᠭᠡᠢ ᠬᠥᠮᠦᠨ ᠢᠳᠡᠮᠡᠬᠡᠢ᠂
ᠱᠠᠪᠢ ᠶ᠋ᠢᠨ ᠡᠷᠳᠡᠮ ᠪᠠᠭᠰᠢ ᠠ᠋ᠴᠠ
ᠵᠤᠯᠠ ᠶ᠋ᠢᠨ ᠭᠡᠷᠡᠯ ᠲᠣᠰᠣᠨ ᠠ᠋ᠴᠠ᠂
ᠠᠪᠤ ᠶ᠋ᠢᠨ ᠰᠤᠷᠭᠠᠯ ᠠᠯᠲᠠ
ᠡᠵᠢ ᠶ᠋ᠢᠨ ᠰᠤᠷᠭᠠᠯ ᠡᠷᠳᠡᠨᠢ᠂
ᠡᠶᠡ ᠲᠡᠢ ᠬᠥᠮᠦᠨ ᠨᠥᠬᠥᠷ ᠣᠯᠠᠨ
ᠡᠶᠡ ᠦᠭᠡᠢ ᠬᠥᠮᠦᠨ ᠦᠰᠲᠡᠨ ᠣᠯᠠᠨ᠂
ᠴᠠᠭ ᠤ᠋ᠨ ᠰᠠᠢᠬᠠᠨ ᠬᠠᠪᠤᠷ ᠲᠤ᠌
ᠨᠠᠰᠤᠨ ᠤ᠋ ᠰᠠᠢᠬᠠᠨ ᠵᠠᠯᠠᠭᠤ ᠳ᠋ᠤ᠌᠂
ᠴᠠᠭ ᠴᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᠴᠠᠬᠢᠯᠳᠠᠭ ᠬᠥᠬᠡ ᠪᠡᠷ ᠢ᠋ᠶ᠋ᠡᠨ ᠪᠠᠢᠳᠠᠭ ᠦᠭᠡᠢ᠂
ᠣ ᠲᠠᠢ ᠣᠢᠷᠠᠲᠤᠪᠠᠯ ᠴᠠᠭᠠᠨ
ᠬᠦ ᠲᠡᠢ ᠣᠢᠷᠠᠲᠤᠪᠠᠯ ᠬᠠᠷᠠ᠂
ᠰᠠᠢᠨ ᠰᠠᠨᠠᠭᠠ ᠲᠠᠯᠠ ᠶ᠋ᠢ ᠲᠣᠭᠣᠷᠢᠨᠠ
ᠮᠠᠭᠤ ᠰᠠᠨᠠᠭᠠ ᠪᠡᠶᠡ ᠶ᠋ᠢ ᠣᠷᠢᠶᠠᠨᠠ᠂
ᠬᠡᠯᠡᠪᠡᠯ ᠦᠭᠡ ᠭᠢᠰᠬᠢᠪᠡᠯ ᠭᠠᠵᠠᠷ᠃
ᠢᠷᠡᠯᠲᠡ᠄ ᠰᠦᠯᠵᠢᠶᠡᠨ ᠡᠴᠡ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠢ · ᠤᠷᠠᠨᠴᠡᠴᠡᠭ
ᠬᠢᠨᠠᠯᠲᠠ ᠄ ᠮᠣᠩᠭᠣᠯ ᠰᠦᠨᠡᠰᠦ ᠂ᠡᠩᠬᠡᠮᠡᠨᠳᠦ᠂ ᠮᠥᠴᠢᠷ᠂ᠰᠡᠴᠡᠨᠴᠢᠮᠡᠭ