ᠲᠠᠢᠳᠬᠤᠷᠠᠬᠤᠢ - ᠱ ᠂ ᠭᠦᠷᠦᠪᠠᠽᠠᠷ Тайтгарахуй – Ш᠂ Гүрбазар
938ᠲᠠᠢᠳᠬᠤᠷᠠᠬᠤᠢ
ᠠᠮᠢᠳᠤᠷᠠᠯ ᠪᠣᠯᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠯᠠ ᠪᠣᠯᠤᠨᠠ
ᠲᠡᠮᠡᠭᠡ ᠪᠡᠨ ᠣᠯᠤᠭᠠ ᠦᠭᠡᠢ ᠴᠤ᠌
ᠳᠠᠩ ᠢ᠋ᠶ᠋ᠠᠨ ᠯᠠ ᠶᠠᠩᠵᠤᠯᠠ
ᠡᠷᠢᠯ ᠦ᠋ᠨ ᠬᠥᠮᠦᠨ
ᠡᠯᠳᠡᠭᠡᠳ ᠯᠡ ᠢᠷᠡᠨᠡ
ᠲᠡᠨᠡᠭ ᠦ᠋ᠳ ᠦ᠋ᠨ ᠰᠠᠮᠠᠭᠤᠷᠠᠯ ᠳ᠋ᠤ᠌
ᠰᠡᠴᠡᠳ ᠨᠢ ᠰᠡᠷᠡᠳᠡᠭ ᠶᠦᠮ
ᠲᠡᠷᠡ ᠴᠠᠭ ᠲᠤ
ᠶᠠᠭᠤᠮᠠ ᠪᠦᠬᠦᠨ ᠵᠥᠪ ᠪᠣᠯᠤᠨᠠ
ᠳᠠᠪᠴᠢᠭᠤᠳᠠᠭᠠᠳ ᠶᠠᠭᠠᠬᠢᠬᠤ ᠪᠣᠢ ᠳᠠ
ᠲᠠᠩᠳᠠ ᠡᠢᠮᠦ ᠪᠠᠢᠬᠤ ᠦᠭᠡᠢ
ᠠᠷᠤᠭ ᠤ᠋ᠨ ᠳᠡᠭᠡᠷᠡ ᠰᠠᠭᠤᠭᠰᠠᠨ ᠰᠢᠪᠠᠭᠤ
ᠲᠩᠷᠢ ᠳ᠋ᠦ᠍ ᠳᠠᠬᠢᠨ ᠵᠢᠷᠭᠢᠵᠦ
ᠠᠯᠤᠰ ᠠ᠋ᠴᠠ ᠰᠠᠢᠬᠠᠨ ᠰᠤᠷᠠᠭ ᠢᠷᠡᠨᠡ
ᠠᠯᠳᠠᠭᠰᠠᠨ ᠬᠠᠨᠢ ᠴᠢᠨᠢ ᠥᠪᠡᠷ ᠢ᠋ ᠪᠡᠨ ᠵᠢᠮᠡᠯᠡᠵᠦ
ᠠᠮᠢᠳᠤᠷᠠᠯ ᠴᠢᠨᠢ ᠡᠬᠢᠨ ᠦ᠌ ᠬᠢ ᠰᠢᠭ ᠢ᠋ᠶ᠋ᠡᠨ ᠳᠡᠯᠭᠡᠷᠡᠨᠡ
ᠤᠢᠮᠤᠷᠠᠭᠠᠳ ᠶᠠᠭᠠᠬᠢᠬᠤ ᠪᠣᠢ ᠳᠠ ᠬᠦ
ᠤᠳᠠᠬᠤ ᠦᠭᠡᠢ ᠰᠠᠢᠬᠠᠨ ᠪᠣᠯᠤᠨᠠ
ᠱᠠᠯᠢᠭ ᠳᠠᠭᠤᠤ ᠳ᠋ᠠᠭᠠᠨ ᠰᠢᠷᠠᠲᠤᠭᠰᠠᠨ ᠨᠠᠢᠷ ᠤᠳᠠᠬᠤ ᠦᠭᠡᠢ ᠲᠠᠷᠠᠵᠤ
ᠰᠢᠨᠡ ᠭᠡᠷ ᠦ᠋ᠨ ᠪᠣᠱᠣᠭᠠ ᠠᠮᠠᠷᠠᠨᠠ
ᠰᠠᠨᠠᠭᠠ ᠭᠤᠨᠳᠠᠭᠤ ᠶᠠᠪᠤᠭᠰᠠᠨ ᠳ᠋ᠠᠭᠠᠨ ᠴᠢ ᠯᠡ ᠳᠣᠲᠣᠷᠠ ᠪᠠᠨ ᠢᠴᠢᠵᠦ
ᠰᠠᠢᠨ ᠬᠥᠮᠦᠨ ᠦ᠌ ᠪᠤᠶᠠᠨ ᠢ᠋ᠶ᠋ᠠᠷ ᠮᠠᠷᠭᠠᠰᠢ ᠥᠭᠡᠳᠡᠯᠡᠨᠡ
ᠦᠢᠮᠡᠷᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ ᠳᠠ ᠬᠦ
ᠦᠨᠡᠨ ᠭᠠᠳᠠᠭᠠ ᠲᠠᠨᠢ ᠢᠷᠡᠨᠡ
ᠵᠦᠰᠡᠷᠡᠭᠰᠡᠨ ᠪᠣᠷᠣᠭᠠ ᠲᠠᠲᠠᠷᠠᠵᠤ
ᠨᠣᠷᠤᠭᠰᠠᠨ ᠳᠡᠪᠡᠯ ᠴᠢᠨᠢ ᠡᠭᠰᠢᠨᠡ
ᠵᠤᠨ ᠤ᠋ ᠭᠤᠷᠪᠠᠨ ᠰᠠᠷᠠ ᠳ᠋ᠤ᠌
ᠴᠡᠴᠡᠭ ᠳᠡᠯᠭᠡᠷᠡᠨᠡ
ᠬᠠᠷᠠ ᠳᠠᠷᠤᠭᠠᠳ ᠰᠡᠷᠡᠬᠦ ᠳ᠋ᠦ᠍
ᠡᠵᠢ ᠨᠢ ᠬᠠᠵᠠᠭᠤ ᠳ᠋ᠤ᠌ ᠴᠢᠨᠢ ᠪᠠᠢᠬᠤ ᠰᠢᠭ᠋
ᠬᠠᠮᠤᠭ ᠪᠦᠬᠦᠨ ᠲᠠᠢᠪᠤᠩ ᠪᠣᠯᠤᠨᠠ
ᠡᠮᠵᠡᠭᠯᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ ᠳᠠ
ᠡᠨᠡ ᠮᠣᠩᠭᠣᠯ ᠮᠢᠨᠢ ᠳᠡᠭᠵᠢᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ