ᠡᠷᠡ ᠬᠥᠮᠦᠨ - ᠱ ᠂ ᠭᠦᠷᠦᠪᠠᠽᠠᠷ Эр хүмүүн – Ш᠂ Гүрбазар
1141ᠡᠷᠡ ᠬᠥᠮᠥᠨ
ᠣᠳᠣᠳ ᠢ᠋ᠶ᠋ᠠᠨ ᠭᠠᠵᠠᠷ ᠨᠢ ᠵᠡᠭᠦᠳᠦᠯᠡᠬᠦ ᠰᠢᠭ
ᠪᠣᠰᠤᠭᠠ ᠵᠠᠶᠠᠭᠠ ᠪᠠᠷ ᠥᠪᠡᠷ ᠢ᠋ ᠪᠡᠨ ᠴᠢᠮᠡᠭᠰᠡᠨ
ᠳᠡᠪᠡᠯ ᠲᠡᠢ ᠬᠡᠢ ᠮᠣᠷᠢ ᠨᠢ ᠪᠢᠰᠢ ᠭᠡᠵᠢ ᠤᠤ ᠳᠠ
ᠡᠷᠡ ᠬᠥᠮᠦᠨ ᠪᠢ ᠴᠢᠨᠢ
ᠲᠠᠬᠢᠯ ᠲᠠᠢ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠠ᠋ᠴᠠ
ᠴᠢᠯᠠᠭᠤ ᠶ᠋ᠢ ᠨᠢ ᠭᠤᠶᠤᠵᠤ ᠬᠥᠨᠳᠡᠬᠦ ᠰᠢᠭ
ᠲᠠᠪᠤᠨ ᠬᠠᠨᠠ ᠨᠢ ᠨᠠᠷᠠ ᠵᠥᠪ ᠲᠣᠭᠣᠷᠢᠭᠰᠠᠨ
ᠲᠣᠭᠣᠨᠣ ᠨᠢ ᠪᠢᠰᠢ ᠭᠡᠵᠢ ᠤᠤ ᠳᠠ
ᠡᠷᠡ ᠬᠥᠮᠦᠨ ᠪᠢ ᠴᠢᠨᠢ
ᠮᠠᠨᠠᠨ ᠲᠠᠢ ᠠᠭᠤᠯᠠ ᠠ᠋ᠴᠠ ᠪᠠᠨ ᠵᠠᠯᠬᠠᠬᠤ ᠳ᠋ᠠᠭᠠᠨ
ᠮᠡᠯᠮᠡᠢ ᠶ᠋ᠢᠨ ᠰᠡᠵᠢᠭᠦᠷ ᠮᠢᠨᠢ ᠬᠥᠯᠥᠷᠡᠳᠡᠭ ᠰᠢᠭ
ᠮᠢᠨᠦ ᠡᠵᠡᠭᠦᠢ ᠳ᠋ᠦ᠍ ᠭᠣᠯᠣᠮᠲᠠ ᠮᠢᠨᠢ
ᠰᠠᠨᠠᠭᠠ ᠠᠯᠳᠠᠭᠰᠠᠨ
ᠡᠷᠡ ᠬᠥᠮᠦᠨ ᠪᠢᠰᠢ ᠭᠡᠵᠢ ᠤᠤ ᠳᠠ
ᠰᠠᠯᠬᠢ ᠲᠠᠢ ᠰᠠᠭᠠᠷᠠᠯ ᠨᠠᠢᠷ ᠠ᠋ᠴᠠ ᠨᠢ
ᠨᠠᠪᠴᠢ ᠪᠠᠨ ᠭᠤᠶᠤᠵᠤ ᠦᠯᠡᠳᠡᠭᠡᠬᠦ ᠰᠢᠭ
ᠴᠠᠢ ᠶ᠋ᠢᠨ ᠳᠡᠭᠡᠵᠢ ᠮᠢᠨᠢ ᠲᠣᠭᠣᠭᠠᠨ ᠳ᠋ᠠᠭᠠᠨ ᠬᠦᠯᠢᠶᠡᠭᠰᠡᠨ
ᠠᠢᠯ ᠤ᠋ᠨ ᠬᠣᠢᠮᠣᠷ ᠨᠢ ᠪᠢᠰᠢ ᠭᠡᠵᠢ ᠤᠤ ᠳᠠ
ᠡᠷᠡ ᠬᠥᠮᠦᠨ ᠪᠢ ᠴᠢᠨᠢ
ᠨᠢᠭᠦᠯ ᠲᠡᠢ ᠬᠣᠷᠸᠠ ᠶ᠋ᠢ ᠡᠨᠳᠡᠭᠦᠷᠡᠬᠦ ᠳ᠋ᠡᠭᠡᠨ
ᠨᠢᠯᠪᠤᠰᠤ ᠪᠠᠨ ᠬᠠᠨᠴᠤᠢ ᠳ᠋ᠠᠭᠠᠨ ᠨᠢᠭᠤᠳᠠᠭ ᠴᠤ᠌ ᠭᠡᠰᠡᠨ
ᠨᠡᠭᠦᠭᠡᠳ ᠢᠷᠡᠳᠡᠭ ᠰᠢᠪᠠᠭᠤᠳ ᠤ᠋ᠨ ᠴᠤᠪᠤᠭᠠ ᠶ᠋ᠢ
ᠤᠬᠢᠯᠠᠵᠤ ᠯᠠ ᠤᠭᠲᠤᠭᠠ ᠦᠭᠡᠢ ᠭᠡᠵᠢ ᠤᠤ ᠳᠠ
ᠡᠷᠡ ᠬᠥᠮᠦᠨ ᠪᠢ ᠴᠢᠨᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ