ᠠᠷᠭᠠ ᠦᠭᠡᠢ ᠠᠮᠠᠷᠠᠭ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Аргагүй амраг — Бавуугийн Лхагвасүрэн
1646ᠠᠷᠭᠠ ᠦᠭᠡᠢ ᠠᠮᠠᠷᠠᠭ
ᠨᠢᠭᠤᠴᠠᠬᠠᠨ ᠬᠠᠢᠷᠠ ᠬᠠᠨᠢ ᠠ᠋ᠴᠠ ᠬᠣᠵᠢᠳᠠᠵᠤ ᠢᠷᠡᠳᠡᠭ᠁
ᠢᠯᠡᠭᠦᠳᠡᠭᠰᠡᠨ ᠳᠤᠲᠠᠭᠰᠠᠨ ᠰᠡᠳᠬᠢᠯ ᠡᠴᠡ ᠪᠣᠯᠤᠭᠠ ᠦᠭᠡᠢ ᠮᠣᠷᠳᠠᠯᠠ ᠪᠠᠨ
ᠢᠷᠡᠬᠦ ᠯᠡ ᠭᠡᠵᠦ ᠢᠷᠡᠳᠡᠭ ᠦᠢᠯᠡ ᠶ᠋ᠢᠨ ᠦᠷᠡ᠃
ᠪᠦᠲᠦᠨ ᠠᠮᠢᠳᠤᠷᠠᠯ ᠤ᠋ᠨ ᠬᠠᠢᠷᠠ ᠴᠠᠪᠯᠠᠵᠤ
ᠪᠥᠷᠲᠥᠢᠵᠦ ᠢᠷᠡᠭᠰᠡᠨ ᠪᠢᠲᠡᠭᠦᠦ ᠯᠠᠢ
ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠯᠡ ᠰᠢᠨᠠᠯᠬᠤ ᠪᠠᠷ ᠵᠠᠶᠠᠭᠠᠭᠰᠠᠨ
ᠡᠪᠡᠰᠦ ᠪᠠᠭᠲᠠᠬᠤ ᠦᠭᠡᠢ ᠪᠠᠴᠢᠭᠤ ᠵᠠᠢ
ᠰᠠᠷᠠᠨ ᠨᠠᠷᠠᠨ ᠬᠠᠭᠠᠴᠠᠬᠤᠢ ᠶ᠋ᠢᠨ
ᠪᠦᠷᠦᠩᠬᠦᠢ ᠶ᠋ᠢᠨ ᠵᠠᠭᠠᠭ ᠲᠤ ᠣᠨᠣᠭᠳᠠᠭᠰᠠᠨ
ᠰᠡᠭᠦᠳᠡᠷ ᠭᠡᠷᠡᠯ ᠬᠣᠶᠠᠷ ᠤ᠋ᠨ
ᠪᠦᠯᠢᠶᠡᠬᠡᠨ ᠵᠠᠪᠰᠠᠷ ᠲᠤ ᠬᠠᠪᠴᠢᠭᠳᠠᠭᠰᠠᠨ
ᠦᠵᠡᠬᠦᠢ ᠰᠣᠨᠣᠰᠬᠤᠢ ᠬᠣᠶᠠᠷ ᠠ᠋ᠴᠠ
ᠦᠷᠭᠦᠵᠦ ᠲᠠᠩᠳᠠ ᠵᠤᠯᠠᠷᠠᠭᠰᠠᠨ
ᠡᠭᠦᠯᠡᠨ ᠴᠢᠯᠥᠭᠡᠨ ᠦ᠌ ᠵᠢᠷᠭᠠᠯ ᠳ᠋ᠠᠭᠠᠨ
ᠦᠬᠦᠵᠦ ᠠᠯᠲᠠᠨ ᠵᠤᠯᠠᠯᠠᠭᠰᠠᠨ
ᠬᠠᠯᠢᠷᠠᠵᠤ ᠶᠠᠪᠤᠬᠤ ᠶ᠋ᠢᠨ ᠡᠵᠡ ᠱᠦᠭᠯᠦᠭᠰᠡᠨ
ᠬᠠᠢᠷᠠᠲᠠᠢ ᠪᠠᠢᠬᠤ ᠶ᠋ᠢᠨ ᠠᠳ ᠵᠠᠢᠳᠠᠯᠠᠭᠰᠠᠨ᠃
ᠬᠣᠷᠸᠠ ᠶ᠋ᠢᠨ ᠵᠣᠬᠢᠶᠠᠩᠭᠤᠢ ᠶ᠋ᠢᠨ ᠬᠥᠯ ᠳ᠋ᠦ᠍ ᠲᠠᠷᠠᠮᠳᠠᠵᠤ
ᠬᠠᠲᠠᠭᠤ ᠵᠣᠬᠢᠴᠠᠩᠭᠤᠢ ᠶ᠋ᠢᠨ《ᠰᠣᠯᠣᠭᠠᠢ》 ᠳ᠋ᠤ᠌ ᠵᠠᠶᠠᠭᠠᠭᠰᠠᠨ
ᠪᠤᠷᠤᠭᠤ ᠤᠤ? ᠵᠥᠪ ᠤᠤ? ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌
ᠪᠤᠷᠬᠠᠨ ᠬᠦᠷᠲᠡᠯᠡ ᠳᠤᠤᠭᠠᠷᠳᠠᠭ ᠦᠭᠡᠢ ᠬᠠᠴᠢᠨ ᠬᠠᠢᠷᠠ᠃
ᠬᠠᠢᠷᠠ ᠬᠡᠮᠡᠬᠦ ᠳᠠᠯᠠᠢ ᠶ᠋ᠢᠨ ᠢᠷᠣᠭᠠᠷ ᠤ᠋ᠨ
ᠬᠢᠰᠤᠭᠠᠨ ᠳᠤᠮᠳᠠᠬᠢ ᠳᠠᠯᠳᠠ ᠰᠤᠪᠤᠳ
ᠬᠠᠯᠠᠭᠤᠨ ᠤᠯᠠᠭᠠᠨ ᠭᠣᠣᠯ ᠳ᠋ᠤ᠌ ᠪᠠᠨ᠂ ᠥᠪᠡᠷ ᠢ᠋ᠶ᠋ᠡᠨ ᠯᠡ ᠣᠯᠬᠤ ᠪᠠᠷ ᠨᠢᠭᠤᠭᠰᠠᠨ
《ᠬᠠᠲᠤᠨ》 ᠰᠠᠭᠤᠳᠠᠯ ᠦᠭᠡᠢ᠂《 ᠠᠷᠭᠠ ᠦᠭᠡᠢ ᠠᠮᠠᠷᠠᠭ》
ᠣᠩᠭᠣᠯᠠᠭᠤᠯᠬᠤ ᠳ᠋ᠤ᠌ ᠮᠢᠨᠢ ᠬᠦᠷᠲᠡᠯᠡ ᠳᠤᠲᠠᠵᠤ ᠳᠠᠭᠤᠰᠬᠤ
ᠣᠷᠴᠢᠯᠠᠩ ᠠ᠋ᠴᠠ ᠨᠠᠳᠠ ᠳ᠋ᠤ᠌ ᠥᠭᠭᠦᠭᠰᠡᠨ ᠬᠠᠭᠠᠰ ᠡᠷᠬᠡ ᠴᠢᠯᠥᠭᠡ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ