ᠬᠥᠯᠥᠷᠡᠭᠰᠡᠨ ᠴᠢᠯᠠᠭᠤ - ᠱ ᠂ ᠭᠦᠷᠦᠪᠠᠽᠠᠷ Хөлөрсөн чулуу – Ш᠂ Гүрбазар
864ᠬᠥᠯᠥᠷᠡᠭᠰᠡᠨ ᠴᠢᠯᠠᠭᠤ
ᠦᠯᠢᠶᠡᠭᠡᠳ ᠪᠠᠢᠭᠠ ᠴᠣᠬᠣᠷ ᠰᠠᠯᠬᠢᠨ ᠠ᠋ᠴᠠ ᠨᠢ
ᠦᠨᠳᠦᠰᠦ ᠪᠡᠨ ᠬᠠᠷᠠᠮᠨᠠᠳᠠᠭ ᠨᠠᠮᠤᠷ ᠢ᠋ ᠶᠠᠭᠠᠬᠢᠬᠤ ᠶᠤᠮ ᠪᠣᠢ
ᠦᠳᠡᠭᠡᠳ ᠬᠣᠴᠣᠷᠳᠠᠭ ᠬᠠᠲᠠᠭᠤ ᠦᠨᠡᠨ ᠳᠤᠮᠳᠠ ᠠ᠋ᠴᠠ
ᠦᠭᠡᠢᠯᠡᠭᠡᠳ ᠪᠠᠢᠭᠠ ᠠᠪᠤ ᠪᠠᠨ ᠶᠠᠭᠠᠬᠢᠬᠤ ᠶᠤᠮ ᠪᠣᠢ
ᠪᠥᠮᠪᠥᠷᠢᠵᠦ ᠢᠷᠡᠭᠡᠳ ᠮᠢᠨᠦ ᠨᠢᠯᠪᠤᠰᠤ
ᠪᠣᠳᠣᠬᠤ ᠶ᠋ᠢᠨ ᠵᠠᠭᠤᠷᠠᠬᠠᠨ ᠳ᠋ᠤ᠌ ᠵᠢᠭᠠᠬᠠᠨ ᠡᠭᠰᠢᠯᠡ ᠳᠡ
ᠠᠯᠳᠠᠭᠤᠷᠠᠭᠰᠠᠨ ᠨᠠᠪᠴᠢ ᠰᠢᠭ ᠪᠣᠷᠣᠬᠠᠨ ᠰᠢᠪᠠᠭᠤᠬᠠᠢ ᠶ᠋ᠢ
ᠦᠷᠭᠦᠭᠡᠵᠦ ᠵᠦᠭ ᠦᠭᠡᠢᠳᠡᠭᠰᠡᠨ ᠨᠢᠭᠦᠯ ᠢ᠋ᠶ᠋ᠡᠨ ᠶᠠᠭᠠᠬᠢᠬᠤ ᠶᠤᠮ ᠪᠣᠢ
ᠨᠠᠮᠬᠠᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠢ ᠡᠷᠬᠡᠯᠡᠵᠦ ᠡᠯᠳᠡᠪᠯᠡᠨ
ᠨᠠᠰᠤ ᠶ᠋ᠢ ᠨᠢ ᠪᠥᠬᠥᠢᠯᠭᠡᠭᠰᠡᠨ ᠠᠪᠤ ᠪᠠᠨ ᠶᠠᠭᠠᠬᠢᠬᠤ ᠶᠤᠮ ᠪᠣᠢ
ᠳᠡᠪᠡᠯ ᠦ᠋ᠨ ᠬᠢᠨᠢ ᠦᠨᠦᠷ ᠢ᠋ ᠦᠨᠦᠰᠴᠦ ᠬᠠᠳᠠᠭᠠᠯᠠᠯᠠ
ᠳᠡᠯᠡᠬᠡᠢ ᠶ᠋ᠢᠨ ᠰᠠᠯᠬᠢ ᠦᠷᠭᠦᠭᠡᠭᠡᠳ ᠪᠠᠢᠨᠠ
ᠤᠤᠭᠤᠭᠰᠠᠨ ᠠᠶᠠᠭᠠ ᠶ᠋ᠢ ᠨᠢ ᠦᠨᠦᠰᠴᠦ ᠬᠠᠳᠠᠭᠠᠯᠠᠯᠠ
ᠤᠷᠤᠭᠤᠯ ᠤ᠋ᠨ ᠴᠢᠭᠢᠭ ᠲᠦ᠍ ᠡᠮᠲᠡᠷᠡᠭᠡᠳ ᠪᠠᠢᠨᠠ
ᠪᠤᠳᠠᠩ ᠲᠠᠢ ᠲᠩᠷᠢ ᠶ᠋ᠢᠨ ᠰᠠᠭᠠᠷᠠᠯ ᠬᠠᠶᠠᠭᠠ ᠶ᠋ᠢ
ᠬᠥᠯᠥᠷᠡᠭᠰᠡᠨ ᠴᠢᠯᠠᠭᠤ ᠪᠠᠷ ᠨᠢ ᠠᠷᠭᠠᠳᠠᠭᠠᠳ ᠦᠯᠡᠲᠡᠯᠡ ᠳᠡ
ᠪᠤᠴᠠᠭᠠᠳ ᠢᠷᠡᠬᠦ ᠦᠭᠡᠢ ᠪᠤᠶᠠᠨ ᠲᠠᠢ ᠲᠠᠨ ᠢ᠋ ᠪᠡᠨ
ᠬᠥᠬᠡᠷᠡᠭᠰᠡᠨ ᠲᠩᠷᠢ ᠪᠡᠷ ᠦᠨᠦᠰᠦᠭᠦᠯᠦᠭᠡᠳ ᠥᠲᠡᠯᠡ ᠳᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ