ᠪᠢ ᠯᠠ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠨᠠ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Би л чамайгй зурж чадна — Бавуугийн Лхагвасүрэн
1043ᠪᠢ ᠯᠡ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠨᠠ
ᠪᠡᠶᠡ ᠳ᠋ᠦ᠍ ᠴᠢᠨᠢ ᠨᠢᠳᠦ ᠪᠡᠨ ᠲᠥᠷᠥᠭᠰᠡᠨ
ᠨᠢᠭᠦᠯ ᠰᠢᠭ ᠬᠤᠢᠯᠠᠷᠠᠵᠤ ᠴᠢᠮᠠ ᠳ᠋ᠤ᠌ ᠬᠤᠷᠭᠠᠭᠰᠠᠨ
ᠨᠦᠬᠡᠨ ᠦ᠌《ᠵᠥᠭᠡᠢ》 ᠨᠦ᠍ᠭᠦᠳ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠬᠤ ᠦᠭᠡᠢ
ᠪᠡᠶᠡ ᠰᠡᠳᠬᠢᠯ ᠳ᠋ᠦ᠍ ᠴᠢᠨᠢ
ᠪᠦᠲᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠡᠪᠴᠢᠭᠰᠡᠨ
ᠪᠢ ᠯᠡ ᠵᠢᠷᠤᠵᠤ ᠴᠢᠳᠠᠨᠠ᠃
ᠴᠢᠮᠠ ᠠ᠋ᠴᠠ — ᠬᠣᠷᠸᠠ ᠶ᠋ᠢᠨ ᠭᠤᠸᠠ ᠰᠠᠢᠬᠠᠨ ᠢ᠋ ᠡᠬᠢᠯᠡᠭᠦᠯᠵᠦ
ᠴᠢᠮᠠ ᠳᠡᠭᠡᠷᠡ — ᠬᠣᠷᠸᠠ ᠶ᠋ᠢᠨ ᠭᠤᠸᠠ ᠰᠠᠢᠬᠠᠨ ᠢ᠋ ᠳᠠᠭᠤᠰᠬᠠᠵᠤ
ᠴᠢᠮᠠᠶ᠋ᠢ ᠪᠢ ᠯᠡ ᠵᠢᠷᠤᠵᠤ ᠴᠢᠳᠠᠨᠠ᠃
ᠵᠢᠷᠦᠬᠡᠨ ᠦ᠌ ᠪᠡᠨ ᠴᠢᠰᠤ ᠶ᠋ᠢ
ᠵᠡᠭᠦᠳᠦᠨ ᠦ᠌ ᠪᠡᠨ ᠭᠡᠭᠡ ᠪᠡᠷ ᠵᠢᠭᠤᠷᠠᠵᠤ
ᠣᠳᠣᠳ ᠢ᠋ ᠨᠤᠨᠲᠠᠭᠯᠠᠵᠤ
ᠰᠠᠷᠠᠨ ᠤ᠋ ᠲᠤᠶᠠᠭᠠ ᠪᠠᠷ ᠰᠢᠩᠭᠡᠯᠡᠵᠦ
ᠠᠭᠤᠯᠠᠨ ᠳ᠋ᠤ᠌ ᠪᠢᠷ ᠢ᠋ᠶ᠋ᠡᠨ ᠨᠡᠢᠯᠡᠵᠦ
ᠤᠰᠤᠨ ᠤ᠋ ᠲᠤᠩᠭᠠᠯᠠᠭ ᠲᠤ ᠲᠥᠷᠥᠵᠦ
ᠪᠢ ᠯᠡ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠨᠠ᠃
ᠴᠢᠨᠦ ᠬᠠᠴᠠᠷ ᠠ᠋ᠴᠠ ᠦᠦᠷ ᠦ᠋ᠨ ᠲᠤᠶᠠᠭᠠ ᠶ᠋ᠢ ᠡᠬᠢᠯᠡᠭᠦᠯᠵᠦ
ᠴᠢᠮᠠ ᠳᠡᠭᠡᠷᠡ ᠨᠠᠷᠠ ᠵᠢᠷᠭᠠᠬᠤ ᠪᠠᠨ ᠮᠠᠷᠲᠠᠭᠰᠠᠨ ᠢ᠋ᠶ᠋ᠠᠷ
ᠪᠢ ᠯᠡ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠨᠠ᠃
ᠬᠠᠲᠤᠨ ᠪᠥᠷᠲᠡ ᠶ᠋ᠢᠨ ᠬᠠᠴᠠᠷ ᠰᠢᠭ᠋
ᠴᠠᠭᠠᠨ ᠴᠠᠭᠠᠰᠤᠨ ᠳᠡᠭᠡᠷᠡ
ᠬᠠᠭᠠᠨ ᠲᠠᠮᠠᠭᠠ ᠰᠢᠭ᠋ ᠤᠷᠤᠭᠤᠯ ᠴᠢᠨᠢ
ᠬᠠᠢᠷᠠᠲᠠᠢ ᠰᠢᠦ! ᠭᠡᠵᠦ ᠥᠮᠥᠯᠵᠡᠵᠦ ᠪᠠᠢᠭᠠ ᠪᠠᠷ
ᠪᠢ ᠯᠡ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠨᠠ᠁
ᠵᠢᠷᠭᠠᠯ ᠵᠣᠪᠠᠯᠠᠩ ᠬᠣᠶᠠᠷ ᠤ᠋ᠨ
ᠬᠠᠷᠠ ᠴᠠᠭᠠᠨ ᠳᠡᠪᠢᠰᠬᠡᠷ ᠳᠡᠭᠡᠷᠡ
ᠵᠢᠮᠢᠢᠭᠰᠡᠨ ᠪᠤᠷᠬᠠᠨ ᠳᠠᠭᠤ ᠠᠯᠳᠠᠬᠤ ᠪᠠᠷ
ᠬᠠᠷᠠᠭᠰᠠᠨ ᠪᠣᠯᠭᠠᠨ《ᠪᠦᠳᠦᠷᠢᠭᠰᠡᠨ》 ᠬᠥᠷᠥᠭ ᠪᠦᠲᠦᠭᠡᠨᠡ᠃
ᠪᠢ ᠯᠡ ᠴᠢᠮᠠᠶ᠋ᠢ ᠵᠢᠷᠤᠵᠤ ᠴᠢᠳᠠᠨᠠ᠃
ᠲᠡᠭᠡᠭᠡᠳ ᠪᠢ
ᠲᠩᠷᠢ ᠶ᠋ᠢᠨ ᠲᠠᠭᠠᠰᠢᠶᠠᠯ ᠳ᠋ᠤ᠌ ᠲᠠᠪᠠᠷᠠᠵᠤ
ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠳᠠᠪᠠᠷᠠᠵᠤ
ᠴᠢᠨᠦᠷᠡᠵᠦ ᠠᠩᠭᠢᠷᠯᠠᠭᠰᠠᠨ ᠰᠦ ᠲᠡᠢ
ᠴᠢᠨᠦ ᠰᠡᠳᠬᠢᠯ ᠦ᠋ᠨ ᠥᠩᠭᠡ ᠪᠡᠷ
ᠡᠨᠡ ᠣᠷᠴᠢᠯᠠᠩ ᠢ᠋ ᠪᠣᠳᠣᠨᠠ᠁
2001 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ