ᠪᠣᠷᠣ ᠪᠣᠷᠣ ᠶᠢᠨ ᠪᠢᠯᠵᠤᠤᠬᠠᠢ - ᠱ ᠂ ᠭᠦᠷᠦᠪᠠᠽᠠᠷ Бор борын бялзуухай – Ш᠂ Гүрбазар
621ᠪᠣᠷᠣ ᠪᠣᠷᠣ ᠶᠢᠨ ᠪᠢᠯᠵᠤᠤᠬᠠᠢ
ᠨᠠᠮᠤᠷ ᠤ᠋ᠨ ᠰᠠᠯᠬᠢ ᠶ᠋ᠢ ᠶᠠᠭᠠᠬᠢᠨᠠᠮ
ᠬᠦᠦ᠂ ᠥᠬᠢᠳ ᠮᠢᠨᠢ ᠥᠰᠦᠭᠡᠳ ᠢᠷᠡᠬᠦ ᠪᠡᠷ
ᠨᠡᠷᠡᠲᠦ ᠶ᠋ᠢᠨ ᠠᠶᠠ ᠶ᠋ᠢ ᠶᠠᠭᠠᠬᠢᠨᠠᠮ
᠁ ᠳᠤᠷᠳᠤᠩ ᠪᠦᠰᠡ ᠰᠤᠯᠠᠷᠠᠭᠠᠳ ᠪᠠᠢᠬᠤ ᠪᠠᠷ
ᠲᠣᠷᠭᠠᠨ ᠤ᠋ ᠠᠭᠠᠰᠢ ᠶ᠋ᠢ ᠶᠠᠭᠠᠬᠢᠨᠠᠮ
ᠳᠤᠲᠠᠭᠤ ᠪᠣᠳᠣᠭᠰᠠᠨ ᠰᠢᠯᠦᠭ ᠢ᠋ᠶ᠋ᠡᠨ ᠬᠠᠷᠠᠬᠤ ᠪᠠᠷ
ᠲᠡᠭᠦᠪᠦᠷᠢ ᠪᠡᠨ ᠵᠡᠬᠡᠭᠡᠳ ᠶᠠᠭᠠᠬᠢᠨᠠᠮ
᠁ ᠮᠣᠷᠢᠳ ᠤ᠋ᠨ ᠬᠥᠯ ᠰᠤᠯᠠᠷᠠᠭᠠᠳ ᠢᠷᠡᠬᠦ ᠪᠡᠷ
ᠬᠣᠯᠠ ᠶ᠋ᠢᠨ ᠭᠠᠵᠠᠷ ᠢ᠋ᠶ᠋ᠠᠨ ᠶᠠᠭᠠᠬᠢᠨᠠᠮ
ᠮᠣᠩᠭᠣᠯ ᠭᠡᠬᠦ ᠡᠴᠡ ᠢᠴᠢᠭᠰᠡᠨ ᠲᠠ ᠨᠠᠷ
ᠬᠥᠬᠡ ᠲᠣᠯᠪᠣ ᠪᠠᠨ ᠶᠠᠭᠠᠬᠢᠨᠠᠮ
᠁ ᠨᠠᠮᠤᠷ ᠤ᠋ᠨ ᠰᠠᠯᠬᠢ ᠶ᠋ᠢ ᠳᠠᠭᠠᠭᠠᠬᠤ ᠦᠭᠡᠢ
ᠴᠢᠭᠲᠠᠭᠠ ᠣᠭᠣᠰᠣᠷ ᠢ᠋ᠶ᠋ᠠᠨ ᠶᠠᠭᠠᠬᠢᠨᠠᠮ
ᠨᠠᠮᠠᠶ᠋ᠢ ᠯᠠ ᠬᠦᠯᠢᠶᠡᠭᠰᠡᠭᠡᠷ ᠥᠲᠡᠯᠬᠦ
ᠴᠢᠮᠠᠶ᠋ᠢ ᠪᠠᠨ ᠪᠢ ᠶᠠᠭᠠᠬᠢᠨᠠᠮ
᠁ ᠳᠠᠭᠤᠯᠠᠬᠤ ᠳᠠᠭᠤᠤ ᠦᠭᠡᠢ ᠴᠢᠯᠡᠪᠡᠯ
ᠨᠠᠢᠷ ᠢ᠋ᠶ᠋ᠠᠷ ᠶᠠᠭᠠᠬᠢᠨᠠᠮ
ᠳᠤᠷᠠᠰᠬᠤ ᠶᠠᠭᠤᠮᠠ ᠦᠭᠡᠢ ᠥᠲᠡᠯᠪᠡᠯ
ᠨᠠᠰᠤᠯᠠᠭᠠᠳ ᠶᠠᠭᠠᠬᠢᠨᠠᠮ
᠁ ᠶᠠᠪᠠᠭᠠᠨ ᠬᠥᠮᠦᠨ ᠡᠴᠡ ᠬᠣᠴᠣᠷᠪᠠᠯ
ᠤᠨᠤᠭᠠ ᠲᠠᠢ ᠪᠠᠢᠭᠠᠳ ᠶᠠᠭᠠᠬᠢᠨᠠᠮ
ᠶᠠᠪᠤᠭᠤᠯ ᠤ᠋ᠨ ᠦᠭᠡᠨ ᠳ᠋ᠦ᠍ ᠦᠨᠡᠮᠰᠢᠪᠡᠯ
ᠤᠬᠠᠭᠠᠨ ᠵᠠᠶᠠᠭᠠᠭᠠᠳ ᠶᠠᠭᠠᠬᠢᠨᠠᠮ
᠁ ᠡᠭᠦᠳᠡ ᠬᠣᠢᠮᠣᠷ ᠨᠢᠭᠡᠰᠭᠡᠬᠦ ᠪᠡᠷ
ᠭᠣᠯᠣᠮᠲᠠ ᠶᠠᠭᠠᠬᠢᠨᠠᠮ
ᠦᠨᠡᠨ ᠬᠤᠳᠠᠯ ᠦᠭᠡᠰᠡᠬᠦ ᠪᠡᠷ
ᠭᠣᠮᠣᠳᠠᠭᠠᠳ ᠴᠤ᠌ ᠶᠠᠭᠠᠬᠢᠨᠠᠮ
᠁ ᠨᠠᠷᠠ ᠮᠠᠨᠳᠤᠬᠤ ᠪᠠᠨ ᠵᠠᠯᠬᠠᠭᠤᠷᠠᠪᠠᠯ
ᠡᠳᠦᠷ ᠶᠠᠭᠠᠬᠢᠨᠠᠮ
ᠨᠠᠪᠴᠢ ᠥᠩᠭᠡ ᠪᠡᠨ ᠭᠣᠯᠣᠪᠠᠯ
ᠦᠨᠳᠦᠰᠦ ᠶᠠᠭᠠᠬᠢᠨᠠᠮ
ᠪᠣᠷᠣ ᠪᠣᠷᠣ ᠶ᠋ᠢᠨ ᠪᠢᠯᠵᠤᠤᠬᠠᠢ
ᠪᠣᠰᠤᠨ ᠰᠠᠭᠤᠨ ᠵᠢᠷᠭᠢᠪᠡᠴᠦ
ᠪᠣᠳᠣᠯ ᠳᠣᠲᠣᠷᠠ ᠪᠠᠨ ᠤᠢᠮᠤᠷᠠᠭᠰᠠᠨ
ᠥᠪᠡᠷ ᠢ᠋ ᠪᠡᠨ ᠪᠢ ᠶᠠᠭᠠᠬᠢᠨᠠᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ