ᠰᠠᠢᠬᠠᠨ ᠴᠡᠩᠬᠡᠷ ᠬᠥᠳᠡᠭᠡ — ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Сайхан цэнхэр хөдөө — Бавуугийн Лхагвасүрэн
1418ᠰᠠᠢᠬᠠᠨ ᠴᠡᠩᠬᠡᠷ ᠬᠥᠳᠡᠭᠡ
ᠵᠥᠷᠢᠭᠦᠳ ᠰᠠᠯᠬᠢ ᠲᠠᠢ
ᠵᠦᠭ ᠦᠭᠡᠢ ᠡᠪᠡᠰᠦ ᠲᠡᠢ
ᠵᠥᠩᠭᠡᠷ ᠰᠠᠷᠠ ᠲᠠᠢ
ᠵᠥᠩᠳᠡᠭᠡᠨ ᠣᠳᠣ ᠲᠠᠢ
ᠵᠥᠪ ᠰᠠᠨᠠᠭᠠ ᠲᠠᠢ
ᠵᠥᠭᠡᠯᠡᠬᠡᠨ ᠠᠭᠠᠷ ᠲᠠᠢ
ᠵᠦᠩ ᠰᠤᠪᠢᠨ ᠲᠠᠢ
ᠬᠣᠲᠠᠨ ᠳ᠋ᠠᠭᠠᠨ ᠰᠦᠷᠦᠭ ᠲᠡᠢ
ᠬᠣᠢᠮᠣᠷ ᠲᠠᠭᠠᠨ ᠪᠤᠷᠬᠠᠨ ᠲᠠᠢ
ᠲᠣᠭᠣᠭᠠᠨ ᠳ᠋ᠠᠭᠠᠨ ᠨᠠᠷᠠ ᠲᠠᠢ
ᠲᠣᠲᠣᠭᠣᠨ ᠳ᠋ᠠᠭᠠᠨ ᠠᠳᠢᠰ ᠲᠠᠢ
ᠬᠣᠯᠠ ᠪᠠᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ
ᠤᠨᠠᠭᠠᠨ ᠳ᠋ᠧᠪᠠᠵᠠᠨ
ᠬᠣᠪ ᠪᠠᠭᠲᠠᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ
ᠴᠤᠤᠷᠢᠶᠠ ᠳᠡᠯᠭᠡᠭᠰᠡᠨ ᠬᠥᠳᠡᠭᠡ
ᠬᠣᠲᠠ ᠭᠡᠳᠡᠭ ᠳᠡᠷᠭᠡᠳᠡ ᠨᠢ
ᠬᠦᠰᠡᠭᠰᠡᠨ ᠪᠦᠬᠦᠨ ᠦ᠌
ᠣᠪᠣᠭᠠᠯᠠᠭᠰᠠᠨ ᠰᠢᠪᠡᠷ
ᠬᠣᠲᠠ ᠭᠡᠳᠡᠭ ᠬᠠᠵᠠᠭᠤ ᠳ᠋ᠤᠨᠢ
ᠬᠥᠮᠦᠨ ᠴᠢᠨᠠᠷ ᠤ᠋ᠨ
ᠣᠷᠣᠰᠢᠭᠤᠯᠭᠠ ᠶ᠋ᠢᠨ ᠭᠠᠵᠠᠷ
ᠮᠠᠩᠬᠠᠨ ᠨᠢ
ᠳᠠᠭᠤᠯᠠᠵᠤ ᠨᠤᠷᠠᠭᠰᠠᠨ
ᠮᠠᠨᠠᠨ ᠨᠢ
ᠤᠬᠢᠯᠠᠵᠤ ᠬᠥᠭᠯᠡᠷᠡᠭᠰᠡᠨ
ᠨᠤᠭᠤ ᠨᠢ
ᠴᠡᠴᠡᠭᠡᠨ ᠳ᠋ᠡᠭᠡᠨ ᠪᠢᠯᠠᠭᠤᠷᠠᠭᠰᠠᠨ
ᠨᠠᠭᠤᠷ ᠨᠢ
ᠰᠢᠪᠠᠭᠤᠨ ᠳ᠋ᠠᠭᠠᠨ ᠪᠠᠭᠲᠠᠷᠠᠭᠰᠠᠨ
ᠤᠶᠠᠭᠠᠨ ᠳ᠋ᠤᠨᠢ
ᠮᠣᠷᠢᠳ ᠪᠠᠭᠰᠢᠷᠠᠭᠰᠠᠨ
ᠤᠬᠠᠭᠠᠨ ᠳ᠋ᠤᠨᠢ
ᠳᠡᠯᠡᠬᠡᠢ ᠪᠠᠭᠲᠠᠭᠰᠠᠨ
ᠬᠣᠷᠭᠣᠳᠠᠭᠠᠳ ᠰᠠᠯᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ
ᠬᠣᠯᠠᠬᠢ ᠴᠠᠢᠳᠠᠮ
ᠰᠠᠨᠠᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ
ᠰᠠᠢᠬᠠᠨ ᠴᠡᠩᠬᠡᠷ ᠬᠥᠳᠡᠭᠡ
ᠬᠣᠲᠠ ᠭᠡᠳᠡᠭ ᠳᠡᠷᠭᠡᠳᠡ ᠨᠢ
ᠠᠮᠢ ᠪᠠᠨ ᠵᠠᠭᠤᠵᠤ ᠮᠠᠢᠨᠡᠩᠨᠡᠭᠰᠡᠨ
《ᠬᠥᠮᠦᠨ》ᠰᠢᠷᠭᠤᠯᠵᠢ ᠶ᠋ᠢᠨ ᠵᠣᠷᠭᠠ
ᠬᠣᠲᠠ ᠭᠡᠳᠡᠭ ᠬᠠᠵᠠᠭᠤ ᠳ᠋ᠤᠨᠢ
ᠠᠲᠠᠭᠠ ᠵᠢᠲᠥᠭᠡ ᠪᠣᠭᠯᠠᠭᠰᠠᠨ
ᠠᠯᠠᠭ ᠡᠷᠢᠶᠡᠨ ᠵᠢᠷᠤᠭ᠃
2012 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ