ᠬᠥᠮᠦᠨ ᠭᠠᠯᠲᠤ ᠲᠡᠷᠭᠡ- ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Хүн галт тэрэг- Бавуугийн Лхагвасүрэн ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

    Б.Лхагвасүрэн

Хүн гэгч галт тэрэг
Алдаа оноо хоёр гэсэн
Хос зам дээгүүр явдаг
Олон чиглэлийн галт тэрэг
Хөдөлгүүртээ сэтгэлээ шатааж
Хөх агаарт амьсгалаа савсуулан
Дуулж, уйлж тохиосон галт тэрэг
Ураг удам, хань үр,
өвөг дээдэс гэх зорчигч тээнэ
Өчигдөр, Өнөөдөр, Маргааш гэх
гурван цагийг тээнэ
Ирэгсдийг замаасаа суулгаж
Хайлж, хайрлаж өсгөнө
Одогсдыг замдаа буулгаж
Уйлж, харамсаж гээнэ
Ёр билэг хоёр хэмээх совин тээнэ
Ёс цус хоёр хэмээх жудаг тээнэ
Аралтай ноён нуруундаа
хүн чанар тээнэ
Амьдын цэнхэр хорвоог
илд шиг зүсэж туулна
Эцэг эхээс төрөх үе эхлэх буудал
Энэхэн насыг элээх нь эцсийн зогсоолХүн гэгч
Алдаа, оноо гэсэн хос зам дээгүүр явдаг
Олон чиглэлийн галт тэрэг