ᠣᠷᠴᠢᠯᠠᠩ ᠦ᠋ᠨ ᠳᠤᠲᠠᠭᠤ - ᠱ ᠂ ᠭᠦᠷᠦᠪᠠᠽᠠᠷ Орчлонгийн дутуу – Ш᠂ Гүрбазар
631ᠣᠷᠴᠢᠯᠠᠩ ᠦ᠋ᠨ ᠳᠤᠲᠠᠭᠤ
ᠠᠪᠤ ᠳ᠋ᠠᠭᠠᠨ ᠪᠢ ᠡᠷᠬᠡᠯᠡᠳᠡᠭ ᠪᠠᠢᠭᠰᠠᠨ
ᠠᠪᠤ ᠳ᠋ᠠᠭᠠᠨ ᠪᠢ ᠡᠷᠬᠡᠯᠡᠬᠦ ᠳ᠋ᠡᠭᠡᠨ
ᠠᠯᠲᠠᠨ ᠭᠠᠳᠠᠰᠤᠨ ᠤ᠋ ᠣᠳᠣ ᠠᠷᠭᠠᠮᠵᠢᠶᠠ ᠪᠠᠭᠤᠯᠭᠠᠵᠤ
ᠵᠡᠭᠡᠷᠡ ᠶ᠋ᠢᠨ ᠱᠠᠭᠠᠢ ᠪᠠᠨ ᠬᠣᠯᠪᠣᠶᠠ ᠭᠡᠵᠦ
ᠠᠭᠠᠳᠠᠷ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠰᠣᠯᠣᠩᠭᠠ ᠪᠠᠷᠢᠵᠤ
ᠰᠢᠯᠪᠢᠭᠦᠷ ᠦ᠋ᠨ ᠦᠵᠦᠭᠦᠷ ᠲᠡᠭᠡᠨ ᠤᠶᠠᠶᠠ ᠭᠡᠵᠦ
ᠦᠯᠢᠭᠡᠷ ᠳᠠᠭᠤᠰᠲᠠᠯᠠ
ᠦᠦᠷ ᠴᠠᠢᠯᠭᠠᠬᠤ ᠦᠭᠡᠢ ᠭᠡᠵᠦ
ᠥᠯᠥᠨ ᠰᠢᠭᠦᠳᠡᠷᠢ ᠶ᠋ᠢ
ᠡᠳᠦᠷ ᠥᠨᠵᠢᠭᠡᠨᠡ ᠭᠡᠵᠦ
ᠡᠷᠬᠡᠯᠡᠳᠡᠭ ᠪᠠᠢᠭᠰᠠᠨ
ᠡᠯᠳᠡᠪᠯᠡᠳᠡᠭ ᠪᠠᠢᠭᠰᠠᠨ
ᠡᠵᠢ ᠳ᠋ᠡᠭᠡᠨ ᠪᠢ ᠡᠷᠬᠡᠯᠡᠳᠡᠭ ᠪᠠᠢᠭᠰᠠᠨ
ᠡᠵᠢ ᠳ᠋ᠡᠭᠡᠨ ᠪᠢ ᠡᠷᠬᠡᠯᠡᠬᠦ ᠳ᠋ᠡᠭᠡᠨ
ᠥᠯᠵᠡᠢᠲᠦ ᠪᠤᠯᠠᠭ ᠤ᠋ᠨ ᠬᠠᠯᠠᠭᠠᠢ ᠶ᠋ᠢᠨ
ᠥᠷᠭᠡᠰᠦ ᠪᠦᠬᠦᠨ ᠢ᠋ ᠲᠡᠭᠦᠯᠭᠡᠨᠡ ᠭᠡᠵᠦ
ᠡᠪᠦᠳᠦᠭ ᠰᠢᠯᠪᠤᠯᠠᠭᠰᠠᠨ ᠴᠢᠯᠠᠭᠤᠨ ᠤ᠋
ᠥᠪᠡᠷ ᠦ᠋ᠨ ᠬᠢᠨᠢ ᠶᠣᠣᠯᠠᠬᠤ ᠶ᠋ᠢ ᠦᠵᠡᠶᠡ ᠭᠡᠵᠦ
ᠨᠠᠮᠠᠶ᠋ᠢ ᠥᠰᠬᠡᠭᠰᠡᠨ ᠡᠪᠦᠭᠡ ᠪᠡᠨ
ᠬᠣᠯᠠ ᠶᠠᠪᠤᠬᠤ ᠳ᠋ᠤᠨᠢ ᠠᠪᠴᠢᠷᠠᠨᠠ ᠭᠡᠵᠦ
ᠨᠠᠮᠤᠷ ᠤ᠋ᠨ ᠰᠢᠪᠠᠭᠤ ᠶ᠋ᠢ ᠪᠤᠴᠠᠭᠠᠯ ᠦᠭᠡᠢ
ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠲᠣᠭᠯᠠᠨᠠ ᠭᠡᠵᠦ
ᠡᠷᠬᠡᠯᠡᠳᠡᠭ ᠪᠠᠢᠭᠰᠠᠨ
ᠡᠯᠳᠡᠪᠯᠡᠳᠡᠭ ᠪᠠᠢᠭᠰᠠᠨ
ᠣᠳᠣ ᠲᠡᠭᠡᠭᠦᠨᠡ᠁
ᠠᠯᠲᠠᠨ ᠭᠠᠳᠠᠰᠤᠨ ᠤ᠋ ᠣᠳᠣ ᠠᠷᠭᠠᠮᠵᠢᠶᠠ ᠪᠠᠭᠤᠯᠭᠠᠬᠤ ᠪᠠᠷ
ᠠᠪᠤ ᠮᠢᠨᠢ ᠶᠠᠪᠤᠴᠢᠬᠠᠭᠰᠠᠨ ᠶᠤᠮ ᠪᠢᠰᠢ ᠪᠠᠢᠭᠠ ᠳᠠ
ᠠᠯᠠᠭᠠ ᠪᠠᠢᠨᠠ
ᠥᠯᠵᠡᠢᠲᠦ ᠪᠤᠯᠠᠭ ᠤ᠋ᠨ ᠥᠷᠭᠡᠰᠦ ᠪᠦᠬᠦᠨ ᠢ᠋ ᠲᠡᠭᠦᠬᠦ ᠭᠡᠳ
ᠢᠵᠢᠢ ᠮᠢᠨᠢ ᠢᠷᠡᠬᠦ ᠦᠭᠡᠢ ᠶᠦᠮ ᠪᠢᠰᠢ ᠪᠠᠢᠭᠠ ᠳᠠ
ᠡᠵᠡᠭᠦᠢ ᠪᠠᠢᠨᠠ
ᠮᠥᠩᠬᠡ ᠪᠤᠰᠤ ᠶ᠋ᠢᠨ ᠣᠷᠴᠢᠯᠠᠩ ᠤ᠋ᠨ ᠳᠤᠲᠠᠭᠤ ᠶ᠋ᠢ
ᠦᠷᠡ ᠳ᠋ᠡᠭᠡᠨ ᠪᠦᠲᠦᠨ ᠪᠣᠯᠭᠠᠬᠤ ᠪᠠᠷ
ᠮᠢᠨᠦ ᠬᠣᠶᠠᠷ ᠪᠤᠭᠤᠷᠤᠯ
ᠭᠡᠷ ᠲᠡᠭᠡᠨ ᠣᠳᠣ ᠠᠯᠠᠭᠠ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠨᠠᠷᠠᠨ