ᠶᠢᠷᠲᠢᠨᠴᠦ ᠶ᠋ᠢᠨ ᠪᠤᠶᠠᠨ - ᠱ ᠂ ᠭᠦᠷᠦᠪᠠᠽᠠᠷ Ертөнцийн буян – Ш᠂ Гүрбазар
593ᠶᠢᠷᠲᠢᠨᠴᠦ ᠶ᠋ᠢᠨ ᠪᠤᠶᠠᠨ
ᠳᠡᠯᠡᠬᠡᠢ ᠳ᠋ᠦ᠍ ᠲᠠ ᠭᠠᠭᠴᠠᠬᠠᠨ ᠯᠠ ᠪᠤᠶᠠᠨ ᠬᠢᠭᠰᠡᠨ ᠳ᠋ᠡᠭᠡᠨ ᠪᠠᠷᠳᠠᠮ ᠶᠠᠪᠤ
ᠡᠯᠪᠡᠭ ᠴᠡᠩᠬᠡᠷ ᠲᠩᠷᠢ ᠶ᠋ᠢᠨ ᠳᠣᠣᠷᠠ
ᠢᠵᠢᠢ ᠪᠠᠨ ᠯᠠ ᠪᠢ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠭᠡᠵᠦ ᠣᠮᠣᠭᠯᠠᠩ ᠶᠠᠪᠤ
ᠪᠦᠰᠡ ᠣᠭᠰᠢᠭᠠᠭᠰᠠᠨ ᠡᠵᠢ ᠶ᠋ᠢᠨ ᠲᠠᠨᠢ
ᠠᠯᠬᠤᠭᠠ ᠬᠦᠨᠳᠦ ᠪᠠᠷᠠ ᠪᠠᠷ ᠪᠢᠲᠡᠭᠦᠦ ᠲᠤᠭᠤᠷᠠᠢᠲᠠᠨ ᠤ᠋ ᠲᠦᠷᠦᠭᠦᠦ
ᠣᠮᠣᠭᠯᠠᠩ ᠭᠠᠵᠠᠷ ᠢ᠋ ᠴᠠᠪᠴᠢᠯᠠᠬᠤ ᠳ᠋ᠤ᠌
ᠴᠢᠮᠠᠶ᠋ᠢ ᠲᠡᠭᠡᠭᠡᠭᠰᠡᠨ ᠡᠵᠢ ᠲᠠᠨᠢ
ᠬᠠᠲᠤᠨ ᠰᠠᠨᠠᠭᠠ ᠨᠢ ᠨᠢᠯᠬᠠᠷᠠᠵᠤ
ᠴᠢᠨᠳᠠᠭᠠ ᠦᠷᠭᠦᠭᠡᠭᠰᠡᠨ ᠳᠡᠷᠡᠰᠦᠨ ᠦ᠌
ᠦᠵᠦᠭᠦᠷ ᠢ᠋ ᠨᠢ ᠬᠠᠷᠠᠭᠠᠳ ᠤᠶᠠᠷᠠᠭᠰᠠᠨ ᠪᠠᠢᠵᠤ ᠲᠠᠭᠠᠷᠠᠨᠠ
ᠢᠩᠭᠢᠵᠦ ᠴᠢ ᠡᠵᠢ ᠪᠡᠨ
ᠰᠠᠷᠠᠨ ᠳ᠋ᠤ᠌ ᠪᠢᠰᠢᠷᠡᠵᠦ᠂ ᠨᠠᠷᠠᠨ ᠳ᠋ᠤ᠌ ᠰᠥᠬᠥᠷᠡᠲᠡᠯᠡ ᠨᠢ ᠡᠩᠬᠦᠷᠡᠢ ᠪᠣᠯᠭᠠᠭᠰᠠᠨ
ᠲᠣᠭᠣᠨᠣ ᠶ᠋ᠢᠨ ᠳᠠᠭᠠ ᠭᠠᠵᠠᠷ ᠲᠤ ᠱᠠᠷᠬᠢᠷᠠᠭᠤᠯᠵᠦ
ᠲᠣᠭᠣᠭᠠ ᠲᠠᠢ ᠰᠦ ᠴᠠᠯᠭᠢᠬᠤ ᠶ᠋ᠢᠨ ᠦᠶᠡᠰ ᠲᠦ᠍
ᠲᠡᠪᠴᠢᠶᠡᠷᠢ᠂ ᠨᠢᠯᠪᠤᠰᠤ ᠬᠣᠶᠠᠷ ᠤ᠋ᠨ ᠢ᠋ᠶ᠋ᠠᠨ ᠳᠤᠮᠳᠠ
ᠲᠩᠷᠢ ᠲᠡᠮᠲᠡᠴᠢᠭᠦᠯᠦᠨ
ᠬᠣᠩᠭᠣᠷ ᠠᠭᠠᠰᠢ ᠲᠠᠢ ᠪᠦᠰᠡᠭᠦᠢ ᠬᠥᠮᠦᠨ ᠢ᠋
ᠬᠣᠷᠸᠠ ᠳ᠋ᠤ᠌ ᠰᠦᠰᠦᠭᠯᠡᠲᠡᠯᠡ ᠨᠢ ᠴᠢ ᠤᠶᠠᠬᠠᠨ ᠪᠣᠯᠭᠠᠭᠰᠠᠨ
ᠢᠩᠭᠢᠵᠦ ᠯᠡ ᠴᠢ
ᠡᠵᠢ ᠪᠡᠨ ᠡᠭᠡᠯ ᠦᠭᠡᠢ ᠠᠯᠠᠭ ᠬᠣᠷᠸᠠ ᠳ᠋ᠤ᠌
ᠵᠢᠷᠭᠠᠯ ᠰᠠᠨᠠᠵᠤ᠂ ᠠᠢᠳᠠᠰ ᠦᠷᠭᠦᠭᠡᠳᠡᠭ
ᠵᠢᠮᠡ ᠠᠷᠭᠠᠳᠠᠭᠰᠠᠨ ᠶᠢᠷᠲᠢᠨᠴᠦ ᠶ᠋ᠢᠨ ᠡᠨᠡᠷᠢᠯ ᠪᠣᠯᠭᠠᠵᠤ ᠪᠠᠶᠠᠷᠯᠠᠭᠤᠯᠤᠭᠰᠠᠨ
ᠬᠥᠯ ᠳ᠋ᠦ᠍ ᠣᠷᠣᠬᠤ ᠳ᠋ᠤ᠌ ᠴᠢᠨᠢ
ᠨᠠᠰᠤᠨ ᠤ᠋ ᠡᠪᠦᠳᠦᠭ ᠨᠢ ᠲᠡᠨᠢᠢᠵᠦ
ᠬᠡᠯᠡ ᠳ᠋ᠦ᠍ ᠣᠷᠣᠬᠤ ᠳ᠋ᠤ᠌ ᠴᠢᠨᠢ
ᠨᠡᠷᠡᠲᠦ ᠶ᠋ᠢᠨ ᠦᠨᠡᠨ ᠲᠡᠢ ᠦᠭᠡᠰᠡᠵᠦ
ᠡᠵᠢ ᠪᠡᠨ ᠭᠡᠵᠦ ᠳᠠᠭᠤᠳᠠᠬᠤ ᠳ᠋ᠤᠨᠢ
ᠡᠨᠡᠷᠢᠬᠦᠢ ᠰᠠᠨᠠᠭᠠ ᠨᠢ ᠢᠪᠢᠯᠵᠦ
ᠡᠭᠡᠯ ᠨᠢᠭᠡᠨ ᠪᠦᠰᠡᠭᠦᠢ ᠶ᠋ᠢ
ᠡᠨᠡ ᠬᠣᠷᠸᠠ ᠳ᠋ᠤ᠌ ᠴᠢ ᠪᠤᠷᠬᠠᠨ ᠪᠤᠶᠠᠨᠲᠠᠨ ᠪᠣᠯᠭᠠᠭᠰᠠᠨ
ᠢᠵᠢᠢ ᠪᠡᠨ ᠯᠡ ᠴᠢ ᠪᠠᠶᠠᠷᠯᠠᠭᠤᠯᠤᠭᠰᠠᠨ
ᠭᠤᠲᠤᠯ ᠳ᠋ᠠᠭᠠᠨ ᠲᠡᠭᠦᠷᠲᠦᠭᠰᠡᠨ
ᠭᠤᠶᠤᠯᠭᠠᠴᠢᠨ ᠪᠠᠢᠭᠰᠠᠨ ᠴᠦ᠍ ᠬᠠᠮᠢᠭᠠ ᠦᠭᠡᠢ
ᠭᠤᠷᠪᠠᠨ ᠭᠠᠯᠪᠠ ᠮᠠᠷᠲᠠᠬᠤ ᠪᠠᠷ ᠦᠭᠡᠢ
ᠭᠠᠢᠬᠠᠮᠰᠢᠬᠲᠠᠨ ᠪᠣᠯᠤᠭᠰᠠᠨ ᠴᠦ᠍ ᠢᠯᠭᠠᠭᠠ ᠦᠭᠡᠢ
ᠠᠮᠢᠳᠤ ᠶ᠋ᠢᠨ ᠴᠡᠩᠬᠡᠷ ᠣᠷᠴᠢᠯᠠᠩ ᠠ᠋ᠴᠠ
ᠬᠥᠮᠦᠨ ᠦ᠌ ᠣᠯᠤᠭᠰᠠᠨ ᠠᠵᠠ ᠪᠣᠯ
ᠠᠩᠭᠢᠷ ᠡᠵᠢ ᠪᠡᠨ ᠪᠠᠶᠠᠷᠯᠠᠭᠤᠯᠵᠤ
ᠬᠦᠦ ᠨᠢ ᠪᠣᠯᠤᠭᠰᠠᠨ ᠤ᠋ ᠲᠠᠪᠢᠯᠠᠩ ᠶᠤᠮ ᠠ᠋
ᠬᠥᠮᠦᠨ ᠪᠦᠬᠦᠨ ᠡᠵᠢ ᠪᠠᠨ ᠯᠠ ᠪᠠᠶᠠᠷᠯᠠᠭᠤᠯᠬᠤ ᠭᠡᠵᠦ
ᠬᠥᠨᠳᠡᠯᠡᠨ ᠬᠥᠬᠡ ᠽᠠᠮᠪᠤᠯᠢᠩ ᠳ᠋ᠤ᠌
ᠵᠠᠯᠠᠷᠠᠵᠤ ᠢᠷᠡᠭᠰᠡᠨ ᠦ᠌ ᠮᠢᠨᠢ
ᠵᠠᠶᠠᠭᠠ ᠨᠢ ᠡᠨᠡ ᠠ᠋ ᠭᠡᠵᠦ
ᠶᠢᠷᠲᠢᠨᠴᠦ ᠪᠤᠶᠠᠨ ᠲᠠᠢ ᠪᠠᠨ ᠮᠡᠳᠡᠵᠦ
ᠢᠷᠦᠭᠡᠯ ᠨᠥᠮᠥᠷᠴᠦ ᠶᠠᠪᠤᠭᠠᠷᠠᠢ ᠳᠠ᠂ ᠲᠠ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ