ᠠᠮᠠᠷᠠᠭ ᠰᠠᠨᠠᠭᠳᠠᠨᠠ ᠁ — ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Амраг санагдана … — Бавуугийн Лхагвасүрэн
501ᠠᠮᠠᠷᠠᠭ ᠰᠠᠨᠠᠭᠳᠠᠨᠠ ᠁
ᠮᠠᠨᠠᠨ ᠳᠤᠮᠳᠠ ᠨᠢ
ᠤᠬᠢᠯᠠᠵᠤ ᠬᠠᠷᠠᠭᠳᠠᠨᠠ᠃
ᠤᠰᠤ ᠬᠠᠷᠠᠬᠤ ᠳ᠋ᠤ᠌
ᠤᠷᠤᠰᠬᠠᠯ ᠳᠡᠭᠡᠷᠡ ᠨᠢ
ᠢᠨᠢᠶᠡᠵᠦ ᠬᠠᠷᠠᠭᠳᠠᠨᠠ᠃
ᠰᠠᠨᠠᠬᠤ ᠦᠭᠡᠢ ᠪᠠᠢᠶᠠ ᠳᠠ! ᠭᠡᠰᠡᠨ ᠴᠦ᠍
ᠰᠠᠨᠠᠭᠳᠠᠨᠠ᠃
ᠰᠠᠨᠠᠭᠳᠠᠨᠠ᠃
ᠪᠠᠷᠢᠨ ᠲᠠᠯᠪᠢᠨ ᠰᠠᠨᠠᠭᠳᠠᠨᠠ
ᠠᠮᠠᠷᠠᠭ
ᠠᠨᠢᠭᠠᠳ ᠪᠣᠳᠣᠬᠤ ᠳ᠋ᠤ᠌
ᠲᠠᠷᠢᠬᠢᠨ ᠳᠣᠲᠣᠷᠠ
ᠤᠷᠭᠤᠵᠤ ᠬᠠᠷᠠᠭᠳᠠᠨᠠ᠃
ᠠᠯᠠᠭᠠ ᠪᠠᠨ ᠳᠡᠯᠭᠡᠪᠡᠯ
ᠬᠡ ᠶ᠋ᠢ ᠨᠢ ᠳᠠᠭᠠᠭᠠᠳ
ᠢᠷᠡᠵᠦ ᠬᠠᠷᠠᠭᠳᠠᠨᠠ᠃
ᠪᠣᠳᠣᠬᠤ ᠦᠭᠡᠢ ᠪᠠᠢᠶᠠ ᠳᠠ! ᠭᠡᠰᠡᠨ ᠴᠦ᠍
ᠪᠣᠳᠣᠭᠳᠠᠨᠠ᠃
ᠪᠣᠳᠣᠭᠳᠠᠨᠠ᠃
ᠪᠠᠷᠢᠭᠠᠳ ᠠᠪᠤᠮᠠᠷ ᠪᠣᠳᠣᠭᠳᠠᠨᠠ
ᠠᠮᠠᠷᠠᠭ
ᠬᠠᠷᠠᠩᠭᠤᠢ ᠰᠥᠨᠢ ᠪᠡᠷ
ᠬᠠᠮᠢᠭᠠᠰᠢ ᠯᠠ ᠬᠠᠷᠠᠪᠠᠯ
ᠠᠰᠠᠵᠤ ᠬᠠᠷᠠᠭᠳᠠᠨᠠ᠃
ᠬᠠᠷᠭᠤᠢ ᠡᠪᠬᠡᠵᠦ
ᠬᠠᠮᠢᠭᠠ ᠴᠦ᠍ ᠶᠠᠪᠤᠭᠰᠠᠨ
ᠳᠠᠭᠠᠵᠤ ᠬᠠᠷᠠᠭᠳᠠᠨᠠ᠃
ᠳᠤᠷᠠᠰᠬᠤ ᠦᠭᠡᠢ ᠪᠠᠢᠶᠠ ᠳᠠ! ᠭᠡᠰᠡᠨ ᠴᠦ᠍
ᠳᠤᠷᠠᠰᠤᠭᠳᠠᠨᠠ᠃
ᠳᠤᠷᠠᠰᠤᠭᠳᠠᠨᠠ᠃
ᠪᠠᠢᠵᠤ ᠶᠠᠳᠠᠲᠠᠯᠠ ᠳᠤᠷᠠᠰᠤᠭᠳᠠᠨᠠ
ᠠᠮᠠᠷᠠᠭ
2010 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ