ᠬᠥᠪᠡᠭᠦᠨ ᠦ ᠳᠠᠭᠤᠤ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Хөвгүүний дуу - Очирбатын Дашбалбар
334ᠬᠥᠪᠡᠭᠦᠨ ᠦ ᠳᠠᠭᠤᠤ
ᠬᠠᠯᠠᠭᠤᠨ ᠢᠨᠠᠭ ᠤ᠋ᠨ ᠦᠨᠦᠰᠦᠯᠲᠡ ᠪᠡᠨ ᠬᠠᠷᠠᠮᠨᠠᠵᠤ ᠪᠢᠲᠡᠭᠡᠢ ᠵᠣᠪᠠᠭᠠᠭᠠᠷᠠᠢ
ᠠᠷᠠᠵᠠ ᠬᠠᠲᠠᠭᠤ ᠠᠷᠢᠬᠢ ᠶ᠋ᠢ ᠠᠶᠠᠭᠠᠯᠠᠵᠤ ᠨᠢᠭᠡ ᠲᠣᠭᠲᠠᠭᠠᠨᠠ
ᠠᠮᠠᠷᠠᠭ ᠴᠢᠨᠦᠬᠢ ᠪᠡᠨ ᠦᠨᠦᠰᠦᠯᠲᠡ ᠳ᠋ᠦ᠍ ᠠᠷᠠᠢ ᠢᠯᠡᠭᠦᠦ ᠰᠣᠭᠲᠣᠨᠠ
ᠪᠦᠷᠦᠩᠬᠦᠢ ᠦᠳᠡᠰᠢ ᠪᠡᠷ ᠣᠴᠢᠨᠠ᠂ ᠪᠦᠰᠡ ᠪᠡᠨ ᠳᠠᠢᠯᠠᠵᠤ ᠤᠭᠲᠤᠭᠠᠷᠠᠢ
ᠪᠦᠯᠢᠶᠡᠨ ᠬᠠᠯᠠᠭᠤᠨ ᠪᠡᠶᠡ ᠪᠡᠨ ᠬᠠᠷᠠᠮᠯᠠᠵᠤ ᠪᠢᠲᠡᠭᠡᠢ ᠵᠣᠪᠠᠭᠠᠭᠠᠷᠠᠢ
ᠬᠤᠷᠠᠵᠠ ᠬᠠᠲᠠᠭᠤ ᠠᠷᠢᠬᠢ ᠶ᠋ᠢ ᠠᠶᠠᠭᠠᠯᠠᠵᠤ ᠨᠢᠭᠡ ᠲᠣᠭᠲᠠᠭᠠᠨᠠ
ᠬᠣᠩᠭᠣᠷ ᠴᠢᠨᠦᠬᠢ ᠪᠡᠨ ᠲᠡᠪᠡᠷᠢᠯᠲᠡ ᠳ᠋ᠦ᠍ ᠠᠷᠠᠢ ᠢᠯᠡᠭᠦᠦ ᠰᠣᠭᠲᠣᠨᠠ
ᠦᠨᠡᠭᠡᠨ ᠬᠠᠷᠠᠩᠭᠤᠢ ᠳ᠋ᠤ᠌ ᠣᠴᠢᠨᠠ᠂ ᠡᠭᠦᠳᠡ ᠪᠡᠨ ᠨᠡᠭᠡᠭᠡᠵᠦ ᠤᠭᠲᠤᠭᠠᠷᠠᠢ
ᠦᠨᠡᠨ ᠢᠨᠠᠭ ᠤ᠋ᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠠᠭᠤᠳᠠᠯᠵᠤ ᠨᠢᠭᠡ ᠵᠢᠷᠭᠠᠭᠠᠷᠠᠢ
ᠤᠤᠭᠤᠭᠠᠳ ᠰᠣᠭᠲᠣᠬᠤ ᠠᠷᠢᠬᠢ ᠶ᠋ᠢ ᠠᠶᠠᠭᠠᠯᠠᠵᠤ ᠨᠢᠭᠡ ᠲᠣᠭᠲᠠᠭᠠᠨᠠ
ᠤᠶᠠᠬᠠᠨ ᠴᠢᠨᠦᠬᠢ ᠪᠡᠨ ᠬᠠᠢᠷᠠᠨ ᠳ᠋ᠤ᠌ ᠠᠷᠠᠢ ᠢᠯᠡᠭᠦᠦ ᠰᠣᠭᠲᠣᠨᠠ
ᠲᠩᠷᠢ ᠶ᠋ᠢᠨ ᠮᠠᠭᠤᠬᠠᠢ ᠳ᠋ᠤ᠌ ᠣᠴᠢᠨᠠ᠂ ᠬᠠᠭᠠᠯᠭᠠ ᠪᠠᠨ ᠪᠢᠲᠡᠭᠡᠢ ᠲᠦᠭᠵᠢᠭᠡᠷᠡᠢ
ᠲᠡᠪᠡᠷᠢ ᠳ᠋ᠦ᠍ ᠮᠢᠨᠢ ᠨᠣᠢᠷᠰᠤᠵᠤ ᠵᠢᠷᠭᠠᠬᠤ ᠪᠠᠨ ᠪᠦᠦ ᠮᠠᠷᠲᠠᠭᠠᠷᠠᠢ
ᠨᠠᠢᠭᠤᠲᠠᠯᠠ ᠪᠠᠨ ᠰᠣᠭᠲᠣᠬᠤ ᠠᠷᠢᠬᠢ ᠶ᠋ᠢ ᠠᠶᠠᠭᠠᠯᠠᠵᠤ ᠨᠢᠭᠡ ᠲᠣᠭᠲᠠᠭᠠᠨᠠ
ᠨᠠᠭᠠᠯᠢᠩᠬᠠᠢ ᠴᠢᠨᠦᠬᠢ ᠪᠡᠨ ᠬᠠᠢᠷᠠ ᠳ᠋ᠤ᠌ ᠠᠷᠠᠢ ᠢᠯᠡᠭᠦᠦ ᠰᠣᠭᠲᠣᠨᠠ
ᠦᠦᠷ ᠴᠠᠢᠬᠤ ᠪᠠᠷ ᠮᠣᠷᠳᠠᠨᠠ᠂ ᠡᠭᠦᠳᠡ ᠶ᠋ᠢ ᠪᠡᠨ ᠴᠢ ᠮᠢᠨᠢ ᠲᠦᠭᠵᠢᠭᠡᠷᠡᠢ
ᠦᠨᠡᠨ ᠢᠨᠠᠭ ᠴᠢᠮᠠ ᠶ᠋ᠢ ᠪᠡᠨ ᠦᠨᠦᠰᠦᠨ ᠪᠠᠢᠵᠤ ᠮᠣᠷᠳᠠᠨᠠ
ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠵᠤᠯᠠᠢ ᠶ᠋ᠢ ᠦᠨᠦᠷᠯᠡᠬᠦ ᠢᠷᠦᠭᠡᠯ ᠲᠠᠯᠪᠢᠭᠠᠳ ᠮᠣᠷᠳᠠᠨᠠ
ᠦᠷᠢᠶᠡ ᠬᠡᠭᠡᠷ ᠮᠣᠷᠢ ᠪᠠᠷ ᠢ᠋ᠶ᠋ᠠᠨ ᠡᠷᠭᠢᠵᠦ ᠢᠷᠡᠬᠦ ᠪᠡᠷ ᠮᠣᠷᠳᠠᠨᠠ
ᠰᠡᠭᠦᠯ ᠳ᠋ᠡᠭᠡᠨ ᠬᠠᠷᠢᠨ ᠢᠷᠡᠬᠦ ᠳ᠋ᠦ᠍ ᠪᠡᠨ ᠰᠡᠭᠦᠳᠡᠷ ᠳᠠᠭᠠᠵᠤ ᠶᠠᠪᠤᠬᠤ ᠦᠭᠡᠢ
ᠰᠦᠨ ᠴᠠᠭᠠᠨ ᠡᠳᠦᠷ ᠤᠶᠠᠭᠠᠨ ᠳᠡᠭᠡᠷᠡ ᠴᠢᠨᠢ ᠪᠠᠭᠤᠨᠠ
ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠭᠦᠳᠡᠨ ᠳ᠋ᠦ᠍ ᠴᠢ ᠮᠢᠨᠢ ᠢᠨᠢᠶᠡᠭᠡᠳ ᠤᠭᠲᠤᠭᠠᠷᠠᠢ
ᠭᠡᠵᠢᠭᠡ ᠶ᠋ᠢ ᠴᠢᠨᠢ ᠦᠨᠦᠷᠯᠡᠭᠡᠳ ᠪᠢ ᠳᠠᠷᠠᠰᠤ ᠦᠭᠡᠢ ᠰᠣᠭᠲᠣᠭᠤᠷᠠᠨᠠ᠃