ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠬᠠᠨᠳᠠᠷᠮᠠ - ᠱ ᠂ ᠭᠦᠷᠦᠪᠠᠽᠠᠷ Ардын дуугийн хантрма – Ш᠂ Гүрбазар
735ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠬᠠᠨᠳᠠᠷᠮᠠ
ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠨᠠᠢᠷ ᠠ᠋ᠴᠠ ᠰᠣᠨᠣᠰᠤᠭᠰᠠᠨ
ᠲᠠᠨᠢᠳᠠᠭ ᠬᠥᠮᠦᠨ ᠰᠢᠭ ᠬᠠᠨᠲᠠᠷᠮᠠ
ᠳᠡᠮᠵᠢᠳ ᠭᠤᠸᠠᠢ ᠶ᠋ᠢᠨ ᠶᠡᠬᠡ ᠥᠬᠢᠨ ᠢ᠋ ᠬᠠᠷᠠᠬᠤ ᠪᠠᠷ
ᠲᠡᠷᠡ ᠯᠠ ᠶᠤᠮ ᠰᠢᠭ᠋ ᠬᠠᠨᠲᠠᠷᠮᠠ
ᠠᠯᠬᠤᠭᠠ ᠰᠠᠢᠲᠠᠢ ᠮᠣᠷᠢᠨ ᠤ᠋
ᠳᠠᠪᠬᠢᠯ ᠢᠪᠢᠯᠭᠡᠭᠰᠡᠨ ᠬᠠᠨᠲᠠᠷᠮᠠ
ᠠᠪᠤᠭᠠᠳ ᠯᠠ ᠰᠠᠭᠤᠶᠤ ᠭᠡᠬᠦ ᠪᠡᠷ
ᠳᠠᠩᠴᠤ ᠣᠯᠳᠠᠬᠤ ᠦᠭᠡᠢ ᠬᠠᠨᠲᠠᠷᠮᠠ
ᠬᠠᠯᠬᠠ ᠶ᠋ᠢᠨ ᠨᠠᠭᠠᠳᠤᠮ ᠢ᠋ ᠲᠣᠭᠣᠷᠢᠭᠠᠳ
ᠡᠷᠢᠶᠡ ᠭᠡᠲᠡᠯᠡ ᠬᠠᠨᠲᠠᠷᠮᠠ
ᠬᠠᠮᠢᠭᠠ ᠨᠢᠭᠡᠲᠡᠭᠡ ᠲᠡᠭᠦᠨ ᠢ᠋
ᠬᠠᠷᠠᠭᠰᠠᠨ ᠴᠤ᠌ ᠶᠤᠮ ᠰᠢᠭ᠋ ᠬᠠᠨᠲᠠᠷᠮᠠ
ᠠᠷᠪᠠᠨ ᠳᠣᠯᠣᠭᠠᠲᠠᠢ ᠬᠦᠰᠡᠯ ᠳ᠋ᠦ᠍ ᠮᠢᠨᠢ
ᠬᠣᠷᠢᠨ ᠬᠣᠶᠠᠷᠲᠠᠢ ᠬᠠᠨᠲᠠᠷᠮᠠ
ᠭᠤᠴᠢᠨ ᠳᠣᠯᠣᠭᠠᠲᠠᠢ ᠪᠣᠳᠣᠯ ᠳ᠋ᠤ᠌ ᠮᠢᠨᠢ
ᠠᠷᠪᠠᠨ ᠨᠠᠢ᠍ᠮᠠᠲᠠᠢ ᠬᠠᠨᠲᠠᠷᠮᠠ
ᠦᠬᠦᠵᠦ ᠮᠠᠷᠲᠠᠬᠤ ᠠᠷᠠᠳ ᠤ᠋ᠨ ᠳᠠᠭᠤᠤ ᠶ᠋ᠢᠨ
ᠴᠡᠯ ᠵᠠᠯᠠᠭᠤᠬᠠᠨ ᠬᠠᠨᠲᠠᠷᠮᠠ
ᠡᠭᠦᠯᠡ ᠲᠡᠢ᠂ ᠨᠠᠷᠠ ᠲᠠᠢ ᠬᠣᠷᠸᠠ ᠶ᠋ᠢᠨ
ᠴᠡᠪᠡᠷᠬᠡᠨ ᠢ᠋ ᠨᠢ ᠴᠣᠭᠴᠠᠯᠠᠭᠰᠠᠨ ᠬᠠᠨᠲᠠᠷᠮᠠ
ᠬᠠᠷᠠ ᠲᠣᠷᠭᠠᠨ ᠬᠠᠨᠵᠢᠶᠠᠷ ᠢ᠋ ᠴᠢᠨᠢ
ᠪᠣᠷᠵᠢᠭᠢᠨ ᠳ᠋ᠤ᠌ ᠬᠠᠷᠠᠯᠠ᠂ ᠬᠠᠨᠲᠠᠷᠮᠠ
ᠦᠵᠡᠲᠡᠯᠡ ᠬᠥᠭᠡᠷᠦᠬᠦᠨ ᠴᠢᠷᠠᠢ ᠶ᠋ᠢ ᠴᠢᠨᠢ
ᠦᠵᠦᠮᠦᠴᠢᠨ ᠳ᠋ᠦ᠍ ᠦᠵᠡᠯᠡ᠂ ᠬᠠᠨᠲᠠᠷᠮᠠ
ᠠᠩᠭᠢᠷ ᠴᠠᠭᠠᠨ ᠴᠡᠭᠡᠵᠢ ᠶ᠋ᠢ ᠴᠢᠨᠢ
ᠡᠷᠡ ᠪᠣᠯᠬᠤ ᠳ᠋ᠠᠭᠠᠨ ᠲᠡᠪᠡᠷᠢᠯᠡ᠂ ᠬᠠᠨᠲᠠᠷᠮᠠ
ᠠᠷᠠᠳ ᠤ᠋ᠨ ᠳᠠᠭᠤᠤ ᠭᠡᠵᠦ ᠪᠣᠳᠣᠭᠠᠳ
ᠬᠡᠰᠡᠭ ᠲᠡᠭᠡᠨ ᠮᠠᠷᠲᠠᠯᠠ᠂ ᠬᠠᠨᠲᠠᠷᠮᠠ
ᠳᠠᠭᠤᠯᠠᠵᠤ ᠶᠠᠪᠤᠭᠠᠳ ᠪᠠᠷᠠᠯᠠ
ᠳᠠᠭᠤᠤ ᠪᠢᠰᠢ ᠶᠦᠮ ᠪᠢᠯᠡ᠂ ᠬᠠᠨᠲᠠᠷᠮᠠ
ᠵᠡᠭᠦᠳᠦ ᠦᠨᠡᠨ ᠳ᠋ᠡᠭᠡᠨ ᠵᠡᠷᠭᠡᠴᠡᠭᠰᠡᠨ
ᠵᠢᠰᠦ ᠴᠤ᠌ ᠪᠢᠰᠢ ᠶᠦᠮ ᠪᠢᠯᠡ᠂ ᠬᠠᠨᠲᠠᠷᠮᠠ
ᠬᠠᠨᠢ ᠠ᠋ᠴᠠ ᠪᠠᠨ ᠨᠢᠭᠤᠭᠰᠠᠨ
ᠬᠠᠷᠠᠴᠠᠨ ᠤ᠋ ᠵᠢᠷᠭᠠᠯ ᠨᠢ ᠶᠦᠮ ᠪᠢᠯᠡ᠂ ᠬᠠᠨᠲᠠᠷᠮᠠ
ᠦᠷᠡ ᠳ᠋ᠡᠭᠡᠨ ᠴᠤ᠌ ᠶᠠᠷᠢᠭᠠ ᠦᠭᠡᠢ
ᠦᠨᠡᠨ ᠦ᠌ ᠵᠣᠪᠠᠯᠠᠩ ᠨᠢ ᠶᠦᠮ ᠪᠢᠯᠡ᠂ ᠬᠠᠨᠲᠠᠷᠮᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ