《ᠲᠠᠩᠱ᠌ᠢᠭ ᠨᠠᠭᠠᠳᠤᠮ-ᠬᠦᠷᠢᠶᠡ ᠴᠠᠮ 2022》 ᠱᠠᠰᠢᠨ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠢ ᠨᠠᠢ᠌ᠮᠠᠳᠤᠭᠠᠷ ᠰᠠᠷᠠ ᠶᠢᠨ 6᠂ 7 ᠳᠦ ᠳᠣᠯᠣᠭᠠᠨ ᠬᠤᠳᠳᠤᠭ ᠲᠤ ᠪᠣᠯᠤᠨᠠ“Даншиг наадам-Хүрээ цам 2022” шашин соёлын наадмыг наймдугаар сарын 6, 7-нд
330 《ᠲᠠᠩᠱ᠌ᠢᠭ ᠨᠠᠭᠠᠳᠤᠮ-ᠬᠦᠷᠢᠶᠡ ᠴᠠᠮ 2022》 ᠱᠠᠰᠢᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠢ ᠨᠠᠢ᠍ᠮᠠᠳᠤᠭᠠᠷ
ᠰᠠᠷᠠ ᠶᠢᠨ 6᠂ 7 ᠳᠦ ᠳᠣᠯᠣᠭᠠᠨ
ᠬᠤᠳᠳᠤᠭ ᠲᠤ ᠪᠣᠯᠤᠨᠠ᠃
ᠲᠤᠰ ᠨᠠᠭᠠᠳᠤᠮ ᠨᠢ ᠠᠩᠬᠠ 1639
ᠣᠨ ᠳᠤ ᠥᠨᠳᠦᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ ᠢ ᠮᠣᠩᠭᠣᠯ ᠲᠦᠮᠡᠨ ᠦ ᠱᠠᠰᠢᠨ ᠤ ᠲᠡᠷᠢᠭᠦᠨ᠂ ᠠᠩᠬᠠᠳᠤᠭᠠᠷ ᠪᠣᠭᠳᠠ
ᠵᠠᠪᠵᠠᠩᠳᠠᠮᠪᠠ ᠬᠤᠲᠤᠭᠲᠤ ᠶᠢᠨ ᠰᠢᠷᠡᠭᠡᠨ ᠳᠦ ᠡᠷᠭᠦᠮᠵᠢᠯᠡᠨ ᠵᠠᠯᠠᠬᠤ ᠦᠶᠡᠰ ᠡᠬᠢᠯᠡᠯ ᠲᠡᠢ ᠪᠥᠭᠡᠳ
ᠮᠣᠩᠭᠣᠯ ᠤᠨ ᠱᠠᠰᠢᠨ ᠰᠣᠶᠣᠯ ᠤᠨ ᠲᠣᠮᠣᠬᠠᠨ ᠠᠷᠭᠠ ᠬᠡᠮᠵᠢᠶᠡ ᠪᠢᠯᠡ᠃
ᠵᠢᠯ ᠪᠣᠯᠭᠠᠨ ᠤ ᠨᠠᠢ᠍ᠮᠠᠳᠤᠭᠠᠷ ᠰᠠᠷᠠ ᠶᠢᠨ
ᠡᠬᠢᠨ ᠦ ᠳᠣᠯᠣᠭᠠ ᠬᠣᠨᠣᠭ ᠤᠨ ᠠᠮᠠᠷᠠᠯᠲᠠ ᠶᠢᠨ ᠡᠳᠦᠷ ᠦᠳ ᠲᠦ ᠵᠣᠬᠢᠶᠠᠭᠳᠠᠳᠠᠭ ᠲᠤᠰ ᠠᠷᠭᠠ
ᠬᠡᠮᠵᠢᠶᠡᠨ ᠦ ᠦᠶᠡ ᠪᠡᠷ ᠯᠠᠮᠠ ᠨᠠᠷ ᠤᠨ ᠳᠤᠮᠳᠠ ᠨᠣᠮ ᠬᠠᠶᠠᠯᠴᠠᠬᠤ᠂ ᠮᠡᠳᠬᠡᠯᠴᠡᠬᠦ᠂ ᠪᠠᠯᠢᠩ ᠲᠣᠰᠤᠨ
ᠤᠷᠠᠯᠠᠯ ᠤᠨ ᠲᠡᠮᠡᠴᠡᠭᠡᠨ ᠵᠣᠬᠢᠶᠠᠭᠳᠠᠳᠠᠭ ᠪᠠ ᠴᠠᠮ ᠬᠠᠷᠠᠢᠬᠤ᠂ ᠮᠠᠨᠢ ᠲᠠᠲᠠᠬᠤ᠂ ᠰᠣᠶᠣᠮᠪᠣ ᠳᠤ ᠲᠤᠭ
ᠵᠠᠯᠠᠬᠤ᠂ ᠱᠠᠰᠢᠨ ᠤ ᠰᠦᠯᠳᠡ ᠳᠠᠭᠤᠯᠠᠯ ᠡᠭᠡᠰᠢᠭᠯᠡᠭᠦᠯᠬᠦ᠂ ᠱᠠᠰᠢᠨ ᠰᠣᠶᠣᠯ ᠤᠨ ᠦᠵᠡᠰᠬᠦᠯᠡᠩ
ᠬᠤᠳᠠᠯᠳᠤᠭᠠ ᠵᠡᠷᠭᠡ ᠣᠯᠠᠨ ᠰᠣᠨᠢᠷᠬᠠᠯᠲᠠᠢ ᠵᠦᠢᠯ ᠪᠠᠢᠳᠠᠭ᠃
ᠮᠥᠨ 256 ᠬᠦᠴᠦᠲᠦ ᠪᠥᠬᠡ ᠪᠠᠷᠢᠯᠳᠤᠵᠤ᠂ ᠶᠡᠬᠡ ᠨᠠᠰᠤ᠂
ᠳᠠᠭᠠ᠂ ᠵᠢᠷᠤᠭᠠ ᠮᠣᠷᠢᠳ ᠤᠨ ᠤᠷᠤᠯᠳᠤᠭᠠᠨ ᠪᠣᠯᠵᠤ᠂ ᠮᠣᠷᠢᠲᠤ ᠬᠠᠷᠪᠤᠭᠠᠨ ᠤ ᠦᠵᠡᠭᠦᠯᠪᠦᠷᠢ
ᠵᠣᠬᠢᠶᠠᠭᠳᠠᠳᠠᠭ᠃
ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠪᠠᠭᠠ ᠲᠠᠪᠤᠨ ᠤᠬᠠᠭᠠᠨ ᠤ
ᠪᠦᠵᠢᠭᠯᠡᠯ ᠦᠨ ᠤᠬᠠᠭᠠᠨ ᠳᠤ ᠪᠠᠭᠠᠳᠬᠤ ᠴᠠᠮ ᠨᠢ ᠲᠠᠩᠱ᠌ᠢᠭ ᠨᠠᠭᠠᠳᠤᠮ ᠤᠨ ᠭᠣᠣᠯ ᠣᠨᠴᠠᠯᠢᠭ᠃ ᠴᠠᠮ ᠤᠨ
ᠦᠶᠡ ᠪᠡᠷ ᠸᠴᠢᠷᠪᠠᠨᠢ ᠪᠤᠷᠬᠠᠨ ᠪᠣᠯᠤᠨ ᠤᠷᠠᠨ ᠬᠣᠱᠣᠩ᠂ ᠢᠨᠢᠶᠡᠳᠦᠮ ᠦᠨ ᠳᠦᠷᠢ ᠪᠦᠬᠦᠢ ᠴᠠᠭᠠᠨ ᠡᠪᠦᠭᠡᠨ
ᠮᠥᠨ ᠨᠡᠢᠰᠯᠡᠯ ᠬᠣᠲᠠ ᠶᠢ ᠬᠦᠷᠢᠶᠡᠯᠡᠬᠦ ᠳᠥᠷᠪᠡᠨ ᠳᠠᠭᠰᠢᠨ ᠠᠭᠤᠯᠠ ᠶᠢᠨ ᠡᠵᠡᠳ ᠪᠣᠯᠬᠤ ᠬᠠᠩᠭᠠᠷᠤᠳ᠂
ᠭᠠᠬᠠᠢ᠂ ᠨᠣᠬᠠᠢ᠂ ᠬᠥᠬᠡ ᠡᠪᠦᠭᠡᠨ ᠪᠣᠯᠤᠨ ᠪᠤᠰᠤᠳ ᠳᠦᠷ ᠦᠳ ᠲᠦ ᠬᠤᠪᠢᠷᠠᠭᠰᠠᠨ 120
ᠭᠠᠷᠤᠢ ᠴᠠᠮᠴᠢᠨ ᠬᠠᠮᠤᠭ ᠤᠨ ᠳᠡᠯᠭᠡᠷ ᠲᠣᠮᠣ ᠪᠠᠭ ᠡᠮᠦᠰᠬᠡᠯ᠂ ᠤᠷᠠ ᠬᠢᠴᠡ ᠤᠷᠠᠨ ᠨᠠᠷᠢᠨ᠂ ᠭᠣᠶᠣᠮᠰᠣᠭ
ᠴᠢᠮᠡᠭ ᠵᠡᠭᠦᠯᠲᠡ᠂ ᠪᠠᠷᠢᠴᠠ ᠬᠡᠷᠡᠭᠰᠡᠯ ᠢᠶᠡᠷ ᠢᠶᠡᠨ ᠭᠣᠶᠣᠨ ᠳᠣᠲᠣᠭᠠᠳᠤ ᠠᠭᠤᠯᠭᠠ ᠶᠢᠨ ᠬᠤᠪᠢ ᠳᠤ
ᠭᠦᠨᠵᠡᠭᠡᠢ ᠭᠠᠷ᠂ ᠬᠥᠯ᠂ ᠪᠡᠶᠡ ᠶᠢᠨ ᠬᠥᠳᠡᠯᠭᠡᠭᠡᠨ ᠢᠶᠡᠷ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠦᠨ ᠪᠢᠰᠢᠯᠭᠠᠯ ᠢ
ᠢᠯᠡᠷᠬᠡᠢᠯᠡᠨ ᠬᠣᠣᠷᠲᠠᠨ ᠳᠠᠢᠰᠤᠨ᠂ ᠠᠳᠠ ᠴᠢᠳᠬᠦᠷ ᠢ ᠳᠣᠭᠰᠢᠳ ᠤᠨ ᠬᠥᠳᠡᠯᠭᠡᠭᠡᠨ ᠢᠶᠡᠷ ᠳᠠᠷᠤᠨ
ᠰᠥᠨᠦᠭᠡᠵᠦ ᠪᠤᠢ ᠬᠥᠳᠡᠯᠭᠡᠭᠡ ᠨᠦᠭᠦᠳ ᠢ ᠤᠷᠠᠨ ᠢᠷᠠᠭᠤ ᠪᠠᠷ ᠦᠵᠡᠭᠦᠯᠳᠡᠭ᠃
ᠡᠨᠡᠬᠦ ᠨᠠᠭᠠᠳᠤᠮ ᠨᠢ ᠮᠣᠩᠭᠣᠯ ᠤᠨ ᠰᠣᠶᠣᠯ᠂
ᠱᠠᠰᠢᠨ ᠤ ᠵᠠᠩ ᠦᠢᠯᠡ᠂ ᠤᠯᠠᠮᠵᠢᠯᠠᠯᠲᠤ ᠬᠡᠪ ᠰᠢᠨᠵᠢ ᠶᠢ ᠬᠠᠳᠠᠭᠠᠯᠠᠭᠰᠠᠨ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ
ᠨᠠᠭᠠᠳᠤᠮ ᠪᠥᠭᠡᠳ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠪᠣᠯᠭᠠᠨ ᠬᠥᠭᠵᠢᠭᠦᠯᠵᠦ ᠣᠯᠠᠨ ᠤᠯᠤᠰ ᠤᠨ
ᠵᠢᠭᠤᠯᠴᠢᠳ ᠢ ᠲᠠᠲᠠᠬᠤ ᠥᠨᠳᠦᠷ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠠᠷᠭᠠ ᠬᠡᠮᠵᠢᠶᠡ ᠶᠤᠮ᠃
ᠨᠡᠢᠰᠯᠡᠯ ᠦᠨ ᠵᠠᠰᠠᠭ ᠳᠠᠷᠤᠭᠠ ᠶᠢᠨ
ᠲᠠᠮᠠᠭᠠ ᠶᠢᠨ ᠭᠠᠵᠠᠷ᠂ ᠨᠡᠢᠰᠯᠡᠯ ᠦᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ᠂ ᠮᠣᠩᠭᠣᠯ ᠤᠨ ᠪᠤᠷᠬᠠᠨ
ᠱᠠᠰᠢᠨᠲᠠᠨ ᠤ ᠲᠥᠪ ᠭᠠᠨᠳᠠᠩᠳᠦᠭᠴᠢᠩᠯᠢᠩ ᠬᠡᠢᠳ ᠬᠠᠮᠲᠤᠷᠠᠨ ᠲᠠᠩᠱ᠌ᠢᠭ ᠨᠠᠭᠠᠳᠤᠮ ᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨᠠ᠃