ᠣᠩᠨᠢᠭᠤᠳ ᠨᠤᠲᠤᠭ ᠤ᠋ᠨ ᠳᠠᠭᠤᠯᠠᠯ -ᠮᠦᠩᠭᠦᠨᠴᠣᠭᠲᠤОнниуд нутгийн дуулал-Мөнгөнцогт
311ᠣᠩᠨᠢᠭᠤᠳ ᠨᠤᠲᠤᠭ ᠤ᠋ᠨ ᠳᠠᠭᠤᠯᠠᠯ
( ᠬᠣᠯᠪᠣᠭᠠ)
ᠦᠭᠡ᠄ ᠶ᠋ᠢ᠊·ᠨᠠᠶᠠᠨᠲᠠᠪᠤ
ᠤᠶᠠᠩᠭᠠᠯᠠᠨ ᠬᠤᠭᠤᠷᠳᠠᠭᠴᠢ᠄ ᠮᠦᠩᠭᠦᠨᠴᠣᠭᠲᠤ
ᠴᠠᠭ ᠦᠷᠡᠭᠡᠵᠦ ᠰᠠᠭᠤᠬᠤ ᠪᠠᠷ ᠢ᠋ᠶ᠋ᠠᠨ
ᠴᠠᠳᠢᠭ ᠲᠡᠦᠬᠡ ᠳᠡᠯᠭᠡᠶᠡ
ᠥᠷᠥᠴᠡᠨ ᠦ᠌ ᠬᠠᠢᠷᠠᠲᠠᠢ ᠣᠩᠨᠢᠭᠤᠳ ᠢ᠋ᠶ᠋ᠠᠨ
ᠤᠶᠠᠩᠭᠠᠯᠠᠵᠤ ᠬᠣᠯᠪᠣᠨ ᠳᠠᠭᠤᠯᠠᠶᠠ᠃
ᠰᠤᠯᠠ ᠰᠡᠯᠡᠭᠦᠦ ᠰᠠᠭᠤᠬᠤ ᠪᠠᠷ ᠢ᠋ᠶ᠋ᠠᠨ
ᠰᠤᠳᠤᠷ ᠨᠣᠮ ᠤᠷᠪᠠᠭᠤᠯᠤᠶᠠ
ᠰᠡᠳᠬᠢᠯ ᠦ᠋ᠨ ᠬᠠᠢᠷᠠᠲᠠᠢ ᠣᠩᠨᠢᠭᠤᠳ ᠢ᠋ᠶ᠋ᠠᠨ
ᠰᠢᠯᠦᠭᠯᠡᠵᠦ ᠳᠠᠭᠤᠯᠠᠨ ᠮᠠᠭᠲᠠᠶᠠ᠃
ᠰᠤᠳᠤᠷ ᠨᠣᠮ ᠳ᠋ᠤ᠌ ᠲᠡᠮᠳᠡᠭᠯᠡᠭᠡᠰᠦᠲᠡᠢ
ᠰᠦᠨ ᠳᠦᠭᠦᠷᠡᠩ ᠦ᠋ᠨ ᠣᠩᠨᠢᠭᠤᠳ
ᠰᠡᠭᠦᠯᠴᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠬᠤᠪᠢᠷᠠᠭᠠᠳ
ᠰᠦᠩᠱᠠᠨ ᠪᠣᠯᠤᠭᠰᠠᠨ ᠣᠩᠨᠢᠭᠤᠳ
ᠲᠡᠦᠬᠡ ᠴᠠᠳᠢᠭ ᠲᠤ᠌ ᠪᠢᠴᠢᠭᠯᠡᠭᠡᠰᠦᠲᠡᠢ
ᠲᠦᠩ ᠳᠠᠢᠴᠢᠩ ᠤ᠋ᠨ ᠣᠩᠨᠢᠭᠤᠳ
ᠲᠥᠷᠥ ᠤᠯᠤᠰ ᠤ᠋ᠨ ᠰᠣᠯᠢᠭᠳᠠᠯ ᠳ᠋ᠤᠷ
ᠨᠡᠷᠡ ᠪᠡᠨ ᠠᠯᠳᠠᠭᠠ ᠦᠭᠡᠢ ᠣᠩᠨᠢᠭᠤᠳ
ᠰᠢᠷᠠᠮᠥ᠋ᠷᠡᠨ ᠦ᠌ ᠰᠠᠪᠠ ᠭᠠᠵᠠᠷ ᠢ᠋ᠶ᠋ᠠᠷ
ᠥᠯᠥᠭᠡᠢ ᠪᠣᠯᠭᠠᠭᠰᠠᠨ ᠣᠩᠨᠢᠭᠤᠳ
ᠰᠠᠴᠢ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠬᠠᠰ ᠯᠤᠤ ᠪᠠᠷ
ᠦᠨᠡᠯᠡᠯᠲᠡ ᠠᠯᠳᠠᠷ ᠲᠠᠢ ᠣᠩᠨᠢᠭᠤᠳ
ᠳᠠᠭᠤᠷᠢᠰᠬᠠᠯ ᠪᠠᠬᠠᠷᠬᠠᠯᠲᠤ ᠤᠯᠠᠭᠠᠨᠬᠠᠳᠠ ᠶ᠋ᠢᠨ
ᠰᠣᠶᠣᠯ ᠤ᠋ᠨ ᠰᠤᠷᠪᠤᠯᠵᠢ ᠲᠠᠢ ᠣᠩᠨᠢᠭᠤᠳ
ᠲᠠᠪᠤᠨ ᠮᠢᠩᠭᠠᠨ ᠵᠢᠯ ᠦ᠋ᠨ ᠲᠡᠦᠬᠡ ᠪᠡᠷ ᠢ᠋ᠶ᠋ᠡᠨ
ᠳᠡᠯᠡᠬᠡᠢ ᠳ᠋ᠦ᠍ ᠭᠠᠢᠬᠠᠭᠳᠠᠭᠰᠠᠨ ᠣᠩᠨᠢᠭᠤᠳ
ᠴᠢᠪᠴᠢᠷ ᠳᠠᠯᠤᠲᠤ ᠶ᠋ᠢᠨ ᠬᠠᠳᠠᠨ ᠵᠣᠷᠢᠭᠲᠤ
ᠰᠦᠭ ᠰᠦᠯᠳᠡ ᠲᠡᠢ ᠣᠩᠨᠢᠭᠤᠳ
ᠴᠢᠤᠸᠠᠨ ᠨᠢᠩ ᠦ᠋ᠨ ᠴᠥᠯᠭᠡ ᠶ᠋ᠢᠨ ᠤᠯᠠᠭᠠ ᠲᠠᠢ
ᠬᠣᠩᠭᠢᠷᠠᠳ ᠤ᠋ᠨ ᠡᠪᠦᠯᠵᠢᠶᠡ ᠣᠩᠨᠢᠭᠤᠳ
ᠭᠦᠷᠦᠨ ᠬᠠᠮᠠᠭᠠᠯᠠᠬᠤ ᠰᠦᠮᠡ ᠶ᠋ᠢᠨ
ᠬᠥᠰᠢᠶᠡ ᠪᠠᠭᠤᠷᠢ ᠲᠠᠢ ᠣᠩᠨᠢᠭᠤᠳ
ᠭᠦᠩᠵᠦ ᠯᠦ᠍ ᠸᠠᠩ ᠤ᠋ᠨ ᠰᠠᠭᠤᠷᠢᠰᠢᠯ ᠲᠠᠢ
ᠪᠣᠷᠤᠬᠣᠲᠠ ᠲᠠᠢ ᠣᠩᠨᠢᠭᠤᠳ
ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠤ᠋ ᠪᠠᠳᠠᠷᠠᠯ ᠲᠠᠢ
ᠱᠠᠰᠢᠨ ᠦᠨᠳᠦᠰᠦᠨ ᠰᠦᠮᠡ ᠲᠡᠢ
ᠬᠤᠪᠢᠰᠬᠠᠯᠲᠤ ᠵᠠᠭᠤᠨ ᠤ᠋ ᠣᠨ ᠳ᠋ᠤ᠌
ᠬᠤᠷᠠᠬᠤ ᠶ᠋ᠢᠨ ᠰᠢᠭᠤᠷᠭᠠ ᠲᠠᠢ ᠣᠩᠨᠢᠭᠤᠳ
ᠬᠠᠯᠵᠠᠨ ᠠᠭᠤᠯᠠ ᠪᠠᠷ ᠭᠣᠯᠣᠮᠲᠠᠯᠠᠭᠰᠠᠨ
ᠬᠢᠳᠠᠨ ᠤ᠋ ᠡᠭᠦᠰᠦᠯ ᠲᠡᠢ ᠣᠩᠨᠢᠭᠤᠳ
ᠲᠥᠷᠥ ᠶ᠋ᠢᠨ ᠬᠠᠭᠠᠨ ᠤ᠋ ᠰᠢᠯᠦᠭᠯᠡᠯ ᠲᠡᠢ
ᠳᠠᠭᠤᠲᠤ ᠤᠰᠤ ᠲᠠᠢ ᠣᠩᠨᠢᠭᠤᠳ
ᠵᠢᠩᠬᠢᠨᠢ ᠮᠠᠲ᠋ᠧᠷᠢᠶᠠᠯ ᠢ᠋ᠶ᠋ᠠᠷ ᠭᠡᠷᠡᠴᠢᠯᠡᠭᠳᠡᠭᠰᠡᠨ
ᠵᠢᠶᠠᠩ ᠢᠩ ᠿᠦᠢ ᠲᠡᠢ ᠣᠩᠨᠢᠭᠤᠳ
ᠰᠡᠳᠦᠪ ᠰᠢᠨᠵᠢᠯᠡᠭᠡᠨ ᠢ᠋ᠶ᠋ᠡᠷ ᠭᠢᠯᠠᠯᠵᠠᠭᠰᠠᠨ
ᠰᠡᠩᠭᠡᠷᠢᠭᠢ ᠶ᠋ᠢᠨ ᠣᠩᠨᠢᠭᠤᠳ
ᠰᠢᠨᠡ ᠰᠦᠮᠡ ᠶ᠋ᠢᠨ ᠭᠣᠪᠢ ᠳ᠋ᠤᠷ
ᠶᠦᠩᠵᠤ ᠶ᠋ᠢᠨ ᠦᠯᠡᠳᠡᠭᠳᠡᠯ ᠲᠡᠢ ᠣᠩᠨᠢᠭᠤᠳ
ᠰᠢᠷᠭᠠᠯ ᠡᠯᠡᠰᠦᠨ ᠦ᠌ ᠬᠥᠨᠳᠡᠢ ᠳ᠋ᠡᠭᠡᠨ
ᠶᠧᠯᠸᠢᠲᠦ ᠵᠡᠷᠭᠡᠯᠭᠡᠨ ᠲᠡᠢ ᠣᠩᠨᠢᠭᠤᠳ
ᠦᠵᠦᠮᠦᠴᠢᠨ ᠸᠠᠩ ᠢ᠋ ᠰᠣᠴᠢᠭᠠᠭᠰᠠᠨ
ᠴᠡᠩᠬᠡᠯᠳᠣᠷᠵᠢ ᠲᠠᠢ ᠣᠩᠨᠢᠭᠤᠳ
ᠴᠠᠭᠠᠨ ᠪᠦᠷᠢᠶᠡ ᠶ᠋ᠢᠨ ᠦᠯᠢᠭᠡᠷ ᠬᠠᠭᠤᠴᠢ
ᠴᠠᠢ ᠶ᠋ᠢᠨ ᠵᠣᠭᠣᠭ ᠲᠠᠢ ᠣᠩᠨᠢᠭᠤᠳ
ᠬᠣᠳᠣᠭᠣᠳᠣ ᠪᠠᠶᠠᠨ ᠬᠠᠨ ᠠᠭᠤᠯᠠᠨ ᠳ᠋ᠠᠭᠠᠨ
ᠭᠡᠰᠡᠷ ᠦ᠋ᠨ ᠳᠣᠮᠣᠭ ᠲᠠᠢ ᠣᠩᠨᠢᠭᠤᠳ
ᠪᠦᠭᠦᠳᠡ ᠣᠯᠠᠨ ᠳ᠋ᠤ᠌ ᠱᠠᠭᠰᠢᠭᠳᠠᠭᠰᠠᠨ
ᠪᠥᠭᠡᠷᠡᠩᠬᠡᠢ ᠶ᠋ᠢᠨ ᠵᠤᠭᠠᠴᠠᠯ ᠲᠠᠢ ᠣᠩᠨᠢᠭᠤᠳ
ᠰᠢᠷᠠ ᠲᠠᠯᠠ ᠶ᠋ᠢᠨ ᠪᠠᠶᠠᠨᠨ᠌ᠦ᠌ᠨ᠌ᠳᠤᠷ ᠲᠤ᠌
ᠬᠣᠰᠢᠭᠤ ᠣᠪᠣᠭᠠ ᠲᠠᠢ ᠣᠩᠨᠢᠭᠤᠳ
ᠰᠢᠷᠢᠩᠭᠢ ᠣᠢ ᠬᠠᠷᠠᠩᠭᠤᠢᠯᠠᠭᠰᠠᠨ
ᠬᠤᠰᠤᠨ ᠪᠡᠷᠬᠡ ᠲᠡᠢ ᠣᠩᠨᠢᠭᠤᠳ
ᠤᠷᠤᠰᠬᠠᠯᠲᠤ ᠴᠦᠨᠳᠤᠪ ᠤ᠋ᠨ ᠪᠦᠰᠡᠯᠡᠭᠦᠷ ᠲᠡᠢ
ᠤᠳᠠᠨᠲᠠᠯᠠ ᠲᠠᠢ ᠣᠩᠨᠢᠭᠤᠳ
ᠤᠲᠠᠰᠤᠲᠤ ᠬᠤᠭᠤᠷ ᠢ᠋ᠶ᠋ᠠᠨ ᠬᠦᠩᠭᠢᠨᠡᠭᠦᠯᠦᠭᠰᠡᠨ
ᠥᠰᠬᠦᠪᠣᠶᠠᠨ ᠲᠠᠢ ᠣᠩᠨᠢᠭᠤᠳ
ᠶᠡᠷᠡ ᠶᠢᠰᠦᠨ ᠣᠷᠭᠢᠯ ᠲᠠᠢ
ᠨᠠᠷᠠᠰᠤᠨ ᠠᠭᠤᠯᠠ ᠲᠠᠢ ᠣᠩᠨᠢᠭᠤᠳ
ᠦᠵᠡᠮᠵᠢ ᠳᠣᠮᠣᠭ ᠬᠣᠣᠰᠯᠠᠭᠰᠠᠨ
ᠣᠭᠵᠣᠮ ᠤ᠋ᠨ ᠬᠤᠤᠳᠤᠭ ᠲᠠᠢ ᠣᠩᠨᠢᠭᠤᠳ
ᠤᠷᠠᠨ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠭᠠᠢᠬᠠᠭᠳᠠᠭᠰᠠᠨ
ᠪᠥᠭᠡᠷᠡᠢᠮᠠ ᠲᠠᠢ ᠣᠩᠨᠢᠭᠤᠳ
ᠤᠬᠠᠭᠠᠨ ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠯᠳᠠᠷᠰᠢᠭᠰᠠᠨ
ᠭᠠᠪᠠᠯᠠ ᠬᠤᠯᠠᠭᠠᠢᠴᠢ ᠲᠠᠢ ᠣᠩᠨᠢᠭᠤᠳ
ᠤᠯᠤᠰ ᠣᠷᠣᠨ ᠳ᠋ᠤ᠌ ᠴᠥᠭᠡᠨ ᠪᠠᠢᠳᠠᠭ
ᠳᠦᠩᠭᠢᠨᠡᠭᠡᠴᠢ ᠮᠠᠩᠬᠠ ᠲᠠᠢ ᠣᠩᠨᠢᠭᠤᠳ
ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠲᠠᠪᠴᠠᠩ ᠳᠡᠭᠡᠷᠡ ᠴᠦ᠍
ᠣᠩᠨᠢᠭᠤᠳ ᠦᠵᠡᠭᠳᠡᠯ ᠲᠡᠢ ᠣᠩᠨᠢᠭᠤᠳ
ᠤᠯᠤᠰ ᠤ᠋ᠨ ᠲᠡᠷᠢᠭᠦᠯᠡᠭᠴᠢ ᠶ᠋ᠢᠨ ᠴᠣᠬᠣᠯᠠᠪᠤᠷᠢ ᠲᠠᠢ
ᠤᠯᠠᠭᠠᠨ᠌ᠣᠳᠤ ᠬᠣᠷᠰᠢᠶᠠᠵᠢᠯ ᠲᠠᠢ ᠣᠩᠨᠢᠭᠤᠳ
ᠰᠤᠮᠤ ᠪᠣᠯᠭᠠᠨ ᠳ᠋ᠠᠭᠠᠨ ᠮᠣᠩᠭᠣᠯ ᠰᠤᠷᠭᠠᠭᠤᠯᠢ ᠲᠠᠢ
ᠰᠣᠶᠣᠯ ᠤ᠋ᠨ ᠭᠣᠯᠣᠮᠲᠠ ᠲᠠᠢ ᠣᠩᠨᠢᠭᠤᠳ
ᠣᠳᠣᠨ ᠮᠡᠷᠭᠡᠳ ᠴᠣᠯᠭᠣᠷᠠᠭᠰᠠᠨ
ᠥᠭᠡᠳᠡᠯᠡᠬᠦ ᠬᠤᠷᠤᠢ ᠲᠠᠢ ᠣᠩᠨᠢᠭᠤᠳ
ᠡᠰᠡᠨᠢᠯ ᠬᠥᠭᠵᠢᠯ ᠦ᠋ᠨ ᠢᠷᠡᠭᠡᠳᠦᠢ ᠳ᠋ᠦ᠍ ᠪᠡᠨ
ᠢᠲᠡᠭᠡᠯ ᠳᠦᠭᠦᠷᠡᠩ ᠣᠩᠨᠢᠭᠤᠳ
ᠡᠶᠡ ᠵᠣᠬᠢᠴᠠᠯ ᠲᠤᠶᠠᠭᠠᠷᠠᠭᠰᠠᠨ
ᠡᠩᠬᠡ ᠲᠠᠢᠪᠤᠩ ᠣᠩᠨᠢᠭᠤᠳ
ᠪᠠᠬᠠᠷᠤᠯᠲᠠᠢ ᠣᠯᠠᠨ ᠵᠦᠢᠯᠡᠰ ᠢ᠋
ᠪᠠᠬᠠᠳᠤᠵᠤ ᠳᠠᠭᠤᠯᠠᠭᠠᠳ ᠪᠠᠷᠠᠨᠠ ᠤᠤ ᠳᠠ
ᠪᠠᠶᠠᠨ ᠲᠠᠩᠰᠤᠭ ᠣᠩᠨᠢᠭᠤᠳ ᠢ᠋ᠶ᠋ᠠᠨ
ᠪᠠᠳᠠᠭᠯᠠᠵᠤ ᠡᠨᠳᠡ ᠪᠡᠨ ᠵᠠᠪᠰᠠᠷᠯᠠᠶᠠ
ᠪᠠᠬᠠᠷᠤᠮᠠ ᠰᠠᠢᠬᠠᠨ ᠣᠩᠨᠢᠭᠤᠳ ᠢ᠋ᠶ᠋ᠠᠷ ᠮᠢᠨᠢ
ᠪᠠᠢᠩᠭᠤ ᠢᠷᠡᠵᠦ ᠪᠠᠢᠭᠠᠷᠠᠢ!
ᠪᠠᠢᠭᠠᠯᠢ ᠨᠡᠢᠭᠡᠮ ᠦ᠋ᠨ ᠭᠠᠢᠬᠠᠮᠰᠢᠭ ᠲᠤ᠌ ᠨᠢ
ᠪᠠᠢᠩᠭᠤ ᠪᠠᠶᠠᠷᠯᠠᠵᠤ ᠶᠠᠪᠤᠭᠠᠷᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠡᠴᠡᠭ
ᠦᠰᠦᠭ ᠬᠠᠲᠠᠭᠴᠢ᠄ ᠨᠠᠷᠠᠨ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ
※ ᠵᠠᠷᠢᠮ ᠨᠡᠷᠡ ᠦᠭᠡᠰ ᠦ᠋ᠨ ᠲᠠᠢᠯᠪᠤᠷᠢ᠄
ᠴᠤᠸᠠᠨ ᠨᠢᠩ ᠴᠥᠯᠭᠡ — ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶᠡ ᠶ᠋ᠢᠨ ᠨᠢᠭᠡ ᠬᠣᠲᠠ ᠶ᠋ᠢᠨ ᠨᠡᠷᠡ᠃
ᠲᠦᠩ ᠳᠠᠢᠴᠢᠩ ᠪᠣᠯᠤᠨ ᠰᠦᠨ ᠳᠦᠭᠦᠷᠡᠩ ᠭᠡᠳᠡᠭ ᠨᠢ1636 ᠣᠨ ᠤ᠋ ᠦᠶᠡ ᠳ᠋ᠦ᠍ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ᠋ ᠬᠣᠶᠠᠷ ᠸᠠᠩ᠃
ᠵᠠᠩ ᠢᠩ ᠿᠦᠢ ᠭᠡᠳᠡᠭ ᠨᠢ ᠨᠢᠭᠡ ᠲᠦᠰᠢᠮᠡᠯ ᠦ᠋ᠨ ᠨᠡᠷᠡ( ᠴᠢᠯᠠᠭᠤᠨ ᠦᠰᠦᠭ ᠲᠡᠢ ᠬᠥᠰᠢᠶᠡ ᠢᠯᠡᠷᠡᠵᠡᠢ)᠃
ᠭᠠᠪᠠᠯᠠ ᠬᠤᠯᠠᠭᠠᠢᠴᠢ( ᠴᠣᠯᠠ ᠨᠡᠷᠡ)