ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦᠨ ᠳᠦ ᠬᠥᠬᠡ ᠲᠡᠭᠷᠢ ᠴᠡᠯᠮᠡᠳᠡᠭ – ᠵᠣᠬᠢᠶᠠᠭᠴᠢ ᠄ ᠲᠦᠷᠪᠡᠳ ᠂ ᠡᠷᠳᠡᠨᠢᠪᠠᠶᠠᠷ᠂ ᠤᠶᠠᠩᠭᠠᠯᠠᠭᠴᠢ᠄ ᠰᠠᠴᠤᠷᠠᠯᠲᠤ Хүүхдийн инээдэнд хөх тэгэр цэлмэдэг – Зохиогч ᠄ Дөрвөд ᠂ Эрдэнэбаяр ᠂ Уянгалагч᠄ Цацралт
1048ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦᠨ ᠳᠦ ᠬᠥᠬᠡ ᠲᠡᠭᠷᠢ ᠴᠡᠯᠮᠡᠳᠡᠭ
ᠤᠶᠠᠩᠭᠠᠯᠠᠭᠴᠢ᠄ ᠰᠠᠴᠤᠷᠠᠯᠲᠤ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦᠨ ᠳ᠋ᠦ᠍ ᠬᠥᠬᠡ ᠲᠡᠭᠷᠢ ᠴᠡᠯᠮᠡᠳᠡᠡᠭ ᠶᠤᠮ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦᠨ ᠳ᠋ᠦ᠍ ᠬᠦᠵᠢ ᠳᠡᠯᠡᠬᠡᠢ ᠥᠩᠰᠢᠳᠡᠭ ᠶᠤᠮ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦᠨ ᠳ᠋ᠦ᠍ ᠬᠥᠮᠦᠨ ᠦ᠌ ᠬᠡᠢᠮᠣᠷᠢ ᠰᠡᠷᠭᠦᠳᠡᠭ ᠶᠤᠮ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦᠨ ᠳ᠋ᠦ᠍ ᠬᠥᠮᠦᠨ ᠦ᠌ ᠪᠤᠶᠠᠨ ᠳᠡᠯᠭᠡᠷᠡᠳᠡᠭ ᠶᠤᠮ ᠠ᠋
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠪᠣᠯ ᠬᠣᠷᠸᠠ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠴᠡᠴᠡᠭ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠪᠣᠯ ᠬᠣᠷᠸᠠ ᠶ᠋ᠢᠨ ᠬᠠᠮᠤᠭ ᠠ᠋ᠴᠠ ᠰᠠᠢᠬᠠᠨ ᠠᠶᠠᠯᠭᠤ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠪᠣᠯ ᠬᠥᠮᠦᠨ ᠦ᠌ ᠬᠦᠷᠲᠡᠭᠰᠡᠨ ᠬᠠᠮᠤᠭ ᠤ᠋ᠨ ᠶᠡᠬᠡ ᠪᠤᠶᠠᠨ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠪᠣᠯ ᠪᠤᠷᠬᠠᠨ ᠤ᠋ ᠪᠡᠯᠡᠭᠯᠡᠭᠰᠡᠨ ᠬᠠᠮᠤᠭ ᠶᠡᠬᠡ ᠠᠵᠠ
ᠲᠤᠩᠭᠠᠯᠠᠭ ᠴᠡᠯᠮᠡᠭ ᠠᠭᠠᠷ ᠲᠤ᠌ ᠬᠡᠦᠬᠡᠳ ᠦ᠋ᠳ ᠱᠤᠮᠪᠠᠨ ᠲᠣᠭᠯᠠᠨᠠ
ᠲᠣᠳᠣ ᠶ᠋ᠢᠨ ᠲᠣᠳᠣ ᠢᠨᠢᠶᠡᠳᠦᠨ ᠳ᠋ᠦ᠍ ᠨᠢ ᠰᠠᠨᠰᠠᠷ ᠣᠭᠲᠠᠷᠭᠤᠢ ᠴᠡᠯᠮᠡᠨᠡ
ᠬᠦᠷᠢᠶᠡ ᠳᠦᠭᠦᠷᠡᠩ ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠴᠠᠯᠭᠢᠨ ᠴᠠᠯᠭᠢᠨᠠ
ᠬᠦᠰᠡᠯ ᠳᠦᠭᠦᠷᠡᠩ ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠳᠡᠭᠦᠯᠢᠨ ᠳᠡᠭᠦᠯᠢᠨᠡ
ᠭᠬᠢᠷ ᠦᠭᠡᠢ ᠴᠡᠪᠡᠷ ᠢᠨᠢᠶᠡᠳᠦᠨ ᠳ᠋ᠦ᠍ ᠨᠢ ᠰᠠᠯᠬᠢ ᠠᠮᠠᠷᠠᠨᠠ
ᠬᠡ ᠥᠬᠡᠢ ᠠᠷᠢᠭᠤᠨ ᠳᠠᠭᠤᠨ ᠳ᠋ᠤ᠌ ᠨᠢ ᠰᠡᠳᠬᠢᠯ ᠵᠢᠷᠭᠠᠨᠠ
ᠲᠣᠭᠯᠠᠵᠤ ᠪᠠᠢᠭᠠ ᠬᠡᠦᠬᠡᠳ ᠰᠢᠭ ᠵᠢᠷᠭᠠᠯ ᠬᠠᠮᠢᠭᠠ ᠪᠠᠢᠬᠤᠪ
ᠲᠣᠭᠯᠠᠵᠤ ᠪᠠᠢᠭᠠ ᠶ᠋ᠢ ᠨᠢ ᠬᠠᠷᠠᠬᠤ ᠰᠢᠭ᠋ ᠵᠢᠷᠭᠠᠯ ᠬᠠᠮᠢᠭᠠ ᠪᠠᠢᠬᠤᠪ
ᠴᠠᠯᠭᠢᠵᠤ ᠪᠠᠢᠭᠠ ᠷᠠᠰᠢᠶᠠᠨ ᠭᠡᠳᠡᠭ ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ
ᠴᠠᠬᠢᠯᠠᠵᠤ ᠪᠠᠢᠭᠠ ᠬᠤᠷᠳᠤ ᠭᠡᠳᠡᠭ ᠬᠡᠦᠬᠡᠳ ᠦ᠋ᠨ ᠭᠦᠶᠦᠳᠡᠯ
ᠨᠠᠷᠠ ᠨᠢᠳᠦᠨ ᠳ᠋ᠦ᠍ ᠨᠢ ᠬᠡᠷᠡᠯᠳᠦᠭᠡᠳ ᠳᠤᠸᠠᠯᠠᠵᠤ ᠪᠠᠢᠨᠠ
ᠨᠠᠰᠤ ᠰᠢᠲᠦᠨ ᠳ᠋ᠦ᠍ ᠨᠢ ᠬᠡᠷᠡᠯᠳᠦᠭᠡᠳ ᠴᠠᠢᠯᠵᠠᠵᠤ ᠪᠠᠢᠨᠠ
ᠬᠡᠨ ᠨᠢᠭᠡᠨ ᠢ᠋ᠶ᠋ᠡᠨ ᠴᠢᠨᠡᠭᠡ ᠮᠡᠳᠡᠨ ᠳᠠᠭᠤᠳᠠᠵᠤ ᠪᠠᠢᠨᠠ
ᠬᠡᠨ ᠨᠢᠭᠡᠨ ᠲᠡᠢ ᠪᠡᠨ ᠬᠥᠲᠥᠯᠦᠯᠴᠡᠭᠡᠳ ᠢᠨᠢᠶᠡᠵᠦ ᠪᠠᠢᠨᠠ
ᠰᠤᠷᠭᠠᠭᠤᠯᠢ ᠭᠡᠳᠡᠭ ᠢᠨᠢᠶᠡᠳᠦ ᠴᠠᠯᠭᠢᠭᠰᠠᠨ ᠨᠠᠭᠤᠷ ᠪᠠᠢᠨᠠ
ᠰᠤᠷᠭᠠᠭᠤᠯᠢ ᠭᠡᠳᠡᠭ ᠬᠦᠰᠡᠯ ᠳᠡᠪᠳᠡᠷᠢᠭᠰᠡᠨ ᠵᠢᠭᠦᠷ ᠪᠠᠢᠨᠠ
ᠬᠦᠷᠢᠶᠡ ᠳᠦᠭᠦᠷᠡᠩ ᠬᠡᠦᠬᠡᠳ ᠲᠡᠢ᠂ ᠨᠠᠷᠠ ᠲᠣᠭᠯᠠᠵᠤ ᠪᠠᠢᠨᠠ
ᠬᠥᠭᠡᠷᠦᠭᠰᠡᠨ ᠨᠠᠷᠠ ᠶᠠᠪᠤᠬᠤ ᠪᠠᠨ ᠮᠠᠷᠲᠠᠨ ᠲᠣᠭᠯᠠᠵᠤ ᠪᠠᠢᠨᠠ
ᠮᠣᠳᠣᠳ ᠢᠨᠢᠶᠡᠳᠦᠨ ᠳ᠋ᠦ᠍ ᠨᠢ ᠨᠠᠢᠭᠤᠨ ᠪᠥᠵᠢᠭᠯᠡᠵᠦ ᠪᠠᠢᠨᠠ
ᠮᠣᠩᠭᠣᠯ ᠦᠭᠡ ᠬᠡᠦᠬᠡᠳ ᠡᠴᠡ ᠭᠡᠷᠡᠯᠲᠦᠨ ᠤᠷᠭᠤᠵᠤ ᠪᠠᠢᠨᠠ
ᠨᠢᠭᠤᠴᠠ ᠲᠣᠪᠴᠢᠶᠠᠨ ᠤ᠋ ᠠᠯᠲᠠᠨ ᠬᠠᠭᠤᠳᠠᠰᠤ ᠰᠡᠬᠦᠭᠳᠡᠵᠦ ᠪᠠᠢᠨᠠ
ᠨᠢᠭᠤᠭᠳᠠᠭᠰᠠᠨ ᠨᠢᠭᠡᠨ ᠢ᠋ᠶ᠋ᠡᠨ ᠣᠯᠵᠤ ᠠᠪᠤᠭᠠᠳ ᠪᠠᠶᠠᠷᠯᠠᠵᠤ ᠪᠠᠢᠨᠠ
ᠬᠡᠦᠬᠡᠳ ᠦ᠋ᠨ ᠬᠥᠬᠡ ᠢᠨᠢᠶᠡᠳᠦ ᠶ᠋ᠢ ᠴᠢᠩᠨᠠᠨ ᠰᠠᠭᠤᠬᠤ ᠰᠠᠢᠬᠠᠨ
ᠬᠥᠮᠦᠨ ᠦ᠌ ᠢᠷᠡᠭᠡᠳᠦᠢ ᠶ᠋ᠢ ᠬᠠᠷᠠᠭᠠᠳ ᠪᠡᠶᠡᠰᠦᠨ ᠰᠠᠭᠤᠬᠤ ᠰᠠᠢᠬᠠᠨ
ᠣᠷᠴᠢᠯᠠᠩ ᠪᠦᠲᠦᠭᠡᠬᠦ ᠣᠶᠤᠨ ᠪᠢᠯᠢᠭ ᠲᠡᠳᠡᠨ ᠦ᠌ ᠨᠢᠳᠦᠨ ᠳ᠋ᠦ᠍ ᠪᠣᠢ
ᠣᠳᠣ ᠲᠠᠢ ᠶᠠᠷᠢᠬᠤ ᠤᠬᠠᠭᠠᠨ ᠰᠠᠨᠠᠭᠠ ᠲᠡᠳᠡᠨ ᠦ᠌ ᠲᠠᠷᠢᠬᠢᠨ ᠳ᠋ᠤ᠌ ᠪᠣᠢ
ᠬᠡᠦᠬᠡᠳ ᠦ᠋ᠨ ᠣᠶᠤᠨ ᠰᠢᠭ᠋ ᠴᠡᠪᠡᠷ ᠲᠤᠩᠭᠠᠯᠠᠭ ᠶᠠᠭᠤ ᠪᠠᠢᠬᠤ ᠪᠣᠢ
ᠬᠡᠦᠬᠡᠳ ᠦ᠋ᠨ ᠪᠢᠯᠢᠭ ᠰᠢᠭ ᠬᠤᠷᠴᠠ ᠲᠦᠷᠭᠡᠨ ᠶᠠᠭᠤ ᠪᠠᠢᠬᠤ ᠪᠣᠢ
ᠬᠡᠦᠬᠡᠳ ᠢᠨᠢᠶᠡᠬᠦ ᠳ᠋ᠦ᠍ ᠠᠭᠤᠯᠠᠰ ᠢᠨᠢᠶᠡᠨᠡ᠂ ᠢᠨᠢᠶᠡᠭᠡᠷᠡᠢ ᠲᠠ ᠨᠠᠷ
ᠬᠡᠦᠬᠡᠳ ᠢᠨᠢᠶᠡᠬᠦ ᠳ᠋ᠦ᠍ ᠡᠭᠦᠯᠡᠰ ᠢᠨᠢᠶᠡᠨᠡ᠂ ᠢᠨᠢᠶᠡᠭᠡᠷᠡᠢ ᠲᠠ ᠨᠠᠷ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠴᠠᠯᠭᠢᠰ ᠴᠠᠯᠭᠢᠰ᠂ ᠰᠠᠴᠤᠯᠠᠨ ᠪᠠᠢᠨᠠ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠳᠤᠯᠠᠰ ᠳᠤᠯᠠᠰ᠂ ᠰᠠᠴᠤᠷᠠᠨ ᠪᠠᠢᠨᠠ
ᠨᠡᠮᠡᠭᠳᠡᠵᠦ ᠪᠠᠢᠭᠠ ᠣᠶᠤᠨ ᠤᠬᠠᠭᠠᠨ ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ
ᠨᠢᠰᠴᠦ ᠪᠠᠢᠭᠠ ᠣᠶᠤᠨ ᠤᠬᠠᠭᠠᠨ ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ
ᠤᠰᠤ ᠭᠣᠣᠯ ᠢᠨᠢᠶᠡᠵᠦ ᠪᠠᠢᠨᠠ ᠬᠡᠦᠬᠡᠳ ᠮᠡᠲᠦ᠂ ᠪᠠᠬᠠᠳᠤᠯ ᠲᠠᠢ
ᠠᠭᠤᠯᠠ ᠲᠤᠯᠤᠭᠠᠳ ᠢᠨᠢᠶᠡᠵᠦ ᠪᠠᠢᠨᠠ ᠬᠡᠦᠬᠡᠳ ᠮᠡᠲᠦ᠂ ᠵᠢᠷᠭᠠᠯ ᠲᠠᠢ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠬᠥᠮᠦᠨ ᠪᠢᠳᠡᠨ ᠦ᠌ ᠤᠷᠤᠭᠰᠢᠯᠠᠯᠲᠠ ᠶ᠋ᠢᠨ ᠳᠠᠭᠤᠤ
ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠶ᠋ᠢᠨ ᠡᠩᠬᠡ ᠶ᠋ᠢᠨ ᠳᠠᠭᠤᠤ
ᠬᠡᠦᠬᠡᠳ ᠦ᠋ᠳ ᠮᠢᠨᠢ ᠠ᠋᠂ ᠢᠨᠢᠶᠡ ᠢᠨᠢᠶᠡ᠂ ᠢᠨᠢᠶᠡᠯᠳᠦᠨ ᠲᠣᠭᠯᠠ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠮᠢᠨᠢ ᠢᠨᠢᠶᠡ ᠢᠨᠢᠶᠡ᠂ ᠢᠨᠢᠶᠡᠯᠳᠦᠨ ᠮᠥᠩᠬᠡᠷᠡ
2024,8,23
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠮᠥᠴᠢᠷ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠦᠰᠦᠭ ᠬᠢᠨᠠᠭᠴᠢ ᠄ ᠮᠥᠴᠢᠷ ᠂ ᠲᠤᠭᠴᠢ ᠰᠠᠷᠠᠨᠠ
ᠵᠣᠬᠢᠶᠠᠭᠴᠢ ᠶ᠋ᠢᠨ ᠬᠠᠶᠢᠭ᠄ ᠳᠥᠷᠪᠡᠳ᠂ ᠡᠷᠳᠡᠨᠢᠪᠠᠶᠠᠷ
ᠤᠯᠠᠭᠠᠨᠬᠠᠳᠠ ᠬᠣᠲᠠ ᠶ᠋ᠢᠨ ᠠᠷᠤ ᠬᠣᠷᠴᠢᠨ ᠬᠤᠰᠢᠭᠤᠨ ᠤ᠋ ᠴᠢᠪᠠᠭᠠ ᠶ᠋ᠢᠨ ᠬᠣᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ