ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠБид хөдөөний хүүхдүүд байлаа
3188ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ
ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ
ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠦᠰᠡᠯᠡᠭᠦᠷ ᠲᠦ᠍ ᠰᠢᠯᠪᠢᠭᠦᠷ ᠰᠣᠢᠵᠤ ᠮᠣᠷᠢᠨ ᠳ᠋ᠤ᠌ ᠳᠤᠷᠠᠯᠠᠭᠰᠠᠨ
ᠭᠡᠷᠭᠡᠢ ᠲᠡᠢ ᠪᠣᠯᠵᠤ ᠴᠢᠯᠠᠭᠤᠨ ᠭᠡᠷ ᠲᠦ᠍ ᠡᠵᠡᠨ ᠰᠠᠭᠤᠵᠤ ᠲᠣᠭᠯᠠᠭᠰᠠᠨ
ᠰᠠᠭᠠᠷᠢᠨ ᠬᠠᠴᠠᠷᠯᠠᠵᠤ ᠪᠤᠰᠤᠳ ᠤ᠋ᠨ ᠥᠬᠥᠭᠡᠷᠳᠡᠯᠲᠡ ᠳ᠋ᠦ᠍( ᠴᠡᠭᠡᠷ ) ᠲᠡᠢ ᠪᠣᠯᠤᠭᠰᠠᠨ
ᠰᠠᠢᠨ ᠡᠷᠡ ᠪᠣᠯᠤᠨᠠ ᠭᠡᠵᠦ ᠠᠢᠯ ᠤ᠋ᠨ ᠡᠪᠦᠭᠡ ᠳ᠋ᠦ᠍ ᠮᠠᠭᠲᠠᠭᠤᠯᠵᠤ ᠶᠠᠪᠤᠭᠰᠠᠨ
ᠪᠢ ᠬᠥᠳᠡᠭᠡᠨ ᠦ᠌ ᠬᠦᠦ ᠪᠠᠢᠯᠠ
ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ
ᠰᠠᠭᠠᠬᠠᠯᠲᠠ ᠶ᠋ᠢᠨ ᠬᠣᠭᠣᠷᠣᠨᠳᠣ ᠭᠡᠳᠡᠰᠦ ᠳᠣᠲᠣᠷ ᠵᠥᠭᠡᠭᠡᠵᠦ
ᠰᠠᠪᠠᠨ ᠳ᠋ᠤ᠌ ᠨᠢ ᠢᠷᠡᠭᠰᠡᠨ ᠠᠮᠲᠠᠲᠠᠨ ᠳ᠋ᠤ᠌ ᠰᠡᠳᠬᠢᠯ ᠬᠥᠭᠡᠷᠴᠦ ᠭᠦᠶᠦᠭᠰᠡᠨ
ᠲᠣᠮᠣ ᠪᠣᠯᠤᠭᠠᠳ ᠪᠢ ᠤᠶᠠᠭᠠᠴᠢ ᠪᠣᠯᠤᠨᠠ ᠭᠡᠵᠦ
ᠱᠠᠭᠠᠢ ᠬᠠᠷᠪᠤᠵᠤ ᠮᠣᠷᠢ ᠤᠷᠤᠯᠳᠤᠭᠤᠯᠤᠭᠰᠠᠨ
ᠲᠣᠮᠣᠳᠠᠭᠰᠠᠨ ᠭᠤᠲᠤᠯ ᠲᠠᠢ᠂ ᠲᠣᠮᠣᠭᠠ ᠪᠣᠳᠣᠯ ᠲᠠᠢ᠂ ᠵᠢᠵᠢᠭᠬᠡᠨ ᠪᠡᠶᠡ ᠲᠡᠢ
ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ᠃
ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ
ᠦᠶᠡ ᠶ᠋ᠢᠨ ᠬᠡᠦᠬᠡᠳ ᠦ᠋ᠳ ᠲᠡᠢ ᠪᠤᠭᠤᠢᠯᠢ ᠪᠤᠯᠢᠶᠠᠯᠳᠤᠵᠤ
ᠦᠨᠢᠶᠡᠨ ᠦ᠌ ᠵᠠᠯᠠᠨ ᠳ᠋ᠤ᠌ ᠲᠤᠭᠤᠯ ᠲᠠᠢ ᠨᠣᠴᠣᠯᠳᠤᠵᠤ
ᠨᠣᠢᠷ ᠢ᠋ᠶ᠋ᠠᠨ ᠬᠦᠷᠲᠡᠯᠡ ᠲᠠᠷᠠᠭ ᠤᠤᠭᠤᠵᠤ
ᠨᠤᠤᠯᠠᠷᠠᠭᠰᠠᠨ ᠳᠡᠪᠡᠯ ᠢ᠋ᠶ᠋ᠡᠨ ᠬᠠᠳᠠᠨ ᠳ᠋ᠤ᠌ ᠤᠷᠠᠵᠤ
ᠨᠣᠴᠣᠯᠳᠤᠬᠤ ᠶᠠᠭᠤᠮᠠ ᠡᠬᠢ ᠲᠡᠢ ᠠᠵᠢᠯᠰᠠᠭ
ᠨᠣᠮᠯᠠᠬᠤ ᠬᠥᠮᠦᠨ ᠡᠬᠡ ᠲᠡᠢ ᠰᠣᠨᠣᠰᠤᠭᠴᠢ
ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠪᠠᠢᠯᠠ
ᠬᠣᠨᠢᠨ ᠤ᠋ ᠮᠣᠷᠢᠨ ᠳ᠋ᠤ᠌ ᠳᠥᠷᠥᠭᠡᠯᠡᠴᠢᠬᠡᠭᠡᠳ
ᠡᠷᠡ ᠬᠥᠮᠦᠨ ᠪᠣᠯᠤᠭᠰᠠᠨ ᠶᠤᠮ ᠰᠢᠭ᠋ ᠣᠩᠭᠢᠷᠠᠵᠤ
ᠬᠣᠩᠭᠣᠷ ᠤ᠋ᠨ ᠢ᠋ᠶ᠋ᠠᠨ
ᠵᠢᠭᠠᠯ ᠢ᠋ᠶ᠋ᠠᠷ ᠳᠠᠪᠠᠴᠢᠬᠠᠭᠠᠳ
ᠠᠪᠤᠷᠭᠤ ᠪᠣᠯᠤᠭᠰᠠᠨ ᠶᠤᠮ ᠰᠢᠭ᠋ ᠣᠭᠣᠳᠣᠷᠠᠵᠤ
ᠪᠣᠷᠣ ᠬᠣᠳᠣᠭᠣᠳᠣ ᠪᠠᠨ ᠠᠭᠠᠷᠤᠤᠯ ᠵᠥᠭᠡᠬᠡᠢ ᠬᠢᠨ ᠢ᠋ᠶ᠋ᠡᠷ ᠳᠦᠭᠦᠷᠭᠡᠴᠢᠬᠡᠭᠡᠳ
ᠪᠣᠳᠣᠬᠤ ᠰᠠᠨᠠᠬᠤ ᠶᠠᠭᠤᠮᠠ ᠦᠭᠡᠢ ᠡᠳᠦᠷᠵᠢᠨ ᠭᠠᠳᠠᠭᠠ ᠲᠣᠭᠯᠠᠳᠠᠭ
ᠪᠢ ᠬᠥᠳᠡᠭᠡᠨ ᠦ᠌ ᠬᠦᠦ ᠪᠠᠢᠯᠠ
ᠨᠡᠭᠦᠳᠡᠯ ᠬᠢᠬᠦ ᠳ᠋ᠦ᠍ ᠠᠷᠤᠭ ᠲᠤ ᠪᠠᠭᠲᠠᠭᠠᠳ ᠰᠠᠭᠤᠴᠢᠬᠠᠳᠠᠭ
ᠨᠡᠭᠦᠵᠦ ᠢᠷᠡᠭᠰᠡᠨ ᠠᠢᠯ ᠤ᠋ᠨ ᠥᠭᠡᠳᠡ ᠡᠴᠡ ᠡᠵᠢ ᠲᠡᠢ ᠪᠡᠨ ᠬᠠᠮᠲᠤ ᠴᠠᠢ ᠪᠠᠷᠢᠭᠠᠳ ᠤᠭᠲᠤᠳᠠᠭ
ᠡᠮᠧ ᠢᠮᠠᠭᠠ ᠬᠣᠶᠠᠷ ᠢ᠋ ᠰᠠᠭᠠᠯᠢ ᠶ᠋ᠢᠨ ᠴᠠᠭ ᠢ᠋ᠶ᠋ᠠᠷ ᠣᠷᠢᠯᠠᠭᠤᠯᠳᠠᠭ
ᠡᠵᠢ ᠳ᠋ᠦ᠍ ᠪᠡᠨ ᠮᠥᠨ ᠴᠦ᠍ ᠰᠠᠬᠢᠯᠭᠠ ᠦᠭᠡᠢ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ
ᠪᠢᠳᠡ ᠬᠥᠳᠡᠭᠡᠨ ᠦ᠌ ᠬᠡᠦᠬᠡᠳ ᠦ᠋ᠳ ᠪᠠᠢᠯᠠ