ᠪᠣᠳᠣᠯ ᠲᠥᠭᠡᠷᠢᠭᠳᠡᠭᠰᠡᠨ ᠨᠠᠮᠤᠷ -ᠰᠢᠨᠡБодол төөрөгдсөн намар-Шинэ
1674ᠪᠣᠳᠣᠯ ᠲᠥᠭᠡᠷᠢᠭᠳᠡᠭᠰᠡᠨ ᠨᠠᠮᠤᠷ
ᠰᠢᠨᠡ
ᠪᠤᠴᠠᠬᠤ ᠪᠠᠨ ᠮᠠᠷᠲᠠᠭᠰᠠᠨ ᠨᠠᠮᠤᠷ
ᠪᠣᠷᠣᠭᠠᠨ ᠱᠠᠭᠢᠵᠤ ᠵᠦᠰᠡᠷᠡᠨᠡ
ᠪᠣᠭᠣᠵᠢ ᠲᠠᠢ ᠡᠪᠡᠰᠦ ᠶ᠋ᠢ ᠳᠡᠪᠲᠦᠭᠡᠵᠦ
ᠪᠣᠳᠣᠯ ᠰᠡᠳᠬᠢᠯ ᠢ᠋ ᠳᠡᠩᠰᠡᠯᠭᠡᠨᠡ
ᠬᠠᠷᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠨᠠᠮᠤᠷ
ᠬᠠᠯᠠᠭᠤᠨ ᠵᠤᠨ ᠰᠢᠭ᠋ ᠪᠣᠷᠣᠭᠠᠯᠠᠨᠠ
ᠬᠠᠳᠤᠭᠰᠠᠨ ᠡᠪᠡᠰᠦ ᠬᠠᠷᠠᠯᠠᠵᠤ
ᠬᠠᠰᠢᠷ ᠮᠠᠯᠴᠢᠳ ᠢ᠋ ᠲᠠᠷᠴᠢᠯᠭᠠᠨᠠ
ᠡᠭᠦᠯᠡ ᠮᠠᠨᠠᠨ ᠢᠰᠡᠭᠡᠢᠷᠡᠭᠡᠳ
ᠥᠨᠵᠢᠵᠦ ᠬᠣᠨᠣᠯ ᠦᠭᠡᠢ ᠪᠣᠷᠣᠭᠠᠯᠠᠨᠠ
ᠦᠷᠡᠯᠡᠵᠦ ᠬᠠᠲᠠᠭᠰᠠᠨ ᠤᠷᠭᠤᠮᠠᠯ
ᠦᠨᠳᠦᠰᠦ ᠬᠠᠳᠬᠤᠨ ᠰᠣᠶᠣᠭᠠᠯᠠᠨᠠ
ᠨᠠᠮᠤᠷ ᠤ᠋ᠨ ᠰᠢᠷᠭᠠᠯ ᠲᠡᠨᠡᠭ ᠨᠠᠷᠠ
ᠨᠠᠷᠰᠢᠵᠤ ᠬᠠᠯᠠᠮᠠᠷ ᠲᠥᠭᠡᠨᠡᠵᠡᠢ
ᠨᠠᠢᠷ ᠨᠠᠭᠠᠳᠤᠮ ᠣᠯᠠᠰᠢᠷᠠᠭᠠᠳ
ᠨᠠᠢᠵᠠ ᠶ᠋ᠢᠨ ᠲᠣᠭᠣᠷᠢᠭ ᠲᠤ᠌ ᠬᠥᠭᠯᠡᠷᠡᠵᠡᠢ
ᠨᠠᠭᠤᠷ ᠢ᠋ᠶ᠋ᠠᠨ ᠴᠢᠮᠡᠭᠰᠡᠨ ᠭᠠᠯᠠᠭᠤᠳ
ᠨᠡᠭᠦᠳᠡᠯ ᠢ᠋ᠶ᠋ᠡᠨ ᠮᠠᠷᠲᠠᠭᠠᠳ ᠭᠠᠩᠭᠠᠨᠠᠨᠠ
ᠨᠥᠮᠥᠷᠢ ᠳ᠋ᠦ᠍ ᠬᠣᠷᠭᠣᠳᠠᠭᠰᠠᠨ ᠴᠡᠴᠡᠭ
ᠨᠠᠪᠴᠢᠯᠠᠵᠤ ᠳᠡᠯᠭᠡᠷᠡᠭᠡᠳ ᠭᠠᠩᠬᠤᠯᠵᠠᠨᠠ
ᠴᠠᠰᠤ᠂ ᠪᠣᠷᠣᠭᠠᠨ ᠡᠭᠡᠯᠵᠢᠯᠡᠭᠡᠳ
ᠴᠠᠷᠴᠠᠵᠤ ᠬᠥᠯᠳᠡᠬᠦ ᠪᠡᠨ ᠮᠠᠷᠲᠠᠵᠠᠢ
ᠴᠠᠭᠠᠳᠤᠬᠢ ᠠᠵᠢᠯ ᠤ᠋ᠳ ᠰᠤᠨᠵᠢᠷᠠᠭᠠᠳ
ᠴᠠᠭ ᠢ᠋ᠶ᠋ᠠᠨ ᠬᠦᠯᠢᠶᠡᠭᠡᠳ ᠣᠪᠣᠭᠠᠷᠠᠵᠠᠢ
ᠡᠪᠦᠯ᠂ ᠨᠠᠮᠤᠷ ᠬᠤᠳᠬᠤᠯᠳᠤᠭᠠᠳ
ᠡᠯᠳᠡᠪ ᠥᠩᠭᠡ ᠶ᠋ᠢᠨ ᠡᠭᠡᠰᠢᠭ ᠲᠡᠢ
ᠡᠷᠭᠢᠬᠦ ᠤᠯᠠᠷᠢᠯ ᠵᠥᠷᠢᠴᠡᠯᠳᠦᠭᠡᠳ
ᠥᠩᠭᠡᠷᠡᠬᠦ ᠬᠣᠨᠣᠭ ᠤ᠋ᠳ ᠦᠯᠢᠭᠡᠷ ᠲᠡᠢ
ᠨᠠᠮᠤᠷ ᠤ᠋ᠨ ᠬᠤᠷᠢᠶᠠᠯᠲᠠ ᠬᠠᠷᠰᠢᠯᠠᠭᠳᠠᠭᠠᠳ
ᠨᠠᠮᠠᠶ᠋ᠢ ᠴᠢᠮᠠᠶ᠋ᠢ ᠪᠠᠴᠢᠮᠳᠠᠭᠤᠯᠤᠨᠠ
ᠨᠠᠢᠷᠰᠠᠭ ᠶᠢᠷᠲᠢᠨᠴᠦ ᠥᠭᠡᠷᠡᠴᠢᠯᠡᠭᠳᠡᠭᠡᠳ
ᠨᠠᠭᠠᠳᠤᠬᠢ ᠪᠣᠳᠣᠯ ᠲᠥᠭᠡᠷᠢᠭᠳᠡᠭᠰᠡᠨ ᠨᠠᠮᠤᠷ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠢᠨᠡ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ