ᠡᠬᠡ ᠬᠡᠯᠡ ᠮᠢᠨᠢ -ᠮᠠᠨᠳᠤᠬᠤ ᠪᠠᠭᠰᠢ ᠶᠢᠨ ᠤᠷᠠᠨ ᠪᠢᠴᠢᠯᠭᠡ
1125ᠡᠬᠡ ᠬᠡᠯᠡ ᠮᠢᠨᠢ
ᠡᠵᠢ ᠶ᠋ᠢᠨ ᠠ᠋ ᠪᠠᠷ ᠡᠰᠡᠨᠢᠨ ᠳᠡᠯᠭᠡᠷᠡᠭᠰᠡᠨ
ᠡᠭᠡᠰᠢᠭ ᠭᠡᠢᠭᠦᠯᠦᠭᠴᠢ ᠪᠡᠷ ᠡᠪᠯᠡᠨ ᠪᠦᠲᠦᠭᠰᠡᠨ
ᠡᠷᠳᠡᠮ ᠵᠢᠳᠬᠦᠯ ᠢ᠋ᠶ᠋ᠡᠷ ᠥᠪᠯᠡᠵᠦ ᠢᠷᠡᠭᠰᠡᠨ
ᠡᠬᠡ ᠬᠡᠯᠡ ᠮᠣᠩᠭᠣᠯ ᠬᠡᠯᠡ ᠮᠢᠨᠢ
ᠠᠯᠤᠰ ᠤ᠋ᠨ ᠵᠠᠭᠤᠨ ᠤ᠋ ᠭᠡᠷᠡᠯᠲᠦ ᠬᠥᠰᠢᠶᠡ ᠮᠢᠨᠢ
ᠳᠡᠯᠡᠬᠡᠢ ᠳ᠋ᠦ᠍ ᠪᠢᠴᠢᠭᠰᠡᠨ ᠦᠰᠦᠭ ᠨᠢ ᠪᠣᠰᠤᠭᠠ
ᠳᠡᠯᠭᠡᠵᠦ ᠲᠣᠪᠴᠢᠯᠠᠭᠰᠠᠨ ᠰᠤᠳᠤᠷ ᠨᠢ ᠠᠷᠢᠭᠤᠨ
ᠳᠡᠭᠡᠳᠦᠰ ᠢ᠋ᠶ᠋ᠡᠷ ᠡᠰᠢᠯᠡᠭᠰᠡᠨ ᠲᠡᠦᠬᠡ ᠨᠢ ᠥᠷᠯᠥᠭ
ᠳᠠᠪᠰᠢᠯ ᠮᠠᠨᠳᠤᠯ ᠳ᠋ᠤ᠌ ᠭᠠᠪᠢᠶᠠ ᠨᠢ ᠦᠯᠡᠮᠵᠢᠬᠡᠨ
ᠡᠬᠡ ᠬᠡᠯᠡ ᠮᠣᠩᠭᠣᠯ ᠬᠡᠯᠡ ᠮᠢᠨᠢ
ᠠᠷᠢᠭᠤᠨ ᠦᠢᠯᠡᠰ ᠦ᠋ᠨ ᠭᠠᠩ ᠲᠤᠯᠭᠠ ᠮᠢᠨᠢ
ᠤᠯᠠᠭᠠ ᠵᠠᠯᠭᠠᠨ ᠥᠮᠴᠢᠯᠡᠵᠦ ᠥᠭᠬᠦ
ᠤᠯᠪᠠᠭᠠ ᠲᠡᠳᠡᠨ ᠬᠠᠮᠠᠭᠠᠯᠠᠵᠤ ᠶᠠᠪᠤᠬᠤ
ᠤᠬᠠᠭᠠᠨ ᠪᠣᠳᠣᠯ ᠳ᠋ᠠᠭᠠᠨ ᠤᠴᠢᠭᠯᠠᠨ ᠳᠡᠭᠡᠳᠦᠯᠡᠬᠦ
ᠤᠳᠤᠮ ᠬᠣᠢᠴᠢᠰ ᠲᠠᠭᠠᠨ ᠤᠴᠢᠷᠯᠠᠨ ᠦᠯᠡᠳᠡᠭᠡᠬᠦ
ᠡᠬᠡ ᠬᠡᠯᠡ ᠮᠣᠩᠭᠣᠯ ᠬᠡᠯᠡ ᠮᠢᠨᠢ
ᠠᠶᠠᠨ ᠤ᠋ ᠬᠣᠯᠠ ᠶ᠋ᠢᠨ ᠠᠯᠲᠠᠨ ᠳᠥᠷᠥᠭᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠮᠥᠩᠭᠥᠨ