ᠶᠠᠭᠠᠬᠢᠬᠤ ᠶᠤᠮ ᠪᠣᠢ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Яахиху юм бий - Очирбатын Дашбалбар
930ᠶᠠᠭᠠᠬᠢᠬᠤ ᠶᠤᠮ ᠪᠣᠢ
ᠰᠢᠨᠠᠯᠬᠤ ᠦᠭᠡᠢ ᠶᠦᠮ ᠪᠣᠯ ᠰᠡᠳᠬᠢᠯ ᠵᠢᠷᠦᠬᠡ ᠪᠡᠷ ᠶᠠᠭᠠᠬᠢᠬᠤ ᠶᠤᠮ
ᠰᠢᠷᠠᠲᠤᠬᠤ ᠦᠭᠡᠢ ᠶᠦᠮ ᠪᠣᠯ ᠬᠠᠲᠠᠭᠤ ᠠᠷᠢᠬᠢ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠴᠡᠩᠭᠡᠬᠦ ᠦᠭᠡᠢ ᠶᠦᠮ ᠪᠣᠯ ᠭᠤᠸᠠ ᠥᠬᠢᠳ ᠢ᠋ᠶ᠋ᠡᠷ ᠶᠠᠭᠠᠬᠢᠬᠤ ᠶᠤᠮ
ᠴᠡᠴᠡᠭᠯᠡᠬᠦ ᠦᠭᠡᠢ ᠶᠦᠮ ᠪᠣᠯ ᠭᠣᠶᠣ ᠮᠣᠨᠣᠰᠣ ᠶᠠᠭᠠᠬᠢᠬᠤ ᠶᠤᠮ
ᠠᠩᠭᠢᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠥᠮᠥ ᠽᠠᠨᠳᠠᠨ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠶᠤᠮ
ᠠᠮᠠᠷᠠᠭᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠤᠶᠠᠬᠠᠨ ᠥᠬᠢᠳ ᠢ᠋ᠶ᠋ᠡᠷ ᠶᠠᠭᠠᠬᠢᠬᠤ ᠶᠤᠮ
ᠦᠨᠦᠰᠬᠦ ᠦᠭᠡᠢ ᠶᠦᠮ ᠪᠣᠯ ᠶᠠᠭᠠᠬᠠᠨ ᠤᠷᠤᠭᠤᠯ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠶᠤᠮ
ᠦᠭᠡᠢᠯᠡᠬᠦ ᠦᠭᠡᠢ ᠶᠦᠮ ᠪᠣᠯ ᠢᠯᠳᠠᠮᠬᠠᠨ ᠬᠠᠷᠠᠴᠠ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠤᠬᠢᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠤᠰᠤᠨ ᠨᠢᠯᠪᠤᠰᠤ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠠᠭᠤᠯᠵᠠᠬᠤ ᠦᠭᠡᠢ ᠶᠦᠮ ᠪᠣᠯ ᠭᠦᠨ ᠤᠢᠳᠬᠠᠷ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠶᠤᠮ
ᠲᠡᠪᠡᠷᠢᠬᠦ ᠦᠭᠡᠢ ᠶᠦᠮ ᠪᠣᠯ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠶᠤᠮ
ᠲᠡᠪᠴᠢᠶᠡᠷᠢ ᠦᠭᠡᠢ ᠶᠦᠮ ᠪᠣᠯ ᠬᠠᠢᠷᠠ ᠰᠡᠳᠬᠢᠯ ᠢ᠋ᠶ᠋ᠡᠷ ᠶᠠᠭᠠᠬᠢᠬᠤ ᠶᠤᠮ
ᠲᠣᠭᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠬᠠᠰ ᠰᠢᠳᠡᠷᠡ ᠪᠡᠷ ᠶᠠᠭᠠᠬᠢᠬᠤ ᠶᠤᠮ
ᠲᠣᠭᠣᠰᠣᠷᠠᠬᠤ ᠦᠭᠡᠢ ᠶᠦᠮ ᠪᠣᠯ ᠬᠠᠷᠭᠤᠢ ᠵᠠᠮ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠶᠤᠮ
ᠳᠡᠭᠳᠡᠬᠦ ᠦᠭᠡᠢ ᠶᠦᠮ ᠪᠣᠯ ᠲᠠᠤᠯᠠᠢ ᠶ᠋ᠢᠨ ᠪᠥᠵᠥᠩ ᠢ᠋ᠶ᠋ᠡᠷ ᠶᠠᠭᠠᠬᠢᠬᠤ ᠶᠤᠮ
ᠳᠡᠪᠬᠡᠷᠬᠦ ᠦᠭᠡᠢ ᠶᠦᠮ ᠪᠣᠯ ᠵᠠᠯᠠᠭᠤ ᠨᠠᠰᠤ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠤᠷᠭᠤᠬᠤ ᠦᠭᠡᠢ ᠶᠦᠮ ᠪᠣᠯ ᠠᠮᠤ ᠦᠷᠡ ᠪᠡᠷ ᠶᠠᠭᠠᠬᠢᠬᠤ ᠶᠤᠮ
ᠤᠰᠤ ᠦᠭᠡᠢ ᠶᠦᠮ ᠪᠣᠯ ᠭᠣᠣᠯ ᠤᠰᠤ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠬᠠᠰᠢᠬᠤ ᠦᠭᠡᠢ ᠶᠦᠮ ᠪᠣᠯ ᠡᠷᠭᠢ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠬᠠᠰᠢᠷᠠᠬᠤ ᠦᠭᠡᠢ ᠶᠦᠮ ᠪᠣᠯ ᠠᠯᠳᠠᠵᠤ ᠤᠨᠤᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠱᠠᠷᠬᠢᠬᠤ ᠦᠭᠡᠢ ᠶᠦᠮ ᠪᠣᠯ ᠨᠠᠮᠤᠷ ᠤ᠋ᠨ ᠲᠠᠷᠢᠶᠠ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠰᠢᠲᠠᠬᠤ ᠦᠭᠡᠢ ᠶᠦᠮ ᠪᠣᠯ ᠨᠠᠢᠷᠠᠭ ᠰᠢᠯᠦᠭ ᠢ᠋ᠶ᠋ᠡᠷ ᠶᠠᠭᠠᠬᠢᠬᠤ ᠶᠤᠮ᠃
ᠬᠣᠶᠠᠷ
ᠭᠠᠩ ᠳᠠᠢᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠬᠤᠷᠠ ᠪᠣᠷᠣᠭᠠ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠭᠠᠵᠠᠷ ᠬᠣᠷᠣᠭᠠᠬᠤ ᠦᠭᠡᠢ ᠶᠦᠮ ᠪᠣᠯ ᠬᠦᠯᠦᠭ ᠮᠣᠷᠢ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠠᠭᠠᠷᠤᠤᠯ ᠳᠠᠭᠠᠭᠠᠬᠤ ᠦᠭᠡᠢ ᠶᠦᠮ ᠪᠣᠯ ᠠᠷᠠᠭᠠ ᠰᠢᠲᠦ ᠪᠡᠷ ᠶᠠᠭᠠᠬᠢᠬᠤ ᠶᠤᠮ
ᠠᠪᠠᠭᠠᠢ ᠲᠣᠭᠣᠬᠤ ᠦᠭᠡᠢ ᠶᠦᠮ ᠪᠣᠯ ᠬᠠᠷᠠᠴᠤᠤᠯ ᠬᠦᠦ ᠪᠡᠷ ᠶᠠᠭᠠᠬᠢᠬᠤ ᠶᠤᠮ
ᠪᠤᠷᠤᠭᠤ ᠨᠣᠮᠲᠠᠨ ᠶᠤᠮ ᠪᠣᠯ ᠡᠷᠳᠡᠮ ᠵᠢᠭᠠᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠪᠤᠶᠠᠨ ᠬᠢᠬᠦ ᠦᠭᠡᠢ ᠶᠦᠮ ᠪᠣᠯ ᠠᠮᠢᠳᠤ ᠶᠠᠪᠤᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠴᠠᠰᠤ ᠪᠤᠲᠠᠷᠠᠬᠤ ᠦᠭᠡᠢ ᠶᠦᠮ ᠪᠣᠯ ᠡᠪᠦᠯ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠴᠠᠭ ᠬᠣᠵᠢᠬᠤ ᠦᠭᠡᠢ ᠶᠦᠮ ᠪᠣᠯ ᠡᠷᠳᠡᠮᠲᠡᠨ ᠭᠡᠳ ᠶᠠᠭᠠᠬᠢᠬᠤ ᠶᠤᠮ
ᠡᠵᠢ ᠪᠡᠨ ᠳᠡᠭᠡᠳᠦᠯᠡᠬᠦ ᠦᠭᠡᠢ ᠶᠦᠮ ᠪᠣᠯ ᠲᠣᠯᠣᠭᠠᠢ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠠᠢᠷᠠᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠢᠷᠭᠡᠨ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠠᠷᠠᠳ ᠲᠦᠮᠡᠨ ᠢ᠋ᠶ᠋ᠡᠨ ᠬᠦᠨᠳᠦᠯᠡᠬᠦ ᠦᠭᠡᠢ ᠶᠦᠮ ᠪᠣᠯ ᠤᠬᠠᠭᠠᠨ ᠲᠠᠢ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠠᠬᠠ ᠳᠡᠭᠦᠦᠰ ᠢ᠋ᠶ᠋ᠡᠨ ᠲᠡᠳᠬᠦᠬᠦ ᠦᠭᠡᠢ ᠶᠦᠮ ᠪᠣᠯ ᠲᠥᠷᠥᠯ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠢᠲᠡᠭᠡᠵᠦ ᠵᠠᠯᠪᠠᠷᠢᠬᠤ ᠦᠭᠡᠢ ᠶᠦᠮ ᠪᠣᠯ ᠪᠤᠷᠬᠠᠨ ᠰᠢᠲᠦᠭᠡᠳ ᠶᠠᠭᠠᠬᠢᠬᠤ ᠶᠤᠮ
ᠢᠨᠢᠶᠡᠵᠦ ᠬᠥᠬᠥᠷᠡᠬᠦ ᠦᠭᠡᠢ ᠶᠦᠮ ᠪᠣᠯ ᠠᠮᠢᠳᠤ ᠶᠠᠪᠤᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠭᠣᠣᠯ ᠭᠣᠷᠣᠬᠠ ᠭᠤᠷᠴᠢᠭᠢᠨᠠᠬᠤ ᠦᠭᠡᠢ ᠶᠦᠮ ᠪᠣᠯ ᠬᠠᠪᠤᠷ ᠢᠷᠡᠭᠡᠳ ᠶᠠᠭᠠᠬᠢᠬᠤ ᠶᠤᠮ
ᠭᠣᠶᠣ ᠴᠡᠴᠡᠭ ᠳᠠᠯᠪᠢᠯᠠᠬᠦ ᠦᠭᠡᠢ ᠶᠦᠮ ᠪᠣᠯ ᠵᠤᠨ ᠪᠣᠯᠤᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠠᠯᠤᠰ ᠢ᠋ᠶ᠋ᠠᠷ ᠭᠢᠯᠠᠯᠵᠠᠬᠤ ᠦᠭᠡᠢ ᠶᠦᠮ ᠪᠣᠯ ᠣᠳᠣᠳ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠠᠯᠳᠠᠷᠠᠭᠰᠠᠨ ᠨᠠᠪᠴᠢᠰ ᠬᠡᠢᠰᠬᠦ ᠦᠭᠡᠢ ᠶᠦᠮ ᠪᠣᠯ ᠨᠠᠮᠤᠷ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠤᠷᠲᠤ ᠠ᠋ᠴᠠ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠦᠮ ᠪᠣᠯ ᠢᠷᠡᠭᠡᠳᠦᠢ ᠶ᠋ᠢ ᠳᠠᠭᠤᠳᠠᠭᠠᠳ ᠶᠠᠭᠠᠬᠢᠬᠤ ᠶᠤᠮ
ᠤᠢᠮᠤᠷᠠᠭᠠ ᠴᠢᠪᠠᠭᠠᠨᠴᠠ ᠰᠢᠭ᠋ ᠶᠦᠮ ᠪᠣᠯ ᠵᠠᠯᠠᠭᠤ ᠨᠠᠰᠤ ᠪᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠤᠶᠠᠩᠭᠠᠯᠠᠨ ᠳᠠᠭᠤᠯᠠᠬᠤ ᠦᠭᠡᠢ ᠶᠦᠮ ᠪᠣᠯ ᠬᠣᠭᠣᠯᠠᠢ ᠵᠠᠶᠠᠭᠠᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠤᠴᠢᠷᠯᠠᠵᠤ ᠰᠤᠷᠬᠤ ᠦᠭᠡᠢ ᠶᠦᠮ ᠪᠣᠯ ᠬᠡᠯᠡ ᠲᠡᠢ ᠪᠠᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠭᠤᠷᠪᠠ
ᠨᠠᠷᠠᠨ ᠰᠠᠷᠠᠨ ᠦᠭᠡᠢ ᠶᠦᠮ ᠪᠣᠯ ᠲᠩᠷᠢ ᠴᠡᠯᠡᠢᠭᠡᠳ ᠴᠦ᠍ ᠶᠠᠭᠠᠬᠢᠬᠤ ᠶᠤᠮ
ᠰᠠᠷᠠᠭᠤᠯ ᠤᠬᠠᠭᠠᠨ ᠦᠭᠡᠢ ᠶᠦᠮ ᠪᠣᠯ ᠲᠡᠩᠬᠡᠭᠡ ᠲᠡᠢ ᠬᠥᠮᠦᠨ ᠡᠴᠡ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠬᠠᠪᠤᠷ ᠨᠠᠮᠤᠷ ᠦᠭᠡᠢ ᠶᠦᠮ ᠪᠣᠯ ᠡᠪᠦᠯ ᠵᠤᠨ ᠢ᠋ᠶ᠋ᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠬᠠᠷᠠᠩᠭᠤᠢ ᠰᠥᠨᠢ ᠦᠭᠡᠢ ᠶᠦᠮ ᠪᠣᠯ ᠭᠡᠭᠡᠨ ᠡᠳᠦᠷ ᠢ᠋ᠶ᠋ᠡᠷ ᠴᠦ᠍ ᠶᠠᠭᠠᠬᠢᠬᠤ ᠶᠤᠮ
ᠠᠪᠢᠶᠠᠰ ᠪᠢᠯᠢᠭ ᠦᠭᠡᠢ ᠶᠦᠮ ᠪᠣᠯ ᠢᠷᠠᠭᠤ ᠨᠠᠢᠷᠠᠭᠴᠢ ᠪᠠᠷ ᠶᠠᠭᠠᠬᠢᠬᠤ ᠶᠤᠮ
ᠠᠪᠬᠤ ᠭᠡᠭᠡᠬᠦ ᠨᠢ ᠦᠭᠡᠢ ᠶᠦᠮ ᠪᠣᠯ ᠰᠤᠳᠤᠷ ᠨᠣᠮ ᠢ᠋ᠶ᠋ᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠬᠣᠣᠷᠲᠠᠢ ᠳᠠᠢᠰᠤᠨ ᠦᠭᠡᠢ ᠶᠦᠮ ᠪᠣᠯ ᠫᠤᠤ ᠰᠤᠮᠤ ᠪᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠬᠣᠪᠣᠷ ᠡᠷᠳᠡᠨᠢ ᠦᠭᠡᠢ ᠶᠦᠮ ᠪᠣᠯ ᠡᠷᠢᠯ ᠰᠤᠷᠠᠯ ᠢ᠋ᠶ᠋ᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠬᠣᠯᠠ ᠦᠷᠡ ᠨᠢ ᠦᠭᠡᠢ ᠶᠦᠮ ᠪᠣᠯ ᠣᠷᠣᠨ ᠵᠠᠢ ᠪᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠬᠣᠭᠣᠰᠣᠨ ᠴᠢᠨᠠᠷ ᠦᠭᠡᠢ ᠶᠦᠮ ᠪᠣᠯ ᠪᠣᠳᠠᠲᠠᠢ ᠪᠠᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠴᠠᠢ ᠴᠢᠨᠠᠬᠤ ᠨᠢ ᠦᠭᠡᠢ ᠶᠦᠮ ᠪᠣᠯ ᠡᠬᠡᠨᠡᠷ ᠠᠪᠤᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠴᠠᠮᠴᠠ ᠪᠠᠨ ᠣᠶᠣᠬᠤ ᠨᠢ ᠦᠭᠡᠢ ᠶᠦᠮ ᠪᠣᠯ ᠨᠥᠬᠥᠷ ᠲᠦ᠍ ᠭᠠᠷᠤᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠦᠢᠯᠡᠰ ᠵᠠᠯᠭᠠᠬᠤ ᠦᠭᠡᠢ ᠶᠦᠮ ᠪᠣᠯ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠷ ᠴᠦ᠍ ᠶᠠᠭᠠᠬᠢᠬᠤ ᠶᠤᠮ
ᠦᠨᠡᠨ ᠬᠤᠳᠠᠯ ᠢ᠋ ᠢᠯᠭᠠᠬᠤ ᠦᠭᠡᠢ ᠶᠦᠮ ᠪᠣᠯ ᠪᠠᠭᠰᠢ ᠯᠠᠮᠠ ᠪᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠡᠰᠢ ᠨᠢ ᠦᠭᠡᠢ ᠶᠦᠮ ᠪᠣᠯ ᠰᠦᠬᠡ ᠪᠠᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠢᠷ ᠨᠢ ᠦᠭᠡᠢ ᠶᠦᠮ ᠪᠣᠯ ᠢᠯᠳᠦ ᠪᠠᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠨᠤᠮᠤ ᠨᠢ ᠦᠭᠡᠢ ᠶᠦᠮ ᠪᠣᠯ ᠰᠤᠮᠤ ᠨᠢ ᠪᠠᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠨᠢᠭᠤᠴᠠ ᠨᠢ ᠦᠭᠡᠢ ᠶᠦᠮ ᠪᠣᠯ ᠲᠥᠷᠥ ᠪᠠᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠤᠩᠰᠢᠬᠤ ᠨᠢ ᠦᠭᠡᠢ ᠶᠦᠮ ᠪᠣᠯ ᠨᠣᠮ ᠬᠤᠷᠢᠶᠠᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠤᠬᠠᠭᠠᠨᠲᠠᠨ ᠨᠢ ᠦᠭᠡᠢ ᠶᠦᠮ ᠪᠣᠯ ᠣᠯᠠᠨ ᠲᠦᠮᠡᠨ ᠨᠢ ᠶᠠᠭᠠᠬᠢᠬᠤ ᠶᠤᠮ
ᠠᠯᠤᠰ ᠬᠡᠳᠦ ᠨᠢ ᠦᠭᠡᠢ ᠶᠦᠮ ᠪᠣᠯ ᠶᠡᠬᠡ ᠰᠠᠨᠠᠭᠠ ᠪᠠᠷ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ
ᠠᠷᠠᠳ ᠲᠦᠮᠡᠨ ᠨᠢ ᠦᠭᠡᠢ ᠶᠦᠮ ᠪᠣᠯ ᠶᠡᠬᠡ ᠮᠡᠷᠭᠡᠳ ᠴᠦ᠍ ᠶᠠᠭᠠᠬᠢᠬᠤ ᠶᠤᠮ᠃