ᠬᠠᠪᠤᠷ ᠤᠨ ᠬᠥᠬᠡ ᠵᠡᠷᠭᠡᠯᠭᠡ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Хаврын хөх зэрэглээ - Очирбатын Дашбалбар
946ᠬᠠᠪᠤᠷ ᠤᠨ ᠬᠥᠬᠡ ᠵᠡᠷᠭᠡᠯᠭᠡ
ᠱᠣᠣᠯᠠᠵᠤ ᠮᠠᠭᠤᠯᠠᠵᠤ ᠵᠣᠪᠠᠭᠠᠭᠠᠳ ᠶᠠᠭᠤ ᠪᠠᠨ ᠬᠢᠨᠡ ᠳᠡ?
ᠱᠣᠷᠪᠣᠭ ᠲᠠᠢ ᠤᠰᠤ ᠲᠠᠢ ᠳᠠᠯᠠᠢ ᠳ᠋ᠠᠭᠠᠨ ᠵᠢᠭᠠᠰᠤ ᠪᠦᠬᠦᠨ ᠪᠠᠭᠲᠠᠪᠠᠴᠤ
ᠰᠢᠷᠣᠢᠲᠤ ᠡᠨᠡ ᠳᠡᠯᠡᠬᠡᠢ ᠳ᠋ᠡᠭᠡᠨ ᠬᠥᠮᠦᠨ ᠪᠦᠬᠦᠨ ᠬᠡᠷᠡᠯᠳᠦᠬᠦ ᠶᠦᠮ᠃
ᠡᠷᠪᠡᠬᠡᠢ ᠬᠦᠷᠲᠡᠯᠡ ᠠᠮᠢᠳᠤᠷᠠᠳᠠᠭ ᠡᠨᠡ ᠬᠣᠷᠸᠠ ᠳ᠋ᠤ᠌
ᠡᠷᠭᠢᠭᠦᠦ ᠲᠡᠨᠡᠭ ᠲᠦ᠍ ᠮᠢᠨᠢ ᠬᠦᠷᠦᠭᠡᠳ ᠶᠠᠭᠠᠬᠢᠨᠠ ᠳᠠ᠂ ᠴᠢ!
ᠡᠯᠦᠰᠦᠲᠡᠢᠬᠡᠨ ᠭᠣᠪᠢ ᠳ᠋ᠠᠭᠠᠨ ᠬᠦᠷᠪᠡᠯ ᠮᠣᠭᠠᠢ ᠴᠤ᠌ ᠪᠠᠭᠲᠠᠨᠠ
ᠡᠨᠡᠷᠡᠯᠲᠡᠢᠬᠡᠨ ᠬᠥᠮᠦᠨ ᠦ᠌ ᠦᠷᠡᠰ ᠯᠡ ᠬᠣᠭᠣᠷᠣᠨᠳᠣ ᠪᠠᠨ ᠭᠡᠷᠡᠯᠲᠦᠨᠡ
ᠴᠠᠰᠤᠲᠤ ᠠᠭᠤᠯᠠ ᠶ᠋ᠢᠨ ᠠᠷᠰᠯᠠᠨ ᠢ᠋ ᠰᠢᠷᠭᠤᠯᠵᠢ ᠪᠠᠷᠢᠳᠠᠭ ᠬᠣᠷᠸᠠ ᠳ᠋ᠤ᠌
ᠴᠠᠷᠠᠮ ᠳ᠋ᠤ᠌ ᠤᠷᠭᠤᠭᠰᠠᠨ ᠮᠣᠳᠣ ᠶ᠋ᠢ ᠬᠣᠷᠣᠬᠠᠢ ᠮᠡᠷᠡᠳᠡᠭ ᠶᠢᠷᠲᠢᠨᠴᠦ ᠳ᠋ᠦ᠍
ᠴᠠᠭ ᠢ᠋ ᠡᠯᠡᠭᠡᠬᠦ ᠬᠥᠮᠦᠨ ᠦ᠌ ᠦᠷᠡᠰ ᠥᠪᠡᠷ ᠵᠠᠭᠤᠷᠠ ᠪᠠᠨ ᠳᠡᠷᠰᠡᠯᠳᠦᠨᠡ
ᠴᠠᠪ ᠰᠠᠭᠤᠭᠰᠠᠨ ᠱᠠᠭᠠᠵᠠᠩ ᠰᠢᠭ᠋ ᠨᠢᠭᠡᠨ ᠡᠳᠦᠷ ᠬᠠᠭᠠᠷᠠᠯᠳᠤᠨᠠ
ᠢᠯᠠᠭᠠ ᠰᠢᠮᠠᠭᠤᠯ ᠬᠦᠷᠲᠡᠯᠡ ᠠᠳᠤᠭᠤ ᠮᠠᠯ ᠢ᠋ ᠵᠣᠪᠠᠭᠠᠬᠤ ᠳ᠋ᠤ᠌
ᠶᠠᠯᠢᠬᠤ ᠦᠭᠡᠢ ᠠᠮᠢᠲᠠᠰ ᠶᠡᠬᠡ ᠮᠡᠷᠭᠡᠳ ᠢ᠋ ᠴᠢᠯᠡᠭᠡᠬᠦ ᠶᠦᠮ
ᠶᠠᠩᠵᠤ ᠮᠠᠭᠤᠲᠠᠢ ᠬᠥᠮᠦᠨ ᠦ᠌ ᠦᠷᠡᠰ ᠪᠡᠶᠡ ᠪᠡᠶᠡ ᠪᠡᠨ ᠲᠠᠷᠴᠢᠯᠠᠭᠠᠵᠤ
ᠶᠠᠭ ᠴᠠᠭ ᠲᠠᠭᠠᠨ ᠢᠷᠡᠬᠦ ᠪᠡᠷ ᠬᠡᠨ ᠬᠡᠨ ᠢ᠋ᠶ᠋ᠡᠨ ᠥᠷᠥᠪᠳᠦᠬᠦ ᠶᠦᠮ
ᠠᠳᠬᠤ ᠬᠦᠷᠬᠦ ᠦᠭᠡᠢ ᠣᠭᠣᠲᠣᠨᠠ ᠴᠤ᠌ ᠠᠪᠤᠷᠭᠤ ᠵᠠᠭᠠᠨ ᠢ ᠬᠥᠨᠥᠭᠡᠬᠦ ᠶᠦᠮ
ᠠᠲᠤᠭᠠᠷ ᠵᠢᠭᠠᠬᠠᠨ ᠬᠥᠮᠦᠨ ᠴᠦ᠍ ᠠᠤᠭᠠ ᠲᠠᠩᠭᠢᠰ ᠢ᠋ ᠰᠢᠷᠭᠢᠭᠡᠬᠦ ᠶᠦᠮ
ᠪᠡᠶᠡ ᠪᠡᠶᠡ ᠲᠡᠢ ᠪᠡᠨ ᠱᠦᠷᠬᠦᠭᠡᠴᠡᠯᠳᠦᠭᠰᠡᠭᠡᠷ ᠪᠢᠳᠡᠨ ᠦ᠌ ᠬᠣᠷᠸᠠ ᠳᠠᠭᠤᠰᠬᠤ ᠶᠤᠮ
ᠪᠢᠯᠢᠭ ᠦ᠋ᠨ ᠨᠢᠳᠦ ᠪᠡᠷ ᠬᠠᠷᠠᠪᠠᠯ ᠬᠠᠪᠤᠷ ᠤ᠋ᠨ ᠬᠥᠬᠡ ᠵᠡᠷᠭᠡᠯᠭᠡ ᠯᠡ ᠶᠦᠮ᠃