ᠰᠣᠶᠣᠯ ᠬᠥᠮᠦᠵᠢᠯ ᠦ᠋ᠨ ᠰᠣᠳᠣᠨ ᠤᠳᠤᠷᠢᠳᠤᠭᠴᠢ-ᠬᠣᠯᠪᠣᠭᠠ- ᠪᠠᠯᠵᠢСоёл хүмүүжлийн содон удирдагч-Холбоо-Балжи
4624ᠰᠣᠶᠣᠯ ᠬᠥᠮᠦᠵᠢᠯ ᠦ᠋ᠨ ᠰᠣᠳᠣᠨ ᠤᠳᠤᠷᠢᠳᠤᠭᠴᠢ
ᠬᠣᠯᠪᠣᠭᠠ
-- ᠪᠠᠯᠵᠢ
ᠽᠠᠨᠳᠠᠨ ᠰᠠᠢᠬᠠᠨ ᠬᠤᠭᠤᠷ ᠮᠢᠨᠢ
ᠰᠠᠨᠠᠭᠠᠨ ᠤ᠋ ᠠᠶᠠ ᠪᠠᠷ ᠬᠦᠩᠭᠢᠨᠡᠯᠡ
ᠰᠠᠨᠠᠵᠤ ᠪᠣᠳᠣᠭᠰᠠᠨ ᠬᠡᠳᠦᠨ ᠦᠭᠡ ᠪᠡᠨ
ᠰᠢᠯᠦᠭ ᠪᠣᠯᠭᠠᠨ ᠬᠣᠯᠪᠣᠶᠠ
ᠤᠶᠠᠩᠭᠠᠲᠤ ᠬᠤᠭᠤᠷ ᠤ᠋ᠨ ᠠᠶᠠ ᠳ᠋ᠤ᠌
ᠤᠷᠠ ᠠᠪᠢᠶᠠᠰ ᠮᠢᠨᠢ ᠬᠥᠪᠬᠡᠯᠵᠡᠯᠡ
ᠣᠯᠠᠨ ᠳ᠋ᠠᠭᠠᠨ ᠬᠦᠷᠢᠶᠡᠯᠡᠯ ᠲᠡᠢ ᠣ ᠪᠠᠭᠰᠢ ᠶ᠋ᠢᠨ ᠢ᠋ᠶ᠋ᠡᠨ
ᠠᠮᠢᠳᠤᠷᠠᠯ ᠤ᠋ᠨ ᠥᠩᠭᠡᠷᠡᠯᠲᠡ ᠶ᠋ᠢ ᠤᠶᠠᠩᠭᠠᠯᠠᠶᠠ
ᠤᠷᠠᠳ ᠤ᠋ᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ᠋ ᠡᠭᠡᠯ ᠮᠠᠯᠴᠢᠨ ᠤ᠋ ᠠᠢᠯ ᠳ᠋ᠤ᠌
ᠦᠷᠡ ᠨᠢ ᠪᠣᠯᠵᠤ ᠵᠠᠶᠠᠭᠠᠵᠤ ᠪᠢᠯᠡ
ᠦᠰᠦᠭ ᠪᠢᠴᠢᠭ ᠲᠤ ᠪᠡᠨ ᠰᠢᠮᠳᠠᠭᠠᠷᠠᠢ ᠭᠡᠵᠦ
ᠣᠳᠬᠠᠨᠰᠸᠠ ᠭᠡᠳᠡᠭ ᠨᠡᠷᠡ ᠶ᠋ᠢ ᠬᠠᠢᠷᠠᠯᠠᠵᠠᠢ
ᠵᠠᠶᠠᠭᠠᠵᠤ ᠲᠥᠷᠥᠭᠰᠡᠨ ᠵᠢᠷᠭᠤᠭᠠᠨ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠳᠤᠮᠳᠠ
ᠴᠡᠴᠡᠭ ᠨᠢ ᠪᠣᠯᠵᠤ ᠳᠡᠯᠭᠡᠷᠡᠭᠰᠡᠨ ᠶᠦᠮ
ᠵᠢᠷᠭᠠᠯᠲᠤ ᠥᠭᠡᠳᠡᠯᠡᠬᠦ ᠡᠷᠦᠬᠡ ᠠᠢᠯ ᠤ᠋ᠨ ᠢ᠋ᠶ᠋ᠠᠨ
ᠴᠢᠮᠡᠭ ᠨᠢ ᠪᠣᠯᠵᠤ ᠭᠡᠷᠡᠯᠲᠦᠭᠰᠡᠨ ᠶᠦᠮ
ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠣᠱᠣᠭᠠ ᠶ᠋ᠢ ᠠᠯᠬᠤᠮᠠᠭᠴᠠ
ᠰᠤᠷᠴᠤ ᠡᠵᠡᠮᠰᠢᠬᠦ ᠨᠢ ᠭᠠᠢᠬᠠᠯᠲᠠᠢ
ᠵᠢᠭᠠᠭᠰᠠᠨ ᠬᠢᠴᠢᠶᠡᠯ ᠢ᠋ ᠬᠢᠴᠢᠶᠡᠩᠭᠦᠢᠯᠡᠭᠡᠳ
ᠵᠠᠭᠤᠨ ᠤ᠋ ᠳᠤᠮᠳᠠ ᠰᠠᠢᠰᠢᠶᠠᠯ ᠲᠠᠢ
ᠠᠷᠪᠠᠨ ᠬᠣᠶᠠᠷ ᠨᠠᠰᠤᠲᠠᠢ ᠲᠡᠷᠡ ᠵᠢᠯ
ᠠᠵᠠ ᠪᠤᠰᠤ ᠶ᠋ᠢᠨ ᠤᠴᠢᠷ ᠲᠣᠬᠢᠶᠠᠯᠳᠤᠵᠠᠢ
ᠠᠮᠢᠳᠤᠷᠠᠯ ᠤ᠋ᠨ ᠲᠦᠰᠢᠯᠭᠡ ᠠᠴᠢᠯᠠᠯᠲᠤ ᠠᠪᠤ ᠨᠢ
ᠠᠩᠭᠢᠵᠢᠷᠠᠵᠤ ᠡᠭᠡᠨᠡᠭᠲᠡ ᠬᠠᠭᠠᠴᠠᠯᠠ
ᠡᠨᠡᠷᠢᠯᠲᠦ ᠡᠬᠡ ᠪᠡᠨ ᠬᠠᠮᠵᠢᠵᠤ
ᠦᠢᠯᠡ ᠠᠵᠢᠯ ᠳ᠋ᠤ᠌ ᠣᠷᠣᠯᠴᠠᠯᠠ
ᠥᠷᠥᠭᠡᠯ ᠡᠴᠡ ᠳᠤᠲᠠᠭᠤ ᠦᠭᠡᠢ ᠠᠮᠢᠳᠤᠷᠠᠨᠠ ᠭᠡᠵᠦ
ᠡᠬᠡ ᠶ᠋ᠢᠨ ᠰᠤᠷᠭᠠᠯ ᠳ᠋ᠤ᠌ ᠬᠥᠪᠴᠢᠯᠡᠭᠳᠡᠭᠰᠡᠨ ᠶᠦᠮ
ᠪᠤᠶᠠᠨᠲᠤ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠵᠠᠬᠢᠶᠠ ᠶ᠋ᠢ ᠭᠦᠢᠴᠡᠳᠬᠡᠨ
ᠪᠢᠴᠢᠭ ᠨᠣᠮ ᠳ᠋ᠤ᠌ ᠪᠠᠨ ᠨᠡᠩ ᠰᠢᠮᠳᠠᠯᠠ
ᠪᠤᠯᠪᠠᠷᠠᠢ ᠪᠠᠭᠠ ᠨᠠᠰᠤᠨ ᠠ᠋ᠴᠠ ᠪᠠᠨ
ᠪᠠᠷᠢᠭᠠᠳᠠ ᠶ᠋ᠢᠨ ᠠᠵᠢᠯ ᠳ᠋ᠤ᠌ ᠴᠤ᠌ ᠣᠷᠣᠯᠴᠠᠯᠠ
ᠬᠥᠮᠦᠨ ᠬᠦᠴᠢᠷ ᠲᠦ᠍ ᠤᠬᠠᠭᠠᠨ ᠰᠠᠭᠤᠵᠤ
ᠬᠦᠯᠦᠭ ᠳᠠᠪᠠᠭᠠᠨ ᠳ᠋ᠤ᠌ ᠵᠢᠷᠣᠭᠠ ᠣᠷᠣᠳᠠᠭ ᠠ᠋ᠴᠠ
ᠬᠥᠮᠦᠨ ᠮᠥᠰᠥ ᠲᠡᠢ ᠬᠥᠮᠦᠨ ᠪᠣᠯᠬᠤ ᠶ᠋ᠢᠨ
ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨ ᠵᠣᠷᠢᠭ ᠡᠷᠴᠢᠯᠡᠵᠡᠢ
ᠳᠠᠯᠠᠨ ᠳᠥᠷᠪᠡᠨ ᠣᠨ ᠳ᠋ᠤ᠌ ᠰᠤᠷᠤᠯᠭᠠ ᠲᠡᠭᠦᠰᠦᠭᠡᠳ
ᠳᠠᠷᠤᠶ᠋ᠢᠬᠠᠨ ᠪᠠᠷᠢᠭᠠᠳᠠ ᠳ᠋ᠤ᠌ ᠪᠠᠨ ᠬᠠᠷᠢᠵᠤ ᠠᠵᠢᠯᠯᠠᠯᠠ
《ᠲᠡᠮᠦᠷ ᠬᠡᠦᠬᠡᠨᠴᠦᠳ》 ᠦ᠋ᠨ ᠪᠦᠯᠬᠦᠮ ᠳ᠋ᠦ᠍ ᠪᠡᠨ
ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠲᠡᠢ ᠬᠥᠳᠡᠯᠮᠦᠷᠢᠯᠡᠯᠡ
ᠬᠦᠳᠡᠷ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠠᠵᠢᠯᠯᠠᠭᠠᠳ
ᠬᠥᠳᠡᠯᠮᠦᠷᠢ ᠶ᠋ᠢᠨ ᠵᠢᠱ᠌ᠢᠶᠡᠴᠢ ᠪᠡᠷ ᠰᠣᠩᠭᠣᠭᠳᠠᠪᠠ
ᠬᠡᠳᠦᠬᠡᠨ ᠮᠥᠩᠭᠥ ᠶ᠋ᠢᠨ ᠬᠠᠷᠠᠮᠵᠢ ᠶ᠋ᠢ ᠪᠡᠨ
ᠬᠠᠷᠢᠭᠠᠳ ᠭᠡᠷ ᠲᠡᠭᠡᠨ ᠨᠡᠮᠡᠷᠢ ᠪᠣᠯᠭᠠᠨᠠ
ᠪᠠᠭᠰᠢ ᠶ᠋ᠢᠨ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠰᠡᠨ ᠦ᠌ ᠰᠡᠭᠦᠯᠡᠷ
ᠤᠷᠠᠳ ᠤ᠋ᠨ ᠬᠣᠢᠲᠤ ᠬᠤᠰᠢᠭᠤᠨ ᠳ᠋ᠤ᠌ ᠠᠵᠢᠯ ᠬᠤᠪᠢᠶᠠᠭᠳᠠᠵᠠᠢ
ᠪᠠᠢᠷᠢᠨ ᠳ᠋ᠠᠭᠠᠨ ᠭᠠᠷᠤᠭᠰᠠᠨ ᠳᠣᠯᠣᠭᠠᠨ ᠵᠢᠯ ᠳ᠋ᠦ᠍
ᠪᠠᠶᠠᠨᠨᠠᠭᠤᠷ ᠬᠣᠲᠠ ᠶ᠋ᠢᠨ ᠰᠢᠯᠢᠳᠡᠭ ᠪᠠᠭᠰᠢ ᠪᠠᠷ ᠴᠣᠯᠠᠯᠠᠭᠳᠠᠪᠠ
ᠣ ᠡᠩᠭᠡᠰᠬᠡ ᠪᠡᠷ ᠭᠠᠩᠭᠠᠯᠠᠬᠤ
ᠠᠲᠠᠭᠠ ᠴᠤ᠌ ᠪᠠᠢᠭᠰᠠᠨ ᠦᠭᠡᠢ ᠣ ᠪᠠᠭᠰᠢ ᠳ᠋ᠤ᠌
ᠡᠮᠦᠰᠴᠦ ᠵᠡᠭᠦᠬᠦ ᠪᠡᠷ ᠶᠠᠩᠵᠤᠯᠠᠬᠤ
ᠵᠢᠲᠥᠭᠡ ᠴᠤ᠌ ᠬᠦᠷᠦᠭᠰᠡᠨ ᠴᠤ᠌ ᠦᠭᠡᠢ ᠮᠠᠨ ᠤ᠋ ᠪᠠᠭᠰᠢ
ᠣᠯᠤᠭᠰᠠᠨ ᠬᠡᠳᠦᠨ ᠮᠥᠩᠭᠥ ᠪᠡᠨ
ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠣᠷᠣᠭᠤᠯᠤᠭᠠᠳ ᠵᠢᠳᠬᠦᠵᠦ ᠶᠠᠪᠤᠵᠠᠢ
ᠭᠤᠷᠪᠠᠨ ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠰᠤᠷᠤᠯᠭᠠ ᠶ᠋ᠢ ᠳᠠᠮᠵᠢᠨ
ᠭᠠᠷ ᠢ᠋ ᠨᠢ ᠭᠠᠨᠵᠤᠭᠠ ᠰᠢᠭᠦᠷᠡᠭᠦᠯᠵᠡᠢ
ᠨᠠᠷᠠ ᠶᠢᠷᠲᠢᠨᠴᠦ ᠶ᠋ᠢᠨ ᠵᠠᠩ ᠵᠢᠷᠤᠮ ᠢ᠋ᠶ᠋ᠠᠷ
83 ᠣᠨ ᠳ᠋ᠤ᠌ ᠠᠢᠯ ᠪᠣᠯᠵᠠᠢ
ᠬᠣᠶᠠᠷ ᠬᠡᠦᠬᠡᠨ ᠢ᠋ᠶ᠋ᠡᠨ ᠥᠰᠬᠡᠨ ᠪᠣᠢᠵᠢᠭᠤᠯᠤᠭᠠᠳ
ᠬᠦᠰᠡᠯ ᠦ᠋ᠨ ᠵᠢᠯᠣᠭᠣ ᠶ᠋ᠢ ᠨᠢ ᠠᠳᠬᠤᠭᠤᠯᠵᠠᠢ
ᠡᠨᠡᠷᠢᠯᠲᠦ ᠡᠬᠡ ᠨᠢ 98 ᠣᠨ ᠳ᠋ᠤ᠌
ᠦᠵᠡᠬᠦ ᠨᠢᠳᠦᠨ ᠦ᠌ ᠬᠠᠷᠠᠭᠠ ᠮᠠᠭᠤᠳᠠᠭᠰᠠᠨ ᠳ᠋ᠤ᠌
ᠦᠷᠡ ᠶ᠋ᠢᠨ ᠶᠣᠰᠣ ᠪᠠᠷ ᠠᠴᠢᠯᠠᠯ ᠢ᠋ᠶ᠋ᠠᠨ ᠭᠦᠢᠴᠡᠳᠬᠡᠨ
ᠤᠳᠠᠭᠠᠨ ᠵᠢᠯ ᠠᠰᠠᠷᠠᠨ ᠰᠤᠪᠢᠯᠠᠪᠠ
ᠪᠤᠭᠤᠲᠤ ᠬᠣᠲᠠ ᠶ᠋ᠢᠨ ᠵᠧᠦ ᠶᠤᠸᠠᠨ ᠰᠤᠷᠭᠠᠭᠤᠯᠢ ᠳ᠋ᠤ᠌
27 ᠵᠢᠯ ᠠᠵᠢᠯᠯᠠᠵᠤ ᠶᠠᠪᠤᠵᠠᠢ
ᠪᠠᠢᠳᠠᠭ ᠣᠶᠤᠨ ᠴᠢᠳᠠᠪᠤᠷᠢ ᠪᠠᠨ
ᠮᠣᠩᠭᠣᠯ ᠰᠣᠶᠣᠯ ᠳ᠋ᠠᠭᠠᠨ ᠡᠷᠭᠦᠵᠦ ᠢᠷᠡᠵᠡᠢ
ᠠᠮᠠᠷᠠᠯᠲᠠ ᠠᠪᠤᠭᠰᠠᠨ ᠤ᠋ ᠳᠥᠷᠪᠡᠨ ᠵᠢᠯ ᠳ᠋ᠦ᠍
ᠠᠮᠠᠷᠠᠵᠤ ᠰᠠᠭᠤᠭᠰᠠᠨ ᠦᠭᠡᠢ ᠡᠨᠡ ᠡᠵᠢ ᠠ᠋
ᠴᠡᠪᠡᠷ ᠲᠣᠳᠣᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ
ᠴᠡᠴᠡᠷᠯᠢᠭ ᠦ᠋ᠨ ᠬᠡᠦᠬᠡᠳ ᠢ᠋ ᠵᠠᠯᠭᠠᠭᠠᠳ ᠬᠥᠮᠦᠵᠢᠭᠦᠯᠵᠡᠢ
ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠬᠣᠶᠠᠷ ᠵᠢᠯ ᠭᠠᠷᠤᠢ ᠳ᠋ᠤ᠌
ᠵᠢᠳᠬᠦᠯ ᠭᠠᠷᠭᠠᠯᠠ ᠪᠠᠭᠰᠢ ᠮᠢᠨᠢ
ᠵᠠᠭᠤᠨ ᠣᠯᠠᠨ ᠮᠣᠩᠭᠣᠯᠴᠤᠳ ᠢ᠋ᠶ᠋ᠠᠨ
ᠵᠢᠷᠦᠬᠡᠨ ᠤᠭ ᠠ᠋ᠴᠠ ᠪᠠᠨ ᠰᠠᠨᠠᠭᠠᠴᠢᠯᠠᠵᠠᠢ
ᠳᠤᠭᠵᠢᠷᠠᠵᠤ ᠪᠠᠢᠭᠰᠠᠨ ᠬᠥᠮᠦᠰ ᠢ᠋ᠶ᠋ᠡᠨ
ᠳᠠᠭᠤᠳᠠᠨ ᠰᠡᠷᠢᠭᠡᠯᠡ ᠪᠠᠭᠰᠢ ᠮᠢᠨᠢ
ᠳᠡᠭᠡᠳᠦᠰ ᠡᠴᠡ ᠥᠪᠯᠡᠭᠰᠡᠨ ᠠᠴᠢᠶᠠᠯᠠᠪᠤᠷᠢ ᠪᠠᠨ
ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ ᠪᠡᠷ ᠤᠷᠢᠶᠠᠯᠠᠯᠠ
ᠴᠠᠭᠠᠰᠤᠨ ᠳ᠋ᠤ᠌ ᠪᠢᠴᠢᠳᠡᠭ ᠪᠣᠰᠤᠭᠠ ᠦᠰᠦᠭ ᠢ᠋ᠶ᠋ᠡᠨ
ᠴᠠᠬᠢᠮᠵᠢᠭᠤᠯᠬᠤ ᠮᠡᠷᠭᠡᠵᠢᠯ ᠢ᠋ᠶ᠋ᠡᠷ ᠵᠢᠭᠠᠵᠤ ᠡᠬᠢᠯᠡᠯᠡ
ᠴᠠᠭ ᠦᠶᠡ ᠶ᠋ᠢᠨ ᠬᠥᠭᠵᠢᠯᠲᠡ ᠳ᠋ᠦ᠍
ᠴᠥᠬᠥᠷᠡᠯ ᠦᠭᠡᠢ ᠴᠢᠷᠮᠠᠢᠯᠠ
ᠠᠵᠠᠢ ᠪᠤᠭᠤᠷᠤᠯ ᠪᠣᠯᠤᠯᠠ ᠭᠡᠳ
ᠠᠮᠠᠷᠠᠯᠲᠠ ᠶᠡᠷᠦ ᠠᠪᠳᠠᠭ ᠦᠭᠡᠢ
ᠠᠯᠬᠤᠵᠤ ᠠᠮᠢᠰᠬᠤᠬᠤ ᠮᠥᠴᠡ ᠪᠦᠷᠢ ᠳ᠋ᠡᠭᠡᠨ
ᠠᠭᠤᠤ ᠰᠣᠶᠣᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡ ᠰᠠᠨᠠᠭᠠᠰᠢᠷᠠᠳᠠᠭ
ᠬᠠᠪᠢᠷᠭᠠ ᠨᠡᠪᠲᠡᠷᠡᠮᠡ ᠬᠦᠢᠲᠡᠨ ᠢ᠋
ᠨᠠᠮᠵᠢᠭᠤᠯᠤᠭᠠᠳ ᠴᠢᠳᠠᠳᠠᠭ ᠲᠠ ᠪᠢᠯᠡ
ᠬᠠᠷᠠ ᠰᠠᠯᠬᠢ ᠰᠢᠭᠤᠷᠭᠠᠨ ᠢ᠋
ᠨᠣᠮᠣᠬᠠᠳᠬᠠᠵᠤ ᠴᠢᠳᠠᠳᠠᠭ ᠲᠠ ᠪᠢᠯᠡ
ᠬᠠᠨ ᠳᠡᠯᠡᠬᠡᠢ ᠶ᠋ᠢᠨ ᠬᠠᠰ ᠤ᠋ᠨ ᠴᠠᠭᠠᠨ ᠪᠦᠷᠬᠦᠪᠴᠢ ᠶ᠋ᠢ
ᠰᠡᠬᠡᠭᠡᠵᠦ ᠴᠢᠳᠠᠳᠠᠭ ᠲᠠ ᠪᠢᠯᠡ
ᠬᠠᠮᠤᠭ ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠦᠰᠦᠭ ᠪᠢᠴᠢᠭ ᠢ᠋
ᠬᠥᠭᠵᠢᠭᠦᠯᠬᠦ ᠪᠡᠷ ᠴᠢᠷᠮᠠᠢᠭᠰᠠᠨ ᠲᠠ ᠪᠢᠯᠡ
ᠬᠦᠢᠲᠡᠨ ᠬᠠᠯᠠᠭᠤᠨ ᠳᠠᠪᠬᠤᠴᠠᠭᠰᠠᠨ ᠬᠡᠳᠦᠨ ᠠᠷᠪᠠᠨ ᠵᠢᠯ ᠦ᠋ᠨ ᠲᠤᠷᠰᠢ
ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠡᠢ ᠠᠮᠢᠳᠤᠷᠠᠯ ᠤ᠋ᠨ ᠲᠣᠭᠣᠷᠢᠨ ᠳ᠋ᠤ᠌ ᠨᠠᠷᠠᠰᠤ ᠰᠢᠭ᠋ ᠰᠦᠨᠳᠡᠷᠯᠡᠵᠦ
ᠬᠠᠢᠷᠠ ᠶ᠋ᠢᠨ ᠳᠡᠭᠡᠵᠢ ᠪᠢᠰᠢᠷᠡᠯᠲᠡᠢ ᠦᠢᠯᠡ ᠴᠢᠨᠢ ᠲᠡᠦᠬᠡ ᠪᠣᠯᠤᠨ ᠲᠡᠮᠳᠡᠭᠯᠡᠭᠳᠡᠵᠦ
ᠬᠠᠯᠠᠭᠤᠨ ᠡᠯᠢᠭᠡᠲᠦ ᠮᠣᠩᠭᠣᠯ ᠲᠦᠮᠡᠨ ᠳ᠋ᠡᠭᠡᠨ ᠳᠠᠭᠤᠷᠢᠶᠠᠯ ᠪᠣᠯᠪᠠᠢ