ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠМонгол Эр Хүн Та Хаана Байна
5338ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ
ᠮᠣᠩᠭᠣᠯ ᠤ᠋ᠨ ᠰᠠᠢᠬᠠᠨ ᠵᠠᠯᠠᠭᠤᠰ ᠭᠠᠳᠠᠭᠠᠳᠤ ᠣᠷᠣᠨ ᠤᠷᠤᠭᠤ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠠᠷᠴᠤ ᠡᠵᠡᠭᠦᠢᠷᠡᠵᠦ ᠪᠠᠢᠭᠠ ᠡᠨᠡ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠣᠷᠣᠨ ᠠ᠋ᠴᠠ ᠪᠠᠨ ᠵᠢᠩᠬᠢᠨᠢ ᠮᠣᠩᠭᠣᠯ ᠵᠠᠯᠠᠭᠤ ᠶ᠋ᠢ ᠣᠯᠤᠨᠠ ᠭᠡᠵᠦ ᠬᠡᠴᠡᠭᠦᠦ ᠪᠣᠯᠵᠠᠢ᠃ ᠦᠨᠡᠬᠡᠷ ᠶᠠᠭᠤᠮᠠ ᠪᠣᠳᠣᠭᠳᠠᠭᠤᠯᠬᠤ ᠪᠠᠷ ᠨᠢᠭᠡᠨ ᠰᠢᠯᠦᠭ ᠢ᠋ ᠣᠯᠵᠤ ᠰᠣᠨᠣᠰᠤᠭᠠᠳ ᠲᠠᠨ ᠲᠠᠢ ᠬᠤᠪᠢᠶᠠᠯᠴᠠᠶᠠ ᠭᠡᠵᠦ ᠪᠣᠳᠣᠭᠠᠳ ᠣᠷᠣᠭᠤᠯᠤᠯᠠ.ᠡᠨᠡ ᠰᠢᠯᠦᠭ ᠢ᠋ ᠤᠩᠰᠢᠵᠤ ᠳᠠᠭᠤᠰᠤᠭᠠᠳ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠲᠠ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠣᠮᠣᠭᠰᠢᠵᠤ ᠬᠢᠵᠦ ᠪᠦᠲᠦᠭᠡᠬᠦ ᠡᠷᠡᠮᠡᠯᠵᠡᠯ ᠳ᠋ᠦ᠍ᠨᠢ ᠤᠯᠠᠮ ᠶᠡᠬᠡ ᠪᠡᠷ ᠲᠥᠷᠥᠨᠡ ᠭᠡᠳᠡᠭ ᠲᠦ᠍ ᠨᠠᠢᠳᠠᠵᠤ ᠪᠠᠢᠨᠠ᠃
ᠬᠥᠪᠴᠢᠨ ᠳᠡᠯᠡᠬᠡᠢ ᠶ᠋ᠢ ᠰᠥᠭᠥᠳᠦᠭᠦᠯᠵᠦ ᠶᠠᠪᠤᠭᠰᠠᠨ
ᠬᠥᠬᠡ ᠲᠣᠯᠪᠣᠲᠤ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠬᠠᠮᠢᠭᠠ ᠪᠠᠢᠨᠠ?
ᠴᠡᠯᠮᠡᠭ ᠲᠩᠷᠢ ᠳ᠋ᠡᠭᠡᠨ ᠰᠥᠭᠥᠳᠴᠦ ᠮᠥᠷᠭᠥᠭᠰᠡᠨ
ᠴᠠᠭᠠᠨ ᠰᠡᠳᠬᠢᠯᠲᠦ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠬᠠᠮᠢᠭᠠ ᠪᠠᠢᠨᠠ?
ᠬᠠᠵᠠᠭᠠᠷ ᠳᠠᠷᠤᠨ ᠲᠡᠮᠡᠦᠯᠦᠭᠰᠡᠨ ᠬᠠᠲᠠᠷᠢ ᠵᠢᠷᠣᠭᠠ ᠬᠦᠯᠦᠭ ᠦ᠋ᠨ ᠡᠵᠡᠨ
ᠬᠠᠮᠤᠭ ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠰᠦᠯᠳᠡ ᠲᠩᠷᠢ
ᠬᠠᠯᠬᠠ ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ?
ᠣᠢ ᠶ᠋ᠢᠨ ᠰᠤᠭᠤ ᠰᠢᠭ᠋ ᠲᠠᠩᠬᠢᠯᠬᠠᠨ ᠪᠦᠰᠡᠭᠦᠢ ᠲᠡᠢ
ᠣᠳᠣᠳ ᠤ᠋ᠨ ᠳᠣᠣᠷᠠ ᠬᠠᠢᠷᠠ ᠰᠢᠪᠡᠨᠡᠯᠳᠦᠭᠰᠡᠨ
ᠣᠷᠣᠨ ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠬᠠᠯᠠᠭᠤᠨ ᠤᠷᠤᠭ
ᠣᠮᠣᠭᠯᠠᠩ ᠵᠠᠩ ᠲᠠᠢ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ?
ᠦᠨᠡᠭᠡᠴᠢᠯᠡᠨ ᠵᠡᠭᠦᠳᠦᠯᠡᠬᠦ ᠬᠣᠩᠭᠣᠷ ᠬᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠣᠯᠣᠭᠠᠢ ᠳᠡᠭᠡᠷᠡ
ᠦᠨᠡᠭᠡ ᠬᠠᠢᠴᠢᠯᠠᠨ ᠳᠣᠮᠨᠣᠭᠰᠠᠨ ᠡᠴᠢᠭᠡ ᠶ᠋ᠢᠨ ᠴᠠᠭᠠᠨ ᠰᠡᠳᠬᠢᠯ ᠲᠡᠢ
ᠦᠨᠡᠨᠴᠢ ᠠᠮᠠᠷᠠᠭ ᠤ᠋ᠨ ᠬᠠᠷᠠᠴᠠᠨ ᠳ᠋ᠤ᠌ ᠨᠢᠯᠬᠠ ᠤᠨᠠᠭᠠ ᠰᠢᠭ᠋ ᠨᠣᠮᠣᠬᠠᠷᠠᠳᠠᠭ
ᠦᠭᠡ ᠨᠢ ᠬᠠᠲᠠᠭᠤ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠬᠠᠮᠢᠭᠠ ᠪᠠᠢᠨᠠ ᠲᠠ?
ᠭᠠᠩ ᠳᠥᠷᠦᠭᠡᠨ ᠳᠡᠭᠡᠷᠡ ᠥᠭᠡᠳᠡᠩ ᠭᠤᠲᠤᠯ ᠵᠢᠭᠢᠵᠦ
ᠭᠠᠳᠠᠭᠠᠳᠤ ᠳᠠᠯᠠᠢ ᠶ᠋ᠢ ᠬᠦᠯᠦᠭ ᠦ᠋ᠨ ᠰᠢᠨᠳᠠᠰᠤ ᠪᠠᠷ ᠲᠤᠭᠤᠯᠵᠤ
ᠭᠠᠯᠪᠠ ᠶᠢᠷᠲᠢᠨᠴᠦ ᠳ᠋ᠦ᠍ ᠥᠪᠡᠷ ᠦ᠋ᠨ ᠲᠡᠦᠬᠡ ᠶ᠋ᠢ ᠪᠦᠲᠦᠭᠡᠭᠰᠡᠨ
ᠭᠠᠷ ᠲᠠᠭᠠᠨ ᠢᠯᠳᠦ ᠪᠠᠷᠢᠭᠰᠠᠨ ᠡᠪᠦᠭᠡᠳ ᠦ᠋ᠨ ᠤᠳᠤᠮ
ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ ?
ᠴᠡᠯ ᠪᠤᠭᠤᠷᠤᠯ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡᠨ ᠳ᠋ᠦ᠍ ᠬᠥᠮᠦᠵᠢᠭᠰᠡᠨ ᠬᠦᠦ
ᠴᠠᠭᠠᠨ ᠰᠡᠳᠬᠢᠯᠲᠦ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠢᠷᠠᠨ ᠳ᠋ᠤ᠌ ᠥᠰᠦᠭᠰᠡᠨ ᠦᠷᠡ
ᠴᠢᠷᠠᠢᠯᠢᠭ ᠮᠣᠩᠭᠣᠯ ᠪᠦᠰᠡᠭᠦᠢ ᠶ᠋ᠢᠨ ᠬᠠᠷᠠᠴᠠ ᠶ᠋ᠢ ᠪᠤᠯᠢᠶᠠᠭᠰᠠᠨ ᠡᠷᠡ
ᠴᠣᠪᠣᠭᠣ ᠬᠣᠩᠭᠣᠷ ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠰᠡᠳᠬᠢᠯ ᠳ᠋ᠦ᠍ ᠮᠥᠩᠬᠡᠷᠡᠭᠰᠡᠨ
ᠡᠴᠢᠭᠡ ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ?
ᠬᠣᠯᠠ ᠶ᠋ᠢᠨ ᠬᠣᠯᠠ ᠡᠴᠡ ᠰᠢᠵᠢᠷᠳᠡᠬᠦ ᠠᠯᠲᠠᠨ ᠨᠠᠷᠠᠨ ᠤ᠋ ᠰᠠᠴᠤᠷᠠᠭ
ᠬᠥᠬᠡ ᠣᠭᠲᠠᠷᠭᠤᠢ ᠳ᠋ᠤ᠌ ᠨᠤᠮᠤᠷᠠᠬᠤ ᠰᠢᠨᠡ ᠰᠣᠯᠣᠩᠭᠠ ᠶ᠋ᠢᠨ ᠥᠩᠭᠡ
ᠬᠣᠣᠰ ᠢ᠋ᠶ᠋ᠠᠷ ᠠᠮᠢᠳᠤᠷᠠᠬᠤ ᠲᠠᠪᠢᠯᠠᠩ ᠤ᠋ᠨ ᠦᠯᠦ ᠲᠠᠰᠤᠷᠠᠬᠤ ᠪᠠᠭᠠᠨᠠ
ᠬᠠᠨᠠᠲᠤ ᠥᠷᠭᠥᠭᠡ ᠭᠡᠷ ᠦ᠋ᠨ ᠬᠣᠢᠮᠣᠷ ᠲᠤ᠌ ᠵᠠᠯᠠᠷᠠᠬᠤ ᠰᠢᠲᠦᠭᠡᠨ
ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ?
ᠠᠰᠬᠠᠲᠤ ᠥᠨᠳᠥᠷ ᠰᠠᠷᠢᠳᠠᠭ ᠤ᠋ᠨ ᠣᠷᠭᠢᠯ ᠳ᠋ᠤ᠌ ᠭᠥᠷᠥᠭᠡᠯᠡᠭᠰᠡᠨ ᠠᠩᠴᠢᠨ
ᠠᠷᠢᠭᠤᠨ ᠲᠤᠯᠭᠠᠲᠤ ᠲᠥᠷᠥ ᠶ᠋ᠢᠨ ᠭᠣᠯᠣᠮᠲᠠ ᠲᠦᠰᠢᠭᠰᠡᠨ ᠲᠥᠰᠢᠶᠡ
ᠴᠡᠴᠡᠨ ᠫᠤᠤ ᠮᠥᠷᠥᠯᠡᠵᠦ ᠨᠢᠳᠦ ᠴᠠᠪᠴᠢᠭᠠ ᠦᠭᠡᠢ ᠬᠢᠯᠢᠴᠢᠨ
ᠴᠠᠭ ᠤ᠋ᠨ ᠰᠠᠭᠠᠬᠠᠯᠲᠠ ᠳ᠋ᠤ᠌ ᠮᠥᠬᠥᠭᠡ ᠦᠭᠡᠢ ᠠᠯᠲᠠᠨ ᠤᠷᠤᠭ ᠤ᠋ᠨ ᠵᠠᠯᠭᠠᠮᠵᠢ
ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ?
ᠪᠥᠷᠲᠡ ᠴᠢᠨᠣᠠ ᠶ᠋ᠢᠨ ᠤᠶᠠᠩᠭᠠᠲᠤ ᠣᠯᠢᠯᠲᠠ ᠶ᠋ᠢᠨ ᠦᠷᠭᠦᠯᠵᠢᠯᠡᠯ
ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠤᠳᠤᠮ ᠵᠠᠯᠭᠠᠭᠰᠠᠨ ᠤᠷᠤᠭ
ᠬᠠᠲᠤᠨ ᠮᠠᠨᠳᠤᠬᠠᠢ ᠡᠬᠡ ᠶ᠋ᠢᠨ ᠬᠡᠪᠡᠯᠢ ᠳ᠋ᠦ᠍ ᠲᠣᠷᠨᠢᠭᠰᠠᠨ ᠦᠷᠡ
ᠬᠠᠳᠠᠨ ᠵᠣᠷᠢᠭᠲᠤ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠲᠠ ᠬᠠᠮᠢᠭᠠ ᠪᠠᠢᠨᠠ?
ᠵᠣᠪᠠᠭᠰᠠᠨ ᠴᠤ᠌᠂ ᠵᠢᠷᠭᠠᠭᠰᠠᠨ ᠴᠤ᠌ ᠨᠢᠯᠪᠤᠰᠤ ᠪᠠᠨ ᠦᠵᠡᠭᠦᠯᠳᠡᠭ ᠦᠭᠡᠢ
ᠵᠣᠷᠢᠭ ᠵᠢᠷᠦᠬᠡ ᠂ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ?
ᠴᠢᠰᠤᠨ ᠠ᠋ᠴᠠ ᠪᠠᠨ ᠦᠨᠡᠲᠡᠢ ᠨᠢᠯᠪᠤᠰᠤ ᠪᠠᠨ ᠦᠵᠡᠭᠦᠯᠳᠡᠭ ᠦᠭᠡᠢ
ᠴᠥᠬᠥᠷᠡᠵᠦ ᠦᠵᠡᠭᠡ ᠦᠭᠡᠢ ᠰᠡᠳᠬᠢᠯ ᠦ᠋ᠨ ᠬᠠᠳᠠ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ?
ᠡᠷᠡᠳᠡᠭᠦᠦ ᠴᠡᠭᠡᠯᠬᠡᠨ ᠬᠣᠭᠣᠯᠠᠢ ᠪᠠᠷ ᠢ᠋ᠶ᠋ᠠᠨ
《ᠡᠷᠡ ᠪᠣᠷᠣ ᠬᠠᠷᠴᠠᠭᠠᠢ》 ᠶ᠋ᠢ ᠠᠶᠠᠯᠵᠤ
ᠨᠢᠳᠦ ᠠᠯᠳᠠᠮᠠ ᠴᠡᠩᠬᠡᠷ ᠲᠠᠯᠠ ᠶ᠋ᠢ ᠤᠶᠠᠷᠠᠭᠠᠭᠰᠠᠨ
ᠨᠢᠳᠦᠨ ᠳ᠋ᠡᠭᠡᠨ ᠬᠣᠷᠸᠠ ᠶ᠋ᠢ ᠰᠢᠨᠵᠢᠭᠰᠡᠨ ᠤᠬᠠᠭᠠᠨ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ?
ᠡᠷᠡ ᠬᠥᠮᠦᠨ ᠲᠠᠨ ᠢ᠋ ᠡᠷᠡ ᠬᠥᠮᠦᠨ ᠪᠢ ᠬᠠᠢᠯᠠ
ᠡᠨᠡ ᠨᠡᠢᠭᠡᠮ ᠦ᠋ᠨ ᠲᠠᠯᠠᠪᠤᠷ ᠡᠴᠡ ᠡᠷᠢᠯ ᠲᠠᠯᠪᠢᠵᠤ ᠰᠤᠷᠠᠯᠠ
ᠡᠷᠢᠭᠰᠡᠨ ᠣᠯᠵᠠ ᠪᠠᠨ ᠡᠨᠳᠡ ᠡᠴᠡ ᠪᠢ ᠣᠯᠤᠯᠠ
ᠡᠯᠢᠭᠡ ᠵᠢᠷᠦᠬᠡ ᠬᠣᠶᠠᠷ ᠲᠤ᠌ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠬᠠᠷᠠᠮᠰᠠᠯᠠ
ᠬᠥᠬᠡ ᠲᠣᠯᠪᠣᠲᠤ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠢ᠋
ᠬᠣᠲᠠ ᠶ᠋ᠢᠨ ᠭᠤᠳᠤᠮᠵᠢᠨ ᠡᠴᠡ ᠣᠯᠤᠭᠰᠠᠨ ᠦᠭᠡᠢ ᠠ᠋
ᠥᠷᠭᠡᠨ ᠴᠡᠭᠡᠵᠢ ᠲᠡᠢ ᠬᠠᠩᠬᠠᠭᠠᠷ ᠡᠷᠡ ᠶ᠋ᠢ
ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤᠨ ᠡᠴᠡ ᠨᠢ ᠪᠢ ᠣᠯᠤᠭᠰᠠᠨ ᠦᠭᠡᠢ?
ᠤᠷᠲᠤ ᠶ᠋ᠢᠨ ᠳᠠᠭᠤ ᠶ᠋ᠢ ᠪᠡᠨ ᠠᠶᠠᠯᠤᠭᠰᠠᠨ ᠡᠷᠡ ᠬᠥᠮᠦᠨ ᠢ᠋
ᠤᠤᠭᠤᠭᠰᠠᠨ ᠠᠷᠢᠬᠢᠨ ᠤ᠋ ᠬᠢᠨᠢ ᠯᠣᠩᠬᠣᠨ ᠡᠴᠡ ᠣᠯᠤᠯᠠ
ᠡᠷᠢᠯ ᠰᠤᠷᠠᠯ ᠪᠣᠯᠤᠭᠰᠠᠨ ᠡᠷᠡ ᠬᠥᠮᠦᠨ ᠢ᠋ ᠪᠡᠨ ᠪᠢ
ᠡᠷᠡᠭᠦᠯᠵᠢᠭᠦᠯᠬᠦ ᠶ᠋ᠢᠨ ᠦᠮᠡᠬᠡᠢ ᠥᠷᠥᠭᠡᠨ ᠡᠴᠡ ᠣᠯᠤᠯᠠ
ᠲᠠᠯᠠ ᠳᠦᠭᠦᠷᠡᠩ ᠪᠡᠯᠴᠢᠬᠦ ᠰᠦᠷᠦᠭ ᠦ᠋ᠨ ᠡᠵᠡᠨ ᠢ᠋ ᠪᠡᠨ ᠪᠢ
ᠲᠠᠭ ᠬᠠᠷᠠᠩᠭᠤᠢ ᠲᠠᠷᠢᠶᠠᠨ ᠱᠠᠩ(ᠭᠣᠣ) ᠶ᠋ᠢᠨ ᠳᠣᠲᠣᠷᠠ ᠡᠴᠡ ᠣᠯᠤᠯᠠ
ᠵᠣᠷᠢᠭ ᠵᠢᠷᠦᠬᠡ ᠲᠡᠢ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠢ᠋ ᠪᠡᠨ ᠪᠢ
ᠵᠠᠰᠠᠭ ᠡᠴᠢᠭᠡ ᠶ᠋ᠢᠨ ᠵᠣᠪᠠᠯᠠᠩ ᠳᠣᠲᠣᠷᠠ ᠪᠢ ᠬᠠᠷᠠᠯᠠ
ᠨᠢᠯᠪᠤᠰᠤ ᠪᠠᠨ ᠦᠵᠡᠭᠦᠯᠳᠡᠭ ᠦᠭᠡᠢ ᠡᠷᠡ ᠬᠥᠮᠦᠨ ᠢ᠋ ᠪᠢ
ᠨᠢᠰᠦ ᠨᠢᠯᠪᠤᠰᠤᠨ ᠳ᠋ᠠᠭᠠᠨ ᠬᠤᠳᠬᠤᠯᠳᠤᠵᠤ ᠤᠬᠢᠯᠠᠵᠤ ᠪᠠᠢᠬᠤ ᠶ᠋ᠢ ᠨᠢ ᠬᠠᠷᠠᠯᠠ
ᠠᠤᠭᠠ ᠳᠠᠢᠴᠢᠨ ᠶᠠᠪᠤᠭᠰᠠᠨ ᠡᠪᠦᠭᠡᠳ ᠦ᠋ᠨ ᠢ᠋ᠶ᠋ᠡᠨ ᠤᠳᠤᠮ ᠢ᠋
ᠠᠭᠠᠷ ᠴᠢᠭᠢᠭ ᠦᠭᠡᠢ ᠮᠥᠷᠳᠡᠨ ᠳᠣᠲᠣᠷᠠ ᠪᠢ ᠦᠵᠡᠯᠡ
ᠴᠠᠭ ᠲᠠᠭᠠᠨ ᠡᠪᠦᠳᠦᠭ ᠳᠡᠭᠡᠷᠡ ᠨᠢ ᠰᠥᠭᠦᠳᠦᠭᠦᠯᠵᠦ ᠶᠠᠪᠤᠭᠰᠠᠨ ᠮᠣᠩᠭᠣᠯ ᠡᠷᠡ ᠬᠥᠮᠦᠨ
ᠴᠢᠷᠠᠢ ᠠᠯᠲᠠᠨ ᠬᠠᠷᠢ ᠶ᠋ᠢᠨ ᠨᠤᠲᠤᠭ ᠲᠤ᠌ ᠪᠣᠭᠣᠯ ᠪᠣᠯᠤᠭᠰᠠᠨ ᠢ᠋ ᠦᠵᠡᠯᠡ
ᠠᠮᠢᠳᠤᠷᠠᠯ ᠤ᠋ᠨ ᠲᠥᠯᠥᠭᠡ ᠬᠥᠮᠦᠨ ᠦ᠌ ᠨᠤᠲᠤᠭ ᠢ᠋ ᠵᠣᠷᠢᠭᠰᠠᠨ ᠡᠷᠡ ᠬᠥᠮᠦᠨ ᠦ᠌
ᠠᠷᠤ ᠳ᠋ᠤ᠌ ᠨᠢ ᠦᠯᠡᠳᠡᠭᠰᠡᠨ ᠠᠪᠠᠭᠠᠢ ᠬᠡᠦᠬᠡᠳ ᠨᠢ ᠶᠠᠳᠠᠷᠠᠵᠤ ᠭᠤᠨᠢᠭᠯᠠᠬᠤ ᠶ᠋ᠢ ᠪᠢ ᠦᠵᠡᠯᠡ
ᠠᠯᠢ ᠡᠷᠲᠡᠨ ᠦ᠌ ᠠᠹᠷᠢᠺᠠ ᠲᠢᠪ ᠦ᠋ᠨ ᠪᠣᠭᠣᠯ ᠤ᠋ᠨ ᠨᠡᠢᠭᠡᠮ ᠰᠢᠭ
ᠠᠵᠢᠯ ᠤ᠋ᠨ ᠬᠦᠨᠳᠦ ᠶ᠋ᠢ ᠨᠢ ᠨᠤᠭᠤᠯᠳᠠᠭ ᠬᠠᠷᠠ ᠠᠷᠠᠰᠤᠲᠤ ᠬᠥᠮᠦᠰ ᠰᠢᠭ
ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠢ᠋ ᠮᠢᠨᠢ ᠪᠡᠯᠡᠭ ᠦ᠋ᠨ ᠮᠣᠷᠢ ᠰᠢᠭ᠋ ᠦᠨᠡᠯᠡᠵᠦ
ᠮᠢᠬᠠᠨ ᠪᠢᠷᠠ᠂ ᠡᠷᠡᠦ ᠰᠢᠳᠦ᠂ ᠴᠢᠭᠢᠷᠠᠭ ᠴᠢᠳᠠᠪᠤᠷᠢ ᠪᠠᠷ ᠨᠢ ᠰᠢᠨᠵᠢᠵᠦ
ᠪᠣᠭᠤᠢᠨ(ᠪᠣᠢᠨ) ᠳ᠋ᠤ᠌ ᠶᠠᠪᠤᠭᠤᠯᠳᠠᠭ ᠲᠠᠷᠭᠤᠨ ᠠᠳᠤᠭᠤ ᠰᠢᠭ᠋ ᠬᠠᠷᠢᠴᠠᠵᠤ
ᠪᠣᠭᠣᠯ ᠪᠣᠯᠭᠠᠬᠤ ᠪᠠᠷ ᠬᠥᠮᠦᠨ ᠦ᠌ ᠨᠤᠲᠤᠭ ᠤᠷᠤᠭᠤ ᠵᠥᠭᠡᠭᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ
ᠭᠠᠳᠠᠭᠠᠳᠤ ᠳ᠋ᠤ᠌ ᠠᠵᠢᠯᠯᠠᠬᠤ ᠬᠦᠴᠦ ᠭᠠᠷᠭᠠᠬᠤ ᠨᠡᠷᠡᠢᠳᠦᠯ ᠢ᠋ᠶ᠋ᠡᠷ
ᠭᠠᠯ ᠴᠣᠭ ᠲᠠᠢ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠢ᠋ ᠮᠢᠨᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠬᠤ ᠶ᠋ᠢ ᠦᠵᠡᠯᠡ
ᠬᠣᠯᠠ ᠶ᠋ᠢᠨ ᠬᠣᠯᠠ ᠡᠴᠡ ᠭᠦᠶᠦᠬᠦ ᠤᠨᠠᠭᠠᠨ ᠬᠦᠯᠦᠭ ᠮᠣᠷᠢ ᠰᠢᠭ᠋
ᠬᠥᠮᠦᠨ ᠬᠥᠮᠦᠨ ᠦ᠌ ᠨᠤᠲᠤᠭ ᠡᠴᠡ ᠠᠮᠢᠳᠤ ᠢᠷᠡᠭᠰᠡᠨ ᠡᠷᠡ ᠬᠥᠮᠦᠨ ᠢ᠋
ᠬᠥᠯᠥᠰᠥ ᠬᠦᠴᠦ ᠪᠡᠷ ᠵᠢᠳᠬᠦᠵᠦ ᠣᠯᠤᠭᠰᠠᠨ ᠬᠥᠷᠥᠩᠭᠡ ᠨᠢ
ᠬᠥᠨᠳᠡᠭᠦᠷᠯᠡᠵᠦ ᠡᠪᠡᠳᠳᠡᠭ ᠵᠢᠷᠦᠬᠡ᠂ ᠡᠷᠡᠭᠦᠯ ᠪᠤᠰᠤ ᠪᠡᠶᠡ ᠨᠢ ᠪᠣᠯᠬᠤ ᠶ᠋ᠢ ᠯᠡ ᠦᠵᠡᠯᠡ
ᠣᠢ ᠶ᠋ᠢᠨ ᠰᠤᠭᠤ ᠰᠢᠭ᠋ ᠪᠦᠰᠡᠭᠦᠢ ᠶ᠋ᠢᠨ ᠬᠠᠯᠠᠮᠵᠢᠲᠤ ᠬᠠᠨᠢ ᠶ᠋ᠢᠨ ᠬᠢᠨᠢ ᠡᠪᠦᠷ ᠲᠦ᠍
ᠣᠷᠣᠨ ᠬᠥᠨᠵᠢᠯᠡ ᠳᠣᠲᠣᠷᠠ ᠨᠢ ᠬᠠᠷᠢ ᠶ᠋ᠢᠨ ᠬᠥᠭᠰᠢᠨ ᠯᠢ ᠣᠪᠣᠭᠲᠤ ᠣᠷᠣᠵᠤ
ᠬᠠᠷᠢ ᠶ᠋ᠢᠨ ᠬᠥᠮᠦᠨ ᠳ᠋ᠦ᠍ ᠡᠪᠦᠷ ᠢ᠋ᠶ᠋ᠡᠨ ᠨᠡᠭᠡᠭᠡᠵᠦ ᠦᠵᠡᠭᠡ ᠦᠭᠡᠢ
ᠬᠠᠲᠤᠨ ᠡᠬᠡ ᠶ᠋ᠢᠨ ᠰᠡᠳᠬᠢᠯ ᠢ᠋
ᠬᠠᠯᠬᠠ ᠬᠡᠦᠬᠡᠨ ᠤᠮᠠᠷᠲᠠᠵᠤ ᠪᠥᠭᠰᠡ ᠪᠡᠷ ᠢ᠋ᠶ᠋ᠡᠨ ᠠᠮᠢᠳᠤᠷᠠᠬᠤ ᠶ᠋ᠢ ᠦᠵᠡᠯᠡ
ᠮᠣᠷᠢᠨ ᠳᠡᠯ ᠳᠡᠭᠡᠷᠡ ᠬᠡᠢᠰᠴᠦ ᠶᠠᠪᠤᠭᠰᠠᠨ ᠡᠷᠡ ᠬᠥᠮᠦᠨ
ᠮᠠᠰᠢᠨ ᠲᠡᠷᠭᠡᠨ ᠳ᠋ᠦ᠍ ᠬᠡᠦᠬᠡᠳ ᠰᠢᠭ ᠳᠤᠷᠠᠯᠠᠵᠤ
ᠮᠠᠯ ᠬᠠᠷᠠᠬᠤ ᠪᠠᠷ ᠢ᠋ᠶ᠋ᠠᠨ ᠠᠶᠤᠵᠤ ᠵᠢᠭᠤᠲᠠᠳᠠᠭ
ᠮᠠᠶᠢᠭ ᠶᠡᠬᠡ ᠲᠡᠢ ᠮᠣᠩᠭᠣᠯ ᠵᠠᠯᠠᠭᠤ ᠶ᠋ᠢ ᠦᠷᠦ ᠡᠪᠡᠳᠦᠯᠡ
ᠬᠦᠳᠡᠷ ᠴᠢᠬᠢᠷᠡᠭ ᠭᠠᠷ ᠲᠠᠭᠠᠨ ᠢᠯᠳᠦ ᠪᠠᠷᠢᠵᠤ ᠶᠠᠪᠤᠭᠰᠠᠨ ᠮᠣᠩᠭᠣᠯ ᠡᠷᠡ ᠬᠥᠮᠦᠨ
ᠬᠡᠦᠬᠡᠨ ᠰᠢᠭ ᠰᠦᠮᠪᠦᠨ ᠴᠠᠭᠠᠨ ᠬᠤᠷᠤᠭᠤ ᠲᠠᠢ ᠪᠣᠯᠵᠤ
ᠬᠤᠷᠢᠮ ᠤ᠋ᠨ ᠪᠥᠭᠡᠵᠢ ᠨᠢ ᠮᠤᠯᠲᠤᠷᠠᠵᠤ ᠤᠨᠠᠬᠤ ᠶ᠋ᠢ ᠪᠢ ᠦᠵᠡᠯᠡ
ᠥᠷᠭᠥᠭᠡ ᠴᠠᠭᠠᠨ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠬᠣᠢᠮᠣᠷ ᠲᠤ᠌
ᠥᠯᠥᠭᠡᠢ ᠳᠣᠲᠣᠷᠠ ᠪᠠᠨ ᠰᠡᠭᠦᠯ ᠬᠥᠬᠥᠵᠦ ᠥᠰᠦᠭᠰᠡᠨ ᠡᠷᠡ ᠬᠥᠮᠦᠨ
ᠭᠡᠬᠦ ᠢᠳᠡᠳᠡᠭ ᠦᠭᠡᠢ ᠬᠤᠯᠧᠰᠲᠷᠢᠨ ᠶᠡᠬᠡᠲᠡᠢ ᠭᠡᠵᠦ
ᠦᠭᠡᠯᠡᠵᠦ ᠮᠠᠶᠢᠭᠯᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ ᠦᠨᠡᠨ ᠳ᠋ᠡᠭᠡᠨ ᠪᠢ ᠭᠤᠲᠤᠷᠠᠯᠠ
ᠠᠯᠲᠠ ᠪᠡᠶᠡ ᠪᠡᠨ ᠠᠯᠵᠢᠶᠠᠬᠤ ᠡᠴᠡ ᠠᠶᠤᠬᠤ ᠦᠭᠡᠢ
ᠠᠬᠤᠢ ᠲᠥᠷᠥ ᠳ᠋ᠡᠭᠡᠨ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠡᠷᠡ ᠬᠥᠮᠦᠨ
ᠠᠷᠠᠳ ᠲᠦᠮᠡᠨ ᠪᠠᠢᠲᠤᠭᠠᠢ ᠬᠣᠶᠠᠷᠬᠠᠨ ᠠᠯᠬᠤᠮ ᠤ᠋ᠨ ᠴᠠᠭᠠᠳᠤᠬᠢ ᠶ᠋ᠢ ᠬᠠᠷᠠᠬᠤ ᠦᠭᠡᠢ
ᠠᠪᠯᠢᠭᠠᠯ ᠳ᠋ᠤ᠌ ᠵᠢᠪᠦᠭᠡᠳ ᠠᠷᠠᠴᠢᠭᠠ ᠦᠭᠡᠢ ᠴᠢᠷᠠᠢᠯᠠᠬᠤ ᠶ᠋ᠢ ᠨᠢ ᠪᠢ ᠦᠵᠡᠯᠡ
ᠴᠢᠷᠠᠢᠯᠢᠭ ᠮᠣᠩᠭᠣᠯ ᠪᠦᠰᠡᠭᠦᠢ ᠶ᠋ᠢ ᠭᠤᠶᠤᠵᠤ ᠪᠢᠰᠢ ᠭᠣᠶᠣᠯᠠᠭᠤᠯᠵᠤ ᠶᠠᠪᠤᠭᠰᠠᠨ ᠡᠷᠡ ᠬᠥᠮᠦᠨ
ᠴᠢᠷᠠᠢ ᠠᠯᠲᠠᠨ ᠭᠤᠨᠢᠭᠯᠠᠵᠤ ᠤᠬᠢᠯᠠᠵᠤ ᠶᠠᠪᠤᠬᠤ ᠶ᠋ᠢ ᠨᠢ ᠬᠠᠷᠠᠭᠠᠳ
ᠴᠥᠬᠥᠷᠡᠵᠦ ᠦᠵᠡᠭᠡ ᠦᠭᠡᠢ ᠡᠷᠡ ᠬᠥᠮᠦᠨ ᠦ᠌ ᠮᠢᠨᠢ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ
ᠴᠠᠭ ᠤ᠋ᠨ ᠰᠠᠭᠠᠬᠠᠯᠲᠠ ᠳ᠋ᠤ᠌ ᠦᠭᠡᠢ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠷᠡᠯᠡ
ᠬᠠᠷᠠᠮᠰᠠᠵᠤ ᠪᠠᠢᠨᠠ ᠠ ᠪᠢ
ᠥᠭᠡᠬᠦᠨ ᠳ᠋ᠦ᠍ ᠣᠷᠢᠶᠠᠪᠠᠴᠤ ᠨᠣᠬᠠᠢ ᠲᠣᠭᠣᠵᠤ ᠢᠳᠡᠬᠦ ᠦᠭᠡᠢ
ᠡᠪᠡᠰᠦᠨ ᠳ᠋ᠦ᠍ ᠬᠤᠴᠢᠪᠠᠴᠤ ᠦᠬᠡᠷ ᠲᠣᠭᠣᠵᠤ ᠵᠠᠵᠢᠯᠬᠤ ᠦᠭᠡᠢ
ᠦᠯᠪᠡᠢᠭᠰᠡᠨ ᠠᠮᠢᠲᠠᠳ ᠦᠷᠡ ᠬᠣᠢᠴᠢ ᠮᠢᠨᠢ ᠪᠣᠯᠬᠤ ᠪᠣᠢ ᠭᠡᠰᠡᠨ
ᠥᠭᠡᠳᠡᠢ ᠬᠠᠭᠠᠨ ᠤ᠋ ᠪᠠᠨ ᠬᠣᠯᠠᠴᠢ ᠤᠬᠠᠭᠠᠨ ᠢ᠋ ᠠᠷᠭᠠ ᠦᠭᠡᠢ ᠪᠢ ᠪᠢᠰᠢᠷᠡᠯᠡ
ᠬᠠᠢᠵᠤ ᠰᠤᠷᠠᠭᠰᠠᠨ ᠡᠷᠡ ᠬᠥᠮᠦᠨ ᠢ᠋ᠶ᠋ᠡᠨ ᠪᠢ
ᠬᠠᠷᠠ ᠠᠷᠢᠬᠢᠨ ᠤ᠋ ᠯᠣᠩᠬᠣᠨ ᠳᠣᠲᠣᠷᠠ ᠨᠢ ᠪᠢ ᠬᠠᠷᠠᠯᠠ
ᠬᠠᠷᠢ ᠣᠷᠣᠨ ᠤ᠋ ᠪᠣᠭᠣᠯ ᠤ᠋ᠨ ᠬᠥᠳᠡᠯᠮᠦᠷᠢ ᠡᠴᠡ ᠣᠯᠤᠯᠠ
ᠬᠠᠷᠠᠩᠭᠤᠢ ᠵᠣᠪᠠᠯᠠᠩ ᠤ᠋ᠨ ᠬᠠᠰᠢᠶᠠᠨ ᠳᠣᠲᠣᠷᠠ ᠦᠵᠡᠯᠡ
ᠡᠷᠢᠭᠡᠳ ᠰᠤᠷᠠᠭᠠᠳ ᠪᠠᠢᠭᠰᠠᠨ ᠮᠣᠩᠭᠣᠯ ᠡᠷᠡ
ᠡᠷᠢᠭᠡᠳ ᠰᠤᠷᠠᠭᠠᠳ ᠪᠠᠢᠭᠰᠠᠨ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠢ᠋ ᠪᠡᠨ ᠪᠢ
ᠡᠨᠡ ᠨᠡᠢᠭᠡᠮ ᠦ᠋ᠨ ᠠᠮᠢᠳᠤᠷᠠᠯ ᠡᠴᠡ ᠪᠢ ᠣᠯᠤᠯᠠ
ᠡᠯᠢᠭᠡ ᠵᠢᠷᠦᠬᠡᠨ ᠳ᠋ᠡᠭᠡᠨ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠬᠠᠷᠠᠮᠰᠠᠯᠠ
ᠮᠣᠩᠭᠣᠯ ᠢ᠋ᠶ᠋ᠠᠨ ᠲᠠᠨᠢᠬᠤ ᠦᠭᠡᠢ᠂ ᠮᠣᠷᠢ ᠤᠨᠤᠵᠤ ᠴᠢᠳᠠᠬᠤ ᠦᠭᠡᠢ
ᠮᠣᠷᠢᠨ ᠬᠤᠭᠤᠷ ᠲᠣᠭᠯᠠᠬᠤ ᠦᠭᠡᠢ᠂ ᠮᠣᠩᠭᠣᠯ ᠪᠢᠴᠢᠭ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ
ᠬᠠᠷᠢ ᠣᠷᠣᠨ ᠤ᠋ ᠠᠩᠭ᠌ᠯᠢ ᠬᠡᠯᠡ ᠶ᠋ᠢ ᠬᠠᠭᠠᠰ ᠳᠤᠲᠠᠭᠤ ᠴᠠᠯᠴᠢᠭᠰᠠᠨ
ᠬᠡᠦᠬᠡᠨ ᠰᠢᠭ ᠡᠷᠡ ᠬᠦᠢᠰᠦᠲᠡᠨ ᠢ᠋ ᠬᠠᠷᠢᠨ ᠪᠢ ᠶᠡᠬᠡ ᠶ᠋ᠢ ᠦᠵᠡᠯᠡ
ᠰᠠᠢᠬᠠᠨ ᠡᠷᠡ ᠬᠥᠮᠦᠨ ᠬᠣᠪᠣᠷᠳᠠᠭᠰᠠᠨ ᠭᠡᠳᠡᠭ ᠢ᠋
ᠰᠠᠨᠠᠭᠠ ᠪᠣᠳᠣᠯ ᠠ᠋ᠴᠠ ᠪᠠᠨ ᠨᠡᠬᠡᠨ ᠠᠰᠠᠭᠤᠵᠤ
ᠰᠠᠯᠬᠢ ᠢᠰᠬᠡᠷᠦᠭᠰᠡᠨ ᠬᠦᠢᠲᠡᠨ ᠰᠥᠨᠢ
ᠰᠦᠨᠡᠰᠦ ᠲᠡᠢ ᠬᠠᠮᠲᠤᠷᠠᠵᠤ ᠡᠨᠡ ᠰᠢᠯᠦᠭ ᠢ᠋ ᠪᠢᠴᠢᠪᠡ ᠪᠢ᠃
ᠮᠢᠨᠵᠢ ᠪᠣᠷᠵᠢᠭᠢᠨ ᠣᠪᠣᠭᠲᠤ ᠪᠠᠲᠤᠰᠠᠢᠬᠠᠨ ᠤ᠋ ᠪᠠᠲᠤᠲᠡᠭᠦᠰ