ᠰᠢᠳᠢᠲᠦ ᠬᠠᠷᠠᠨᠳᠠShidet kharandaaШидэт харандаа
1215ᠰᠢᠳᠢᠲᠦ ᠬᠠᠷᠠᠨᠳᠠ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠺᠯᠠᠤᠳᠢ ᠭᠡᠬᠦ ᠵᠢᠵᠢᠭ ᠬᠣᠲᠠ ᠪᠠᠢᠵᠠᠢ ᠭᠡᠨᠡ᠃
ᠺᠯᠠᠤᠳᠢ ᠳ᠋ᠤ᠌ ᠠᠯᠪᠤᠷᠲ ᠬᠡᠮᠡᠬᠦ ᠭᠠᠢᠬᠠᠯᠲᠠᠢ ᠵᠢᠷᠤᠭᠠᠴᠢ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃ ᠠᠯᠪᠤᠷᠲ ᠮᠠᠰᠢ ᠴᠢᠳᠠᠪᠤᠷᠢᠯᠢᠭ ᠵᠢᠷᠤᠭᠠᠴᠢ ᠪᠠᠢᠭᠰᠠᠨ ᠪᠠ ᠬᠥᠮᠦᠰ ᠲᠡᠭᠦᠨ ᠦ᠌ ᠵᠢᠷᠤᠭᠰᠠᠨ ᠵᠢᠷᠤᠭ ᠢ᠋ ᠪᠣᠳᠠᠲᠤ ᠵᠢᠰᠦ ᠲᠡᠢ ᠡᠨᠳᠡᠭᠦᠷᠡᠬᠦ ᠨᠢ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠳᠠᠭ ᠪᠠᠢᠵᠠᠢ᠃
ᠲᠡᠷᠡ ᠪᠡᠷ ᠬᠣᠲᠠ ᠶ᠋ᠢᠨ ᠢ᠋ᠶ᠋ᠡᠨ ᠴᠢᠨᠡᠭᠡᠯᠢᠭ ᠬᠥᠮᠦᠰ ᠦ᠋ᠨ ᠵᠢᠷᠤᠭ ᠢ᠋ ᠵᠢᠷᠤᠵᠤ ᠮᠥᠩᠭᠥ ᠰᠠᠩ ᠣᠯᠳᠠᠭ ᠪᠠᠢᠪᠠ᠃ ᠬᠠᠮᠢᠭᠠ ᠶᠠᠪᠤᠭᠰᠠᠨ ᠭᠠᠵᠠᠷ ᠲᠤ᠌ ᠪᠠᠨ ᠵᠣᠳᠣᠩ ᠳᠠᠪᠤᠤ ᠪᠠᠨ ᠠᠪᠴᠤ ᠶᠠᠪᠤᠨ ᠥᠭᠡᠷᠡ ᠥᠭᠡᠷᠡ ᠭᠠᠵᠠᠷ ᠰᠣᠩᠭᠣᠨ ᠨᠣᠣᠷᠠᠭ ᠵᠢᠷᠤᠭ ᠵᠢᠷᠤᠳᠠᠭ ᠪᠠᠢᠵᠠᠢ᠃ ᠡᠭᠦᠨ ᠳ᠋ᠦ᠍ ᠪᠡᠨ ᠴᠦ᠍ ᠶᠡᠬᠡ ᠰᠠᠢᠨ ᠪᠠᠢᠯᠠ᠃ ᠲᠡᠷᠡ ᠪᠡᠷ ᠵᠢᠷᠭᠠᠵᠤ ᠪᠠᠢᠭᠠ ᠨᠠᠷᠠ᠂ ᠵᠢᠮᠢᠰ᠂ ᠬᠥᠮᠦᠨ ᠦ᠌ ᠬᠥᠷᠥᠭ ᠢ᠋ ᠪᠣᠳᠠᠲᠤ ᠮᠡᠲᠦ ᠳᠦᠷᠰᠦᠯᠡᠨ ᠵᠢᠷᠤᠳᠠᠭ ᠪᠠᠢᠯᠠ᠃ ᠭᠡᠪᠡᠴᠦ ᠺᠯᠠᠤᠳᠢ ᠵᠢᠵᠢᠭ ᠬᠣᠲᠠ ᠪᠠᠢᠭᠰᠠᠨ ᠤᠴᠢᠷ ᠵᠢᠷᠤᠭ ᠤ᠋ᠨ ᠵᠠᠬᠢᠶᠠᠯᠠᠭᠠ ᠠᠭᠠᠵᠢᠮ ᠢ᠋ᠶ᠋ᠠᠷ ᠴᠥᠭᠡᠷᠡᠵᠡᠢ ᠃ ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠬᠦ ᠶ᠋ᠢᠨ ᠬᠢᠷᠢ ᠪᠡᠷ ᠠᠵᠢᠯ ᠣᠯᠳᠠᠬᠤ ᠨᠢ ᠬᠣᠪᠣᠷᠳᠠᠵᠤ ᠡᠬᠢᠯᠡᠯᠡ᠃
ᠠᠯᠪᠤᠷᠲ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠨᠢ ᠣᠴᠢᠵᠤ ᠵᠢᠷᠭᠠᠵᠤ ᠪᠣᠢ ᠨᠠᠷᠠ ᠶ᠋ᠢ ᠵᠢᠷᠤᠳᠠᠭ ᠭᠣᠣᠯ ᠤ᠋ᠨ ᠳᠡᠷᠭᠡᠳᠡ ᠨᠢᠭᠡᠨ ᠨᠢᠳᠦ ᠪᠠᠶᠠᠰᠬᠠᠮᠠ ᠮᠣᠳᠣ ᠪᠠᠢᠳᠠᠭ ᠠᠵᠢ᠃ ᠠᠯᠪᠤᠷᠲ ᠲᠡᠷᠡ ᠮᠣᠳᠣᠨ ᠳ᠋ᠤ᠌ ᠬᠠᠢᠷᠠᠲᠠᠢ ᠪᠠᠢᠯᠠ᠃ ᠲᠡᠷᠡ ᠪᠡᠷ ᠵᠣᠳᠣᠩ ᠳᠠᠪᠤᠤ ᠳᠡᠭᠡᠷᠡ ᠪᠡᠨ ᠤᠭ ᠮᠣᠳᠣ ᠶ᠋ᠢ ᠮᠠᠰᠢ ᠣᠯᠠᠨ ᠤᠳᠠᠭᠠ ᠣᠯᠠᠨ ᠶᠠᠩᠵᠤ ᠪᠠᠷ ᠵᠢᠷᠤᠭᠰᠠᠨ ᠬᠡᠳᠦᠢ ᠴᠦ᠍ ᠣᠭᠲᠣᠬᠠᠨ ᠴᠤ᠌ ᠤᠢᠳᠤᠭᠠ ᠦᠭᠡᠢ ᠪᠠᠢᠪᠠ᠃ ᠬᠥᠮᠦᠨ ᠲᠡᠢ ᠶᠠᠷᠢᠵᠤ ᠪᠠᠢᠭᠠ ᠮᠡᠲᠦ ᠲᠡᠷᠡ ᠮᠣᠳᠣ ᠲᠠᠢ ᠶᠠᠷᠢᠳᠠᠭ ᠪᠠᠢᠵᠠᠢ ᠭᠡᠨᠡ᠃
-ᠠᠯᠢᠪ ᠯᠠ ᠳ᠋ᠸ᠂ ᠮᠣᠳᠣ ᠮᠢᠨᠢ᠃ ᠨᠠᠪᠴᠢ ᠪᠠᠨ ᠣᠬᠢᠭᠠᠳ ᠵᠢᠭᠠᠬᠠᠨ ᠳᠡᠯᠭᠡᠭᠡᠴᠢ ᠲᠠ᠃ ᠬᠠ ᠬᠠ ᠬᠠ᠂ ᠵᠠᠷᠢᠮ ᠳ᠋ᠤ᠌ ᠪᠠᠨ ᠴᠢ ᠦᠨᠡᠬᠡᠷ ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ ᠪᠠᠢᠭᠠ ᠮᠡᠲᠦ ᠰᠠᠨᠠᠭᠳᠠᠳᠠᠭ ᠰᠢᠦ᠃
ᠭᠡᠪᠡᠴᠦ ᠠᠯᠪᠤᠷᠲ ᠮᠣᠳᠣᠨ ᠳᠡᠭᠡᠷᠡ ᠪᠠᠢᠭᠠ ᠨᠢᠭᠡᠨ ᠥᠪᠡᠷ ᠢ᠋ ᠨᠢ ᠦᠷᠭᠦᠯᠵᠢ ᠰᠣᠨᠣᠰᠳᠠᠭ ᠢ᠋᠂ ᠪᠠᠰᠠ ᠵᠢᠷᠤᠭ ᠲᠤ᠌ ᠨᠢ ᠮᠠᠰᠢ ᠶᠡᠬᠡ ᠳᠤᠷᠠᠲᠠᠢ ᠭᠡᠳᠡᠭ ᠢ᠋ ᠮᠡᠳᠡᠳᠡᠭ ᠦᠭᠡᠢ ᠪᠠᠢᠪᠠ᠃ ᠲᠡᠷᠡ ᠪᠣᠯ ᠪᠢᠴᠢᠬᠠᠨ ᠳᠠᠭᠢᠨᠢ ᠫᠢᠺᠢᠯ ᠶᠦ᠍ᠮ᠃ ᠲᠡᠷᠡ ᠮᠣᠳᠣ ᠫᠢᠺᠢᠯ ᠦ᠋ᠨ ᠭᠡᠷ ᠪᠠᠢᠯᠠ ᠃ ᠫᠢᠺᠢᠯ ᠮᠠᠰᠢ ᠢᠴᠢᠮᠡᠬᠡᠢ ᠪᠠᠢᠭᠰᠠᠨ ᠪᠠ ᠥᠪᠡᠷ ᠢ᠋ ᠨᠢ ᠰᠡᠷᠢᠭᠦᠴᠡᠭᠦᠯᠵᠦ ᠬᠠᠮᠠᠭᠠᠯᠠᠵᠤ ᠪᠠᠢᠳᠠᠭ ᠮᠣᠳᠣᠨ ᠤ᠋ ᠰᠢᠬᠦᠦ ᠤᠷᠭᠤᠭᠰᠠᠨ ᠨᠣᠭᠣᠭᠠᠨ ᠨᠠᠪᠴᠢᠨ ᠳ᠋ᠤ᠌ ᠶᠡᠬᠡᠳᠡ ᠬᠠᠢᠷᠠᠲᠠᠢ ᠪᠠᠢᠪᠠ᠃
-ᠴᠢ ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ᠂ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠳᠠᠭ ᠴᠤ᠌ ᠪᠠᠢᠭᠰᠠᠨ ᠪᠣᠯᠤᠭᠠᠰᠠᠢ ᠭᠡᠵᠦ ᠦᠨᠡᠬᠡᠷ ᠶᠡᠬᠡ ᠬᠦᠰᠡᠵᠦ ᠪᠠᠢᠨᠠ᠃ ᠮᠢᠨᠦ ᠠᠮᠢᠳᠤᠷᠠᠳᠠᠭ ᠬᠣᠲᠠ ᠳ᠋ᠤ᠌ ᠠᠵᠢᠯ ᠣᠯᠳᠠᠬᠤ ᠪᠠᠨ ᠪᠣᠯᠢᠭᠰᠠᠨ᠃ ᠪᠢ ᠡᠨᠳᠡ ᠡᠴᠡ ᠶᠠᠪᠤᠵᠤ ᠥᠭᠡᠷᠡ ᠬᠣᠲᠠ ᠳ᠋ᠤ᠌ ᠠᠮᠢᠳᠤᠷᠠᠵᠤ ᠪᠣᠯᠬᠤ ᠴᠤ᠌ ᠭᠡᠷ ᠮᠢᠨᠢ ᠡᠨᠳᠡ ᠪᠠᠢᠨᠠ ᠰᠢᠦ ᠳᠡ᠂ ᠪᠢ ᠡᠨᠡ ᠭᠠᠵᠠᠷ ᠢ᠋ ᠣᠷᠬᠢᠵᠤ ᠪᠣᠯᠬᠤ ᠦᠭᠡᠢ᠃ ᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠣᠷᠬᠢᠵᠤ ᠶᠠᠪᠤᠬᠤ ᠠ᠋ᠴᠠ ᠥᠭᠡᠷᠡ ᠰᠣᠩᠭᠣᠯᠲᠠ ᠨᠠᠳᠠ ᠳ᠋ᠤ᠌ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠮᠢᠨᠦ ᠴᠢᠳᠠᠬᠤ ᠵᠦᠢᠯ ᠪᠣᠯ ᠵᠢᠷᠤᠭ ᠵᠢᠷᠤᠬᠤ᠃ ᠡᠨᠳᠡ ᠮᠢᠨᠦ ᠵᠢᠷᠤᠭ ᠢ᠋ ᠬᠤᠳᠠᠯᠳᠤᠵᠤ ᠠᠪᠬᠤ ᠬᠥᠮᠦᠨ ᠣᠯᠳᠠᠬᠤ ᠦᠭᠡᠢ ᠪᠣᠯ ᠪᠢ ᠥᠭᠡᠷᠡ ᠬᠣᠲᠠ ᠤᠷᠤᠭᠤ ᠨᠡᠭᠦᠬᠦ ᠨᠢ ᠵᠥᠪ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃
ᠠᠯᠪᠤᠷᠲ ᠢ᠋ ᠶᠠᠪᠤᠭᠰᠠᠨ ᠤ᠋ ᠳᠠᠷᠠᠭᠠ ᠫᠢᠺᠢᠯ ᠭᠤᠨᠢᠭᠯᠠᠨ ᠢᠩᠭᠢᠵᠦ ᠬᠡᠯᠡᠪᠡ᠄ ᠦ᠂ ᠪᠢ ᠲᠡᠭᠦᠨ ᠢ᠋ ᠶᠠᠪᠤᠭᠤᠯᠤᠮᠠᠷ ᠦᠭᠡᠢ ᠪᠠᠢᠨᠠ᠃ ᠨᠠᠳᠠ ᠳ᠋ᠤ᠌ ᠲᠡᠭᠦᠨ ᠦ᠌ ᠵᠢᠷᠤᠭ ᠨᠤᠭᠤᠳ ᠲᠠᠭᠠᠯᠠᠭᠳᠠᠳᠠᠭ᠃ ᠲᠡᠷᠡ ᠪᠣᠯ ᠮᠠᠰᠢ ᠡᠶᠡᠯᠳᠡᠭ ᠪᠠᠰᠠ ᠰᠢᠳᠤᠷᠭᠤ ᠬᠥᠮᠦᠨ᠃ ᠲᠡᠭᠦᠨ ᠦ᠌ ᠵᠢᠷᠤᠭ ᠢ᠋ ᠢᠯᠡᠭᠦᠦ ᠣᠯᠠᠨ ᠬᠥᠮᠦᠨ ᠳ᠋ᠦ᠍ ᠵᠠᠷᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠶᠠᠭᠤ ᠬᠢᠬᠦ ᠶᠣᠰᠣᠲᠠᠢ ᠪᠣᠢ? ᠬᠦᠯᠢᠶᠡᠭᠡᠷᠡᠢ᠂ ᠡᠨᠡ ᠲᠡᠢᠮᠦ ᠴᠦ᠍ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠢᠰᠢ᠂ ᠭᠣᠣᠯ ᠠᠰᠠᠭᠤᠳᠠᠯ ᠨᠢ ᠲᠡᠷᠡ ᠶᠡᠬᠡ ᠮᠥᠩᠭᠥ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠭᠠ᠃ ᠪᠢ ᠬᠥᠮᠦᠰ ᠲᠦ᠍ ᠲᠡᠭᠦᠨ ᠦ᠌ ᠵᠢᠷᠤᠭ ᠢ᠋ ᠬᠤᠳᠠᠯᠳᠤᠵᠤ ᠠᠪ ᠭᠡᠵᠦ ᠢᠳᠬᠠᠵᠤ ᠴᠢᠳᠠᠬᠤ ᠦᠭᠡᠢ ᠴᠦ᠍ ᠵᠢᠷᠤᠭᠠᠴᠢ ᠳ᠋ᠤ᠌ ᠬᠦᠰᠡᠵᠦ ᠪᠠᠢᠭᠠ ᠵᠦᠢᠯ ᠢ᠋ᠶ᠋ᠡᠨ ᠠᠪᠬᠤ ᠳ᠋ᠤ᠌ ᠨᠢ ᠲᠤᠰᠠᠯᠠᠵᠤ ᠴᠢᠳᠠᠬᠤ ᠶᠤᠮ ᠪᠠᠢᠨᠠ᠃
ᠬᠡᠰᠡᠭ ᠪᠣᠳᠣᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠫᠢᠺᠢᠯ ᠮᠣᠳᠣᠨ ᠳᠣᠲᠣᠷᠠ ᠪᠠᠷᠢᠭᠰᠠᠨ ᠡᠭᠦᠷ ᠲᠦ᠍ ᠪᠡᠨ ᠣᠷᠣᠨ ᠠᠵᠢᠯ ᠢ᠋ᠶ᠋ᠠᠨ ᠡᠬᠢᠯᠡᠵᠡᠢ ᠭᠡᠨᠡ᠃ ᠫᠢᠺᠢᠯ ᠰᠥᠨᠢᠵᠢᠨ ᠵᠣᠭᠰᠣᠯᠲᠠ ᠦᠭᠡᠢ ᠠᠵᠢᠯᠯᠠᠵᠠᠢ᠃
ᠳᠠᠷᠠᠭᠠ ᠶ᠋ᠢᠨ ᠡᠳᠦᠷ ᠨᠢ ᠫᠢᠺᠢᠯ ᠦ᠋ᠨ ᠪᠦᠲᠦᠭᠡᠯ ᠪᠡᠯᠡᠨ ᠪᠣᠯᠵᠠᠢ᠃ ᠭᠡᠷᠡᠯᠲᠦᠭᠰᠡᠨ ᠰᠠᠢᠬᠠᠨ ᠬᠠᠷᠠᠨᠳᠠ ᠬᠢᠭᠰᠡᠨ ᠪᠠᠢᠵᠠᠢ ᠭᠡᠨᠡ᠃
ᠠ᠂ ᠪᠣᠯᠴᠢᠬᠠᠯᠠ᠃ ᠡᠨᠡ ᠠᠯᠪᠤᠷᠲ ᠲᠤ᠌ ᠲᠤᠰᠠᠯᠠᠵᠤ ᠴᠢᠳᠠᠨᠠ᠃
ᠡᠳᠦᠷ ᠨᠢ ᠠᠯᠪᠤᠷᠲ ᠵᠤᠷᠰᠢᠯ ᠶᠣᠰᠣᠭᠠᠷ ᠳᠤᠷᠠᠲᠠᠢ ᠮᠣᠳᠣ ᠪᠠᠨ ᠣᠬᠢᠨ ᠨᠢᠭᠡ ᠵᠢᠷᠤᠬᠤ ᠪᠠᠷ ᠢᠷᠡᠪᠡ ᠭᠡᠨᠡ᠃ ᠢᠷᠡᠵᠦ ᠶᠠᠪᠤᠭᠠᠳ ᠴᠢᠯᠠᠭᠤᠨ ᠳᠡᠭᠡᠷᠡ ᠨᠢᠭᠡᠨ ᠬᠠᠷᠠᠨᠳᠠ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ᠃
ᠬᠦ᠂ ᠭᠡᠷᠡᠯᠲᠦᠭᠰᠡᠨ ᠰᠠᠢᠬᠠᠨ ᠬᠠᠷᠠᠨᠳᠠ ᠪᠠᠢᠨᠠ᠃ ᠡᠨᠡ ᠪᠣᠯ ᠮᠢᠨᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠬᠠᠷᠠᠨᠳᠠ᠃ ᠡᠨᠡ ᠬᠠᠷᠠᠨᠳᠠ ᠬᠡᠨ ᠦ᠌ ᠬᠢ ᠶᠦ᠍ᠮ ᠪᠣᠯ? ᠪᠢ ᠳᠤᠷᠠ ᠮᠡᠳᠡᠨ ᠠᠪᠴᠤ ᠪᠣᠯᠬᠤ ᠦᠭᠡᠢ ᠪᠠᠢᠬᠠ᠂ ᠡᠵᠡᠨ ᠨᠢ ᠬᠠᠷᠠᠨᠳᠠ ᠪᠠᠨ ᠬᠠᠢᠵᠤ ᠪᠠᠢᠭᠠ ᠰᠢᠦ ᠲᠠ᠃
ᠠᠯᠪᠤᠷᠲ ᠲᠡᠷᠡ ᠡᠳᠦᠷ ᠳᠤᠷᠠᠲᠠᠢ ᠮᠣᠳᠣ ᠪᠠᠨ ᠵᠢᠷᠤᠯ ᠦᠭᠡᠢ ᠪᠤᠴᠠᠵᠤ ᠶᠠᠪᠤᠯᠠ᠃ ᠬᠠᠷᠠᠨᠳᠠ ᠶ᠋ᠢ ᠦᠯᠡᠳᠡᠭᠡᠵᠦ ᠶᠠᠪᠤᠭᠰᠠᠨ ᠳ᠋ᠤ᠌ ᠪᠠᠨ ᠠᠯᠪᠤᠷᠲ ᠰᠡᠳᠬᠢᠯ ᠳᠤᠮᠳᠠᠭᠤᠷ ᠪᠠᠢᠯᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠲᠡᠷᠡ ᠪᠡᠷ ᠥᠭᠡᠷᠡ ᠬᠥᠮᠦᠨ ᠦ᠌ ᠬᠠᠷᠠᠨᠳᠠ ᠭᠡᠵᠦ ᠪᠣᠳᠣᠨ ᠬᠠᠷᠠᠨᠳᠠ ᠶ᠋ᠢ ᠠᠪᠬᠤ ᠦᠭᠡᠢ ᠪᠠᠢᠬᠤ ᠪᠠᠷ ᠰᠢᠢᠳᠴᠡᠢ᠃
ᠳᠠᠷᠠᠭᠠ ᠶ᠋ᠢᠨ ᠡᠳᠦᠷ ᠠᠯᠪᠤᠷᠲ ᠳᠤᠷᠠᠲᠠᠢ ᠮᠣᠳᠣ ᠪᠠᠨ ᠵᠢᠷᠤᠬᠤ ᠪᠠᠷ ᠡᠮᠦᠨᠡᠬᠢ ᠡᠴᠡ ᠪᠡᠨ ᠡᠷᠲᠡᠯᠡᠨ ᠣᠴᠢᠵᠠᠢ᠃ ᠴᠢᠯᠠᠭᠤᠨ ᠳᠡᠭᠡᠷᠡ ᠪᠠᠢᠭᠰᠠᠨ ᠬᠠᠷᠠᠨᠳᠠ ᠪᠠᠢᠷᠢᠨ ᠳ᠋ᠤ᠌ ᠪᠠᠨ ᠪᠠᠢᠭᠠᠰᠠᠢ ᠭᠡᠮᠡᠨ ᠳᠣᠲᠣᠷᠠ ᠪᠠᠨ ᠵᠠᠯᠪᠠᠷᠢᠵᠤ ᠪᠠᠢᠯᠠ᠃ ᠬᠠᠷᠠᠨᠳᠠ ᠨᠥᠭᠦᠭᠡ ᠯᠡ ᠭᠠᠵᠠᠷ ᠢ᠋ᠶ᠋ᠠᠨ ᠪᠠᠢᠪᠠ᠃
ᠦ᠂ ᠣᠳᠣ ᠴᠤ᠌ ᠡᠨᠳᠡ ᠪᠡᠨ ᠪᠠᠢᠨᠠ ᠰᠢᠦ ᠲᠠ᠂ ᠡᠵᠡᠨ ᠦᠭᠡᠢ ᠬᠠᠷᠠᠨᠳᠠ ᠪᠣᠯᠤᠯᠲᠠᠢ ᠰᠢᠦ᠃ ᠪᠢ ᠡᠨᠡ ᠣᠢ ᠶ᠋ᠢᠨ ᠲᠤᠬᠠᠢ ᠣᠯᠠᠨ ᠳᠣᠮᠣᠭ ᠶᠠᠷᠢᠶᠠ ᠰᠣᠨᠣᠰᠤᠭᠰᠠᠨ᠃ ᠳᠣᠮᠣᠭ ᠶᠠᠷᠢᠶᠠ ᠦᠨᠡᠨ ᠪᠠᠢᠭᠰᠠᠨ ᠴᠤ᠌ ᠶᠤᠮ ᠪᠢᠯᠡ ᠤᠤ᠂ ᠡᠨᠡ ᠣᠢ ᠷᠢᠳᠢ ᠰᠢᠳᠢ ᠲᠡᠢ ᠭᠡᠳᠡᠭ ᠨᠢ ᠦᠨᠡᠨ ᠪᠠᠢᠬᠠ᠃
ᠠᠯᠪᠤᠷᠲ ᠬᠠᠷᠠᠨᠳᠠ ᠶ᠋ᠢ ᠠᠪᠴᠤ ᠵᠢᠷᠤᠵᠤ ᠦᠵᠡᠬᠦ ᠪᠡᠷ ᠰᠢᠢᠳᠪᠡ᠃ ᠵᠣᠲᠣᠩ ᠳᠠᠪᠤᠤ ᠪᠠᠨ ᠭᠠᠷᠭᠠᠨ ᠨᠢᠭᠡᠨ ᠦᠵᠡᠰᠬᠦᠯᠡᠩᠲᠡᠢ ᠨᠠᠪᠴᠢ ᠵᠢᠷᠤᠵᠠᠢ ᠭᠡᠨᠡ᠃
ᠡᠨᠡ ᠬᠠᠷᠠᠨᠳᠠ ᠦᠨᠡᠬᠡᠷ ᠶᠡᠷᠦ ᠪᠤᠰᠤ ᠶ᠋ᠢᠨ ᠶᠦ᠍ᠮ᠃ ᠮᠢᠨᠦ ᠵᠢᠷᠤᠭᠰᠠᠨ ᠵᠢᠷᠤᠭ ᠬᠡᠵᠢᠶᠡ ᠴᠦ᠍ ᠡᠢᠮᠦ ᠰᠠᠢᠬᠠᠨ ᠬᠠᠷᠠᠭᠳᠠᠵᠤ ᠪᠠᠢᠭᠠ ᠦᠭᠡᠢ᠃
ᠬᠦᠯᠢᠶᠡᠭᠡᠷᠡᠢ᠂ ᠶᠠᠭᠤ ᠪᠣᠯᠬᠤ ᠨᠢ ᠡᠨᠡ ᠪᠣᠢ⁈
ᠵᠢᠷᠤᠭᠰᠠᠨ ᠨᠠᠪᠴᠢ ᠨᠢ ᠵᠢᠩᠬᠢᠨᠢ ᠨᠠᠪᠴᠢ ᠪᠣᠯᠪᠠ ᠃ ᠤᠳᠠᠯ ᠦᠭᠡᠢ ᠨᠣᠭᠣᠭᠠᠨ ᠨᠠᠪᠴᠢ ᠴᠠᠭᠠᠰᠤᠨ ᠠ᠋ᠴᠠ ᠰᠠᠯᠤᠨ ᠭᠠᠵᠠᠷ ᠲᠤ᠌ ᠤᠨᠠᠪᠠ ᠭᠡᠨᠡ᠃
ᠡᠨᠡ᠂ ᠡᠨᠡ ᠪᠣᠯᠤᠮᠵᠢ ᠲᠠᠢ ᠭᠡᠵᠢ ᠤᠤ⁈
ᠠᠯᠪᠤᠷᠲ ᠪᠣᠯᠭᠣᠮᠵᠢᠲᠠᠢ ᠭᠡᠭᠴᠢ ᠨᠠᠪᠴᠢ ᠶ᠋ᠢ ᠠᠪᠴᠤ ᠳᠡᠷᠭᠡᠳᠡ ᠪᠡᠨ ᠲᠠᠯᠪᠢᠵᠠᠢ᠃
ᠠᠬᠢᠭᠠᠳ ᠨᠢᠭᠡ ᠤᠳᠠᠭᠠ ᠲᠤᠷᠰᠢᠵᠤ ᠦᠵᠡᠬᠦ ᠪᠡᠷ ᠰᠢᠢᠳᠴᠦ ᠠᠯᠢᠮᠠ ᠵᠢᠷᠤᠵᠤ ᠡᠬᠢᠯᠡᠪᠡ ᠭᠡᠨᠡ᠃ ᠵᠢᠷᠤᠵᠤ ᠳᠠᠭᠤᠰᠤᠮᠠᠭᠴᠠ ᠵᠢᠷᠤᠭᠰᠠᠨ ᠠᠯᠢᠮᠠ ᠨᠢ ᠵᠢᠩᠬᠢᠨᠢ ᠠᠯᠢᠮᠠ ᠪᠣᠯᠵᠠᠢ ᠭᠡᠨᠡ᠃
ᠦ᠂ ᠦᠭᠡᠢ ᠪᠠᠢᠯᠭᠦᠢ ᠲᠠ᠂ ᠡᠨᠡ ᠰᠢᠳᠢᠲᠦ ᠬᠠᠷᠠᠨᠳᠠ ᠶᠤᠮ ᠪᠠᠢᠨᠠ᠃ ᠪᠢ ᠬᠦᠰᠡᠭᠰᠡᠨ ᠵᠦᠢᠯ ᠢ᠋ᠶ᠋ᠡᠨ ᠵᠢᠷᠤᠬᠤ ᠳ᠋ᠤ᠌ ᠯᠠ ᠪᠣᠯᠤᠨᠠ ᠭᠡᠰᠡᠨ ᠦᠭᠡ᠃
ᠠᠯᠪᠤᠷᠲ ᠬᠢᠵᠠᠭᠠᠷ ᠦᠭᠡᠢ ᠶᠡᠬᠡ ᠪᠠᠶᠠᠷᠯᠠᠪᠠ᠃ ᠪᠠᠶᠠᠷᠯᠠᠨ ᠬᠥᠭᠡᠷᠴᠦ ᠭᠡᠷ ᠦ᠋ᠨ ᠵᠦᠭ ᠶᠠᠭᠠᠷᠠᠨ ᠭᠦᠶᠦᠯᠡ᠃
ᠠᠯᠪᠤᠷᠲ ᠤ᠋ᠨ ᠶᠠᠪᠤᠬᠤ ᠶ᠋ᠢ ᠬᠠᠷᠠᠨ ᠵᠣᠭᠰᠣᠭᠰᠠᠨ ᠫᠢᠺᠢᠯ ᠠᠪᠢᠶᠠᠰᠯᠢᠭ ᠨᠠᠢᠵᠠ ᠳ᠋ᠤ᠌ ᠪᠠᠨ ᠲᠤᠰᠠᠯᠠᠭᠰᠠᠨ ᠳ᠋ᠤ᠌ ᠪᠠᠨ ᠪᠠᠶᠠᠷᠲᠠᠢ ᠪᠠᠢᠯᠠ᠃ ᠫᠢᠺᠢᠯ ᠵᠥᠪ ᠵᠦᠢᠯ ᠬᠢᠭᠰᠡᠨ ᠭᠡᠳᠡᠭ ᠲᠦ᠍ ᠪᠡᠨ ᠢᠲᠡᠭᠡᠯ ᠲᠡᠢ ᠪᠠᠢᠯᠠ᠃ ᠠᠯᠪᠤᠷᠲ ᠰᠢᠳᠢᠲᠦ ᠬᠠᠷᠠᠨᠳᠠ ᠪᠠᠨ ᠵᠥᠪ ᠵᠦᠢᠯ ᠳ᠋ᠦ᠍ ᠠᠰᠢᠭᠯᠠᠨᠠ ᠭᠡᠵᠦ ᠢᠲᠡᠭᠡᠵᠦ ᠪᠠᠢᠯᠠ᠃
ᠠᠯᠪᠤᠷᠲ ᠭᠡᠷ ᠲᠦ᠍ ᠪᠡᠨ ᠢᠷᠡᠨ ᠵᠣᠳᠣᠩ ᠳᠠᠪᠤᠤ ᠪᠠᠨ ᠪᠡᠯᠡᠳᠪᠡ ᠭᠡᠨᠡ᠃ ᠲᠡᠷᠡ ᠪᠡᠷ ᠬᠦᠰᠡᠭᠰᠡᠨ ᠪᠦᠬᠦᠨ ᠢ᠋ᠶ᠋ᠡᠨ ᠵᠢᠷᠤᠬᠤ ᠪᠠᠷ ᠶᠠᠭᠠᠷᠠᠨ ᠳᠣᠭᠳᠣᠯᠵᠤ ᠪᠠᠢᠪᠠ᠃ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠠᠮᠲᠠᠲᠠᠢ ᠬᠣᠭᠣᠯᠠ ᠵᠢᠷᠤᠬᠤ ᠪᠠᠷ ᠰᠢᠢᠳᠴᠡᠢ ᠭᠡᠨᠡ᠃ ᠮᠠᠩᠭᠣ ᠵᠢᠮᠢᠰ ᠵᠢᠷᠤᠬᠤ ᠵᠢᠷᠤᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠬᠡᠲᠦᠷᠬᠡᠢ ᠶᠠᠭᠠᠷᠠᠭᠰᠠᠨ ᠳ᠋ᠤ᠌ ᠪᠠᠨ ᠪᠥᠭᠡᠷᠡᠩᠬᠡᠢ ᠳᠦᠷᠰᠦ ᠵᠢᠷᠤᠵᠤ ᠣᠷᠬᠢᠪᠠ ᠭᠡᠨᠡ᠃ ᠶᠠᠭᠤ ᠴᠤ᠌ ᠪᠣᠯᠤᠭᠰᠠᠨ ᠦᠭᠡᠢ᠃ ᠵᠢᠷᠤᠭᠰᠠᠨ ᠵᠢᠷᠤᠭ ᠢ᠋ᠶ᠋ᠠᠨ ᠪᠠᠯᠠᠯᠤᠨ ᠠᠬᠢᠨ ᠵᠢᠷᠤᠵᠤ ᠡᠬᠢᠯᠡᠵᠡᠢ᠃ ᠭᠡᠪᠡᠴᠦ ᠳᠣᠭᠳᠣᠯᠤᠭᠰᠠᠨ ᠬᠡᠪ ᠢ᠋ᠶ᠋ᠡᠷ ᠪᠠᠢᠭᠰᠠᠨ ᠤᠴᠢᠷ ᠮᠠᠩᠭᠣ ᠪᠤᠰᠤ ᠮᠤᠷᠤᠢ ᠰᠠᠷᠤᠢ ᠵᠢᠷᠤᠭ ᠤ᠋ᠨ ᠳᠦᠷᠰᠦ ᠵᠢᠷᠤᠴᠢᠬᠠᠵᠠᠢ᠃ ᠣᠭᠢᠭᠠᠳ ᠯᠠ ᠶᠠᠭᠤ ᠴᠤ᠌ ᠪᠣᠯᠤᠭᠰᠠᠨ ᠦᠭᠡᠢ᠃
ᠥᠪᠡᠷ ᠢ᠋ ᠪᠡᠨ ᠲᠠᠢᠪᠤᠰᠢᠷᠠᠭᠤᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠪᠠᠷ ᠠᠯᠪᠤᠷᠲ ᠠᠬᠢᠨ ᠵᠢᠷᠤᠵᠤ ᠡᠬᠢᠯᠡᠪᠡ ᠃ ᠡᠨᠡ ᠤᠳᠠᠭᠠ ᠳ᠋ᠤ᠌ ᠠᠯᠪᠤᠷᠲ ᠲᠡᠪᠴᠢᠶᠡᠷᠢ ᠲᠡᠢ ᠪᠠᠢᠵᠤ ᠠᠪᠢᠶᠠᠰ ᠢ᠋ᠶ᠋ᠠᠨ ᠭᠠᠷᠭᠠᠨ ᠮᠠᠩᠭᠣ ᠵᠢᠷᠤᠵᠠᠢ᠃ ᠲᠡᠷᠡ ᠳᠠᠷᠤᠢ ᠳ᠋ᠤ᠌ ᠮᠠᠩᠭᠣ ᠪᠣᠳᠠᠲᠤ ᠪᠣᠯᠪᠠ᠃
ᠠ᠂ ᠣᠢᠯᠠᠭᠠᠯᠠ᠃ ᠡᠨᠡ ᠬᠠᠷᠠᠨᠳᠠ ᠵᠣᠳᠣᠩ ᠳᠠᠪᠤᠤ ᠳᠡᠭᠡᠷᠡ ᠶᠠᠭᠠᠷᠠᠯ ᠦᠭᠡᠢ ᠲᠡᠭᠦᠰ ᠵᠢᠷᠤᠭᠰᠠᠨ ᠦᠶᠡ ᠳ᠋ᠦ᠍ ᠯᠡ ᠰᠢᠳᠢ ᠪᠡᠨ ᠭᠠᠷᠭᠠᠳᠠᠭ ᠪᠠᠢᠬᠤ ᠨᠢ ᠠ᠋᠃
ᠡᠩ ᠁
ᠠᠯᠪᠤᠷᠲ ᠰᠢᠳᠢᠲᠦ ᠬᠠᠷᠠᠨᠳᠠ ᠶ᠋ᠢ ᠵᠥᠪᠬᠡᠨ ᠥᠪᠡᠷ ᠲᠦ᠍ ᠨᠢ ᠵᠣᠷᠢᠭᠤᠯᠵᠤ ᠣᠨᠴᠠᠭᠠᠢᠯᠠᠨ ᠬᠢᠭᠰᠡᠨ ᠭᠡᠳᠡᠭ ᠢ᠋ ᠮᠡᠳᠡᠭᠡ ᠦᠭᠡᠢ ᠪᠠᠢᠯᠠ᠃ ᠬᠣᠲᠠ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠣᠷᠣᠰᠢᠨ ᠰᠠᠭᠤᠭᠴᠢᠳ ᠤ᠋ᠨ ᠨᠢᠭᠡ ᠨᠢ ᠴᠦ᠍ ᠠᠯᠪᠤᠷᠲ ᠰᠢᠭ᠋ ᠲᠡᠭᠦᠰ ᠵᠢᠷᠤᠵᠤ ᠴᠢᠳᠠᠬᠤ ᠦᠭᠡᠢ᠃ ᠫᠢᠺᠢᠯ ᠡᠭᠦᠨ ᠢ᠋ ᠮᠡᠳᠡᠵᠦ ᠪᠠᠢᠯᠠ᠃ ᠲᠡᠢᠮᠦ ᠡᠴᠡ ᠬᠠᠷᠠᠨᠳᠠ ᠶ᠋ᠢ ᠬᠡᠨ ᠴᠦ᠍ ᠠᠯᠪᠤᠷᠲ ᠠ᠋ᠴᠠ ᠬᠤᠯᠠᠭᠠᠢᠯᠠᠵᠤ᠂ ᠬᠤᠯᠠᠭᠠᠢᠯᠠᠭᠰᠠᠨ ᠴᠤ᠌ ᠠᠰᠢᠭᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠬᠤ ᠪᠠᠷ ᠪᠣᠳᠣᠨ ᠬᠢᠭᠰᠡᠨ ᠪᠠᠢᠨᠠ᠃ ᠮᠥᠨ ᠫᠢᠺᠢᠯ ᠠᠯᠪᠤᠷᠲ ᠢ᠋ ᠰᠢᠳᠢᠲᠦ ᠬᠠᠷᠠᠨᠳᠠ ᠪᠠᠷ ᠢ᠋ᠶ᠋ᠠᠨ ᠵᠢᠷᠤᠵᠤ ᠪᠠᠢᠬᠤ ᠦᠶᠡ ᠳ᠋ᠦ᠍ ᠪᠡᠨ ᠦᠷᠭᠦᠯᠵᠢ ᠲᠠᠢᠪᠤᠩ ᠪᠠᠢᠭᠠᠰᠠᠢ ᠭᠡᠵᠦ ᠬᠦᠰᠡᠵᠡᠢ᠃ ᠶᠠᠮᠠᠷ ᠴᠤ᠌ ᠦᠶᠡ ᠳ᠋ᠦ᠍ ᠲᠠᠢᠪᠤᠩ ᠪᠠᠢᠬᠤ ᠨᠢ ᠬᠠᠮᠤᠭ ᠠ᠋ᠴᠠ ᠴᠢᠬᠤᠯᠠ ᠪᠣᠯᠬᠤ ᠶ᠋ᠢ ᠲᠡᠷᠡ ᠪᠡᠷ ᠮᠡᠳᠡᠳᠡᠭ ᠪᠠᠢᠯᠠ᠃
ᠰᠢᠳᠢᠲᠦ ᠬᠠᠷᠠᠨᠳᠠ ᠶ᠋ᠢ ᠬᠡᠷᠬᠢᠨ ᠠᠰᠢᠭᠯᠠᠬᠤ ᠶ᠋ᠢ ᠣᠢᠯᠠᠭᠠᠭᠰᠠᠨ ᠠᠯᠪᠤᠷᠲ ᠢ᠋ ᠵᠣᠭᠰᠣᠭᠠᠵᠤ ᠴᠢᠳᠠᠬᠤ ᠶᠠᠭᠤ ᠴᠤ᠌ ᠪᠠᠢᠭᠰᠠᠨ ᠦᠭᠡᠢ᠃ ᠦᠷᠭᠦᠯᠵᠢ ᠮᠥᠷᠥᠭᠡᠳᠳᠡᠭ ᠪᠠᠢᠭᠰᠠᠨ ᠪᠦᠬᠦᠨ ᠢ᠋ᠶ᠋ᠡᠨ ᠵᠢᠷᠤᠵᠤ ᠡᠬᠢᠯᠡᠵᠡᠢ᠃ ᠠᠮᠲᠠᠲᠠᠢ ᠬᠣᠭᠣᠯᠠ᠂ ᠲᠠᠷᠢᠶᠠ᠂ ᠬᠤᠪᠴᠠᠰᠤ ᠂ ᠪᠠᠢᠰᠢᠩ ᠢ᠋ᠶ᠋ᠠᠨ ᠴᠢᠮᠡᠭᠯᠡᠬᠦ ᠡᠷᠲᠡᠨ ᠦ᠌ ᠡᠳ᠋ᠯᠡᠯ᠃ ᠵᠢᠷᠤᠭ ᠢ᠋ᠶ᠋ᠠᠨ ᠥᠩᠭᠡ ᠣᠷᠣᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠣᠯᠠᠨ ᠥᠩᠭᠡ ᠶ᠋ᠢᠨ ᠪᠣᠳᠣᠭ ᠠᠰᠢᠭᠯᠠᠳᠠᠭ ᠪᠠᠢᠭᠰᠠᠨ ᠪᠠ ᠡᠳᠦᠷ ᠪᠦᠷᠢ ᠰᠢᠨᠡᠬᠡᠨ ᠴᠡᠴᠡᠭ ᠵᠢᠷᠤᠳᠠᠭ ᠪᠠᠢᠪᠠ᠃
ᠲᠠᠪᠠ ᠲᠤᠬᠠᠲᠠᠢ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠴᠣᠭᠴᠠᠯᠠᠵᠤ ᠴᠢᠳᠠᠭᠰᠠᠨ ᠠᠯᠪᠤᠷᠲ ᠶᠡᠬᠡᠳᠡ ᠪᠠᠶᠠᠷᠲᠠᠢ ᠪᠠᠢᠯᠠ᠃ ᠭᠡᠲᠡᠯᠡ ᠤᠳᠠᠯ ᠦᠭᠡᠢ ᠠᠮᠢᠳᠤᠷᠠᠯ ᠨᠢ ᠬᠡᠲᠦᠷᠬᠡᠢ ᠲᠤᠬᠠᠲᠠᠢ ᠪᠣᠯᠵᠠᠢ ᠭᠡᠨᠡ᠃
ᠣᠳᠣ ᠶᠠᠭᠠᠬᠢᠬᠤᠪ᠂ ᠪᠢ ᠬᠦᠰᠡᠭᠰᠡᠨ ᠪᠦᠬᠦᠨ ᠢ᠋ᠶ᠋ᠡᠨ ᠥᠪᠡᠷ ᠦ᠋ᠨ ᠪᠣᠯᠭᠠᠭᠰᠠᠨ᠃ ᠰᠢᠳᠢᠲᠦ ᠬᠠᠷᠠᠨᠳᠠ ᠪᠠᠷ ᠢ᠋ᠶ᠋ᠠᠨ ᠥᠭᠡᠷᠡ ᠶᠠᠭᠤ ᠬᠢᠵᠦ ᠪᠣᠯᠬᠤ ᠪᠣᠢ? ᠡᠩ᠃᠃ ᠬᠣᠲᠠ ᠶ᠋ᠢᠨ ᠢᠷᠭᠡᠳ ᠲᠦ᠍ ᠲᠤᠰᠠᠯᠠᠵᠤ ᠪᠣᠯᠬᠤ ᠶᠤᠮ ᠪᠠᠢᠨᠠ᠃ ᠪᠢ ᠲᠡᠳᠡᠨ ᠳ᠋ᠦ᠍ ᠬᠡᠷᠡᠭᠲᠡᠢ ᠪᠦᠬᠦᠨ ᠢ᠋ ᠨᠢ ᠵᠢᠷᠤᠵᠤ ᠴᠢᠳᠠᠨᠠ᠃
ᠡᠢᠨ ᠬᠦ᠌ ᠠᠯᠪᠤᠷᠲ ᠬᠣᠲᠠ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠳᠣᠲᠣᠨᠣ ᠶ᠋ᠢᠨ ᠨᠠᠢᠵᠠ ᠨᠤᠭᠤᠳ ᠳᠡᠭᠡᠷᠡ ᠪᠡᠨ ᠣᠴᠢᠨ ᠪᠦᠭᠦᠳᠡ ᠶ᠋ᠢ ᠲᠠᠢᠯᠪᠤᠷᠢᠯᠠᠵᠠᠢ ᠭᠡᠨᠡ᠃
ᠡᠬᠢᠨ ᠳ᠋ᠦ᠍ ᠪᠡᠨ ᠬᠡᠨ ᠴᠦ᠍ ᠠᠯᠪᠤᠷᠲ ᠲᠤ᠌ ᠢᠲᠡᠭᠡᠭᠰᠡᠨ ᠦᠭᠡᠢ᠃
-ᠪᠣᠯᠢᠵᠤ ᠦᠵᠡ᠂ ᠴᠢ ᠬᠢᠬᠦ ᠶᠠᠭᠤᠮᠠ ᠦᠭᠡᠢ ᠪᠣᠯᠤᠭᠠᠳ ᠳᠡᠮᠡᠢ ᠶᠠᠭᠤᠮᠠ ᠶᠠᠷᠢᠳᠠᠭ ᠪᠣᠯᠤᠭᠠ ᠤᠤ ᠳᠠ?
-ᠬᠡ ᠬᠡ ᠬᠡ᠂ ᠲᠡᠢᠮᠦ ᠰᠢᠦ᠂ ᠴᠢ ᠬᠢᠬᠦ ᠶᠠᠭᠤᠮᠠ ᠪᠠᠨ ᠣᠯᠵᠤ ᠶᠠᠳᠠᠭᠰᠠᠨ ᠳ᠋ᠤ᠌ ᠪᠠᠨ ᠯᠠ ᠦᠯᠢᠭᠡᠷ ᠶᠠᠷᠢᠳᠠᠭ ᠪᠣᠯᠵᠠᠢ ᠲᠧ᠃
ᠡᠨᠡ ᠦᠯᠢᠭᠡᠷ ᠪᠢᠰᠢ᠂ ᠬᠠᠷᠠᠵᠤ ᠪᠠᠢ᠃ ᠪᠢ ᠲᠠ ᠨᠠᠷ ᠲᠤ᠌ ᠬᠠᠷᠠᠭᠤᠯᠤᠶᠠ᠃
ᠠᠯᠪᠤᠷᠲ ᠨᠠᠢᠵᠠ ᠳ᠋ᠤ᠌ ᠨᠢ ᠶᠡᠬᠡ ᠤᠷᠭᠤᠴᠠ ᠬᠤᠷᠢᠶᠠᠬᠤ ᠳ᠋ᠤ᠌ ᠲᠤᠰᠠᠯᠠᠬᠤ ᠲᠷᠠᠺᠲ᠋ᠣᠷ ᠬᠡᠷᠡᠭᠲᠡᠢ ᠪᠠᠢᠭᠠ ᠶ᠋ᠢ ᠮᠡᠳᠡᠳᠡᠭ ᠪᠠᠢᠪᠠ᠃ ᠮᠥᠩᠭᠥ ᠪᠠᠭᠠ ᠲᠠᠢ ᠠ᠋ᠴᠠ ᠪᠣᠯᠵᠤ ᠨᠠᠢᠵᠠ ᠨᠢ ᠲᠷᠠᠺᠲ᠋ᠣᠷ ᠠᠪᠴᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠵᠠᠢ᠃
ᠠᠯᠪᠤᠷᠲ ᠵᠣᠳᠣᠩ ᠳᠠᠪᠤᠤ ᠪᠠᠨ ᠭᠠᠷᠭᠠᠨ ᠢᠷᠡᠵᠦ ᠶᠠᠭᠠᠷᠠᠵᠤ ᠲᠡᠪᠡᠳᠡᠯ ᠦᠭᠡᠢ ᠲᠷᠠᠺᠲ᠋ᠣᠷ ᠵᠢᠷᠤᠪᠠ᠃
ᠵᠠ᠂ ᠬᠥᠮᠦᠰ ᠠ᠋᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠭᠡᠳᠡᠷᠭᠦ ᠪᠡᠨ ᠪᠤᠯᠵᠠᠭᠠᠨᠠ ᠤᠤ?
ᠲᠡᠷᠡ ᠳᠠᠷᠤᠢ ᠳ᠋ᠤ᠌ ᠲᠡᠳᠡᠨ ᠦ᠌ ᠡᠮᠦᠨᠡ ᠨᠢᠭᠡᠨ ᠲᠷᠠᠺᠲ᠋ᠣᠷ ᠭᠠᠷᠴᠤ ᠢᠷᠡᠬᠦ ᠨᠢ ᠲᠡᠷᠡ᠃ ᠬᠥᠮᠦᠰ ᠠᠯᠪᠤᠷᠲ ᠢ᠋ ᠭᠠᠷ ᠳᠡᠭᠡᠷᠡ ᠪᠡᠨ ᠡᠷᠭᠦᠨ ᠪᠠᠶᠠᠷᠯᠠᠪᠠ ᠭᠡᠨᠡ᠃
ᠳᠠᠷᠠᠭᠠ ᠡᠳᠦᠷ ᠡᠴᠡ ᠨᠢ ᠡᠬᠢᠯᠡᠨ ᠠᠯᠪᠤᠷᠲ ᠣᠯᠠᠨ ᠬᠥᠮᠦᠨ ᠳ᠋ᠦ᠍ ᠲᠤᠰᠠ ᠪᠣᠯᠵᠠᠢ᠃ ᠥᠪᠡᠷ ᠲᠦ᠍ ᠣᠯᠳᠠᠭᠰᠠᠨ ᠪᠡᠯᠡᠭ ᠢ᠋ ᠣᠭᠲᠣᠬᠠᠨ ᠴᠤ᠌ ᠡᠷᠡᠭᠡᠯᠵᠡᠯ ᠦᠭᠡᠢ ᠪᠤᠰᠤᠳ ᠲᠠᠢ ᠬᠤᠪᠢᠶᠠᠯᠴᠠᠵᠤ ᠪᠠᠢᠯᠠ᠃ ᠺᠯᠠᠤᠳᠢ ᠶ᠋ᠢᠨ ᠠᠷᠠᠳ ᠢᠷᠭᠡᠳ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠥᠳᠡᠯᠮᠦᠷᠢᠴᠢ ᠬᠥᠮᠦᠰ ᠪᠠᠢᠪᠠ᠃ ᠬᠡᠨ ᠴᠦ᠍ ᠥᠪᠡᠷ ᠲᠦ᠍ ᠨᠢ ᠬᠡᠷᠡᠭ ᠦᠭᠡᠢ ᠵᠦᠢᠯ ᠢ᠋ ᠲᠡᠭᠦᠨ ᠡᠴᠡ ᠭᠤᠶᠤᠭᠰᠠᠨ ᠦᠭᠡᠢ᠃
ᠬᠡᠳᠦᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠨᠢᠭᠡᠨ ᠵᠢᠭᠤᠯᠴᠢᠨ ᠬᠣᠲᠠ ᠳ᠋ᠤ᠌ ᠢᠷᠡᠯᠡ᠃ ᠵᠢᠭᠤᠯᠴᠢᠨ ᠠᠯᠬᠤᠵᠤ ᠶᠠᠪᠤᠭᠠᠳ ᠺᠯᠠᠤᠳᠢ ᠶ᠋ᠢᠨ ᠢᠷᠭᠡᠳ ᠨᠢᠭᠡ ᠯᠡ ᠥᠭᠡᠷᠡ ᠪᠠᠢᠭᠠ ᠶ᠋ᠢ ᠠᠩᠵᠠᠭᠠᠷᠠᠵᠠᠢ ᠭᠡᠨᠡ᠃ ᠵᠢᠵᠢᠭ ᠬᠣᠲᠠ ᠶ᠋ᠢᠨ ᠠᠷᠠᠳ ᠢᠷᠭᠡᠳ ᠪᠦᠭᠦᠳᠡ ᠠᠵᠠ ᠵᠢᠷᠭᠠᠯ ᠲᠠᠢ ᠠᠵᠤ ᠲᠥᠷᠥᠵᠦ ᠪᠠᠢᠭᠠ ᠨᠢ ᠬᠠᠷᠠᠭᠳᠠᠪᠠ ᠭᠡᠨᠡ᠃ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠠᠰᠠᠭᠤᠬᠤ ᠪᠠᠷ ᠰᠢᠢᠳᠪᠡ᠃
ᠵᠢᠭᠤᠯᠴᠢᠨ ᠰᠠᠢᠬᠠᠨ ᠰᠡᠳᠬᠢᠯᠲᠦ ᠺᠯᠠᠤᠳᠢ ᠶ᠋ᠢᠨ ᠠᠷᠠᠳ ᠢᠷᠭᠡᠳ ᠡᠴᠡ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠠᠰᠠᠭᠤᠬᠤ ᠳ᠋ᠤ᠌ ᠲᠡᠳᠡ ᠵᠢᠭᠤᠯᠴᠢᠨ ᠳ᠋ᠤ᠌ ᠪᠦᠭᠦᠳᠡ ᠶ᠋ᠢ ᠬᠡᠯᠡᠵᠡᠢ᠃
ᠰᠢᠳᠢᠲᠦ ᠬᠠᠷᠠᠨᠳᠠ ᠭᠡᠨᠡ⁈ ᠦᠨᠡᠨ ᠭᠡᠵᠢ ᠤᠤ? ᠪᠢ ᠲᠡᠷᠡ ᠵᠢᠷᠤᠭᠠᠴᠢ ᠲᠠᠢ ᠶᠠᠭᠠᠷᠠᠯ ᠲᠠᠢ ᠠᠭᠤᠯᠵᠠᠬᠤ ᠬᠡᠷᠡᠭᠲᠡᠢ ᠶᠦ᠍ᠮ ᠪᠠᠢᠨᠠ᠃
ᠵᠢᠭᠤᠯᠴᠢᠨ ᠰᠢᠨᠤᠯ ᠲᠠᠢ ᠡᠷᠡ ᠪᠠᠢᠯᠠ᠃ ᠲᠡᠷᠡ ᠪᠡᠷ ᠮᠣᠳᠣᠨ ᠤ᠋ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠨ ᠠᠯᠪᠤᠷᠲ ᠢ᠋ ᠬᠠᠷᠠᠭᠰᠠᠨ ᠳᠠᠷᠤᠢ ᠳ᠋ᠤ᠌ ᠪᠠᠨ ᠠᠷᠤ ᠠ᠋ᠴᠠ ᠨᠢ ᠰᠡᠮᠬᠡᠨ ᠪᠠᠷᠢᠪᠠ᠃
-ᠠ᠋᠂ ᠲᠠ ᠬᠡᠨ ᠪᠣᠢ?
-ᠠᠮᠠ ᠪᠠᠨ ᠬᠠᠮᠬᠢ᠂ ᠨᠠᠮᠠ ᠶ᠋ᠢ ᠰᠣᠨᠣᠰ᠃ ᠨᠠᠳᠠ ᠳ᠋ᠤ᠌ ᠡᠳᠦᠷᠵᠢᠨ ᠴᠢᠮᠠ ᠲᠠᠢ ᠵᠢᠭᠤᠷᠠᠯᠳᠤᠬᠤ ᠴᠠᠭ ᠪᠠᠢᠬᠤ ᠦᠭᠡᠢ᠃ ᠬᠤᠷᠳᠤᠯᠠ! ᠨᠠᠳᠠ ᠳ᠋ᠤ᠌ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠦᠨᠡᠲᠦ ᠴᠢᠯᠠᠭᠤ᠂ ᠪᠠᠰᠠ ᠦᠨᠡᠲᠦ ᠴᠢᠯᠠᠭᠤ ᠪᠠᠨ ᠬᠢᠬᠦ ᠰᠢᠭᠤᠳᠠᠢ ᠵᠢᠷᠤᠭᠠᠳ ᠠᠯᠢ᠂ ᠲᠦᠷᠭᠡᠯᠡ!
ᠠᠯᠪᠤᠷᠲ ᠬᠠᠷᠠᠨᠳᠠ ᠪᠠᠨ ᠭᠠᠷᠭᠠᠨ ᠵᠢᠷᠤᠵᠤ ᠡᠬᠢᠯᠡᠪᠡ᠃ ᠭᠡᠪᠡᠴᠦ ᠶᠡᠬᠡ ᠠᠶᠤᠭᠰᠠᠨ ᠪᠠᠢᠭᠰᠠᠨ ᠤᠴᠢᠷ ᠠ᠋ᠴᠠ ᠴᠢᠯᠠᠭᠤ ᠵᠢᠷᠤᠬᠤ ᠠᠴᠠ ᠥᠭᠡᠷᠡ ᠶ᠋ᠢ ᠴᠢᠳᠠᠭᠰᠠᠨ ᠦᠭᠡᠢ᠃
-ᠡᠨᠡ ᠴᠢᠨᠢ ᠶᠠᠭᠤ ᠶᠤᠮ ᠪᠣᠢ? ᠨᠠᠳᠠ ᠪᠠᠷ ᠲᠣᠭᠯᠠᠭᠠᠮ ᠬᠢᠵᠦ ᠵᠢᠷᠦᠬᠡᠯᠡᠨᠡ ᠭᠡᠨᠡ⁈ ᠬᠣᠯᠠᠳᠠ᠂ ᠪᠢ ᠥᠪᠡᠷ ᠦ᠋ᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠢᠯᠲᠠᠭᠠᠨᠠᠭᠰᠠᠨ ᠠᠯᠲᠠᠨ ᠭᠢᠨᠵᠢ ᠵᠢᠷᠤᠬᠤ ᠪᠣᠯᠤᠨᠠ᠃
ᠵᠢᠭᠤᠯᠴᠢᠨ ᠵᠢᠷᠤᠭᠠᠴᠢ ᠪᠢᠰᠢ ᠪᠠᠢᠯᠠ᠃ ᠦᠨᠡᠨ ᠳ᠋ᠦ᠍ ᠪᠡᠨ ᠲᠡᠷᠡ ᠪᠡᠷ ᠮᠠᠰᠢ ᠮᠠᠭᠤ ᠵᠢᠷᠤᠳᠠᠭ ᠪᠠᠢᠪᠠ᠃ ᠠᠯᠲᠠᠨ ᠭᠢᠨᠵᠢ ᠵᠢᠷᠤᠭᠰᠠᠨ ᠭᠡᠵᠦ ᠪᠤᠳᠤᠲᠠᠯᠠ᠂ ᠦ᠂ ᠭᠢᠯᠲᠦᠭᠡᠨᠡᠭᠰᠡᠨ ᠮᠣᠭᠠᠢ ᠭᠠᠷᠴᠤ ᠢᠷᠡᠪᠡ ᠭᠡᠨᠡ᠃
ᠠ᠋᠂ ᠲᠤᠰᠠᠯᠠᠭᠠᠷᠠᠢ!
ᠵᠢᠭᠤᠯᠴᠢᠨ ᠮᠣᠭᠠᠢ ᠠ᠋ᠴᠠ ᠵᠢᠭᠤᠲᠠᠬᠤ ᠭᠡᠵᠦ ᠤᠷᠤᠯᠳᠤᠵᠤ ᠪᠠᠢᠬᠤ ᠵᠠᠭᠤᠷᠠ ᠠᠯᠪᠤᠷᠲ ᠲᠠᠢᠪᠤᠩ ᠰᠠᠭᠤᠵᠤ ᠲᠣᠮᠣ ᠲᠡᠮᠦᠷ ᠲᠣᠣᠷ ᠵᠢᠷᠤᠵᠠᠢ ᠭᠡᠨᠡ᠃ ᠲᠣᠣᠷ ᠭᠠᠷᠴᠤ ᠢᠷᠡᠮᠡᠭᠴᠡ ᠵᠢᠭᠤᠯᠴᠢᠨ ᠳᠣᠲᠣᠷᠠ ᠨᠢ ᠣᠷᠣᠵᠤ ᠠᠯᠪᠤᠷᠲ ᠬᠠᠭᠠᠯᠭᠠ ᠶ᠋ᠢ ᠲᠦᠭᠵᠢᠪᠡ᠃
ᠮᠣᠭᠠᠢ ᠶᠠᠪᠤᠭᠰᠠᠨ ᠤ᠋ ᠳᠠᠷᠠᠭᠠ ᠠᠯᠪᠤᠷᠲ ᠴᠠᠭᠳᠠᠭᠠ ᠳᠡᠭᠡᠷᠡ ᠣᠴᠢᠨ ᠵᠢᠭᠤᠯᠴᠢᠨ ᠤ᠋ ᠲᠤᠬᠠᠢ ᠬᠡᠯᠡᠪᠡ ᠭᠡᠨᠡ᠃ ᠵᠢᠭᠤᠯᠴᠢᠨ ᠥᠪᠡᠷ ᠤᠷᠤᠭᠤ ᠨᠢ ᠳᠠᠭᠠᠷᠢᠵᠤ᠂ ᠰᠢᠳᠢᠲᠦ ᠬᠠᠷᠠᠨᠳᠠ ᠪᠠᠷ ᠬᠦᠰᠡᠯ ᠢ᠋ ᠨᠢ ᠪᠡᠶᠡᠯᠡᠭᠦᠯᠬᠦ ᠶ᠋ᠢ ᠱᠠᠭᠠᠷᠳᠠᠭᠰᠠᠨ ᠲᠤᠬᠠᠢ ᠬᠡᠯᠡᠵᠡᠢ ᠭᠡᠨᠡ ᠃
ᠬᠠᠢ ᠁
ᠺᠯᠠᠤᠳᠢ ᠳ᠋ᠤ᠌ ᠡᠩᠬᠡ ᠲᠠᠢᠪᠤᠩ ᠡᠷᠭᠢᠨ ᠲᠣᠭᠲᠠᠯᠠ᠃ ᠠᠰᠠᠭᠤᠳᠠᠯ ᠢ᠋ ᠤᠬᠠᠭᠠᠯᠢᠭ ᠢ᠋ᠶ᠋ᠠᠷ ᠰᠢᠢᠳᠦᠭᠰᠡᠨ ᠠᠯᠪᠤᠷᠲ ᠢ᠋ᠶ᠋ᠠᠷ ᠬᠣᠲᠠ ᠶ᠋ᠢᠨ ᠢᠷᠭᠡᠳ ᠪᠠᠬᠠᠷᠬᠠᠵᠤ ᠪᠠᠢᠪᠠ᠃ ᠠᠯᠪᠤᠷᠲ ᠮᠠᠰᠢ ᠴᠢᠬᠤᠯᠠ ᠨᠢᠭᠡᠨ ᠵᠦᠢᠯ ᠢ᠋ ᠰᠤᠷᠴᠤ ᠠᠪᠤᠭᠰᠠᠨ ᠪᠠᠢᠨᠠ᠃ ᠬᠦᠴᠦ ᠬᠥᠳᠡᠯᠮᠦᠷᠢ ᠭᠠᠷᠭᠠᠯ ᠦᠭᠡᠢ ᠡᠳ᠋ ᠪᠠᠶᠠᠯᠢᠭ ᠲᠠᠢ ᠪᠣᠯᠬᠤ ᠨᠢ ᠶᠠᠮᠠᠷ ᠠᠶᠤᠯ ᠲᠠᠢ ᠪᠣᠯᠬᠤ ᠶ᠋ᠢ ᠲᠡᠷᠡ ᠤᠬᠠᠭᠠᠷᠠᠵᠠᠢ᠃
ᠡᠢᠨ ᠬᠦ᠌ ᠬᠠᠷᠠᠨᠳᠠ ᠶ᠋ᠢ ᠠᠩᠬᠠ ᠣᠯᠤᠭᠰᠠᠨ ᠴᠢᠯᠠᠭᠤᠨ ᠳᠣᠣᠷᠠ ᠪᠤᠯᠠᠬᠤ ᠪᠠᠷ ᠰᠢᠢᠳᠪᠡ ᠭᠡᠨᠡ᠃ ᠰᠢᠳᠢᠲᠦ ᠬᠠᠷᠠᠨᠳᠠ ᠠᠯᠪᠤᠷᠲ ᠤ᠋ᠨ ᠳᠤᠷᠠᠲᠠᠢ ᠪᠢᠴᠢᠬᠠᠨ ᠳᠠᠭᠢᠨᠢ ᠶ᠋ᠢᠨ ᠠᠮᠢᠳᠤᠷᠠᠳᠠᠭ ᠮᠣᠳᠣᠨ ᠤ᠋ ᠵᠡᠷᠭᠡᠯᠡᠳᠡᠭᠡ ᠭᠠᠵᠠᠷ ᠳᠣᠣᠷᠠ ᠣᠳᠣ ᠴᠤ᠌ ᠪᠠᠢᠭᠠ ᠭᠡᠳᠡᠭ ᠲᠦ᠍ ᠬᠥᠮᠦᠰ ᠢᠲᠡᠭᠡᠳᠡᠭ᠃
ᠦᠰᠦᠭ ᠠᠮᠠᠯᠠᠭᠤᠯᠤᠭᠴᠢ᠄ ᠬᠠᠢ ᠵᠢᠶᠦ᠋ᠨ
ᠬᠢᠨᠠᠭᠴᠢ᠄ ᠬᠠᠢ ᠵᠢᠶᠦ᠋ᠨ