ᠮᠢᠨᠦ ᠬᠡᠯᠡ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Миний хэл – Ёндоны Билиг - Баатар
1505ᠮᠢᠨᠦ ᠬᠡᠯᠡ
ᠰᠢᠭᠤᠳ ᠯᠠ ᠮᠢᠨᠦ ᠮᠣᠩᠭᠣᠯ ᠬᠡᠯᠡ ᠶ᠋ᠢ
ᠰᠠᠷᠠᠨ ᠤ᠋ ᠭᠡᠷᠡᠯ ᠰᠢᠭ ᠠᠩᠭᠠᠵᠤ ᠵᠠᠯᠭᠢᠯᠨᠨᠡ
ᠰᠦᠨ ᠠᠮᠲᠠ ᠶ᠋ᠢ ᠨᠢ ᠬᠥᠬᠥᠵᠦ ᠦᠰᠤᠨᠡ
ᠰᠤᠤᠲᠤ ᠬᠡᠯᠡ ᠮᠢᠨᠢ ᠳᠥᠷᠪᠡᠨ ᠤᠯᠠᠷᠢᠯ ᠲᠠᠢ
ᠲᠥᠷᠥᠭᠰᠡᠨ ᠮᠥᠴᠡ ᠡᠴᠡ ᠪᠡᠨ ᠡᠬᠢᠯᠡᠨ
ᠲᠦᠮᠡᠨ ᠲᠥᠷᠥᠯ ᠦ᠋ᠨ ᠬᠡᠯᠡ ᠲᠡᠢ
ᠰᠣᠯᠣᠩᠭᠠᠷᠠᠨ ᠶᠠᠷᠢᠯᠴᠠᠳᠠᠭ ᠶᠤᠮ
ᠲᠢᠪ ᠳᠡᠯᠡᠬᠡᠢ ᠶ᠋ᠢ ᠲᠣᠭᠣᠷᠢᠭᠠᠳ ᠁
ᠲᠦᠪᠡᠷᠭᠡᠨ ᠦ᠌ ᠴᠢᠮᠡᠭᠡ ᠲᠡᠢ
ᠠᠶᠤᠩᠭᠠᠨ ᠳᠠᠭᠤᠨ ᠲᠠᠢ
ᠠᠭᠰᠤᠮᠨᠠᠩᠬᠠᠨ ᠤᠷᠤᠰᠳᠠᠭ ᠶᠤᠮ
ᠵᠥᠪ ᠡᠨᠸᠷᠬᠢ ᠶ᠋ᠢᠨ ᠳᠣᠯᠭᠢᠶᠠᠨ ᠲᠠᠢ ᠪᠣᠯᠬᠣᠷ
ᠵᠢᠷᠦᠬᠡᠨ ᠦ᠌ ᠬᠡᠯᠡ ᠠᠮᠤᠭᠤᠯᠠᠩ ᠣᠷᠣᠰᠢᠳᠠᠭ
ᠰᠠᠨᠰᠠᠷ ᠣᠷᠴᠢᠯᠠᠩ ᠤ᠋ᠨ ᠭᠡᠷᠡᠯ ᠬᠡᠯᠡ ᠶ᠋ᠢ ᠴᠦ᠍
ᠰᠠᠳᠤᠨ ᠤ᠋ ᠪᠠᠨ ᠬᠡᠯᠡ ᠰᠢᠭ ᠲᠥᠬᠥᠭᠡᠷᠡᠳᠡᠭ
ᠠᠮᠢᠲᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠦ᠋ᠨ ᠬᠡᠯᠡ ᠶ᠋ᠢ
ᠠᠯᠳᠠᠭᠠ ᠦᠭᠡᠢ ᠵᠥᠪ ᠣᠷᠴᠢᠭᠤᠯᠳᠠᠭ!
ᠮᠥᠩᠬᠡ ᠲᠡᠭᠷᠢ ᠡᠴᠡ ᠠᠰᠬᠠᠷᠠᠳᠠᠭ ᠪᠣᠯᠬᠣᠷ
ᠮᠤᠩᠬᠠᠭ ᠲᠠᠷᠢᠬᠢᠨ ᠠ᠋ᠴᠠ ᠳᠡᠯᠭᠡᠷᠡᠳᠡᠭ ᠦᠭᠡᠢ
ᠡᠷᠡᠮᠡᠬᠡᠢ ᠪᠣᠰᠤᠭᠠ ᠠᠮᠢᠰᠠᠬᠤᠭᠠ ᠲᠠᠢ ᠪᠣᠯᠬᠣᠷ
ᠡᠷᠭᠢᠯᠭᠡᠨ ᠡᠴᠡ ᠪᠡᠨ ᠡᠷᠴᠢᠮ ᠬᠤᠷᠤᠢᠯᠠᠳᠠᠭ!
ᠵᠢᠸᠠ ᠰᠠᠶᠠ ᠡᠬᠢᠰᠢᠭᠯᠡᠩ ᠲᠡᠢ ᠪᠣᠯᠬᠣᠷ
ᠰᠠᠭᠰᠠᠷᠯᠢᠭ ᠣᠷᠴᠢᠯᠠᠩᠯᠢᠭ ᠣᠶᠣᠯᠢᠭ ᠬᠡᠯᠡ ᠶᠦᠮ
ᠰᠠᠢᠨ ᠰᠠᠢᠬᠠᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠪᠣᠯᠬᠣᠷ
ᠵᠢᠪᠡᠷᠡᠰᠢ ᠦᠭᠡᠢ ᠭᠠᠯ ᠰᠦᠨᠡᠰᠦ ᠲᠡᠢ ᠶᠦᠮ
ᠡᠢᠮᠦ ᠯᠡ ᠰᠠᠢᠬᠠᠨ ᠭᠠᠢᠬᠠᠮᠰᠢᠭᠲᠠᠢ
ᠡᠩᠬᠦᠷᠡᠢ ᠲᠣᠷᠭᠠᠨ ᠬᠡᠯᠡ ᠶ᠋ᠢ ᠪᠡᠨ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠲᠠᠢ ᠪᠠᠨ
ᠲᠠᠩᠰᠤᠭ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠭᠤᠯᠤᠩᠬᠠᠨ
ᠲᠠᠩᠭᠠᠷᠢᠭᠲᠤ ᠤᠨᠢᠰᠤᠭᠠᠯᠢᠭ ᠤᠳᠬᠠ ᠲᠠᠢ ᠨᠢ
ᠲᠠᠩᠭᠠᠷᠢᠭ ᠡᠷᠭᠦᠨ ᠬᠠᠮᠠᠭᠠᠯᠠᠵᠤ ᠯᠠ ᠶᠠᠪᠤᠶᠠ
ᠮᠢᠨᠦ ᠬᠡᠯᠡᠨ ᠮᠢᠨᠦ ᠨᠢᠳᠦᠨ ᠴᠡᠴᠡᠭᠡᠢ
2024᠂ 09᠂ 22᠃ 18᠄ 49 ᠮᠢᠨᠦ᠋ᠲ᠃
ᠲᠡᠭᠷᠢᠯᠢᠭ ᠳᠡᠭᠲᠡᠷᠯᠢᠭ ᠲᠦ᠍ ᠤᠬᠠᠭᠠᠷᠠᠬᠤᠢ
ᠠᠯᠲᠠᠨ ᠬᠠᠭᠠᠨ ᠤ᠋ ᠤᠤᠭᠠᠨ ᠨᠡᠢᠰᠯᠡᠯ –
ᠠᠯᠲᠠᠨ ᠱᠠᠰᠲᠢᠷᠲᠤ ᠶ᠋ᠢᠨ ᠬᠥᠬᠡᠬᠣᠲᠠ ᠶ᠋ᠢᠨ
ᠬᠥᠳᠡᠭᠡ ᠨᠡᠷᠡᠮᠵᠢᠲᠦ ᠴᠡᠴᠡᠷᠯᠢᠭ ᠦ᠋ᠨ ᠢ᠋ᠶ᠋ᠡᠨ
ᠠᠯᠲᠠᠨ ᠰᠢᠷᠭᠠᠯ ᠬᠠᠳᠠᠲᠤ ᠪᠢᠴᠢᠭ ᠦ᠋ᠨ ᠢ᠋ᠶ᠋ᠡᠨ
ᠰᠢᠷᠡᠭᠡᠨ ᠳᠡᠭᠡᠷᠡ ᠲᠡᠭᠦᠰ ᠪᠦᠲᠦᠭᠡᠪᠡᠢ᠃