ᠮᠣᠩᠭᠣᠯ ᠪᠠᠭᠰᠢ ᠨᠠᠷ ᠲᠤ ᠪᠠᠨ – ᠵᠣᠬᠢᠶᠠᠭᠴᠢ ᠂ ᠤᠶᠠᠩᠭᠠᠯᠠᠭᠴᠢ - ᠴᠢ ᠂ᠳᠠᠪᠰᠢᠯᠲᠦ Монгол багш нартаа – Зохиогч ᠂ Уянгалагч - Чи ᠂ Давшилд
1268ᠮᠣᠩᠭᠣᠯ ᠪᠠᠭᠰᠢ ᠨᠠᠷ ᠲᠤ ᠪᠠᠨ
ᠤᠶᠠᠩᠭᠠᠯᠠᠭᠴᠢ᠄ ᠴᠢ᠂ ᠳᠠᠪᠰᠢᠯᠳᠤ
ᠵᠠ ᠲᠡᠭᠡᠭᠡᠳ ᠪᠠᠭᠰᠢ ᠶ᠋ᠢᠨ ᠪᠠᠶᠠᠷ ᠢᠷᠡᠵᠦ ᠪᠠᠢᠬᠤ ᠲᠠᠰᠢᠷᠠᠮ ᠢ᠋ᠶ᠋ᠠᠷ
ᠲᠠ ᠪᠦᠬᠦᠨ ᠳ᠋ᠦ᠍ ᠪᠡᠨ ᠰᠠᠶᠢᠬᠠᠨ ᠪᠢᠴᠢᠭᠰᠡᠨ ᠰᠢᠯᠦᠭ ᠢ᠋ᠶ᠋ᠡᠨ ᠲᠣᠯᠢᠯᠠᠭᠤᠯᠤᠶᠠ᠃
ᠡᠬᠡᠰᠢᠭ ᠳᠣᠯᠣᠭᠠ ᠶ᠋ᠢ ᠨᠢᠳᠦᠯᠡᠭᠦᠯᠵᠦ
ᠡᠷᠡ ᠬᠣᠩᠭᠣᠷ ᠨᠠᠰᠤ ᠶ᠋ᠢ ᠮᠢᠨᠢ
ᠡᠬᠡ ᠬᠡᠯᠡᠨ ᠦ᠌ ᠳᠠᠯᠠᠢ ᠳ᠋ᠤ᠌ ᠱᠤᠩᠪᠠᠭᠤᠯᠤᠭᠰᠠᠨ
ᠡᠨᠡ ᠬᠣᠷᠸᠠ ᠶ᠋ᠢᠨ ᠬᠠᠮᠤᠭ ᠭᠡᠭᠡᠬᠡᠨ ᠬᠥᠮᠦᠨ
ᠪᠠᠭᠰᠢ ᠬᠥᠮᠦᠨ ᠭᠡᠵᠦ
ᠪᠠᠷᠢᠨᠲᠠᠭᠲᠤ ᠰᠤᠳᠤᠷ ᠤ᠋ᠨ ᠠᠯᠲᠠᠨ ᠮᠥᠷ ᠦ᠋ᠳ ᠢ᠋
ᠠᠴᠤᠭ ᠠᠷᠠᠭᠠ ᠣᠷᠬᠢᠴᠠ ᠴᠠᠴᠤᠯᠭᠠ ᠳ᠋ᠤ᠌ ᠨᠢ ᠬᠦᠷᠲᠡᠯᠡ
ᠪᠠᠷᠢᠵᠤ ᠪᠠᠢᠵᠤ ᠰᠤᠷᠭᠠᠭᠰᠠᠨ ᠵᠠᠷᠤᠴᠠ ᠬᠥᠮᠦᠨ
ᠵᠢᠭᠠᠬᠠᠨ ᠪᠠᠭᠠ ᠨᠠᠰᠤᠨ ᠤ᠋ ᠮᠢᠨᠢ ᠬᠠᠷᠭᠤᠢ ᠶ᠋ᠢ ᠬᠡᠷᠡᠯᠳᠦᠭᠦᠯᠦᠭᠰᠡᠨ
ᠵᠤᠯᠠ ᠪᠠᠷᠢᠵᠤ ᠡᠮᠦᠨᠡ ᠮᠢᠨᠢ ᠶᠠᠪᠤᠭᠰᠠᠨ ᠬᠥᠲᠥᠴᠢ ᠬᠥᠮᠦᠨ
ᠦᠨᠳᠦᠰᠦᠲᠡᠨ ᠦ᠌ ᠰᠣᠶᠣᠯ ᠤ᠋ᠨ ᠮᠠᠨᠳᠤᠯ ᠳᠡᠭᠵᠢᠯ ᠦ᠋ᠨ ᠬᠠᠲᠠᠪᠴᠢᠨ ᠳᠣᠣᠷᠠ
ᠥᠷᠥᠭᠳᠡᠵᠦ ᠳᠡᠪᠢᠰᠦᠭᠳᠡᠭᠰᠡᠨ ᠱᠠᠲᠤᠨ ᠳᠡᠭᠲᠡᠷ ᠴᠢᠯᠠᠭᠤ
ᠬᠣᠷᠸᠠ ᠳ᠋ᠤ᠌ ᠬᠣᠪᠣᠷᠬᠠᠨ ᠪᠣᠰᠤᠭᠠ ᠦᠰᠦᠭ ᠦ᠋ᠨ
ᠥᠪ ᠰᠣᠶᠣᠯ ᠤ᠋ᠨ ᠵᠤᠯᠠ ᠶ᠋ᠢᠨ ᠲᠠᠬᠢᠯ ᠳ᠋ᠤ᠌
ᠰᠢᠷᠠ ᠲᠣᠰᠣ ᠳᠤᠰᠤᠭᠠᠭᠰᠠᠨ ᠥᠭᠯᠢᠭᠡ ᠶ᠋ᠢᠨ ᠡᠵᠡᠨ
ᠦᠷᠭᠦᠯᠵᠢ ᠳᠠᠭᠠᠳᠬᠠᠵᠤ ᠰᠢᠪᠡᠨᠡᠭᠰᠡᠨ ᠨᠢ
ᠥᠰᠪᠥᠷᠢ ᠶ᠋ᠢᠨ ᠰᠤᠷᠤᠭᠴᠢᠳ ᠤ᠋ᠨ ᠢ᠋ᠶ᠋ᠠᠨ
ᠰᠤᠷᠤᠯᠭᠠ ᠶ᠋ᠢᠨ ᠥᠨᠳᠥᠷ ᠠᠮᠵᠢᠯᠲᠠ ᠠ᠋
ᠪᠠᠭᠰᠢ ᠬᠥᠮᠦᠨ ᠠᠭᠤᠤ᠂
ᠲᠡᠭᠡᠨ ᠪᠠᠢᠲᠠᠯᠠ ᠪᠠᠨ ᠮᠣᠩᠭᠣᠯ ᠪᠠᠭᠰᠢ ᠨᠠᠷ ᠭᠡᠵᠦ
ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ ᠦ᠌ ᠮᠢᠨᠢ
ᠬᠡᠢᠮᠣᠷᠢ ᠶ᠋ᠢᠨ ᠳᠠᠷᠴᠠᠭ ᠰᠢᠭ᠋
ᠷᠢᠳᠢ ᠰᠢᠳᠢ ᠶ᠋ᠢ ᠬᠤᠷᠤᠢᠯᠠᠭᠰᠠᠨ
ᠡᠷᠬᠢᠮ ᠡᠴᠡ ᠡᠷᠬᠢᠮ ᠬᠥᠮᠦᠰ ᠶᠦᠮ ᠰᠢᠦ!
ᠠᠵᠠ ᠵᠢᠷᠭᠠᠯ ᠬᠦᠰᠡᠶᠡ᠂
ᠪᠦᠬᠦ ᠮᠣᠩᠭᠣᠯ ᠪᠠᠭᠰᠢ ᠨᠠᠷ ᠲᠤ᠌ ᠪᠠᠨ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠂ ᠬᠢᠨᠠᠭᠴᠢ ᠄ ᠭᠠᠷᠮᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ