ᠲᠡᠪᠴᠢᠶᠡᠷᠢ ᠦᠭᠡᠢ ᠬᠠᠲᠤᠨТэвчээргүй хатан _ Impatient queen _ Mongolian Fairy Tales
461ᠲᠡᠪᠴᠢᠶᠡᠷᠢ ᠦᠭᠡᠢ ᠬᠠᠲᠤᠨ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠂ᠠᠯᠤᠰ ᠬᠣᠯᠠ ᠶ᠋ᠢᠨ ᠤᠯᠤᠰ ᠲᠤ ᠲᠧᠪᠸᠷ ᠬᠠᠭᠠᠨ ᠬᠠᠢᠷᠠᠲᠤ ᠾᠧᠯᠠ ᠬᠠᠲᠤᠨ ᠲᠠᠢ ᠪᠠᠨ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃ᠲᠧᠪᠸᠷ ᠬᠠᠭᠠᠨ ᠠᠷᠠᠳ ᠢᠷᠭᠡᠳ ᠲᠤ ᠪᠠᠨ ᠮᠠᠰᠢ ᠶᠡᠬᠡ ᠬᠠᠢᠷᠠᠲᠠᠢ ᠪᠠᠢᠳᠠᠭ ᠪᠠᠢᠭᠰᠠᠨ ᠪᠥᠭᠡᠳ ᠡᠭᠦᠨ ᠳ᠋ᠦ᠍ ᠨᠢ ᠬᠠᠲᠤᠨ ᠤ᠋ ᠬᠢᠨᠢ ᠳᠤᠷᠠ ᠦᠭᠡᠢ ᠮᠠᠰᠢ ᠶᠡᠬᠡ ᠬᠦᠷᠳᠡᠭ ᠪᠠᠢᠯᠠ᠃ ᠬᠠᠲᠤᠨ ᠦᠨᠡᠬᠡᠷ ᠲᠡᠪᠴᠢᠶᠡᠷᠢ ᠦᠭᠡᠢ ᠨᠢᠭᠡᠨ ᠪᠠᠢᠪᠠ᠃
《ᠴᠢ ᠮᠢᠨᠦ ᠦᠰᠦ ᠶ᠋ᠢ ᠬᠡᠲᠦᠷᠬᠡᠢ ᠤᠳᠠᠭᠠᠨ ᠰᠦᠯᠵᠢᠭᠡᠳ ᠪᠠᠢᠨᠠ᠃》
《ᠠᠭᠤᠴᠢᠯᠠᠭᠠᠷᠠᠢ᠂ ᠬᠠᠲᠤᠭᠲᠠᠨ ᠢᠩᠭᠢᠵᠦ ᠰᠦᠯᠵᠢᠬᠦ ᠶᠡᠬᠡ ᠲᠦᠪᠡᠭᠲᠡᠢ ᠶᠦᠮ ᠪᠠᠢᠨᠠ᠃》
《 ᠴᠢ ᠶᠠᠭᠠᠬᠢᠵᠤ ᠬᠠᠲᠤᠨ ᠳ᠋ᠤ᠌ ᠢᠩᠭᠢᠵᠦ ᠬᠡᠯᠡᠵᠦ ᠵᠢᠷᠦᠬᠡᠯᠡᠵᠦ ᠪᠠᠢᠨᠠ ᠂ᠣᠳᠣᠬᠠᠨ ᠮᠠᠨ ᠤ᠋ ᠣᠷᠳᠣᠨ ᠠ᠋ᠴᠠ ᠵᠠᠢᠯᠠ!》
《 ᠦ ᠦ ᠦ》
《 ᠦ ᠾᠸᠯᠠ ᠮᠢᠨᠢ᠂ ᠶᠠᠭᠠᠬᠢᠬᠤ ᠭᠡᠵᠦ ᠢᠩᠭᠢᠵᠦ ᠪᠠᠢᠭᠠ ᠶᠤᠮ ᠪᠣᠢ ? ᠰᠢᠪᠡᠭᠴᠢᠨ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠯᠠ ᠬᠢᠴᠢᠶᠡᠭᠰᠡᠨ ᠰᠢᠦ ᠳᠡ᠃》
《 ᠬᠡᠩ᠂ ᠬᠡᠲᠦᠷᠬᠡᠢ ᠤᠳᠠᠭᠠᠨ ᠶᠤᠮ ᠪᠠᠢᠨᠠ᠃》
《 ᠬᠠᠲᠤᠨ ᠮᠢᠨᠢ ᠲᠡᠪᠴᠢᠶᠡᠷᠢ ᠲᠡᠢ ᠪᠠᠢᠵᠤ ᠰᠤᠷ ᠯᠠ ᠳᠠ!》 ᠦᠷᠭᠦᠯᠵᠢ ᠯᠡ ᠬᠠᠲᠤᠨ ᠤ᠋ ᠲᠡᠪᠴᠢᠶᠡᠷᠢ ᠦᠭᠡᠢ ᠵᠠᠩ ᠠᠮᠤᠭᠤᠯᠠᠩ ᠲᠠᠢᠪᠤᠩ ᠪᠠᠢᠳᠠᠯ ᠢ᠋ ᠡᠪᠳᠡᠵᠦ᠂ ᠲᠡᠭᠡᠬᠦ ᠪᠦᠷᠢ ᠳ᠋ᠦ᠍ ᠨᠢ ᠬᠥᠭᠡᠷᠦᠬᠦᠢ ᠬᠠᠭᠠᠨ ᠨᠥᠬᠥᠴᠡᠯ ᠪᠠᠢᠳᠠᠯ ᠢ᠋ ᠵᠠᠯᠠᠷᠠᠭᠤᠯᠬᠤ ᠪᠠᠷ ᠬᠢᠴᠢᠶᠡᠳᠡᠭ ᠪᠠᠢᠯᠠ᠃
《 ᠾᠸᠯᠠ ᠴᠢ ᠰᠠᠢᠳ ᠨᠠᠷ ᠲᠠᠢ ᠶᠠᠭᠠᠬᠢᠭᠰᠠᠨ ᠴᠤ᠌ ᠢᠩᠭᠢᠵᠦ ᠶᠠᠷᠢᠵᠤ ᠪᠣᠯᠬᠤ ᠦᠭᠡᠢ᠃》
《ᠲᠡᠳᠡ ᠦᠨᠡᠬᠡᠷ ᠤᠳᠠᠭᠠᠨ ᠶᠠᠷᠢᠳᠠᠭ ᠶᠤᠮ ᠪᠠᠢᠨᠠ ᠯᠠᠢ᠂ᠬᠤᠷᠳᠤᠨ ᠶᠠᠷᠢᠵᠤ ᠰᠤᠷᠬᠤ ᠬᠡᠷᠡᠭᠲᠡᠢ ᠪᠢᠵᠡ ᠳᠡ᠃》
《 ᠬᠠ ᠬᠠ ᠬᠠ ᠬᠤᠷᠳᠤᠨ ᠶᠠᠷᠢᠪᠠᠯ ᠪᠢ ᠶᠠᠷᠢᠶᠠ ᠶ᠋ᠢ ᠨᠢ ᠣᠢᠯᠠᠭᠠᠬᠤ ᠦᠭᠡᠢ ᠰᠢᠦ ᠳᠡ᠂ ᠮᠠᠢ ᠪᠢ ᠴᠢᠨᠦ ᠳᠤᠷᠠᠲᠠᠢ ᠴᠡᠴᠡᠭ ᠢ᠋ ᠠᠪᠴᠢᠷᠠᠯᠠ᠃》
《 ᠰᠠᠷᠠᠨᠠ ᠴᠡᠴᠡᠭ! ᠮᠢᠨᠦ ᠳᠤᠷᠠ ᠲᠠᠢ ᠴᠡᠴᠡᠭ᠃》 ᠲᠧᠪᠸᠷ ᠬᠠᠭᠠᠨ ᠬᠠᠲᠤᠨ ᠢ᠋ᠶ᠋ᠠᠨ ᠶᠠᠭᠠᠬᠢᠵᠤ ᠲᠡᠪᠴᠢᠶᠡᠷᠢ ᠲᠡᠢ ᠪᠣᠯᠭᠠᠬᠤ ᠪᠣᠢ ᠭᠡᠵᠦ ᠡᠳᠦᠷ ᠦ᠋ᠨ ᠪᠣᠳᠣᠯ ᠪᠣᠯᠳᠠᠭ ᠪᠠᠢᠯᠠ᠃ᠨᠢᠭᠡᠨ ᠡᠳᠦᠷ ᠬᠠᠢᠷᠠᠲᠠᠢ ᠬᠠᠲᠤᠨ ᠤ᠋ ᠪᠠᠨ ᠲᠤᠬᠠᠢ ᠪᠣᠳᠣᠯ ᠳ᠋ᠤ᠌ ᠳᠠᠷᠤᠭᠳᠠᠨ ᠠᠯᠬᠤᠵᠤ ᠶᠠᠪᠤᠯᠠ᠂ ᠪᠢ ᠶᠡᠷᠦ ᠡᠴᠡ ᠪᠡᠨ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠨᠠ᠂ ᠲᠡᠷᠡ ᠤᠭ ᠨᠢ ᠨᠠᠳᠠ ᠲᠠᠢ ᠭᠡᠷᠯᠡᠬᠦ ᠡᠴᠡ ᠪᠡᠨ ᠡᠮᠦᠨᠡ ᠶᠡᠬᠡ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠪᠠᠢᠭᠰᠠᠨ ᠶᠤᠮ ᠰᠠᠨ᠃ ᠲᠡᠢᠮᠦ ᠠ᠋ ᠂ ᠭᠡᠷᠯᠡᠬᠦ ᠡᠴᠡ ᠪᠡᠨ ᠡᠮᠦᠨᠡ ᠲᠡᠪᠴᠢᠶᠡᠷᠢ ᠦᠭᠡᠢ ᠪᠠᠢᠭᠰᠠᠨ ᠯᠠ ᠳᠠ᠂ ᠬᠠᠷᠢᠨ ᠣᠳᠣ ᠪᠦᠷ ᠴᠦ᠍ ᠲᠡᠪᠴᠢᠶᠡᠷᠢ ᠦᠭᠡᠢ ᠪᠣᠯᠴᠢᠬᠠᠵᠠᠢ᠃ᠶᠠᠳᠠᠵᠤ ᠪᠠᠢᠬᠤ ᠳ᠋ᠤ᠌ ᠬᠠᠷᠠᠮᠴᠢ ᠪᠣᠯᠵᠤ ᠪᠠᠢᠭᠠ ᠨᠢ ᠴᠦ᠍ ᠵᠢᠭᠲᠡᠢᠬᠡᠨ᠂ ᠬᠠᠲᠤᠨ ᠪᠣᠯᠤᠭᠰᠠᠨ ᠠ᠋ᠴᠠ ᠪᠠᠨ ᠬᠣᠢᠰᠢ ᠶᠡᠬᠡ ᠥᠭᠡᠷᠡᠴᠢᠯᠡᠭᠳᠡᠵᠡᠢ᠃
《ᠠ᠋ ᠡᠨᠡ ᠶᠠᠭᠤ ᠪᠣᠢ?》
《ᠡᠨᠡ ᠴᠢᠨᠢ ᠬᠡᠦᠬᠡᠳ ᠤᠤ ᠳᠠ᠂ ᠬᠠᠮᠢᠭᠠ ᠠ᠋ᠴᠠ ᠭᠠᠷᠤᠭᠠᠳ ᠢᠷᠡᠳᠡᠭ ᠪᠠᠢᠨᠠ ᠶᠠᠮᠠᠷ ᠬᠥᠭᠡᠷᠦᠬᠦᠢ ᠶᠦ᠍ᠮ ᠳᠡ ᠭᠡᠷ ᠲᠦ᠍ ᠴᠢᠨᠢ ᠬᠦᠷᠭᠡᠭᠡᠳ ᠥᠭᠭᠦᠶᠡ᠃》
《 ᠢᠩᠭᠢᠬᠦ ᠳ᠋ᠦ᠍ ᠲᠧᠪᠸᠷ ᠬᠠᠮᠢᠭᠠ ᠣᠴᠢᠳᠠᠭ ᠪᠠᠢᠨᠠ᠂ᠪᠦᠷ ᠠᠯᠠᠭᠠ ᠪᠣᠯᠴᠢᠬᠠᠬᠤ ᠶᠤᠮ ᠠ᠋᠃》
《ᠭᠡᠬᠦ ᠳ᠋ᠡᠭᠡᠨ ᠬᠠᠭᠠᠨ ᠠᠷᠪᠠᠬᠠᠨ ᠮᠢᠨᠦ᠋ᠲ ᠦ᠋ᠨ ᠡᠮᠦᠨᠡ ᠯᠡ ᠶᠠᠪᠤᠭᠰᠠᠨ ᠰᠢᠦ ᠳᠡ᠃》
《 ᠶᠠᠭᠤ ? ᠴᠢ ᠶᠠᠭᠠᠬᠢᠵᠤ ᠮᠢᠨᠦ ᠥᠭᠡᠳᠡ ᠡᠴᠡ ᠦᠭᠡ ᠬᠡᠯᠡᠵᠦ ᠵᠢᠷᠦᠬᠡᠯᠡᠵᠦ ᠪᠠᠢᠨᠠ?》
《 ᠠ ᠾᠸᠯᠠ ᠡᠭᠦᠨ ᠢ᠋ ᠬᠠᠷᠠ ᠳᠠ᠂ᠪᠢ ᠭᠣᠣᠯ ᠳ᠋ᠤ᠌ ᠤᠷᠤᠰᠴᠤ ᠶᠠᠪᠤᠭᠰᠠᠨ ᠬᠡᠦᠬᠡᠳ ᠣᠯᠤᠯᠠ ᠬᠠᠷᠠ ᠳᠠ᠃》
《 ᠬᠡᠦᠬᠡᠳ ᠭᠡᠨᠡ ᠠ᠋᠂ ᠭᠡᠬᠦ ᠳ᠋ᠡᠭᠡᠨ ᠶᠠᠭᠠᠬᠢᠵᠤ? ᠠ ᠵᠤᠷᠪᠤᠰ ᠪᠠᠢᠨᠠ᠂ ᠥᠬᠢᠨ ᠢ᠋ ᠮᠢᠨᠢ ᠣᠯᠤᠭᠰᠠᠨ ᠬᠥᠮᠦᠨ ᠬᠠᠢᠷᠠᠯᠠᠵᠤ ᠥᠰᠬᠡᠭᠡᠷᠡᠢ!》 ᠬᠠᠭᠠᠨ ᠬᠠᠲᠤᠨ ᠬᠣᠶᠠᠷ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠪᠡᠨ ᠪᠠᠢᠯᠠ ᠂ ᠭᠡᠪᠡᠴᠦ ᠬᠠᠭᠠᠨ ᠳ᠋ᠤ᠌ ᠥᠬᠢᠨ ᠶᠡᠬᠡᠳᠡ ᠲᠠᠭᠠᠯᠠᠭᠳᠠᠭᠰᠠᠨ ᠲᠤᠯᠠ ᠥᠬᠢᠨ ᠢ᠋ ᠦᠷᠭᠦᠭᠡᠨ ᠳ᠋ᠦ᠍ ᠪᠡᠨ ᠠᠪᠴᠢᠷᠠᠯᠠ᠃
《 ᠥᠬᠢᠨ ᠮᠢᠨᠢ ᠴᠢᠮᠠ ᠶ᠋ᠢ ᠯᠢᠶᠠᠩ ᠭᠡᠵᠦ ᠨᠠᠷᠠᠯᠠᠯᠠ᠃》 ᠯᠢᠶᠠᠩ ᠶᠡᠬᠡ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠥᠬᠢᠨ ᠪᠣᠯᠵᠤ ᠥᠰᠴᠡᠢ᠂ ᠲᠣᠮᠣ ᠪᠣᠯᠤᠭᠰᠠᠨ ᠬᠣᠢᠨᠠ ᠪᠠᠨ ᠴᠤ᠌ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠯᠠ᠃
《 ᠦ᠁》《 ᠦ᠂ ᠪᠤᠷᠬᠠᠨ ᠮᠢᠨᠢ᠂ ᠲᠠ ᠵᠦᠭᠡᠷ ᠤᠤ?》
《 ᠦ ᠵᠦᠭᠡᠷ ᠠ᠋᠂ ᠪᠠᠶᠠᠷᠯᠠᠯᠠ᠂ ᠡᠷᠬᠢᠮ ᠳᠡᠭᠡᠳᠦᠰ ᠠ᠋!》
《 ᠦᠨᠡᠬᠡᠷ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠶᠦᠮ ᠠ᠋᠂ ᠲᠡᠷᠡ ᠬᠠᠲᠤᠨ ᠬᠠᠭᠠᠨ ᠤ᠋ ᠳᠣᠮᠣᠭᠲᠤ ᠲᠢᠲᠢᠮ ᠢ᠋ ᠵᠡᠭᠦᠬᠦ ᠬᠡᠷᠡᠭᠲᠡᠢ ᠶᠦᠮ ᠪᠠᠢᠨᠠ᠃》
《 ᠴᠢᠮᠡᠭᠡ ᠦᠭᠡᠢ᠂ ᠬᠠᠲᠤᠨ ᠰᠣᠨᠣᠰᠬᠤ ᠶᠤᠮ ᠪᠣᠯ ᠪᠢᠳᠡ ᠬᠣᠶᠠᠷ ᠢ᠋ ᠭᠢᠨᠳᠠᠨ ᠳ᠋ᠤ᠌ ᠬᠣᠷᠢᠴᠢᠬᠠᠨᠠ ᠰᠢᠦ᠂ ᠪᠠᠭᠠ ᠶᠠᠷᠢᠵᠤ ᠶᠡᠬᠡ ᠬᠢ᠂ ᠲᠡᠨᠡᠭᠬᠡᠨ ᠮᠢᠨᠢ᠂ ᠣᠢᠯᠠᠭᠠᠪᠠᠤ?》
ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠣᠷᠳᠣᠨ ᠳ᠋ᠤ᠌ ᠨᠢᠭᠡᠨ ᠰᠢᠳᠢᠲᠦ ᠲᠢᠲᠢᠮ ᠪᠠᠢᠳᠠᠭ ᠪᠠᠢᠯᠠ᠂ ᠵᠡᠭᠦᠬᠦ ᠶᠣᠰᠣᠲᠠᠢ ᠬᠥᠮᠦᠨ ᠨᠢ ᠵᠡᠭᠦᠬᠦ ᠪᠡᠷ ᠡᠨᠡ ᠲᠢᠲᠢᠮ ᠭᠢᠯᠠᠯᠵᠠᠳᠠᠭ ᠪᠠᠢᠵᠠᠢ᠃ᠭᠡᠬᠦ ᠳ᠋ᠦ᠍ ᠪᠡᠨ ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠲᠢᠲᠢᠮ ᠬᠡᠷᠡᠯᠳᠦᠬᠦ ᠪᠡᠨ ᠪᠣᠯᠢᠵᠠᠢ ᠭᠡᠨᠡ᠂ ᠡᠨᠡ ᠨᠢ ᠬᠠᠲᠤᠨ ᠢ᠋ ᠮᠠᠰᠢ ᠶᠡᠬᠡ ᠠᠭᠤᠷᠯᠠᠭᠤᠯᠳᠠᠭ ᠪᠠᠢᠯᠠ᠃ᠨᠢᠭᠡᠨ ᠡᠳᠦᠷ ᠯᠢᠶᠠᠩ ᠣᠷᠳᠣᠨ ᠢ᠋ᠶ᠋ᠠᠷ ᠡᠳᠦᠷᠵᠢᠨ ᠢ᠋ᠶ᠋ᠡᠨ ᠵᠤᠭᠠᠯᠠᠵᠠᠢ ᠭᠡᠨᠡ᠂ ᠲᠡᠭᠡᠵᠦ ᠶᠠᠪᠤᠭᠠᠳ ᠬᠣᠷᠢᠭᠠ ᠲᠠᠢ ᠴᠠᠮᠬᠠᠭ ᠳᠤ ᠶᠠᠪᠤᠵᠤ ᠣᠴᠢᠴᠢᠬᠠᠪᠠ᠃
《 ᠬᠥᠥᠭ᠂ ᠡᠨᠡ ᠣᠷᠳᠣᠨ ᠦᠨᠡᠬᠡᠷ ᠤᠷᠲᠤ ᠶᠤᠮ ᠠ᠋᠂ ᠭᠦᠦᠭ ᠶᠠᠮᠠᠷ ᠲᠣᠮᠣ ᠬᠠᠭᠠᠯᠭᠠ ᠪᠣᠢ?》 ᠲᠡᠷᠡ ᠨᠢᠭᠤᠴᠠᠯᠢᠭ ᠬᠠᠭᠠᠯᠭᠠ ᠶ᠋ᠢ ᠥᠪᠡᠷ ᠦ᠋ᠨ ᠪᠠᠢᠳᠠᠭ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ ᠲᠦᠯᠬᠢᠨ ᠣᠷᠣᠯᠠ᠃
《ᠦ᠂ ᠶᠠᠮᠠᠷ ᠬᠦᠨᠳᠦ ᠬᠠᠭᠠᠯᠭᠠ ᠪᠣᠢ?ᠡᠨᠡ ᠶᠠᠮᠠᠷ ᠲᠢᠲᠢᠮ ᠶᠦᠮ ᠪᠣᠯ?》ᠲᠡᠭᠦᠨ ᠢ᠋ ᠭᠠᠢᠬᠠᠨ ᠳᠥᠭᠥᠵᠦ ᠣᠴᠢᠬᠤ ᠳ᠋ᠤ᠌ ᠲᠢᠲᠢᠮ ᠭᠢᠯᠠᠯᠵᠠᠵᠤ ᠡᠬᠢᠯᠡᠯᠡ᠂ ᠥᠬᠢᠨ ᠬᠣᠪᠣᠰᠣᠳᠠᠭᠤᠯᠤᠭᠰᠠᠨ ᠪᠣᠯᠪᠠᠴᠤ ᠲᠢᠲᠢᠮ ᠳ᠋ᠦ᠍ ᠭᠠᠷ ᠬᠦᠷᠬᠦ ᠡᠴᠡ ᠠᠶᠤᠵᠤ ᠪᠠᠢᠯᠠ᠃
《ᠠᠪᠤ ᠡᠵᠢ ᠳ᠋ᠦ᠍ ᠡᠨᠡ ᠲᠤᠬᠠᠢ ᠬᠡᠯᠡᠬᠦ ᠬᠡᠷᠡᠭᠲᠡᠢ ᠶᠦ᠍ᠮ ᠪᠠᠢᠨᠠ》
《ᠠᠪᠤ ᠠ᠋ ᠡᠵᠢ ᠠ᠋ ᠪᠢ ᠬᠣᠷᠢᠭᠠ ᠲᠠᠢ ᠴᠠᠮᠬᠠᠭ ᠲᠦ ᠣᠴᠢᠭᠠᠳ ᠢᠷᠡᠯᠡ᠃》
《 ᠯᠢᠶᠠᠩ ᠲᠡᠨᠳᠡ ᠣᠴᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠴᠢᠮᠠ ᠳ᠋ᠤ᠌ ᠬᠡᠯᠡᠭᠰᠡᠨ ᠪᠢᠵᠡ ᠳᠡ?》
《ᠭᠡᠬᠦ ᠳ᠋ᠡᠭᠡᠨ ᠲᠡᠨᠳᠡ ᠨᠢᠭᠡ ᠲᠢᠲᠢᠮ ᠪᠠᠢᠭᠰᠠᠨ ᠪᠠᠰᠠ ᠭᠢᠯᠠᠯᠵᠠᠵᠤ ᠪᠠᠢᠨᠠ ᠯᠠᠢ》
《 ᠭᠢᠯᠠᠯᠵᠠᠭ᠍ᠰᠠᠨ?》 ᠯᠢᠶᠠᠩ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠪᠦᠭᠦᠳᠡ ᠶ᠋ᠢ ᠨᠢ ᠶᠠᠷᠢᠵᠤ ᠥᠭᠭᠦᠯᠡ᠃
《 ᠲᠢᠲᠢᠮ ᠭᠢᠯᠠᠯᠵᠠᠭᠰᠠᠨ ᠭᠡᠨᠡ᠂ ᠪᠢ ᠶᠠᠮᠠᠷ ᠶᠡᠬᠡ ᠪᠠᠶᠠᠷᠯᠠᠵᠤ ᠪᠠᠢᠭᠠ ᠶ᠋ᠢ ᠮᠡᠳᠡᠵᠦ ᠪᠠᠢᠨᠠ ᠤᠤ?》
《 ᠪᠢ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠨᠠ?》
《 ᠬᠠ ᠬᠠ ᠬᠠ ᠬᠠ ᠴᠢᠮᠠ ᠶ᠋ᠢ ᠲᠣᠮᠣ ᠪᠣᠯᠬᠤ ᠪᠠᠷ ᠴᠢᠨᠢ ᠬᠡᠯᠡᠨᠡ᠃ 》ᠬᠠᠭᠠᠨ ᠤ᠋ ᠬᠥᠯ ᠭᠠᠵᠠᠷ ᠬᠦᠷᠬᠦ ᠦᠭᠡᠢ ᠪᠠᠶᠠᠷᠯᠠᠵᠤ᠂ᠬᠠᠷᠢᠨ ᠬᠠᠲᠤᠨ ᠠᠭᠤᠷᠯᠠᠵᠤ ᠪᠤᠬᠢᠨᠢᠳᠤᠵᠤ ᠪᠠᠢᠯᠠ ᠃ᠲᠡᠷᠡ ᠰᠥᠨᠢ ᠳ᠋ᠦ᠍ ᠪᠡᠨ ᠬᠠᠲᠤᠨ ᠣᠷᠳᠣᠨ ᠠ᠋ᠴᠠ ᠭᠠᠷᠴᠤ ᠶᠠᠪᠤᠭᠠᠳ ᠥᠪᠡᠷ ᠦ᠋ᠨ ᠲᠠᠨᠢᠳᠠᠭ ᠨᠢᠭᠡᠨ ᠱᠤᠯᠤᠮ ᠳᠡᠭᠡᠷᠡ ᠣᠴᠢᠯᠠ᠃
《 ᠡᠵᠡᠭᠲᠡᠢ?》
《ᠴᠢᠮᠠ ᠶ᠋ᠢ ᠶᠠᠭᠠᠬᠢᠬᠤ ᠭᠡᠵᠦ ᠢᠷᠡᠭᠰᠡᠨ ᠢ᠋ ᠮᠡᠳᠡᠨᠡ᠂ ᠲᠢᠲᠢᠮ ᠭᠢᠯᠠᠯᠵᠠᠭᠰᠠᠨ ᠪᠣᠯᠬᠣᠷ ᠯᠠ ᠨᠠᠭᠠᠰᠢ ᠪᠠᠨ ᠢᠷᠡᠭᠰᠡᠨ ᠪᠢᠵᠡ ᠳᠡ?》
《ᠪᠢ ᠣᠳᠣ ᠶᠠᠭᠠᠬᠢᠬᠤ ᠪᠣᠢ?》
《ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ ᠳᠡ᠂ ᠪᠢ ᠴᠢᠮᠠ ᠳ᠋ᠤ᠌ ᠵᠣᠷᠢᠭᠤᠯᠵᠤ ᠪᠥᠭᠡᠵᠢ ᠪᠡᠯᠡᠳᠦᠭᠰᠡᠨ᠂ ᠡᠨᠡ ᠪᠥᠭᠡᠵᠢ ᠶ᠋ᠢ ᠨᠥᠬᠥᠷ ᠲᠦ᠍ ᠪᠡᠨ ᠵᠡᠭᠦᠯᠭᠡᠴᠢᠬᠡ᠂ ᠪᠥᠬᠡᠵᠢᠨ ᠳ᠋ᠡᠬᠢ ᠷᠢᠳᠢ ᠰᠢᠳᠢ ᠬᠠᠭᠠᠨ ᠢ᠋ ᠥᠬᠢᠨ ᠳ᠋ᠦ᠍ ᠳᠤᠷᠠ ᠦᠭᠡᠢ ᠪᠣᠯᠭᠠᠵᠤ ᠥᠬᠢᠨ ᠦ᠌ ᠬᠢᠭᠰᠡᠨ ᠪᠣᠯᠭᠠᠨ ᠳ᠋ᠤ᠌ ᠳᠤᠷᠠ ᠦᠭᠡᠢ ᠪᠣᠯᠭᠠᠨᠠ᠃》 ᠬᠠᠲᠤᠨ ᠲᠣᠯᠣᠭᠠᠢ ᠳᠣᠬᠢᠭᠠᠳ ᠭᠠᠷᠴᠤ ᠣᠳᠴᠠᠢ᠃ ᠬᠠᠷᠢᠨ ᠮᠠᠷᠭᠠᠰᠢ ᠨᠢ ᠲᠡᠷᠡ ᠬᠠᠭᠠᠨ ᠳᠡᠭᠡᠷᠡ ᠣᠴᠢᠭᠠᠳ ᠪᠥᠭᠡᠵᠢ ᠪᠡᠨ ᠵᠡᠭᠦᠯᠭᠡᠵᠦ ᠥᠭᠪᠡ ᠭᠡᠨᠡ᠃
《 ᠬᠥᠥᠭ᠂ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠪᠥᠭᠡᠵᠢ ᠪᠣᠢ?》
《 ᠡᠨᠡ ᠴᠢᠮᠠ ᠳ᠋ᠤ᠌ ᠥᠭᠴᠦ ᠪᠠᠢᠭᠠ ᠪᠢᠴᠢᠬᠠᠨ ᠪᠡᠯᠡᠭ ᠪᠠᠢᠭᠠ ᠶᠤᠮ᠃》
《 ᠠᠪᠤ ᠠ᠋᠂ ᠡᠵᠢ ᠠ᠋》
ᠬᠠᠭᠠᠨ ᠲᠧᠪᠸᠷ ᠯᠢᠶᠠᠩ ᠶ᠋ᠢ ᠬᠠᠷᠠᠭᠠᠳ ᠴᠣᠴᠢᠷᠲᠠᠯᠠ᠂ ᠷᠢᠳᠢ ᠰᠢᠳᠢ ᠠᠯᠢ ᠬᠡᠳᠦᠢᠨ ᠦᠢᠯᠡᠴᠢᠯᠡᠭᠡᠳ ᠡᠬᠢᠯᠡᠵᠡᠢ᠃ ᠥᠬᠢᠨ ᠦ᠌ ᠳᠠᠭᠤ ᠨᠢ ᠬᠦᠷᠲᠡᠯᠡ ᠠᠭᠤᠷ ᠢ᠋ ᠨᠢ ᠬᠦᠷᠭᠡᠯᠡ᠃ 《 ᠯᠢᠶᠠᠩ ᠵᠥᠭᠡᠯᠡᠨ ᠠᠶᠠᠷᠬᠠᠨ ᠶᠠᠷᠢᠭᠠᠴᠢ ᠳᠠ!》
《 ᠦ ᠠᠭᠤᠴᠢᠯᠠᠭᠠᠷᠠᠢ᠂ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠬᠢᠭᠰᠡᠨ ᠪᠢᠯᠠᠤ ᠶ᠋ᠢ ᠠᠮᠰᠠᠭᠤᠯᠬᠤ ᠭᠡᠰᠡᠨ ᠶᠦᠮ᠃》
《 ᠠ᠂ᠶᠠᠮᠠᠷ ᠱᠣᠷᠪᠣᠭ ᠪᠣᠯᠤᠭᠠ ᠪᠣᠢ? ᠨᠠᠳᠠ ᠳ᠋ᠤ᠌ ᠶᠠᠭᠠᠬᠢᠵᠤ ᠡᠢᠮᠦ ᠶᠠᠭᠤᠮᠠ ᠥᠭᠴᠦ ᠴᠢᠳᠠᠵᠤ ᠪᠠᠢᠨᠠ?》
《 ᠶᠠᠭᠤ? ᠦᠭᠡᠢ᠂ ᠨᠠᠳᠠᠳᠤ ᠠᠮᠲᠠᠲᠠᠢ ᠯᠠ ᠰᠠᠨᠠᠭᠳᠠᠵᠤ ᠪᠠᠢᠨᠠ ᠳᠠ᠃》
《 ᠴᠢ ᠪᠦᠷ ᠬᠤᠳᠠᠯ ᠶᠠᠷᠢᠳᠠᠭ ᠪᠣᠯᠵᠠᠢ᠂ ᠬᠠ ᠬᠠ ᠬᠠ ᠬᠠ》
ᠪᠥᠬᠡᠵᠢᠨ ᠦ᠌ ᠷᠢᠳᠢ ᠰᠢᠳᠢ ᠠᠮᠲᠠᠲᠤ ᠪᠢᠯᠠᠤ ᠶ᠋ᠢ ᠱᠣᠷᠪᠣᠭ ᠠᠮᠲᠠ ᠲᠠᠢ ᠪᠣᠯᠭᠠᠵᠠᠢ᠃ ᠯᠢᠶᠠᠩ ᠶ᠋ᠢᠨ ᠬᠢᠭᠰᠡᠨ ᠪᠣᠯᠭᠠᠨ ᠨᠢ ᠬᠠᠭᠠᠨ ᠳ᠋ᠤ᠌ ᠲᠠᠭᠠᠯᠠᠭᠳᠠᠬᠤ ᠪᠠᠨ ᠪᠣᠯᠢᠵᠤ᠂ ᠬᠠᠭᠠᠨ ᠤᠯᠠᠮ ᠶᠡᠬᠡ ᠯᠢᠶᠠᠩ ᠳ᠋ᠤ᠌ ᠳᠤᠷᠠ ᠦᠭᠡᠢ ᠪᠣᠯᠤᠭᠰᠠᠭᠠᠷ ᠯᠠ ᠪᠠᠢᠯᠠ᠃ ᠡᠳᠦᠷ ᠢᠷᠡᠬᠦ ᠳᠣᠳᠣᠮ ᠬᠥᠭᠡᠷᠦᠬᠦᠢ ᠯᠢᠶᠠᠩ ᠶ᠋ᠢ ᠬᠠᠲᠤᠨ ᠲᠣᠭᠣᠬᠤ ᠪᠠᠨ ᠴᠤ᠌ ᠪᠣᠯᠢᠵᠤ ᠬᠠᠭᠠᠨ ᠬᠦᠷᠲᠡᠯᠡ ᠦᠵᠡᠨ ᠶᠠᠳᠠᠬᠤ ᠪᠣᠯᠵᠠᠢ᠃ᠢᠩᠭᠢᠭᠡᠳ ᠯᠢᠶᠠᠩ ᠭᠠᠭᠴᠠᠭᠠᠷᠳᠠᠨ ᠰᠠᠭᠤᠳᠠᠭ ᠪᠣᠯᠵᠠᠢ᠂ᠤᠯᠤᠰ ᠣᠷᠣᠨ ᠢ᠋ᠶ᠋ᠠᠨ ᠤᠳᠤᠷᠢᠳᠤᠭᠠᠳ ᠶᠠᠳᠠᠷᠠᠳᠠᠭ ᠪᠠᠢᠬᠠ ᠯᠠ ᠳᠠ᠂ᠠᠪᠤ ᠡᠵᠢ ᠬᠣᠶᠠᠷ ᠢ᠋ ᠲᠠᠢᠪᠤᠰᠢᠷᠠᠲᠠᠯᠠ ᠨᠢᠳᠦᠨ ᠳ᠋ᠦ᠍ᠨᠢ ᠥᠷᠲᠥᠬᠦ ᠦᠭᠡᠢ ᠪᠠᠢᠭᠰᠠᠨ ᠨᠢ ᠳᠡᠭᠡᠷᠡ ᠶᠦᠮ ᠪᠠᠢᠨᠠ᠃ ᠨᠢᠭᠡᠨ ᠰᠠᠢᠬᠠᠨ ᠡᠳᠦᠷ ᠭᠦᠩᠵᠦ ᠥᠨᠥᠬᠢ ᠳᠣᠮᠣᠭᠲᠤ ᠲᠢᠲᠢᠮ ᠪᠠᠢᠳᠠᠭ ᠥᠷᠥᠭᠡᠨ ᠳ᠋ᠦ᠍ ᠶᠠᠪᠤᠵᠤ ᠣᠴᠢᠯᠠ᠃
《ᠡᠨᠡ ᠦᠨᠡᠬᠡᠷ ᠭᠣᠶᠣ ᠲᠢᠲᠢᠮ ᠶᠦᠮ᠂ ᠨᠠᠳᠠᠳᠤ ᠬᠢᠷᠢ ᠶᠡᠬᠡ ᠵᠣᠬᠢᠬᠤ ᠨᠢ ᠤᠤ? ᠬᠠᠷᠠᠶᠠ᠂ ᠬᠥᠥᠭ᠂ ᠡᠨᠡ ᠦᠨᠡᠬᠡᠷ᠂ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ?》
《 ᠨᠠᠮᠠ ᠶ᠋ᠢ ᠵᠡᠭᠦᠬᠦ ᠡᠷᠬᠡ ᠲᠡᠢ ᠬᠥᠮᠦᠨ ᠯᠡ ᠵᠡᠭᠦᠬᠦ ᠶᠣᠰᠣᠲᠠᠢ ᠪᠠᠢᠳᠠᠭ ᠶᠤᠮ᠃》
《 ᠴᠢ ᠬᠡᠨ ᠪᠣᠢ?》
《ᠪᠢ ᠪᠣᠯ ᠷᠢᠳᠢ ᠰᠢᠳᠢ ᠲᠡᠢ ᠲᠢᠲᠢᠮ ᠪᠢᠯᠡ᠂ ᠴᠢᠨᠦ ᠮᠡᠳᠡᠬᠦ ᠶ᠋ᠢ ᠬᠦᠰᠡᠭᠰᠡᠨ ᠪᠦᠬᠦ ᠠᠰᠠᠭᠤᠯᠲᠠ ᠳ᠋ᠤ᠌ ᠴᠢᠨᠢ ᠪᠢ ᠬᠠᠷᠢᠭᠤᠯᠤᠨᠠ᠃》
《 ᠠ᠂ ᠪᠢ ᠭᠠᠭᠴᠠ ᠶᠠᠭᠤᠮᠠ ᠯᠠ ᠮᠡᠳᠡᠮᠡᠷ ᠪᠠᠢᠨᠠ? ᠶᠠᠭᠠᠬᠢᠭᠠᠳ ᠠᠪᠤ ᠡᠵᠢ ᠬᠣᠶᠠᠷ ᠮᠠᠨᠢ ᠣᠢᠷᠠ ᠳ᠋ᠠᠭᠠᠨ ᠮᠠᠭᠤᠬᠠᠢ ᠠᠭᠠᠰᠢᠯᠠᠭᠠᠳ ᠪᠠᠢᠭᠠ ᠶ᠋ᠢ ᠯᠡ ᠮᠡᠳᠡᠮᠡᠷ ᠪᠠᠢᠨᠠ?》 ᠢᠩᠭᠢᠭᠡᠳ ᠲᠢᠲᠢᠮ ᠷᠢᠳᠢ ᠰᠢᠳᠢᠲᠦ ᠪᠥᠭᠡᠵᠢ ᠪᠣᠯᠤᠨ ᠡᠵᠢ ᠶ᠋ᠢᠨ ᠬᠢᠨᠢ ᠲᠠᠯᠠ ᠪᠠᠷ ᠥᠬᠢᠨ ᠳ᠋ᠦ᠍ ᠬᠡᠯᠡᠵᠡᠢ᠃
《 ᠲᠡᠭᠡᠬᠦ ᠪᠡᠷ ᠠᠪᠤ ᠮᠢᠨᠢ ᠨᠠᠮᠠ ᠶ᠋ᠢ ᠦᠵᠡᠨ ᠶᠠᠳᠠᠳᠠᠭ ᠦᠭᠡᠢ ᠪᠠᠢᠬᠤ ᠨᠢ᠂ ᠵᠦᠭᠡᠷ ᠯᠡ ᠬᠠᠷᠢᠶᠠᠯ ᠬᠢᠭᠰᠡᠨ ᠶᠦᠮ ᠪᠠᠢᠨᠠ᠂ ᠮᠠᠨ ᠤ᠋ ᠡᠵᠢ ᠡᠨᠡ ᠲᠢᠲᠢᠮ ᠢ᠋ ᠠᠪᠬᠤ ᠭᠡᠵᠦ ᠰᠠᠨᠠᠭᠠᠷᠬᠠᠳᠠᠭ ᠶᠤᠮ ᠪᠠᠢᠨᠠ᠃》
《 ᠦᠭᠡᠢ ᠡᠵᠢ ᠴᠢᠨᠢ ᠪᠢᠰᠢ ᠱᠤᠯᠤᠮ ᠠᠪᠬᠤ ᠭᠡᠵᠦ ᠰᠠᠨᠠᠭᠠᠷᠬᠠᠳᠠᠭ ᠂ ᠡᠵᠢ ᠴᠢᠨᠢ ᠲᠡᠪᠴᠢᠶᠡᠷᠢ ᠦᠭᠡᠢ ᠬᠡᠳᠦᠢ ᠴᠦ᠍ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠥᠮᠦᠨ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠭᠠ ᠰᠢᠦ᠃》 ᠬᠠᠲᠤᠨ ᠤ᠋ ᠰᠤᠯᠠ ᠲᠠᠯᠠ ᠶ᠋ᠢ ᠠᠰᠢᠭᠯᠠᠳᠠᠭ ᠱᠤᠯᠤᠮ ᠤ᠋ᠨ ᠲᠤᠬᠠᠢ ᠯᠢᠶᠠᠩ ᠳ᠋ᠤ᠌ ᠮᠠᠰᠢ ᠰᠠᠢᠨ ᠬᠡᠯᠡᠵᠦ ᠥᠭᠭᠦᠯᠡ᠂ ᠬᠠᠲᠤᠨ ᠱᠤᠯᠤᠮ ᠤ᠋ᠨ ᠬᠠᠷᠢᠶᠠᠯ ᠳ᠋ᠤ᠌ ᠥᠷᠲᠥᠭᠰᠡᠨ ᠪᠠᠢᠵᠠᠢ᠃
《ᠱᠤᠯᠤᠮ ᠮᠢᠨᠦ ᠬᠦᠴᠦ ᠶ᠋ᠢ ᠠᠰᠢᠭᠯᠠᠨ ᠤᠯᠤᠰ ᠣᠷᠣᠨ ᠢ᠋ ᠵᠠᠬᠢᠷᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠭᠠ᠂ ᠭᠡᠪᠡᠴᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠬᠣᠷ ᠢ᠋ᠶ᠋ᠠᠨ ᠾᠸᠯᠠ ᠪᠠᠷ ᠳᠠᠮᠵᠢᠭᠤᠯᠵᠤ ᠨᠠᠮᠠ ᠶ᠋ᠢ ᠤᠳᠤᠷᠢᠳᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠭᠠ ᠶᠤᠮ᠃》
《ᠲᠡᠭᠡᠪᠡᠯ ᠡᠵᠢ ᠶ᠋ᠢ ᠮᠢᠨᠢ ᠬᠣᠪᠣᠰᠣᠳᠠᠭᠰᠠᠨ ᠬᠠᠷᠢᠶᠠᠯ ᠢ᠋ ᠶᠠᠭᠠᠬᠢᠵᠤ ᠤᠰᠠᠳᠬᠠᠬᠤ ᠪᠣᠢ?》
《 ᠬᠠᠲᠤᠨ ᠲᠡᠪᠴᠢᠶᠡᠷᠢ ᠲᠡᠢ ᠪᠣᠯᠵᠤ ᠡᠨᠡ ᠪᠦᠬᠦ ᠬᠠᠷᠢᠶᠠᠯ ᠢ᠋ ᠥᠪᠡᠷ ᠢ᠋ᠶ᠋ᠡᠨ ᠤᠰᠠᠳᠬᠠᠬᠤ ᠶᠣᠰᠣᠲᠠᠢ》 ᠯᠢᠶᠠᠩ ᠪᠣᠳᠣᠨ ᠪᠣᠳᠣᠭᠰᠠᠭᠠᠷ ᠨᠢᠭᠡᠨ ᠮᠡᠷᠭᠡᠨ ᠠᠷᠭᠠ ᠲᠥᠷᠥᠵᠡᠢ ᠭᠡᠨᠡ᠃
《ᠮᠢᠨᠦ ᠡᠵᠢ ᠰᠠᠷᠠᠨᠠ ᠴᠡᠴᠡᠭ ᠲᠦ᠍ ᠳᠤᠷᠠᠲᠠᠢ᠂ ᠡᠵᠢ ᠰᠠᠷᠠᠨᠠ ᠴᠡᠴᠡᠭ ᠢ᠋ ᠤᠷᠭᠤᠭᠤᠯᠵᠤ ᠰᠤᠷᠪᠠᠯ ᠲᠡᠪᠴᠢᠶᠡᠷᠢ ᠲᠡᠢ ᠪᠣᠯᠵᠤ ᠮᠠᠭᠠᠳ ᠦᠭᠡᠢ ᠶᠦᠮ᠃ᠲᠡᠭᠡᠪᠡᠯ ᠬᠠᠷᠢᠶᠠᠯ ᠨᠢ ᠠᠯᠠᠭᠠ ᠪᠣᠯᠤᠨᠠ᠂ ᠬᠠᠷᠢᠨ ᠶᠠᠭᠠᠬᠢᠵᠤ ᠰᠠᠷᠠᠨᠠ ᠴᠡᠴᠡᠭ ᠣᠯᠬᠤ ᠤᠤ?》
《 ᠨᠠᠳᠠ ᠠ᠋ᠴᠠ ᠠᠰᠠᠭᠤ᠂ ᠮᠢᠨᠦ ᠷᠢᠳᠢ ᠰᠢᠳᠢ ᠴᠢᠮᠠ ᠳ᠋ᠤ᠌ ᠥᠭᠭᠦᠨᠡ》 ᠲᠢᠲᠢᠮ ᠦ᠋ᠨ ᠷᠢᠳᠢ ᠰᠢᠳᠢ ᠶ᠋ᠢ ᠠᠰᠢᠭᠯᠠᠵᠤ ᠯᠢᠶᠠᠩ ᠦᠵᠡᠰᠬᠦᠯᠡᠩ ᠲᠡᠢ ᠰᠠᠢᠬᠠᠨ ᠰᠠᠷᠠᠨᠠ ᠴᠡᠴᠡᠭ ᠦ᠋ᠨ ᠴᠡᠴᠡᠷᠯᠢᠭ ᠪᠠᠢᠭᠤᠯᠵᠠᠢ ᠭᠡᠨᠡ᠃ ᠮᠠᠷᠭᠠᠰᠢ ᠨᠢ ᠬᠠᠲᠤᠨ ᠶᠠᠪᠤᠵᠤ ᠪᠠᠢᠭᠠᠳ ᠴᠡᠴᠡᠷᠯᠢᠭ ᠢ᠋ ᠣᠯᠵᠤ ᠬᠠᠷᠠᠵᠠᠢ ᠭᠡᠨᠡ᠂ᠲᠡᠭᠡᠭᠡᠳ ᠲᠡᠷᠡ ᠳᠣᠣᠷᠠ ᠪᠠᠨ ᠴᠡᠴᠡᠷᠯᠢᠭ ᠲᠦ᠍ ᠲᠠᠲᠠᠭᠳᠠᠭᠰᠠᠨ ᠪᠠᠢᠨᠠ᠂ᠢᠩᠭᠢᠭᠡᠳ ᠴᠡᠴᠡᠷᠯᠢᠭᠴᠢᠳ ᠲᠤ ᠠᠷᠠᠴᠢᠯᠠᠵᠤ ᠤᠷᠭᠤᠭᠤᠯᠬᠤ ᠶ᠋ᠢ ᠲᠤᠰᠢᠶᠠᠪᠠ᠃ ᠳᠠᠷᠠᠭᠠ ᠨᠢ ᠯᠢᠶᠠᠩ ᠢᠷᠡᠭᠡᠳ ᠪᠠᠶᠠᠷᠯᠠᠭᠰᠠᠨ ᠦᠭᠡᠢ᠃ ᠬᠠᠲᠤᠨ ᠤ᠋ ᠣᠷᠣᠨ ᠳ᠋ᠤ᠌ ᠴᠡᠴᠡᠷᠯᠢᠭᠴᠢᠳ ᠠᠵᠢᠯᠯᠠᠵᠤ ᠪᠠᠢᠯᠠ᠃
《ᠦ ᠦᠭᠡᠢ ᠂ ᠤᠭ ᠨᠢ ᠢᠩᠭᠢᠵᠦ ᠲᠥᠯᠥᠪᠯᠡᠭᠡ ᠦᠭᠡᠢ ᠶᠦᠮ ᠰᠠᠨ᠃》
ᠯᠢᠶᠠᠩ ᠶ᠋ᠢᠨ ᠠᠵᠠ ᠪᠣᠯᠬᠤ ᠳ᠋ᠤ᠌ ᠴᠡᠴᠡᠷᠯᠢᠭᠴᠢᠳ ᠬᠠᠲᠤᠨ ᠳ᠋ᠤ᠌ ᠳᠤᠷᠠ ᠦᠭᠡᠢ ᠬᠥᠮᠦᠰ ᠪᠠᠢᠭᠰᠠᠨ ᠲᠤᠯᠠ ᠰᠠᠷᠠᠨᠠ ᠴᠡᠴᠡᠭ ᠢ᠋ ᠰᠡᠳᠬᠢᠯ ᠡᠴᠡ ᠪᠡᠨ ᠠᠷᠠᠴᠢᠯᠠᠬᠤ ᠦᠭᠡᠢ ᠪᠠᠢᠭᠰᠠᠨ ᠶᠤᠮ᠃ ᠬᠠᠷᠢᠨ ᠮᠠᠷᠭᠠᠰᠢ ᠨᠢ ᠬᠠᠲᠤᠨ ᠴᠡᠴᠡᠷᠯᠢᠭ ᠲᠦ᠍ ᠢᠷᠡᠭᠡᠳ ᠵᠠᠷᠢᠮ ᠴᠡᠴᠡᠭ ᠬᠠᠲᠠᠭᠰᠠᠨ ᠪᠠᠢᠬᠤ ᠶ᠋ᠢ ᠣᠯᠵᠤ ᠬᠠᠷᠠᠯᠠ᠃
《 ᠲᠠ ᠨᠠᠷ ᠢ᠋ ᠠᠷᠠᠴᠢᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠠᠷᠠᠴᠢᠯᠠᠶᠠ᠂ ᠲᠠ ᠨᠠᠷ ᠳᠠᠬᠢᠵᠤ ᠴᠡᠴᠡᠭ ᠲᠤ ᠣᠢᠷᠠᠲᠤᠵᠤ ᠪᠣᠯᠬᠤ ᠦᠭᠡᠢ ᠰᠢᠦ!》 ᠢᠩᠭᠢᠭᠡᠳ ᠯᠢᠶᠠᠩ ᠶ᠋ᠢᠨ ᠬᠦᠰᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠬᠠᠲᠤᠨ ᠡᠳᠦᠷ ᠪᠦᠷᠢ ᠴᠡᠴᠡᠷᠯᠢᠭ ᠲᠦ᠍ ᠠᠵᠢᠯᠯᠠᠳᠠᠭ ᠪᠣᠯᠤᠯᠠ᠂ ᠡᠬᠢᠨ ᠳ᠋ᠦ᠍ ᠪᠡᠨ ᠬᠠᠲᠤᠨ ᠳ᠋ᠤ᠌ ᠦᠨᠡᠬᠡᠷ ᠬᠡᠴᠡᠭᠦᠦ ᠪᠠᠢᠨᠠ᠂ ᠱᠤᠯᠤᠮ ᠥᠪᠡᠷ ᠦ᠋ᠨ ᠬᠦᠴᠦ ᠶ᠋ᠢ ᠠᠰᠢᠭᠯᠠᠨ ᠬᠠᠲᠤᠨ ᠢ᠋ ᠰᠠᠷᠠᠨᠠ ᠴᠡᠴᠡᠭ ᠲᠦ᠍ ᠳᠤᠷᠠ ᠦᠭᠡᠢ ᠪᠣᠯᠭᠠᠬᠤ ᠪᠠᠷ ᠬᠢᠴᠢᠶᠡᠳᠡᠭ ᠪᠠᠢᠯᠠ᠂ ᠭᠡᠪᠡᠴᠦ ᠬᠠᠲᠤᠨ ᠰᠠᠷᠠᠨᠠ ᠴᠡᠴᠡᠭ ᠲᠤ ᠬᠠᠮᠤᠭ ᠠ᠋ᠴᠠ ᠬᠠᠢᠷᠠᠲᠠᠢ ᠪᠣᠯᠬᠤ ᠪᠠᠷ ᠱᠤᠯᠤᠮ ᠬᠠᠲᠤᠨ ᠢ᠋ ᠠᠭᠤᠷᠯᠠᠭᠤᠯᠵᠤ ᠪᠤᠬᠢᠨᠢᠳᠤᠭᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠴᠡᠴᠡᠭ ᠲᠠᠷᠢᠭᠠᠳ ᠲᠡᠪᠴᠢᠶᠡᠷᠢ ᠲᠡᠢ ᠪᠣᠯᠤᠭᠰᠠᠨ ᠬᠠᠲᠤᠨ ᠤᠯᠠᠮ ᠢ᠋ᠶ᠋ᠠᠷ ᠪᠤᠰᠤᠳ ᠶᠠᠭᠤᠮᠠᠨ ᠳ᠋ᠤ᠌ ᠴᠤ᠌ ᠭᠡᠰᠡᠨ ᠲᠡᠪᠴᠢᠶᠡᠷᠢ ᠲᠡᠢ ᠬᠠᠨᠳᠤᠬᠤ ᠪᠣᠯᠵᠠᠢ᠃
《 ᠨᠠᠮᠠ ᠶ᠋ᠢ ᠠᠭᠤᠴᠢᠯᠠᠭᠠᠷᠠᠢ ᠬᠠᠲᠤᠭᠲᠠᠨ᠂ ᠬᠣᠭᠣᠯᠠ ᠵᠢᠭᠠᠬᠠᠨ ᠤᠳᠠᠬᠤ ᠨᠢ ᠠ᠋!》
《 ᠦ᠂ ᠵᠦᠭᠡᠷ ᠳᠡ ᠰᠢᠨᠡ ᠬᠣᠭᠣᠯᠠ ᠬᠢ ᠭᠡᠵᠦ ᠲᠤᠰᠢᠶᠠᠭᠰᠠᠨ ᠪᠣᠯᠬᠣᠷ ᠮᠡᠳᠡᠭᠡᠵᠢ ᠤᠳᠠᠬᠤ ᠨᠢ ᠠᠷᠭᠠ ᠦᠭᠡᠢ ᠯᠡ ᠳᠡ᠃》 ᠬᠥᠮᠦᠨ ᠪᠣᠯᠭᠠᠨ ᠬᠠᠲᠤᠨ ᠤ᠋ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠢ᠋ ᠯᠡ ᠮᠡᠳᠡᠭᠡᠳ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠠᠨᠳᠤᠬᠤ ᠪᠣᠯᠵᠠᠢ᠃ ᠨᠢᠭᠡᠨ ᠡᠳᠦᠷ ᠬᠠᠲᠤᠨ ᠴᠡᠴᠡᠷᠯᠢᠭ ᠲᠡᠭᠡᠨ ᠰᠠᠭᠤᠵᠤ ᠪᠠᠢᠬᠤ ᠳ᠋ᠤ᠌ ᠯᠢᠶᠠᠩ ᠬᠠᠵᠠᠭᠤ ᠳ᠋ᠤ᠌ ᠨᠢ ᠢᠷᠡᠵᠦ ᠰᠠᠭᠤᠵᠠᠢ᠃
《ᠡᠵᠢ ᠠ᠋ ᠰᠠᠷᠠᠨᠠ ᠴᠡᠴᠡᠭ ᠳᠡᠯᠪᠢᠯᠡᠭᠡ ᠦᠭᠡᠢ ᠶᠦ᠍ᠮ ᠤᠤ ?》
《 ᠠ ᠤᠭ ᠠ᠋ᠴᠠ ᠪᠠᠨ ᠰᠠᠢᠬᠠᠨ ᠤᠷᠭᠤᠵᠤ ᠪᠠᠢᠭᠠ ᠂ ᠴᠠᠭ ᠨᠢ ᠪᠣᠯᠬᠤ ᠪᠠᠷ ᠳᠡᠯᠪᠢᠯᠡᠨᠡ᠂ ᠳᠡᠯᠪᠢᠯᠡᠬᠥ ᠬᠦᠷᠲᠡᠯᠡ ᠬᠦᠯᠢᠶᠡᠬᠦ ᠬᠡᠷᠡᠭᠲᠡᠢ᠃ 》 ᠭᠡᠲᠡᠯᠡ ᠭᠡᠨᠡᠳᠲᠡ ᠬᠠᠲᠤᠨ ᠤᠬᠠᠭᠠᠨ ᠠᠯᠳᠠᠵᠤ ᠣᠷᠬᠢᠯᠠ᠃
《 ᠦ ᠦᠭᠡᠢ ᠡᠵᠢ ᠠ᠋᠂ ᠲᠠ ᠶᠠᠭᠠᠬᠢᠴᠢᠬᠠᠪᠠ? ᠰᠢᠳᠢᠲᠦ ᠲᠢᠲᠢᠮ ᠠ᠋᠂ ᠡᠵᠢ ᠶᠠᠭᠠᠬᠢᠴᠢᠬᠠᠪᠠ ᠠ᠋?》
《ᠬᠠᠷᠢᠶᠠᠯ ᠨᠢ ᠪᠠᠢᠬᠤ ᠦᠭᠡᠢ ᠪᠣᠯᠴᠢᠬᠠᠯᠠ᠂ ᠣᠳᠣ ᠡᠵᠢ ᠴᠢᠨᠢ ᠵᠦᠭᠡᠷ ᠪᠣᠯᠤᠭᠰᠠᠨ᠃》ᠦᠨᠡᠬᠡᠷ ᠰᠢᠳᠢᠲᠦ ᠲᠢᠲᠢᠮ ᠦ᠋ᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠮᠠᠷᠭᠠᠰᠢ ᠨᠢ ᠬᠠᠲᠤᠨ ᠵᠥᠪ ᠵᠦᠭᠡᠷ ᠪᠣᠯᠴᠢᠬᠠᠯᠠ᠂ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠪᠥᠭᠡᠵᠢ ᠶ᠋ᠢ ᠠᠪᠴᠤ ᠬᠠᠶᠠᠯᠠ᠂ᠬᠠᠷᠢᠶᠠᠯ ᠲᠡᠷᠡ ᠳᠣᠣᠷᠠ ᠪᠠᠨ ᠠᠷᠢᠯᠵᠠᠢ ᠭᠡᠨᠡ᠂ᠭᠡᠪᠡᠴᠦ ᠬᠠᠭᠠᠨ ᠥᠩᠭᠡᠷᠡᠭᠰᠡᠨ ᠬᠡᠳᠦ ᠬᠣᠨᠣᠭ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠰᠠᠢᠨ ᠰᠠᠨᠠᠵᠤ ᠪᠠᠢᠭᠰᠠᠨ ᠶᠤᠮ᠃《 ᠬᠠᠢᠷᠠᠲᠤ ᠥᠬᠢᠨ ᠬᠠᠢᠷᠠᠲᠤ ᠡᠬᠡᠨᠡᠷ ᠲᠡᠢ ᠪᠡᠨ ᠪᠢ ᠶᠠᠭᠠᠬᠢᠭᠰᠠᠨ ᠮᠠᠭᠤᠬᠠᠢ ᠬᠠᠷᠢᠴᠠᠵᠤ ᠪᠠᠢᠭᠰᠠᠨ ᠪᠣᠢ ?ᠪᠢ ᠣᠳᠣ ᠢᠯᠡᠭᠦᠦ ᠶᠡᠬᠡ ᠠᠩᠬᠠᠷᠤᠯ ᠬᠠᠯᠠᠮᠵᠢ ᠲᠠᠯᠪᠢᠨᠠ᠃》《ᠬᠠᠢᠷᠠᠲᠤ ᠮᠢᠨᠢ ᠥᠪᠡᠷ ᠢ᠋ ᠪᠡᠨ ᠪᠤᠷᠤᠭᠤᠳᠬᠠᠬᠤ ᠬᠡᠷᠡᠭ ᠦᠭᠡᠢ᠂ ᠪᠦᠬᠦ ᠶᠠᠭᠤᠮᠠ ᠰᠠᠢᠬᠠᠨ ᠪᠣᠯᠴᠢᠬᠠᠯᠠ᠂ᠪᠦᠭᠦᠳᠡ ᠶ᠋ᠢ ᠮᠠᠷᠲᠠᠶᠠ᠃》 《ᠲᠠᠨ ᠳ᠋ᠤ᠌ ᠥᠭᠬᠦ ᠨᠢᠭᠡ ᠶᠠᠭᠤᠮᠠ ᠪᠠᠢᠨᠠ᠃》
ᠯᠢᠶᠠᠩ ᠲᠢᠲᠢᠮ ᠢ᠋ᠶ᠋ᠡᠨ ᠠᠪᠤᠭᠠᠳ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠲᠠᠯᠪᠢᠯᠠ᠂ ᠲᠢᠲᠢᠮ ᠭᠢᠯᠠᠯᠵᠠᠵᠤ ᠪᠠᠢᠯᠠ᠃
《ᠲᠠ ᠬᠣᠶᠠᠷ ᠬᠣᠶᠠᠭᠤᠯᠠ ᠪᠠᠨ ᠡᠨᠡ ᠲᠢᠲᠢᠮ ᠢ᠋ ᠵᠡᠭᠦᠬᠦ ᠡᠷᠬᠡ ᠲᠡᠢ ᠶᠦᠮ ᠰᠢᠭ ᠪᠠᠢᠨᠠ》
《ᠯᠢᠶᠠᠩ ᠳ᠋ᠤ᠌ ᠲᠢᠲᠢᠮ ᠪᠠᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠯᠠ᠂ ᠯᠢᠶᠠᠩ ᠲᠢᠲᠢᠮ ᠢ᠋ ᠵᠡᠭᠦᠬᠦ ᠡᠷᠬᠡ ᠲᠡᠢ᠂ ᠲᠡᠭᠦᠨ ᠦ᠌ ᠲᠡᠪᠴᠢᠶᠡᠷᠢ ᠪᠢᠳᠡᠨ ᠢ᠋ ᠠᠪᠤᠷᠠᠯᠠ》 ᠢᠩᠭᠢᠭᠡᠳ ᠡᠵᠡᠨᠲᠦ ᠤᠯᠤᠰ ᠪᠤᠴᠠᠭᠠᠳ ᠪᠠᠶᠠᠷ ᠬᠥᠷ ᠪᠢᠯᠬᠠᠭᠰᠠᠨ ᠭᠠᠵᠠᠷ ᠪᠣᠯᠤᠯᠠ᠃ ᠬᠠᠲᠤᠨ ᠬᠠᠭᠠᠨ ᠤᠳᠠᠯ ᠦᠭᠡᠢ ᠪᠦᠷᠢᠨ ᠡᠳᠡᠭᠡᠷᠡᠵᠦ᠂ᠬᠠᠮᠤᠭ ᠤ᠋ᠨ ᠲᠡᠪᠴᠢᠶᠡᠷᠢ ᠲᠡᠢ ᠬᠥᠮᠦᠨ ᠪᠣᠯᠵᠤ ᠴᠢᠳᠠᠭᠰᠠᠨ ᠶᠤᠮ᠃ᠬᠠᠷᠢᠨ ᠬᠠᠭᠠᠨ ᠡᠨᠡ ᠪᠦᠭᠦᠳᠡ ᠶ᠋ᠢ ᠬᠠᠷᠠᠭᠠᠳ ᠬᠢᠵᠠᠭᠠᠷ ᠦᠭᠡᠢ ᠶᠡᠬᠡ ᠪᠡᠷ ᠪᠠᠶᠠᠷᠯᠠᠪᠠ᠃ᠬᠠᠭᠠᠨ ᠱᠤᠯᠤᠮ ᠢ᠋ ᠰᠢᠢᠳᠬᠡᠭᠰᠡᠨ ᠢ᠋ᠶ᠋ᠡᠷ ᠱᠤᠯᠤᠮ ᠡᠵᠡᠨᠲᠦ ᠤᠯᠤᠰ ᠲᠤ ᠨᠢ ᠳᠠᠬᠢᠵᠤ ᠲᠦᠪᠡᠭ ᠤᠲᠤᠵᠤ ᠴᠢᠳᠠᠬᠤ ᠪᠠᠷ ᠦᠭᠡᠢ ᠪᠣᠯᠤᠭᠰᠠᠨ ᠶᠤᠮ᠃ ᠯᠢᠶᠠᠩ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠦᠵᠡᠰᠬᠦᠯᠡᠩ ᠲᠡᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠯᠠ᠂ ᠲᠡᠷᠡ ᠪᠡᠷ ᠲᠡᠪᠴᠢᠶᠡᠷᠢ ᠪᠣᠯ ᠠᠰᠤᠷᠤ ᠦᠨᠡ ᠴᠠᠨᠠ ᠲᠠᠢ ᠵᠦᠢᠯ ᠪᠥᠭᠡᠳ ᠬᠡᠷᠪᠡ ᠬᠥᠮᠦᠨ ᠵᠥᠪᠬᠡᠨ ᠴᠠᠭ ᠬᠤᠭᠤᠴᠠᠭᠠ ᠬᠥᠮᠦᠰ ᠢ᠋ ᠦᠨᠡᠯᠡᠵᠦ ᠰᠤᠷᠪᠠᠯ ᠠᠰᠤᠷᠤ ᠶᠡᠬᠡ ᠵᠦᠢᠯ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠪᠣᠯᠬᠤ ᠶ᠋ᠢ ᠬᠥᠮᠦᠰ ᠲᠦ᠍ ᠵᠢᠭᠠᠳᠠᠭ ᠪᠣᠯᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲ· ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠤᠷᠢᠶᠠᠩᠬᠠᠢ᠂ ᠨᠠᠷᠠᠨᠮᠠᠨᠳᠠ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ