ᠰᠢᠵᠢᠷᠲᠦᠬᠦ ᠠᠷᠪᠠᠨ ᠰᠠᠷᠠ - ᠪᠤᠶᠠᠨᠰᠠᠩ Шижиртүү арван сар-Буянсан
1554ᠰᠢᠵᠢᠷᠲᠦᠬᠦ ᠠᠷᠪᠠᠨ ᠰᠠᠷᠠ
ᠬᠣᠯᠪᠣᠭᠠ
ᠦᠭᠡ᠄ ᠬᠡᠷᠡᠢᠳ ᠭᠧᠯᠢᠭᠰᠠᠩᠪᠤᠤ
ᠬᠤᠭᠤᠷᠴᠢᠨ᠄ ᠪᠤᠶᠠᠨᠰᠠᠩ
ᠠᠶᠠᠰ ᠤ᠋ᠨ ᠰᠠᠯᠬᠢᠨ ᠰᠢᠪᠡᠨᠡᠭᠡᠳ ᠪᠠᠢᠨᠠ
ᠠᠭᠠᠭ ᠲᠠᠢ ᠤᠯᠠᠷᠢᠯ ᠲᠠᠩᠰᠤᠭ ᠯᠠ ᠪᠠᠢᠨᠠ
ᠠᠶᠠᠯᠭᠤ ᠳᠠᠭᠤᠤ ᠳᠤᠭᠤᠯᠳᠠᠭᠠᠳ ᠪᠠᠢᠨᠠ
ᠠᠷᠪᠠᠨ ᠰᠠᠷᠠ ᠪᠠᠨ ᠪᠡᠯᠭᠡᠯᠡᠭᠡᠳ ᠪᠠᠢᠨᠠ
ᠠᠯᠠᠭ ᠡᠭᠦᠯᠡ ᠬᠥᠪᠦᠯᠵᠡᠭᠡᠳ ᠪᠠᠢᠨᠠ
ᠠᠯᠤᠰ ᠬᠢᠵᠠᠭᠠᠷ ᠢ᠋ ᠵᠣᠷᠢᠭᠠᠳ ᠪᠠᠢᠨᠠ
ᠠᠶᠤᠤᠯᠢᠬᠠᠢ ᠵᠢᠷᠦᠬᠡ ᠳᠣᠭᠳᠣᠯᠤᠭᠠᠳ ᠪᠠᠢᠨᠠ
ᠠᠯᠳᠠᠩᠬᠠᠨ ᠮᠥᠴᠡ ᠨᠦ᠍ᠭᠦᠳ ᠢ᠋ ᠰᠢᠯᠦᠭᠯᠡᠮᠡᠷ ᠪᠠᠢᠨᠠ
ᠵᠠᠭᠠᠳᠠᠰᠤ ᠲᠩᠷᠢ ᠶ᠋ᠢᠨ ᠭᠦᠨ ᠢ᠋ᠶ᠋ᠡᠷ
ᠣᠳᠣᠳ ᠲᠦᠭᠡᠨ ᠰᠦᠮᠡᠯᠵᠡᠭᠰᠡᠨ
ᠵᠠᠬᠠ ᠶ᠋ᠢᠨ ᠬᠦᠢᠲᠡᠨ ᠤᠷᠤᠰᠬᠠᠯ ᠢ᠋ᠶ᠋ᠠᠷ
ᠤᠰᠤᠨ ᠨᠢ ᠵᠠᠢᠷᠲᠤᠭᠰᠠᠨ ᠠᠷᠪᠠᠨ ᠰᠠᠷᠠ
ᠵᠠᠢᠳᠠᠭᠤ ᠭᠠᠵᠠᠷ ᠤ᠋ᠨ ᠬᠣᠯᠠ ᠠ᠋ᠴᠠ
ᠭᠡᠷ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠭᠠᠳ
ᠵᠠᠵᠢᠨ ᠪᠤᠭᠤᠷᠤᠯ ᠨᠠᠰᠤᠲᠠᠨ ᠢ᠋ᠶ᠋ᠠᠨ
ᠵᠢᠷᠦᠬᠡ ᠮᠢᠨᠢ ᠡᠨᠡᠷᠢᠳᠡᠭ ᠠᠷᠪᠠᠨ ᠰᠠᠷᠠ
ᠬᠢᠷᠠᠭᠤ ᠨᠠᠪᠴᠢᠨ ᠳ᠋ᠤ᠌ ᠤᠨᠠᠭᠠᠳ
ᠬᠣᠷᠪᠣᠢᠵᠤ ᠰᠢᠷᠠᠯᠠᠵᠤ ᠬᠠᠲᠠᠭᠠᠳ
ᠬᠠᠢᠯᠠᠰᠤ ᠤᠯᠢᠶᠠᠰᠤᠨ ᠮᠣᠳᠣᠳ ᠨᠢ
ᠨᠠᠪᠴᠢᠰ ᠵᠤᠯᠭᠠᠷᠠᠬᠤ ᠠᠷᠪᠠᠨ ᠰᠠᠷᠠ
ᠠᠷᠭᠠᠳᠠᠨ ᠤᠷᠤᠰᠬᠤ ᠭᠣᠣᠯ ᠨᠢ
ᠠᠷᠠᠯ ᠨᠢ ᠴᠠᠩᠲᠤᠵᠤ ᠴᠠᠷᠴᠠᠭᠰᠠᠨ
ᠠᠲᠠᠷ ᠤ᠋ᠨ ᠨᠣᠭᠣᠭᠠᠨ ᠪᠡᠯᠴᠢᠭᠡᠷ ᠨᠢ
ᠠᠯᠠᠭᠯᠠᠨ ᠰᠢᠷᠭᠠᠯᠲᠤᠭᠰᠠᠨ ᠠᠷᠪᠠᠨ ᠰᠠᠷᠠ
ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠬᠦᠪᠲᠦᠯ ᠨᠢ
ᠥᠩᠭᠡ ᠵᠢᠰᠦ ᠨᠢ ᠪᠤᠭᠤᠷᠤᠯᠳᠠᠭᠠᠳ
ᠡᠭᠡᠯᠵᠢᠯᠡᠬᠦ ᠤᠯᠠᠷᠢᠯ ᠤ᠋ᠨ ᠵᠢᠮᠡ ᠪᠡᠷ
ᠡᠪᠦᠯ ᠪᠠᠷᠠᠳᠠᠭᠰᠠᠨ ᠠᠷᠪᠠᠨ ᠰᠠᠷᠠ
ᠦᠬᠡᠷ ᠮᠠᠯ ᠤ᠋ᠨ ᠰᠦᠷᠦᠭ ᠨᠢ
ᠦᠰᠦ ᠨᠢ ᠭᠢᠯᠲᠠᠭᠠᠨᠠ ᠲᠠᠷᠭᠤᠯᠠᠭᠠᠳ
ᠥᠨᠳᠥᠷ ᠤᠨᠠᠯᠲᠠ ᠲᠠᠢ ᠲᠠᠷᠢᠶᠠ ᠨᠢ
ᠥᠳᠬᠡᠨ ᠰᠢᠷᠭᠠᠯ ᠠᠷᠪᠠᠨ ᠰᠠᠷᠠ
ᠨᠡᠭᠦᠳᠡᠯ ᠦ᠋ᠨ ᠣᠯᠠᠨ ᠰᠢᠪᠠᠭᠤᠳ ᠨᠢ
ᠬᠠᠯᠢᠨ ᠡᠷᠭᠢᠯᠳᠦᠨ ᠬᠣᠷᠭᠣᠳᠠᠭᠠᠳ
ᠨᠠᠭᠤᠷ ᠱᠠᠩᠳᠠ ᠮᠡᠯᠮᠡᠷᠡᠭᠡᠳ
ᠭᠠᠯᠠᠭᠤᠳ ᠢ᠋ᠶ᠋ᠠᠨ ᠮᠡᠯᠮᠡᠢᠳᠡᠭᠰᠡᠨ ᠠᠷᠪᠠᠨ ᠰᠠᠷᠠ
ᠮᠠᠩᠨᠤᠭ ᠲᠠᠯᠠ ᠶ᠋ᠢᠨ ᠬᠠᠳᠤᠯᠠᠩ ᠳ᠋ᠤ᠌
ᠮᠠᠰᠢᠨᠴᠢᠯᠠᠯᠲᠠ ᠬᠥᠳᠡᠯᠭᠡᠭᠦᠷ ᠨᠢ ᠲᠦᠷᠴᠢᠭᠢᠨᠡᠭᠡᠳ
ᠮᠠᠯ ᠤ᠋ᠨ ᠪᠣᠷᠳᠣᠭᠠ ᠪᠠᠨ ᠨᠥᠭᠡᠴᠡᠯᠡᠭᠰᠡᠨ
ᠮᠠᠰᠢ ᠬᠥᠭᠵᠢᠶᠡᠨ ᠲᠡᠢ ᠠᠷᠪᠠᠨ ᠰᠠᠷᠠ
ᠡᠷᠳᠡᠨᠢ ᠰᠢᠰᠢ ᠶ᠋ᠢᠨ ᠲᠠᠷᠢᠶᠠ ᠨᠢ
ᠡᠯᠪᠡᠭ ᠬᠤᠷᠢᠶᠠᠯᠲᠠ ᠪᠠᠷ ᠪᠢᠯᠬᠠᠭᠠᠳ
ᠡᠷᠭᠢᠭᠦᠯᠭᠡ ᠮᠠᠰᠢᠨ ᠨᠤᠭᠤᠳ ᠨᠢ ᠳᠠᠪᠬᠢᠯᠳᠤᠭᠠᠳ
ᠡᠳᠦᠷᠵᠢᠨ ᠶᠠᠭᠠᠷᠠᠯᠲᠠᠢ ᠠᠷᠪᠠᠨ ᠰᠠᠷᠠ
ᠤᠨᠤᠭᠠ ᠮᠣᠷᠢᠳ ᠨᠢ ᠰᠤᠭᠳᠠᠢᠵᠤ
ᠤᠶᠠᠭᠠ ᠴᠢᠮᠡᠨ ᠭᠠᠯᠪᠢᠷᠠᠭᠠᠳ
ᠤᠨᠤᠭᠠᠳ ᠬᠣᠯᠠ ᠮᠣᠷᠳᠠᠬᠤ ᠳ᠋ᠤ᠌
ᠣᠪᠣᠭᠠ ᠬᠡᠢᠮᠣᠷᠢ ᠲᠠᠢ ᠠᠷᠪᠠᠨ ᠰᠠᠷᠠ
ᠤᠯᠠᠭᠠᠨ ᠨᠠᠷᠠᠨ ᠤ᠋ ᠲᠤᠶᠠᠭᠠ
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶ᠋ᠢ ᠭᠡᠢᠭᠦᠯᠵᠦ
ᠣᠯᠠᠨ ᠲᠦᠮᠡᠨ ᠦ᠌ ᠤᠷᠢᠶᠠ ᠲᠠᠢ
ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ ᠠᠷᠪᠠᠨ ᠰᠠᠷᠠ
ᠠᠽᠢᠶᠠ ᠶ᠋ᠢᠨ ᠨᠢᠷᠤᠭᠤᠨ ᠳ᠋ᠤ᠌ ᠬᠥᠭᠵᠢᠭᠰᠡᠨ
ᠭᠦᠷᠦᠨ ᠦ᠌ ᠮᠠᠨᠳᠤᠯ ᠢ᠋ᠶ᠋ᠠᠨ ᠪᠠᠬᠠᠷᠬᠠᠶᠠ
ᠠᠯᠲᠠᠨ ᠨᠠᠮᠤᠷ ᠤ᠋ᠨ ᠥᠩᠭᠡ ᠬᠡᠮᠨᠡᠵᠦ
ᠠᠶᠠᠭᠠᠨ ᠤ᠋ ᠳᠡᠭᠡᠵᠢ ᠪᠡᠨ ᠡᠷᠭᠦᠶᠡ
ᠠᠢᠰᠤᠢ ᠴᠠᠭ ᠮᠥᠴᠡ ᠨᠦ᠍ᠭᠦᠳ ᠦ᠋ᠨ
ᠠᠶᠠᠨ ᠤ᠋ ᠳᠥᠷᠥᠭᠡ ᠶ᠋ᠢ ᠮᠢᠯᠢᠶᠠᠶᠠ
ᠠᠩᠬᠢᠷᠯᠠᠨ ᠰᠢᠵᠢᠷᠲᠦᠬᠦ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ
ᠠᠬᠢᠯᠲᠠ ᠲᠠᠪᠰᠢᠯᠲᠠ ᠶ᠋ᠢ ᠵᠥᠩᠨᠡᠶᠡ!
20232᠂9᠂15
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ
ᠦᠰᠦᠭ ᠬᠠᠳᠠᠭᠴᠢ᠄ᠴᠡᠴᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ