ᠲᠩᠷᠢ ᠡᠵᠢ ᠣᠷᠲᠤᠨᠠᠰᠤᠨ ᠭᠤᠸᠠᠢ-ᠪᠠᠶᠠᠨ᠌ᠠᠡᠭᠤᠯᠠТэнгэр ээж-Уртнасан гуай- Баян-уул
11456ᠲᠩᠷᠢ ᠡᠵᠢ ᠣᠷᠲᠤᠨᠠᠰᠤᠨ ᠭᠤᠸᠠᠢ
ᠪᠠᠶᠠᠨ᠌ᠠᠡᠭᠤᠯᠠ
ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ ᠲᠡᠷᠡ ᠵᠢᠯ ᠦ᠋ᠨ
ᠤᠯᠠᠭᠠᠨᠴᠠᠪ ᠰᠤᠷᠭᠠᠭᠤᠯᠢ ᠶ᠋ᠢᠨ ᠠᠩᠬᠠᠨ ᠤ᠋ ᠰᠤᠷᠤᠭᠴᠢ
ᠤᠯᠠᠭᠠᠨᠬᠦᠦ ᠲᠡᠷᠢᠭᠦᠯᠡᠭᠴᠢ ᠡᠴᠡ ᠱᠠᠩᠨᠠᠯ ᠲᠣᠰᠴᠤ
ᠤᠷᠮᠠ ᠲᠡᠭᠦᠯᠳᠡᠷ ᠭᠢᠯᠠᠷᠠᠭᠤᠯᠵᠤ ᠶᠠᠪᠤᠭᠰᠠᠨ
ᠰᠢᠯᠢ ᠶ᠋ᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ
ᠬᠢᠯᠢ ᠶ᠋ᠢᠨ ᠨᠢᠭᠡᠨ ᠬᠤᠰᠢᠭᠤᠨ ᠤ᠋
ᠰᠢᠯᠢᠳᠡᠭ ᠨᠢᠭᠡᠨ ᠪᠢᠴᠢᠯᠭᠡᠲᠡᠨ
ᠢᠳᠡᠯᠢᠭ ᠨᠢᠭᠡᠨ ᠦᠵᠦᠭᠲᠡᠨ
ᠠᠪᠠᠭᠠ ᠨᠤᠲᠤᠭ ᠤ᠋ᠨ ᠪᠠᠭᠰᠢᠲᠠᠨ
ᠠᠷᠠᠳ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠢᠳᠬᠦᠯᠲᠡᠨ
ᠠᠢᠮᠠᠭ ᠬᠣᠲᠠ ᠳ᠋ᠤ᠌ ᠪᠠᠨ ᠬᠣᠪᠣᠷᠬᠠᠨ
ᠠᠮᠢᠳᠤ ᠨᠢᠭᠡᠨ ᠪᠤᠷᠬᠠᠨ ᠠ᠋
ᠥᠪᠥᠷ ᠳᠥᠴᠢ ᠶᠢᠰᠦᠨ ᠬᠤᠰᠢᠭᠤᠨ ᠳ᠋ᠤ᠌ ᠪᠠᠨ
ᠥᠨᠳᠥᠷ ᠲᠦ᠍ ᠭᠢᠯᠠᠯᠵᠠᠬᠤ ᠣᠳᠣᠨ
ᠦᠰᠦᠭ ᠪᠢᠴᠢᠭ ᠦ᠋ᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠪᠠᠨ
ᠥᠮᠥᠭ ᠲᠦᠰᠢᠭᠲᠦ ᠪᠤᠭᠤᠷᠤᠯ
ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠪᠠᠨ
ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ ᠨᠠᠰᠤᠲᠠᠨ ᠮᠢᠨᠢ
ᠵᠦᠢᠲᠡᠢ ᠣᠯᠠᠨ ᠮᠣᠩᠭᠣᠯᠴᠤᠳ ᠤ᠋ᠨ
ᠵᠢᠷᠦᠬᠡ ᠰᠡᠳᠬᠢᠯ ᠦ᠋ᠨ ᠰᠢᠲᠦᠭᠡᠨ ᠮᠢᠨᠢ
ᠡᠨᠡ ᠴᠠᠭ ᠤ᠋ᠨ ᠵᠠᠯᠠᠭᠤᠴᠤᠳ ᠲᠤ᠌
ᠢᠲᠡᠭᠡᠯ ᠵᠣᠷᠢᠭ ᠱᠠᠩᠨᠠᠭᠰᠠᠨ
ᠡᠷᠢᠨ ᠵᠠᠭᠤᠨ ᠤ᠋ ᠢᠳᠡᠷᠴᠦᠳ ᠲᠦ᠍
ᠡᠷᠴᠢ ᠬᠦᠴᠦ ᠬᠠᠢᠷᠠᠯᠠᠭᠰᠠᠨ
ᠪᠤᠶᠠᠨᠲᠤ ᠮᠣᠩᠭᠣᠯ ᠵᠠᠶᠠᠭᠠ ᠪᠠᠨ
ᠪᠣᠰᠤᠭᠠ ᠪᠢᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠴᠢᠮᠡᠭᠯᠡᠭᠰᠡᠨ
ᠪᠠᠳᠠᠷᠠᠩᠭᠤᠢ ᠶ᠋ᠢᠨ ᠴᠠᠬᠢᠮ ᠬᠠᠭᠤᠳᠠᠰᠤᠨ ᠳ᠋ᠤ᠌
ᠨᠠᠰᠤᠨ ᠬᠤᠲᠤᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠷᠣᠢᠯᠠᠭᠰᠠᠨ
ᠶᠡᠷᠡᠨ ᠬᠠᠪᠤᠷ ᠤ᠋ᠨ ᠰᠠᠯᠬᠢ ᠶ᠋ᠢ
ᠢᠲᠡᠭᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠤᠭᠤᠯᠤᠭᠰᠠᠨ
ᠶᠡᠷᠡᠨ ᠨᠠᠮᠤᠷ ᠤ᠋ᠨ ᠨᠠᠪᠴᠢᠰ ᠢ᠋
ᠢᠪᠡᠭᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠦᠳᠡᠭᠰᠡᠨ
ᠶᠡᠷᠡᠨ ᠵᠤᠨ ᠤ᠋ ᠨᠠᠷᠠ ᠶ᠋ᠢ
ᠢᠷᠦᠭᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠤᠰᠤᠭᠰᠠᠨ
ᠶᠡᠷᠡᠨ ᠡᠪᠦᠯ ᠦ᠋ᠨ ᠰᠢᠭᠤᠷᠭᠠᠨ ᠢ᠋
ᠢᠳᠡᠷᠡᠭᠦᠨ ᠢ᠋ᠶ᠋ᠡᠷ ᠰᠥᠷᠦᠭᠰᠡᠨ
ᠰᠦᠯᠵᠢᠶᠡ ᠬᠣᠯᠪᠣᠭᠠᠨ ᠤ᠋ ᠶᠢᠷᠲᠢᠨᠴᠦ ᠳ᠋ᠦ᠍
ᠰᠦᠯᠳᠡ ᠨᠢ ᠪᠣᠯᠤᠭᠰᠠᠨ ᠡᠵᠢ ᠮᠢᠨᠢ
ᠴᠠᠬᠢᠮ ᠪᠢᠴᠢᠯᠭᠡ ᠶ᠋ᠢᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠪᠠᠨ
ᠴᠢᠮᠡᠭ ᠨᠢ ᠪᠣᠯᠤᠭᠰᠠᠨ ᠪᠤᠭᠤᠷᠤᠯ ᠮᠢᠨᠢ
ᠲᠡᠭᠦᠯᠳᠡᠷ ᠤᠷᠮᠠ ᠲᠠᠢ ᠪᠢᠴᠢᠭᠲᠦ ᠡᠵᠢ
ᠲᠡᠭᠦᠰ ᠵᠣᠷᠢᠭᠲᠠᠢ ᠰᠣᠶᠣᠯᠲᠤ ᠡᠵᠢ
ᠲᠦᠭᠡᠮᠡᠯ ᠮᠣᠩᠭᠣᠯ ᠬᠡᠯᠡ ᠰᠣᠶᠣᠯ ᠤ᠋ᠨ ᠢ᠋ᠶ᠋ᠠᠨ
ᠲᠦᠰᠢᠭ ᠨᠢ ᠪᠣᠯᠤᠭᠰᠠᠨ ᠲᠩᠷᠢ ᠡᠵᠢ ᠠ᠋
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨ᠌ᠠᠡᠭᠤᠯᠠ
ᠤᠶᠠᠩᠭᠠᠯᠠᠭᠴᠢ᠄ ᠰᠠᠢᠬᠠᠨᠳᠠᠯᠠᠢ
ᠵᠢᠷᠤᠭ ᠲᠠᠭᠠᠷᠠᠭᠤᠯᠵᠤ᠂ ᠦᠰᠦᠭ ᠬᠠᠳᠠᠭᠴᠢ᠄ ᠬᠣᠨᠢᠴᠢᠨ ᠪᠦᠰᠡᠭᠦᠢ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ
※ ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠬᠣᠯᠪᠣᠭᠠ ᠠ᠋ᠴᠠ ᠰᠢᠩᠭᠡᠭᠡᠵᠦ ᠦᠢᠯᠡᠳᠪᠡ᠃