ᠦᠬᠡᠷ ᠤᠨᠤᠭᠰᠠᠨ ᠢᠯᠠᠭᠠ -Үхэр оносон ялаа-ᠪᠠᠲᠤᠰᠠᠭᠤᠷᠢ ᠶ᠋ᠢᠨ ᠠᠯᠲᠠᠨᠭᠡᠷᠡᠯ
1151 ᠪᠠᠲᠤᠰᠠᠭᠤᠷᠢ ᠶ᠋ᠢᠨ ᠠᠯᠲᠠᠨᠭᠡᠷᠡᠯ
ᠪᠡᠶᠡ ᠪᠡᠨ ᠳᠤᠭᠤᠭᠴᠢᠳ ᠢ᠋
ᠬᠠᠶᠠ ᠬᠠᠷᠠᠬᠤ ᠳ᠋ᠤ᠌
ᠪᠢᠳᠡᠨ ᠳ᠋ᠦ᠍ ᠨᠢᠭᠡ ᠯᠡ
ᠡᠪ ᠦᠭᠡᠢ ᠰᠠᠨᠠᠭᠳᠠᠳᠠᠭ᠂
ᠶᠠᠮᠠᠷ ᠴᠤ᠌ ᠪᠠᠢᠭᠰᠠᠨ
ᠲᠡᠳᠡᠨ ᠦ᠌ ᠳᠦᠷᠢ
ᠢᠯᠠᠭᠠᠨ ᠤ᠋ ᠦᠯᠢᠭᠡᠷ ᠢ᠋
ᠢᠮᠠᠭᠲᠠ
ᠪᠣᠳᠣᠭᠳᠠᠭᠤᠯᠳᠠᠭ᠃
ᠠᠭᠠᠭᠢᠮᠠ ᠬᠠᠯᠠᠭᠤᠨ
ᠨᠠᠷᠠᠨ ᠰᠢᠷᠠᠨᠠ
ᠠᠯᠤᠰ ᠬᠣᠯᠠ ᠶ᠋ᠢᠨ
ᠵᠠᠮ ᠵᠤᠷᠠᠢᠨᠠ
ᠠᠮᠪᠠᠨ ᠱᠠᠷ
ᠠᠯᠤᠰ ᠢ᠋ ᠵᠣᠷᠢᠨᠠ
ᠠᠮᠢᠰᠬᠤᠭᠠ ᠨᠢ ᠳᠠᠪᠬᠤᠴᠠᠭᠠᠳ
ᠠᠭᠠᠬᠢᠯᠠᠵᠤ ᠶᠠᠪᠤᠨᠠ᠃
ᠠᠮᠪᠠᠨ ᠱᠠᠷ ᠤ᠋ᠨ
ᠠᠷᠤ ᠵᠣ ᠳᠡᠭᠡᠷᠡ
ᠠᠳᠢᠭᠠᠷᠬᠠᠨ ᠢᠯᠠᠭᠠ
ᠠᠰᠠᠨ ᠨᠠᠭᠠᠯᠳᠤᠭᠠᠳ
ᠠᠮᠪᠠᠨ ᠱᠠᠷ
ᠤᠨᠤᠵᠤ ᠶᠠᠪᠤᠭᠠ ᠭᠡᠵᠦ
ᠠᠮᠢᠨ ᠳ᠋ᠠᠭᠠᠨ ᠲᠡᠷᠡ
ᠪᠣᠳᠣᠵᠤ ᠶᠠᠪᠤᠨᠠ᠃
ᠬᠠᠯᠠᠭᠤᠨ ᠳ᠋ᠤ᠌ ᠠᠮᠢᠰᠬᠤᠭᠠᠳᠠᠭᠰᠠᠨ
ᠠᠮᠪᠠᠨ ᠱᠠᠷ ᠠ᠋ᠴᠠ᠄
《ᠶᠠᠭ ᠦᠭᠡᠢ ᠬᠦᠨᠳᠦ
ᠪᠠᠢᠨᠠ ᠤᠤ ᠪᠢ?》 ᠭᠡᠵᠦ
《ᠶᠠᠳᠠᠷᠠᠵᠤ ᠵᠦᠳᠡᠷᠡᠵᠦ ᠶᠠᠪᠤᠨᠠ ᠤᠤ ᠴᠢ?》 ᠭᠡᠵᠦ
ᠠᠬᠢᠨ ᠳᠠᠬᠢᠨ ᠠᠰᠠᠭᠤᠵᠠᠢ ᠭᠡᠨᠡ᠃
ᠠᠮᠪᠠᠨ ᠱᠠᠷ ᠨᠢ
ᠠᠩᠵᠠᠭᠠᠷᠠᠭᠰᠠᠨ ᠴᠤ ᠦᠭᠡᠢ᠃
ᠬᠥᠭᠡᠷᠦᠬᠦᠢ ᠱᠠᠷ ᠢ᠋ᠶ᠋ᠠᠨ
ᠶᠠᠳᠠᠷᠠᠭᠰᠠᠨ ᠪᠣᠯ
ᠬᠥᠭᠡᠷᠴᠦ ᠬᠡᠰᠡᠭ
ᠨᠢᠰᠦᠶᠡ ᠳᠡ ᠭᠡᠵᠦ
ᠢᠯᠠᠭᠠ ᠲᠤᠩ
ᠶᠡᠬᠡᠷᠬᠡᠦ ᠵᠠᠩ ᠢ᠋ᠶ᠋ᠠᠷ
ᠶᠠᠩᠭᠢᠨᠠᠨ ᠵᠢᠩᠭᠢᠨᠡᠨ
ᠬᠡᠯᠡᠵᠡᠢ ᠭᠡᠨᠡ᠃
ᠠᠮᠪᠠᠨ ᠱᠠᠷ
ᠠᠩᠬᠠᠷᠤᠭᠰᠠᠨ ᠴᠤ ᠦᠭᠡᠢ
ᠠᠰᠠᠭᠤᠵᠤ ᠪᠠᠢᠨᠠ ᠭᠡᠵᠦ
ᠠᠩᠵᠠᠭᠠᠷᠠᠭᠰᠠᠨ ᠴᠤ ᠦᠭᠡᠢ᠃
ᠶᠠᠭᠠᠬᠢᠬᠤ ᠪᠣᠢ ᠲᠡᠷᠡ
ᠶᠠᠷᠢᠵᠤ ᠯᠠ ᠪᠠᠢᠭ!
ᠥᠴᠦᠬᠡᠨ ᠲᠡᠭᠦᠨ ᠦ᠌
ᠪᠡᠶᠡ ᠪᠡᠨ ᠲᠣᠭᠣᠭᠰᠠᠨ
ᠥᠭᠡᠷᠡ ᠪᠤᠰᠤᠳ ᠲᠤ
ᠪᠡᠶᠡ ᠪᠡᠨ ᠮᠠᠭᠲᠠᠭᠰᠠᠨ
ᠥᠭᠡᠳᠡ ᠦᠭᠡᠢ ᠵᠠᠩ ᠨᠢ
ᠬᠣᠯᠠᠳᠠᠬᠤ ᠶᠤᠮ ᠪᠢᠰᠢ
ᠡᠪᠡᠳᠴᠢᠨ ᠨᠢ ᠲᠡᠭᠡᠭᠡᠳ
ᠳᠡᠪᠡᠷᠡᠬᠦ ᠶᠦᠮ ᠪᠢᠰᠢ᠃
1969 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ᠂ ᠣᠳᠬᠠᠨᠰᠣᠠ