ᠡᠪᠦᠭᠡᠨ ᠡᠮᠡᠭᠡᠨ ᠬᠣᠶᠠᠷ-ᠵ · ᠳᠠᠰᠢᠴᠡᠪᠡᠭӨвгөн эмгэн хоёр-Ж ·Дашчвг
986ᠡᠪᠦᠭᠡᠨ ᠡᠮᠡᠭᠡᠨ ᠬᠣᠶᠠᠷ
ᠵᠣᠬᠢᠶᠠᠭᠴᠢ᠄ ᠵ · ᠳᠠᠰᠢᠴᠡᠪᠡᠭ
ᠤᠩᠰᠢᠭᠰᠠᠨ ᠨᠢ᠄ ᠡᠷᠬᠢᠮᠵᠢᠷᠭᠠᠯ
ᠨᠠᠭᠠᠳᠤᠮ ᠢ᠋ᠶ᠋ᠠᠷ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠬᠣᠲᠠ ᠪᠠᠨ ᠰᠠᠬᠢᠨ ᠦᠯᠡᠳᠡᠵᠡᠢ᠃ ᠤᠷᠲᠤ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠮᠡᠭᠡᠨ ᠢ᠋ ᠠᠷᠭᠠᠯ ᠲᠡᠭᠦᠭᠡᠳ᠂ ᠴᠦ᠍ ᠨᠢ ᠮᠤᠯᠲᠤᠷᠠᠭᠰᠠᠨ ᠲᠡᠷᠭᠡᠨ ᠦ᠌ ᠳᠤᠭᠤᠢ ᠰᠢᠭ᠋ ᠮᠠᠢᠵᠢᠭᠢᠨᠠᠨ ᠢᠷᠡᠵᠦ ᠶᠠᠪᠤᠬᠤ ᠶ᠋ᠢ ᠬᠠᠷᠠᠭᠰᠠᠨ ᠪᠤᠳ᠋ ᠡᠪᠦᠭᠡᠨ《ᠦᠶᠡ ᠶ᠋ᠢᠨ ᠬᠡᠦᠬᠡᠨ ᠨᠦ᠍ᠭᠦᠳ ᠡᠢᠮᠦ ᠪᠣᠯᠴᠢᠬᠠᠬᠤ ᠭᠡᠵᠦ ᠳᠡ᠃ ᠰᠠᠢᠬᠠᠨ ᠬᠡᠦᠬᠡᠨ ᠶᠠᠪᠤᠭᠰᠠᠨ ᠰᠠᠨ》 ᠭᠡᠵᠦ ᠭᠠᠰᠠᠯᠤᠨ ᠱᠣᠭᠰᠢᠷᠠᠭᠠᠳ ᠪᠠᠬᠠᠨ ᠲᠡᠭᠡᠨᠡᠭᠡᠯᠵᠡᠭᠰᠡᠨ ᠢ᠋ᠶ᠋ᠡᠨ ᠲᠤᠰᠬᠤ ᠪᠠᠷ ᠰᠢᠢᠳᠪᠡ᠃ ᠡᠮᠡᠭᠡᠨ ᠨᠢᠷᠤᠭᠤ ᠡᠭᠦᠷᠦᠨ ᠠᠢᠰᠤᠢ ᠠᠲᠤᠭᠠᠷ ᠡᠪᠦᠭᠡᠨ ᠢ᠋ ᠬᠠᠷᠠᠭᠠᠳ 《ᠡᠷᠡ ᠶ᠋ᠢ ᠨᠠᠰᠤ ᠳᠠᠷᠤᠨᠠ ᠠ᠋ ᠭᠡᠵᠦ᠁ ᠪᠤᠷᠬᠠᠨ ᠮᠢᠨᠢ᠃ ᠶᠠᠮᠠᠷ ᠵᠢᠪᠬᠤᠭᠠ ᠲᠠᠢ ᠡᠷᠡ ᠶᠠᠪᠤᠯᠠ ᠳᠠ ᠬᠥᠭᠡᠷᠦᠬᠦᠢ》 ᠭᠡᠵᠦ ᠬᠠᠷᠡᠭᠤᠰᠠᠯᠠ᠃ ᠡᠪᠦᠭᠡᠨ᠄
— ᠠᠯᠢ ᠪᠣᠢ ᠴᠠᠪᠯᠠᠮᠠ ᠮᠢᠨᠢ ᠁ ᠢᠩᠭᠢᠵᠦ ᠶᠠᠪᠤᠭᠠᠳ ᠴᠢ ᠨᠢᠭᠡ ᠮᠥᠷ ᠰᠥᠬᠥᠷᠡᠬᠦ ᠬᠥᠮᠦᠨ ᠰᠢᠦ᠃ ᠭᠠᠳᠠᠨᠠ ᠪᠠᠨ ᠲᠦᠯᠡᠰᠢ ᠣᠪᠣᠭᠠᠯᠠᠭᠠᠲᠠᠢ ᠪᠠᠢᠬᠤ ᠳ᠋ᠤ᠌ ᠁
— ᠬᠥᠳᠡᠯᠬᠦ ᠦᠭᠡᠢ ᠪᠣᠯ ᠡᠨᠡ ᠵᠣᠪᠠᠯᠭᠠ ᠡᠪᠡᠳᠴᠢᠨ ᠡᠭᠡᠷᠡᠭᠡᠳ ᠠᠮᠠᠷᠠᠭᠠᠬᠤ ᠦᠭᠡᠢ ᠠ᠋᠃ ᠭᠡᠮ ᠦᠭᠡᠢ᠂ ᠲᠠ ᠬᠡᠷᠡᠭ ᠦᠭᠡᠢ ᠁ ᠡᠷᠡ ᠬᠥᠮᠦᠨ ᠢ᠋ᠶ᠋ᠡᠷ ᠱᠡᠵᠢᠭᠡᠢ ᠡᠭᠦᠷᠦᠭᠦᠯᠦᠭᠡᠳ ᠨᠢᠭᠦᠯ ᠪᠣᠯᠤᠨᠠ ᠭᠡᠪᠡ᠃
ᠲᠡᠳᠡ ᠡᠳᠦᠷ ᠦ᠋ᠨ ᠤᠷᠲᠤ ᠳ᠋ᠤ᠌ ᠭᠠᠭᠴᠠᠭᠠᠷᠳᠠᠬᠤ ᠰᠡᠳᠬᠢᠯ ᠡᠴᠡ ᠪᠡᠨ ᠪᠣᠯᠵᠤ ᠪᠡᠶᠡ ᠪᠠᠶᠠᠨ ᠳ᠋ᠤ᠌ ᠪᠠᠨ ᠬᠠᠨᠢ ᠪᠠᠷᠠ ᠲᠠᠲᠠᠨᠠ᠃ ᠡᠮᠡᠭᠡᠨ ᠲᠣᠰᠣ ᠣᠷᠬᠢᠭᠰᠠᠨ ᠴᠠᠢ ᠰᠠᠮᠤᠷᠴᠤ ᠡᠪᠦᠭᠡᠨ ᠢ᠋ ᠳᠠᠭᠤᠳᠠᠨ ᠣᠷᠣ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠪᠠᠮᠪᠠᠢ ᠬᠠᠶᠠᠭᠠᠳ ᠲᠤᠬᠠᠲᠠᠢ ᠴᠠᠢᠯᠠᠵᠠᠭᠠᠪᠠ᠃
— ᠠᠢ ᠮᠥᠨ ᠰᠠᠢᠬᠠᠨ ᠴᠠᠢ ᠶᠠ᠃ ᠬᠡᠦᠬᠡᠳ ᠦ᠋ᠳ ᠨᠢᠭᠡ ᠯᠡ ᠤᠬᠢᠶᠠᠳᠠᠰᠤ ᠰᠢᠭ᠋ ᠶᠠᠭᠤᠮᠠ ᠯᠠ ᠴᠢᠨᠠᠬᠤ ᠶᠤᠮ ᠳᠠ᠃ ᠠᠷᠭᠠ ᠦᠭᠡᠢ ᠯᠡ ᠴᠢᠨᠦ ᠭᠠᠷ ᠤ᠋ᠨ ᠴᠠᠢ ᠮᠥᠨ ᠳᠡ ᠭᠡᠵᠦ ᠡᠪᠦᠭᠡᠨ ᠬᠥᠯᠥᠰᠥ ᠳᠠᠭᠠᠭᠠᠪᠤᠷᠢᠯᠠᠭᠤᠯᠪᠠ᠃ ᠡᠮᠡᠭᠡᠨ ᠡᠪᠦᠭᠡᠨ ᠦ᠌ ᠪᠠᠶᠠᠷᠯᠠᠵᠤ ᠪᠠᠢᠭᠠ ᠳ᠋ᠤ᠌ ᠴᠤ᠌ ᠲᠡᠷᠡ ᠤᠤ ᠡᠰᠡᠬᠦᠯᠡ ᠭᠠᠷ ᠢ᠋ ᠨᠢ ᠳᠠᠭᠠᠭᠤᠯᠵᠤ ᠭᠣᠷᠢᠳᠠᠭᠠᠳ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠰᠠᠨ ᠤᠤ᠂ ᠨᠢᠭᠡ ᠶᠠᠭᠤᠮᠠ ᠳᠤᠲᠠᠭᠠᠳ ᠪᠠᠢᠭᠠ ᠰᠢᠭ᠋ ᠥᠨᠳᠡᠯᠵᠡᠭᠰᠡᠨ ᠢ᠋ᠶ᠋ᠡᠨ᠄《ᠠ᠋᠁》 ᠭᠡᠵᠦ ᠤᠤᠯᠭᠠᠯᠠᠨ ᠮᠠᠷᠲᠠᠭᠰᠠᠨ ᠢ᠋ᠶ᠋ᠠᠨ ᠰᠠᠨᠠᠬᠤ ᠠᠶᠠᠲᠠᠢ《ᠪᠢ ᠲᠠᠨ ᠳ᠋ᠤ᠌ ᠲᠣᠭᠣᠭᠠ ᠲᠠᠯᠪᠢᠵᠤ ᠥᠭᠭᠦᠶᠡ》ᠭᠡᠬᠦ ᠨᠢ ᠲᠡᠷᠡ᠃ ᠡᠪᠦᠭᠡᠨ ᠳᠤᠷᠠᠲᠠᠢ ᠪᠠᠢᠭᠰᠠᠨ ᠴᠤ᠌᠂《ᠴᠠᠪᠯᠠᠮᠠ ᠮᠢᠨᠢ ᠡᠳᠦᠷ ᠦ᠋ᠨ ᠬᠠᠷᠠ ᠬᠠᠯᠠᠭᠤᠨ ᠳᠡᠭᠡᠷᠡ ᠪᠠᠰᠠ ᠭᠠᠯ ᠳ᠋ᠤ᠌ ᠰᠢᠷᠠᠭᠳᠠᠭᠠᠳ ᠁》ᠭᠡᠪᠡᠯ᠂《ᠵᠦᠭᠡᠷ ᠠ᠋᠁ ᠬᠠᠮᠤᠭ ᠠᠮᠢᠲᠠᠨ ᠨᠠᠭᠠᠳᠴᠤ ᠪᠠᠢᠬᠤ ᠳ᠋ᠤ᠌᠂ ᠡᠷᠡ ᠬᠥᠮᠦᠨ ᠦ᠌ ᠵᠠᠶᠠᠭᠠ ᠬᠠᠷᠢᠬᠤ ᠪᠠᠢᠭᠠ ᠳᠠ》 ᠭᠡᠪᠡ᠃ ᠡᠮᠡᠭᠡᠨ ᠦ᠌ ᠮᠠᠩᠨᠠᠢ ᠶ᠋ᠢᠨ ᠦᠷᠴᠢᠯᠡᠭᠡ ᠲᠡᠨᠢᠢᠭᠡᠳ ᠨᠢᠷᠤᠭᠤ ᠨᠢ ᠬᠠᠨᠠᠭᠠᠷ ᠪᠣᠯᠬᠤ ᠰᠢᠭ᠋ ᠡᠪᠦᠭᠡᠨ ᠳ᠋ᠦ᠍ ᠰᠠᠨᠠᠭᠳᠠᠭᠠᠳ᠂ ᠵᠠᠯᠠᠭᠤ ᠴᠠᠭ ᠲᠤ᠌ ᠪᠠᠨ ᠶᠡᠬᠡ ᠵᠤᠭᠠᠲᠠᠢ ᠲᠣᠭᠯᠠᠵᠤ ᠢᠨᠢᠶᠡᠳᠡᠭ ᠪᠠᠢᠭᠰᠠᠨ ᠮᠢᠰᠢᠶᠡᠯ ᠨᠢ ᠨᠢᠳᠦ᠂ ᠤᠷᠤᠭᠤᠯ ᠬᠣᠶᠠᠷ ᠲᠤ᠌ ᠨᠢ ᠣᠷᠭᠣᠭᠠᠳ ᠢᠷᠡᠪᠡ᠃ ᠡᠪᠦᠭᠡᠨ ᠰᠡᠭᠦᠷᠡᠰᠦ ᠠᠯᠲᠠᠨ ᠬᠠᠷᠬᠢᠵᠤ(харгнж) ᠳᠠ᠂ ᠬᠠᠷᠬᠢᠵᠤ᠃ ᠵᠠᠯᠠᠭᠤ ᠴᠠᠭ ᠲᠤ᠌ ᠬᠣᠨᠢᠨ ᠤ᠋ ᠪᠡᠯᠴᠢᠭᠡᠷ ᠲᠦ᠍ ᠴᠦ᠍ ᠲᠦᠢᠪᠡᠭᠡᠳᠡᠭ ᠪᠠᠢᠵᠤ ᠳᠠ》 ᠭᠡᠵᠦ ᠬᠠᠷᠠᠭᠤᠰᠠᠯ ᠤ᠋ᠨ ᠭᠠᠰᠠᠯᠠᠩᠲᠤ ᠪᠣᠳᠣᠯ ᠳ᠋ᠤ᠌ ᠠᠪᠲᠠᠪᠠ᠃
ᠴᠠᠪᠯᠠᠮᠠ ᠡᠮᠡᠭᠡᠨ ᠭᠤᠷᠪᠠᠨ ᠤᠰᠤ ᠪᠠᠷ ᠣᠬᠢ ᠨᠡᠷᠡᠮᠡᠯ ᠠᠪᠤᠪᠠ᠃ ᠰᠡᠳᠬᠢᠯ ᠵᠢᠷᠭᠠᠭᠰᠠᠨ ᠡᠪᠦᠭᠡᠨ《ᠮᠥᠨ ᠴᠦ᠍ ᠭᠠᠯᠵᠠᠭᠤ ᠭᠠᠷᠴᠠᠢ᠃ ᠶᠠᠰᠤᠨ ᠤ᠋ ᠬᠥᠯᠥᠰᠥ ᠪᠤᠷᠵᠢᠢᠬᠤ ᠪᠠᠷ᠁ ᠦᠨᠦᠷ ᠢ᠋ ᠨᠢ ᠠ᠋᠃ ᠬᠠᠩᠬᠤ ᠲᠠᠲᠠᠭᠠᠳ᠁ ᠡᠨᠡ ᠭᠣᠣᠯ ᠤᠰᠤᠨ ᠤ᠋ ᠬᠢᠨᠢ ᠰᠠᠢᠬᠠᠨ ᠨᠠᠢᠷᠯᠠᠳᠠᠭ ᠪᠠᠢᠯᠠ ᠳᠠ᠃ ᠣᠳᠣ ᠴᠤ᠌ ᠶᠠᠷᠢᠵᠤ ᠬᠥᠭᠡᠷᠬᠦ ᠬᠥᠮᠦᠨ ᠦᠭᠡᠢ᠃ ᠬᠠᠵᠢᠭᠯᠠᠭᠳᠠᠬᠤ ᠯᠠ ᠦᠯᠡᠳᠡᠵᠦ ᠳᠡ᠃》 ᠭᠡᠯᠡ᠃
ᠡᠮᠡᠭᠡᠨ 《ᠬᠡᠯᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ᠂ ᠬᠡᠯᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ》 ᠭᠡᠵᠦ ᠠᠮᠠ ᠶ᠋ᠢ ᠨᠢ ᠳᠠᠭᠠᠭᠤᠯᠪᠠ᠃
ᠬᠥᠬᠡ ᠨᠣᠭᠣᠭᠠᠨ ᠤ᠋ ᠬᠣᠨᠢᠨ ᠵᠡᠷᠭᠡᠯᠭᠡᠨ ᠰᠢᠭᠤᠯᠲᠠᠲᠠᠢ ᠬᠠᠶᠠᠭᠠ ᠠ᠋ᠴᠠ ᠢᠷᠠᠯᠵᠠᠨ ᠪᠣᠰᠴᠤ᠂ ᠠᠯᠤᠰ ᠬᠠᠩᠭᠠᠢ ᠶ᠋ᠢᠨ ᠪᠠᠷᠠ ᠬᠦᠬᠡᠮᠳᠦᠭᠯᠡᠨᠡ᠃ ᠡᠪᠦᠭᠡᠨ ᠦ᠌ ᠨᠢᠭᠤᠷ ᠬᠠᠯᠠᠭᠤ ᠳᠦᠦᠭᠡᠨ ᠮᠢᠨᠴᠢᠢᠵᠦ᠂ ᠳᠣᠲᠣᠭᠠᠳᠤ ᠬᠣᠷᠮᠣᠢ ᠪᠠᠷ ᠢ᠋ᠶ᠋ᠠᠨ ᠬᠥᠯᠥᠰᠥ ᠪᠡᠨ ᠠᠷᠴᠢᠵᠤ᠂ ᠪᠣᠳᠣᠯ ᠨᠢ ᠤᠶᠠᠰᠤᠨ ᠴᠡᠩᠬᠡᠷᠲᠦᠵᠦ ᠰᠠᠭᠤᠳᠠᠯ ᠳ᠋ᠤ᠌ ᠪᠠᠨ ᠭᠠᠩᠬᠤᠰᠬᠢᠭᠡᠳ《 ᠴᠠᠪᠯᠠᠮᠠ ᠭᠢᠯᠠᠢᠯᠠ ᠬᠦ᠌᠂ ᠴᠠᠪᠯᠠᠮᠠ᠁ ᠴᠢ ᠵᠠᠯᠠᠭᠤ ᠳ᠋ᠤ᠌ ᠪᠠᠨ ᠵᠢᠰᠦᠨ ᠳ᠋ᠦ᠍ ᠴᠢᠨᠢ ᠵᠡᠭᠦᠦ ᠰᠦᠪᠡᠯᠡᠮᠡᠷ ᠰᠠᠢᠬᠠᠨ ᠬᠡᠦᠬᠡᠨ ᠪᠠᠢᠵᠤ ᠪᠢᠯᠡ》ᠭᠡᠬᠦ ᠳ᠋ᠦ᠍᠂ ᠡᠮᠡᠭᠡᠨ ᠵᠠᠯᠠᠭᠤ ᠬᠡᠦᠬᠡᠨ ᠰᠢᠭ ᠵᠤᠤᠮᠠᠭᠠᠨᠠᠪᠠ᠃ ᠪᠤᠳ᠋ ᠡᠪᠦᠭᠡᠨ 《ᠥᠪᠡᠷ ᠲᠦ᠍ ᠪᠡᠨ ᠲᠣᠬᠢᠷᠠᠭᠰᠠᠨ ᠵᠢᠭᠠᠬᠠᠨ ᠠᠭᠠᠯᠢ ᠦᠭᠡᠢ᠂ ᠡᠮᠡ ᠬᠥᠮᠦᠨ ᠳ᠋ᠦ᠍ ᠪᠡᠨ ᠬᠥᠭᠰᠢᠷᠡᠭᠰᠡᠨ ᠴᠦ᠍ ᠭᠡᠰᠡᠨ ᠬᠥᠭᠡᠷᠦᠬᠦᠨ ᠵᠣᠬᠢᠳᠠᠭ ᠯᠠ ᠶᠤᠮ ᠪᠠᠢᠨᠠ ᠳᠠ》 ᠭᠡᠵᠦ ᠪᠣᠳᠣᠭᠠᠳ《ᠴᠠᠪᠯᠠᠮᠠ ᠮᠢᠨᠢ ᠨᠠᠮᠠ ᠶ᠋ᠢ ᠠᠷᠢᠬᠢ ᠬᠠᠷᠠᠭᠠᠳ ᠬᠡᠯᠡ ᠠᠮᠠ ᠪᠠᠨ ᠪᠢᠯᠡᠭᠦᠳᠡᠵᠦ ᠰᠠᠢᠮᠰᠢᠷᠠᠴᠢᠬᠠᠯᠠ ᠭᠡᠵᠦ ᠪᠢᠲᠡᠭᠡᠢ ᠪᠣᠳᠣᠭᠠᠷᠠᠢ᠃ ᠮᠢᠨᠦ ᠦᠶᠡ ᠶ᠋ᠢᠨ ᠬᠠᠷᠠᠴᠤᠤᠯ ᠪᠤᠯᠲᠤ ᠪᠠᠷ ᠢ᠋ᠶ᠋ᠠᠨ ᠯᠠ ᠨᠢᠳᠦ ᠪᠡᠨ ᠬᠤᠵᠢᠷᠯᠠᠳᠠᠭ ᠪᠠᠢᠭᠰᠠᠨ ᠳᠠ》 ᠭᠡᠬᠦ ᠳ᠋ᠦ᠍᠂ ᠴᠠᠪᠯᠠᠮᠠ ᠡᠮᠡᠭᠡᠨ ᠡᠷᠲᠡᠨ ᠦ᠌ ᠬᠠᠷᠭᠤᠢ ᠶ᠋ᠢᠨ ᠤᠯᠪᠠᠭᠠ ᠪᠠᠷ ᠪᠦᠳᠦᠴᠢᠬᠦ ᠰᠢᠭ《ᠲᠠ ᠲᠣᠭᠣᠵᠤ ᠬᠠᠷᠠᠳᠠᠭ ᠪᠠᠢᠭᠰᠠᠨ ᠭᠡᠵᠦ ᠦᠦ ᠳᠡ᠂ ᠭᠡᠨᠡᠨ ᠲᠡᠨᠡᠭ ᠲᠦ᠍ ᠪᠡᠨ ᠬᠣᠢᠨᠠ ᠠ᠋ᠴᠠ ᠴᠢᠨᠢ ᠪᠢ ᠨᠢᠯᠪᠤᠰᠤ ᠪᠠᠨ ᠮᠥᠨ ᠴᠦ᠍ ᠶᠡᠬᠡ ᠵᠠᠯᠭᠢᠭᠰᠠᠨ ᠳᠠ》 ᠭᠡᠪᠡᠯ ᠡᠪᠦᠭᠡᠨ ᠴᠣᠬᠣᠨ ᠳᠤᠮᠳᠠᠭᠤᠷ ᠢ᠋ᠶ᠋ᠠᠨ ᠨᠢᠰᠠᠯᠤᠭᠤᠯᠬᠤ ᠰᠢᠭ᠋ ᠲᠠᠭ ᠴᠢᠭ ᠮᠤᠬᠤᠷᠳᠠᠵᠤ ᠣᠷᠬᠢᠭᠠᠳ᠂ ᠳᠤᠬᠤ ᠪᠠᠨ ᠪᠠᠬᠠᠨ ᠢᠯᠢᠵᠦ《ᠡᠢᠮᠦ ᠯᠡ ᠰᠣᠬᠣᠷ ᠬᠣᠷᠸᠠ》 ᠭᠡᠰᠡᠨ ᠢ᠋ᠶ᠋ᠡᠨ ᠬᠡᠯᠡ ᠠᠮᠠ ᠨᠢ ᠡᠪᠯᠡᠬᠦ ᠦᠭᠡᠢ ᠪᠠᠬᠠᠨ ᠰᠠᠭᠤᠵᠤ᠂《ᠬᠥᠮᠦᠨ ᠬᠥᠮᠦᠨ ᠢ᠋ᠶ᠋ᠡᠨ ᠦᠭᠡᠢᠯᠡᠵᠦ ᠮᠥᠷᠥᠭᠡᠳᠳᠡᠭ ᠵᠠᠶᠠᠭᠠ ᠲᠠᠢ ᠠ᠋ᠴᠠ᠁ ᠳᠠᠩᠬᠤ ᠴᠠᠢ ᠪᠠᠨ ᠬᠤᠪᠢᠶᠠᠵᠤ᠁ ᠬᠥᠯ ᠢ᠋ᠶ᠋ᠡᠨ ᠬᠤᠴᠢᠯᠴᠠᠵᠤ᠁ ᠶᠠᠪᠤᠪᠠᠯ》 ᠭᠡᠳ ᠭᠠᠴᠠᠴᠢᠬᠠᠪᠠ᠃ ᠡᠮᠡᠭᠡᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠣᠩᠭᠣᠢᠯᠭᠠᠵᠤ ᠬᠠᠩᠭᠢᠨᠠᠲᠠᠯᠠ ᠰᠡᠭᠦᠷᠡᠰᠦ ᠠᠯᠳᠠᠭᠠᠳ《ᠬᠥᠮᠦᠨ ᠠᠮᠢᠲᠠᠨ ᠤ᠋ ᠡᠯᠡᠭ ᠳᠣᠭᠣᠭᠢ ᠪᠣᠯᠤᠨᠠ ᠪᠢᠵᠡ ᠳᠡ᠃ ᠪᠤᠷᠬᠠᠨ ᠤ᠋ ᠳᠤᠲᠠᠭᠠᠭᠰᠠᠨ ᠢ᠋ ᠭᠦᠢᠴᠡᠬᠦ ᠶ᠋ᠢᠨ ᠬᠡᠷᠡᠭ ᠦᠭᠡᠢ ᠭᠡᠳᠡᠭ ᠳᠡ》 ᠭᠡᠳ ᠳᠠᠬᠢᠵᠤ ᠲᠣᠭᠣᠭᠠ ᠲᠠᠯᠪᠢᠬᠤ ᠪᠠᠷ ᠭᠠᠵᠠᠷ ᠲᠤᠯᠵᠤ ᠪᠣᠰᠪᠠ᠃ ᠦᠳᠡ ᠬᠡᠯᠪᠡᠢᠨ ᠰᠡᠭᠦᠳᠡᠷ ᠬᠡᠯᠲᠡᠢᠬᠦ ᠳ᠋ᠦ᠍᠂ ᠬᠥᠬᠡᠷᠡᠵᠦ ᠬᠦᠪᠦᠩᠨᠡᠬᠦ ᠲᠦᠩᠵᠢᠭᠡᠷ(дүнжгэр) ᠠᠭᠤᠯᠠ ᠬᠣᠢᠮᠣᠷ ᠬᠠᠩᠬᠠᠯᠵᠠᠬᠤ ᠪᠤᠳ᠋ ᠡᠪᠦᠭᠡᠨ ᠬᠣᠶᠠᠷ ᠠᠳᠠᠯᠢᠬᠠᠨ ᠬᠠᠷᠠᠭᠳᠠᠨᠠ᠃ ᠡᠪᠦᠭᠡᠨ ᠪᠠᠢᠰᠬᠢᠭᠡᠳ ᠯᠡ《ᠡᠯᠡᠭ ᠳᠣᠭᠣᠭᠢ᠁ ᠡᠳᠡᠨ ᠢ᠋ ᠪᠦᠲᠦᠭᠡ ᠦᠭᠡᠢ ᠪᠠᠢᠬᠤ ᠳ᠋ᠤ᠌᠂ ᠡᠨᠡ ᠬᠣᠷᠸᠠ ᠳ᠋ᠤ᠌ ᠪᠢᠳᠡ ᠡᠵᠡᠨ ᠨᠢ ᠪᠠᠢᠭᠠ ᠦᠭᠡᠢ ᠭᠡᠵᠢ ᠦᠦ᠃ ᠬᠥᠮᠦᠨ ᠥᠲᠡᠯᠬᠦ ᠪᠡᠷ ᠢ᠋ᠶ᠋ᠡᠨ ᠬᠥᠮᠦᠨ ᠦ᠌ ᠳᠠᠩᠰᠠ ᠠ᠋ᠴᠠ ᠪᠠᠨ ᠬᠠᠰᠤᠭᠳᠠᠵᠤ᠂ ᠬᠥᠮᠦᠨ ᠪᠢᠰᠢ ᠪᠣᠯᠳᠠᠭ ᠶᠤᠮ ᠪᠢᠵᠡ ᠳᠡ᠃》 ᠭᠡᠮᠡᠨ ᠭᠣᠮᠣᠳᠠᠯ ᠲᠠᠯᠪᠢᠨᠠ᠃ ᠡᠮᠡᠭᠡᠨ ᠡᠪᠦᠭᠡᠨ ᠢ᠋《ᠪᠠᠯᠭᠤ ᠰᠤᠪᠰᠤ ᠳᠠᠭᠠᠭᠠᠬᠤ ᠪᠠᠨ ᠪᠤᠯᠢᠭᠠ ᠤᠤ ᠳᠠ》 ᠭᠡᠵᠦ ᠠᠷᠭᠠᠳᠠᠨ ᠲᠣᠢᠯᠠᠵᠤ᠂ ᠪᠤᠳ᠋ ᠢ᠋ ᠵᠠᠯᠠᠭᠤ ᠳ᠋ᠤ᠌ ᠪᠠᠨ ᠲᠠᠯᠢᠢᠭᠴᠢ ᠳ᠋ᠤ᠌ ᠪᠠᠨ ᠠᠭᠰᠤᠮᠨᠠᠨ ᠠᠯᠬᠢᠬᠤ(алхнхад) ᠳ᠋ᠤ᠌ ᠪᠠᠬᠠ ᠲᠠᠪᠠ ᠨᠢ ᠬᠠᠨᠤᠨ ᠪᠠᠰᠠ ᠠᠲᠠᠭᠠᠷᠬᠠᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠭᠡᠨᠡᠳᠲᠡ ᠰᠠᠨᠠᠭᠠᠳ《ᠬᠥᠮᠦᠨ ᠭᠡᠳᠡᠭ ᠶᠡᠬᠡ ᠨᠢᠭᠦᠯ ᠡᠭᠦᠷᠴᠦ ᠶᠠᠪᠤᠳᠠᠭ ᠠᠮᠢᠲᠠᠨ ᠶᠤᠮ ᠳᠠ᠃ ᠬᠠᠲᠠᠭᠤ ᠲᠣᠭᠯᠠᠭᠠᠮ ᠲᠠᠢ ᠬᠣᠷᠸᠠ ᠬᠣᠢᠨᠠ ᠳᠠ》 ᠭᠡᠵᠦ ᠪᠣᠳᠣᠯᠠ᠃
ᠡᠵᠡᠳ ᠨᠢ ᠨᠠᠭᠠᠳᠤᠮ ᠳ᠋ᠤ᠌ ᠶᠠᠪᠤᠭᠰᠠᠨ ᠬᠣᠲᠠ ᠠᠢᠯ ᠢ᠋ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠰᠠᠬᠢᠵᠤ ᠪᠠᠢᠯᠠ ᠯᠠ᠁
ᠢᠷᠡᠯᠲᠡ᠄
ᠯ ᠲᠦᠳᠦᠪ ᠨᠠᠷ ᠤ᠋ᠨ《ᠤᠳᠬᠠ ᠶ᠋ᠢᠨ ᠴᠢᠮᠡᠭ》 ᠭᠡᠬᠦ ᠨᠣᠮ ᠤ᠋ᠨ ᠵᠡ᠊ ·ᠳᠠᠰᠢᠴᠡᠪᠡᠭ ᠦ᠋ᠨ《ᠡᠪᠦᠭᠡᠨ ᠡᠮᠡᠭᠡᠨ ᠬᠣᠶᠠᠷ》 ᠭᠡᠬᠦ ᠥᠭᠦᠯᠡᠯᠭᠡ ᠡᠴᠡ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ ·ᠤᠷᠠᠨᠴᠡᠴᠡᠭ
ᠬᠢᠨᠠᠯᠲᠠ ᠪᠠᠭᠰᠢ᠄ ᠵᠡᠷᠮᠤᠳ ᠥᠯᠵᠡᠢ ᠂ ᠳ᠋ᠠᠰᠢᠨᠢᠮᠡ ᠴᠠᠬᠠᠷ ᠪᠠᠲᠤ ᠭᠠᠷᠮᠠ