ᠪᠢ ᠡᠷᠭᠢᠵᠦ ᠢᠷᠡᠨᠡ -ᠡᠷᠬᠡᠴᠦᠳ ᠳᠧ· ᠥᠨᠢᠷᠪᠠᠶᠠᠷБи эргэж ирнэ-Эрхчүүд Дэ.Өнөрбаяр
1927ᠪᠢ ᠡᠷᠭᠢᠵᠦ ᠢᠷᠡᠨᠡ
ᠡᠷᠬᠡᠴᠦᠳ ᠳᠧ· ᠥᠨᠢᠷᠪᠠᠶᠠᠷ
ᠪᠢ ᠡᠷᠭᠢᠵᠦ ᠢᠷᠡᠨᠡ
ᠬᠦᠢ ᠶ᠋ᠢ ᠮᠢᠨᠢ ᠴᠦᠭᠯᠡᠭᠰᠡᠨ ᠠᠯᠲᠠᠨ ᠰᠢᠷᠣᠢ
ᠬᠡᠦᠬᠡᠳ ᠨᠠᠰᠤᠨ ᠤ᠋ ᠮᠢᠨᠢ ᠭᠡᠭᠡᠨ ᠵᠡᠭᠦᠳᠦ
ᠬᠦᠯᠢᠶᠡᠵᠦ ᠴᠥᠬᠥᠬᠦ ᠦᠭᠡᠢ ᠶᠡᠬᠡ ᠬᠠᠢᠷᠠ
ᠬᠥᠪᠡᠭᠡᠲᠦ ᠰᠢᠷᠠ ᠴᠠᠬᠠᠷ ᠠᠳᠤᠭᠤᠴᠢᠨ ᠳ᠋ᠤ᠌ ᠪᠠᠨ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠪᠡᠶᠡ ᠰᠡᠳᠬᠢᠯ ᠢ᠋ ᠮᠢᠨᠢ ᠲᠥᠷᠥᠭᠦᠯᠦᠭᠰᠡᠨ
ᠪᠢᠯᠢᠭ ᠣᠶᠤᠨ ᠢ᠋ ᠮᠢᠨᠢ ᠬᠤᠷᠴᠠᠯᠠᠭᠰᠠᠨ
ᠡᠭᠡᠯᠭᠡᠨ ᠬᠦᠦ ᠪᠡᠷ ᠢ᠋ᠶ᠋ᠡᠨ ᠪᠠᠬᠠᠷᠬᠠᠵᠤ ᠶᠠᠪᠤᠭᠰᠠᠨ
ᠡᠭᠡᠯ ᠬᠣᠶᠠᠷ ᠪᠤᠭᠤᠷᠤᠯ ᠤ᠋ᠨ ᠢ᠋ᠶ᠋ᠠᠨ ᠡᠪᠦᠷ ᠲᠦ᠍
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠬᠠᠪᠤᠷ ᠬᠠᠪᠤᠷ ᠤ᠋ᠨ ᠠᠩᠭᠢᠷ ᠭᠠᠯᠠᠭᠤᠳ ᠢ᠋ᠶ᠋ᠠᠷ
ᠳᠠᠭᠤ ᠪᠠᠨ ᠥᠭᠴᠦ ᠬᠠᠢᠷᠠ ᠪᠠᠨ ᠢᠯᠡᠭᠡᠵᠦ
ᠬᠠᠨᠢ ᠦᠷᠡ ᠬᠣᠶᠠᠷ ᠲᠤ ᠪᠠᠨ ᠵᠣᠷᠢᠭ ᠨᠡᠮᠡᠵᠦ
ᠬᠠᠳᠠᠨ ᠠᠮᠢᠳᠤᠷᠠᠬᠤ ᠶ᠋ᠢᠨ ᠢᠲᠡᠭᠡᠯ ᠤᠷᠢᠶᠠᠯᠠᠵᠤ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠥᠭᠡᠳᠡᠷᠡᠭ ᠠᠮᠢᠳᠤᠷᠠᠬᠤ ᠶ᠋ᠢ ᠴᠢᠨᠢ ᠬᠠᠷᠠᠬᠤ ᠭᠡᠵᠦ
ᠥᠷᠯᠥᠭᠡ ᠪᠣᠯᠭᠠᠨ ᠪᠢ ᠲᠠ ᠨᠠᠷ ᠢ᠋ᠶ᠋ᠠᠨ ᠬᠠᠷᠠᠵᠤ ᠪᠠᠢᠬᠤ ᠪᠣᠯᠤᠨᠠ
ᠴᠣᠭᠲᠠᠢ ᠴᠣᠯᠮᠣᠨ ᠣᠳᠣ ᠰᠢᠭ᠋ ᠭᠡᠭᠡ ᠰᠠᠴᠤᠵᠤ
ᠴᠣ ᠰᠢᠨᠡ ᠡᠳᠦᠷ ᠪᠣᠯᠭᠠᠨ ᠢ᠋ ᠴᠢᠨᠢ ᠰᠦᠯᠡᠭᠰᠡᠭᠡᠷ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠴᠢᠩᠭᠢᠰ ᠤᠳᠤᠮ ᠤ᠋ᠨ ᠴᠡᠪᠡᠷ ᠴᠢᠰᠤ ᠣᠷᠭᠢᠯᠵᠤ
ᠴᠢᠩ ᠵᠣᠷᠢᠭ ᠤ᠋ᠨ ᠡᠪ ᠰᠠᠨᠠᠭᠠ ᠲᠠᠩᠭᠠᠷᠢᠭᠯᠠᠵᠤ
ᠴᠢ ᠪᠢᠳᠡᠨ ᠦ᠌ ᠬᠣᠢᠴᠢᠰ ᠥᠭᠡᠳᠡ ᠪᠡᠨ ᠪᠠᠢᠬᠤ ᠶ᠋ᠢ
ᠴᠢᠭ ᠳᠡᠭᠡᠷᠡ ᠡᠴᠡ ᠴᠢᠨᠢ ᠬᠠᠷᠠᠬᠤ ᠭᠡᠵᠦ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠵᠢᠷᠦᠬᠡ ᠡᠮᠵᠡᠭᠯᠡᠮᠡ ᠰᠠᠢᠬᠠᠨ ᠬᠠᠷᠠ ᠨᠢᠳᠦᠨ ᠦ᠌ ᠴᠢᠨᠢ ᠨᠢᠯᠪᠤᠰᠤ ᠶ᠋ᠢ
ᠵᠡᠭᠦᠳᠦᠨ ᠳ᠋ᠦ᠍ ᠴᠢᠨᠢ ᠢᠷᠡᠵᠦ ᠵᠦᠭᠡᠯᠡᠬᠡᠨ ᠠᠷᠴᠢᠵᠤ
ᠣᠢ ᠭᠠᠰᠢᠭᠤ ᠲᠠᠢ ᠤᠢᠳᠬᠠᠷᠲᠤ ᠪᠦᠷᠦᠭ ᠰᠡᠳᠬᠢᠯ ᠢ᠋ ᠴᠢᠨᠢ
ᠤᠷᠢ ᠳᠤᠯᠠᠭᠠᠨ ᠴᠠᠭ ᠤ᠋ᠨ ᠰᠠᠯᠬᠢ ᠪᠠᠷ ᠢᠯᠪᠢᠬᠦ ᠭᠡᠵᠦ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠴᠢᠮᠡᠭᠡ ᠦᠭᠡᠢ ᠤᠨᠠᠭᠠᠭᠰᠠᠨ ᠨᠢᠯᠪᠤᠰᠤᠨ ᠤ᠋ ᠴᠢᠨᠢ ᠳᠤᠰᠤᠯ ᠢ᠋
ᠴᠢᠩ ᠵᠢᠷᠦᠬᠡᠨ ᠦ᠌ ᠮᠢᠨᠢ ᠡᠴᠦᠰ ᠦ᠋ᠨ ᠴᠣᠬᠢᠯᠭᠠ ᠮᠡᠳᠡᠷᠡᠵᠦ ᠪᠠᠢᠭᠰᠠᠨ!
ᠬᠠᠯᠠᠭᠤᠨ ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠬᠠᠢᠷᠠ ᠶ᠋ᠢᠨ ᠳᠤᠯᠠᠭᠠᠨ ᠢᠯᠴᠢᠨ ᠳ᠋ᠦ᠍
ᠬᠠᠨ ᠬᠦᠦ ᠰᠢᠭ ᠵᠢᠷᠭᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠷᠡᠵᠦ ᠪᠠᠢᠭᠰᠠᠨ!
ᠠᠯᠲᠠᠨ ᠲᠠᠪᠤ᠂ ᠦᠳᠡᠰᠢ ᠶ᠋ᠢᠨ ᠴᠢᠯᠥᠭᠡ
ᠷᠠᠳᠢᠣ᠋ ᠲᠧᠯᠸᠢᠰ ᠦ᠋ᠨ ᠬᠠᠮᠲᠤ ᠣᠯᠠᠨ ᠮᠢᠨᠢ ᠪᠠᠶᠠᠷᠲᠠᠢ!
ᠡᠪ ᠨᠢᠭᠡᠳᠦᠯ ᠡᠷᠬᠢᠮ ᠦᠨᠡᠨᠴᠢ ᠬᠠᠷᠭᠤᠴᠠᠯᠭᠠ
ᠡᠩ ᠦᠭᠡᠢ ᠶᠡᠬᠡ ᠬᠠᠢᠷᠠ ᠶ᠋ᠢᠨ ᠴᠢᠨᠢ ᠬᠠᠷᠢᠭᠤ ᠳ᠋ᠤ᠌ ᠶᠣᠰᠣᠯᠠᠶᠠ!
ᠴᠡᠯᠮᠡᠭ ᠤᠬᠠᠭᠠᠨᠲᠤ ᠪᠤᠭᠤᠷᠤᠯ ᠤ᠋ᠨ ᠢ᠋ᠶ᠋ᠠᠨ ᠬᠣᠷᠮᠣᠢ ᠳ᠋ᠤ᠌ ᠰᠥᠬᠥᠷᠡᠶᠡ ᠬᠦᠦ ᠴᠢᠨᠢ!
ᠴᠢᠩ ᠵᠢᠷᠤᠮ ᠤ᠋ᠨ ᠠᠬᠠ ᠡᠭᠡᠴᠢ ᠨᠠᠷ ᠲᠤ ᠪᠠᠨ ᠶᠣᠰᠣᠯᠠᠶᠠ ᠳᠡᠭᠦᠦ ᠴᠢᠨᠢ!
ᠠᠮᠠᠷᠠᠭ ᠬᠠᠯᠠᠭᠤᠨ ᠠᠨᠳᠠ ᠨᠠᠢᠵᠠ ᠨᠠᠷ ᠢ᠋ᠶ᠋ᠠᠨ ᠲᠡᠪᠡᠷᠢᠶᠡ ᠨᠠᠢᠵᠠ ᠨᠢ!᠃
ᠠᠯᠢᠶᠠ ᠵᠢᠭᠠᠬᠠᠨ ᠬᠥᠭᠡᠷᠦᠬᠦᠨ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠦᠨᠦᠰᠦᠶᠡ ᠠᠬᠠ ᠨᠢ!
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠲᠡᠢᠨ ᠦ᠌ ᠲᠠᠯᠠᠪᠤᠷ ᠲᠤ ᠡᠷᠡᠰᠳᠡᠵᠦ
ᠤᠨᠠᠭᠰᠠᠨ ᠳᠡᠢᠴᠨᠨ ᠡᠪᠦᠭᠡᠳ ᠲᠡᠢ ᠪᠡᠨ ᠬᠠᠮᠲᠤ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠨᠢᠭᠦᠯᠲᠦ ᠬᠦᠢᠲᠡᠨ ᠮᠡᠰᠡ ᠶ᠋ᠢᠨ ᠡᠮᠦᠨᠡ ᠡᠴᠡ
ᠨᠢᠭᠤᠷ ᠪᠤᠷᠤᠭᠤᠯᠠᠵᠤ ᠳᠠᠯᠳᠢᠷᠠᠵᠤ ᠦᠵᠡᠭᠡ ᠦᠭᠡᠢ
ᠲᠡᠢᠨ ᠦ᠌ ᠶᠡᠬᠡ ᠲᠩᠷᠢ
ᠳᠠᠢᠴᠢᠨ ᠥᠷᠯᠥᠭ ᠦ᠋ᠳ ᠲᠡᠢ ᠪᠡᠨ ᠬᠠᠮᠲᠤ
ᠪᠢ ᠡᠷᠭᠢᠵᠦ ᠢᠷᠡᠨᠡ!
ᠰᠢᠯᠢ ᠶ᠋ᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠠᠪᠠᠬᠠᠨᠠᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ