ᠮᠣᠷᠢᠨ ᠬᠤᠭᠤᠷ -ᠵᠢᠮᠪᠠ ᠶ᠋ᠢᠨ ᠳᠠᠰᠢᠳᠣᠩᠳᠤᠭМорин хуур
983 ᠵᠢᠮᠪᠠ ᠶ᠋ᠢᠨ ᠳᠠᠰᠢᠳᠣᠩᠳᠤᠭ
ᠮᠣᠷᠢᠨ ᠬᠤᠭᠤᠷ ᠢ᠋ᠶ᠋ᠠᠨ ᠲᠠᠲᠠᠯᠠ
ᠮᠣᠩᠭᠣᠯ ᠠᠶᠠᠯᠭᠤ ᠡᠭᠦᠰᠬᠡᠯᠡ
ᠠᠶᠠᠯᠭᠤᠨ ᠠ᠋ᠴᠠ ᠨᠢ— ᠠᠶᠠᠰ ᠤ᠋ᠨ ᠰᠠᠯᠬᠢ
ᠰᠠᠯᠬᠢᠨ ᠠ᠋ᠴᠠ ᠨᠢ— ᠴᠠᠭᠠᠨ ᠡᠭᠦᠯᠡ
ᠡᠭᠦᠯᠡᠨ ᠡᠴᠡ ᠨᠢ— ᠦᠶᠡᠷ ᠪᠣᠷᠣᠭᠠ
ᠪᠣᠷᠣᠭᠠᠨ ᠠ᠋ᠴᠠ ᠨᠢ— ᠪᠣᠷᠭᠢᠶᠠ ᠬᠠᠷᠭᠢᠶᠠ
ᠬᠠᠷᠭᠢᠶᠠ ᠠ᠋ᠴᠠ ᠨᠢ— ᠬᠠᠪᠤᠷ ᠤ᠋ᠨ ᠤᠨᠢᠶᠠᠷ
ᠤᠨᠢᠶᠠᠷ ᠠ᠋ᠴᠠ ᠨᠢ— ᠠᠭᠤᠯᠠ ᠶ᠋ᠢᠨ ᠰᠢᠭᠤᠢ
ᠰᠢᠭᠤᠢ ᠠ᠋ᠴᠠ ᠨᠢ— ᠰᠢᠪᠠᠭᠤᠨ ᠤ᠋ ᠵᠢᠷᠭᠢᠭᠡ
ᠵᠢᠷᠭᠢᠭᠡ ᠡᠴᠡ ᠨᠢ— ᠵᠢᠮᠢᠰᠲᠦ ᠳᠣᠪᠣᠴᠠᠭ
ᠳᠣᠪᠣᠴᠠᠭ ᠠ᠋ᠴᠠ ᠨᠢ— ᠲᠣᠭᠣᠷᠢᠮ ᠪᠦᠷᠢᠳᠦ
ᠪᠦᠷᠢᠳᠦ ᠡᠴᠡ ᠨᠢ— ᠪᠥᠭᠡᠷᠡᠭ ᠡᠯᠡᠰᠦ
ᠡᠯᠡᠰᠦ ᠡᠴᠡ ᠨᠢ— ᠢᠩᠭᠡᠨ ᠪᠤᠢᠯᠠᠭᠠ
ᠪᠤᠢᠯᠠᠭᠠ ᠠ᠋ᠴᠠ ᠨᠢ— ᠪᠤᠲᠠ ᠰᠣᠨᠳᠤᠤᠯᠠ
ᠰᠣᠨᠳᠤᠤᠯᠠ ᠠ᠋ᠴᠠ ᠨᠢ— ᠰᠣᠨᠢᠨ ᠵᠡᠷᠭᠡᠯᠭᠡ
ᠵᠡᠷᠭᠡᠯᠭᠡᠨ ᠡᠴᠡ ᠨᠢ— ᠵᠡᠭᠡᠷᠡ ᠶ᠋ᠢᠨ ᠢᠷᠠᠯᠵᠠᠭᠠ
ᠢᠷᠠᠯᠵᠠᠭᠠᠨ ᠠ᠋ᠴᠠ ᠨᠢ— ᠢᠯᠠᠭᠤᠨ ᠰᠠᠭᠠᠷᠠᠯ
ᠰᠠᠭᠠᠷᠠᠯ ᠠ᠋ᠴᠠ ᠨᠢ— ᠰᠠᠢᠪᠤᠷ ᠵᠢᠷᠣᠭᠠ
ᠵᠢᠷᠣᠭᠠ ᠠ᠋ᠴᠠ ᠨᠢ— ᠵᠢᠯᠣᠭᠣ ᠴᠤᠯᠪᠤᠭᠤᠷ
ᠴᠤᠯᠪᠤᠭᠤᠷ ᠠ᠋ᠴᠠ ᠨᠢ— ᠬᠦᠯᠦᠭ ᠦ᠋ᠨ ᠡᠵᠡᠨ!
ᠡᠵᠡᠨ ᠨᠢ— ᠡᠷᠡᠯᠬᠡᠭ ᠮᠣᠩᠭᠣᠯ!
ᠮᠣᠷᠢᠨ ᠬᠤᠭᠤᠷ ᠤ᠋ᠨ ᠡᠭᠡᠰᠢᠭ ᠲᠦ᠍
ᠮᠣᠩᠭᠣᠯ ᠪᠦᠭᠦᠳᠡᠭᠡᠷ ᠪᠠᠭᠲᠠᠨᠠ᠃
1991 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ