ᠰᠣᠶᠣᠯ ᠤ᠋ᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠳ- ᠷᠠ᠊· ᠴᠢᠯᠠᠭᠤСоёлын гавьяат зүтгэлтэт-Ра Чулуу
3627ᠰᠣᠶᠣᠯ ᠤ᠋ᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠳ
ᠷᠠ᠊᠂ ᠴᠢᠯᠠᠭᠤ
ᠵᠣᠯᠪᠣᠭᠠ ᠵᠢᠪᠬᠤᠭᠠ ᠪᠠᠳᠠᠷᠠᠭᠰᠠᠨ ᠪᠣᠰᠤᠭᠠ ᠮᠣᠩᠭᠣᠯ ᠦᠰᠦᠭ ᠲᠡᠢ
ᠵᠣᠷᠢᠭ ᠰᠥᠰᠥ ᠪᠣᠴᠠᠯᠤᠭᠰᠠᠨ ᠲᠩᠷᠢᠯᠢᠭ ᠤᠳᠤᠮ ᠦ᠋ᠨ ᠬᠣᠶ᠋ᠢᠴᠢᠰ ᠦ᠋ᠳ
ᠵᠠᠭᠤᠨ ᠲᠦᠮᠡᠨ ᠬᠡᠷᠡᠭᠯᠡᠭᠴᠢᠳ ᠦ᠋ᠨ ᠰᠠᠨᠠᠭᠠ ᠰᠡᠳᠬᠢᠯ ᠊ᠢ ᠪᠠᠶᠠᠰᠬᠠᠭᠰᠠᠨ
ᠵᠢᠭᠠᠨ ᠵᠢᠯᠣᠭᠣᠳᠬᠤ ᠲᠠᠪᠴᠠᠩ ᠬᠡᠶ᠋ᠢᠮᠣᠷᠢ ᠰᠦᠯᠵᠢᠶᠡ ᠶ᠋ᠢ ᠪᠠᠶ᠋ᠢᠭᠤᠯᠵᠤ
ᠰᠣᠶᠣᠯ ᠦ᠋ᠨ ᠰᠠᠩ ᠊ᠢ ᠴᠢᠮᠡᠭᠯᠡᠬᠦ ᠳᠤ ᠠᠯᠲᠠᠨ ᠲᠣᠭᠣᠰᠬᠠ ᠵᠢᠷᠭᠡᠯᠡᠨ
ᠰᠠᠭᠤᠷᠢ ᠲᠠᠯᠪᠢᠨ ᠪᠡᠬᠢᠯᠡᠵᠦ ᠠᠰᠠᠷ ᠲᠠᠭᠲᠤ ᠶ᠋ᠢ ᠪᠣᠰᠬᠠᠭᠰᠠᠨ ᠶᠤᠮ᠂
ᠰᠤᠷᠤᠭᠰᠠᠨ ᠮᠡᠳᠡᠭᠰᠡᠨ ᠪᠦᠬᠦᠨ ᠶ᠋ᠢᠡᠨ ᠬᠠᠷᠠᠮᠯᠠᠯ ᠦᠭᠡᠢ ᠵᠣᠷᠢᠭᠤᠯᠤᠨ
ᠰᠤᠷᠭᠠᠯ ᠲᠤᠷᠰᠢᠯᠭᠠ ᠢᠪᠡᠭᠡᠨ ᠥᠨᠢᠳᠡ ᠶ᠋ᠢᠨ ᠳᠤᠷᠠᠳᠬᠠᠯ ᠦᠯᠡᠳᠡᠭᠡᠭᠰᠡᠨ
ᠠᠷᠤᠤᠬᠠᠨ ᠮᠦᠷᠲᠡᠬᠡᠨ ᠤᠬᠠᠭᠠᠯᠢᠭ ᠰᠣᠳᠣᠨ ᠪᠠᠭᠰᠢ ᠨᠠᠷ ᠦ᠋ᠨ ᠬᠥᠮᠦᠵᠢᠯ ᠶ᠋ᠢᠡᠷ
ᠢᠷᠠᠭᠤᠬᠠᠨ ᠪᠥᠭᠡᠳ ᠴᠣᠪᠣᠭᠣᠯᠢᠭ ᠣᠳᠣᠨ ᠪᠠᠭᠠᠴᠤᠤᠯ ᠴᠣᠯᠭᠣᠷᠠᠭᠰᠠᠨ ᠶᠤᠮ᠃
ᠠᠵᠢᠯᠰᠠᠭ ᠮᠦᠷᠲᠡᠬᠡᠨ ᠰᠢᠨᠳᠠᠰᠤᠯᠢᠭ ᠰᠡᠴᠡᠨ ᠠᠬᠠᠮᠠᠳ ᠦ᠋ᠨ ᠵᠢᠯᠣᠭᠣᠳᠤᠯᠭᠠ ᠪᠡᠷ
ᠠᠪᠢᠶᠠᠰᠯᠢᠭ ᠪᠥᠭᠡᠳ ᠳᠣᠷᠪᠢᠯᠢᠬ ᠴᠡᠴᠡᠨ ᠴᠢᠳᠠᠪᠤᠷᠢᠲᠠᠨ ᠰᠢᠯᠭᠠᠷᠠᠭᠰᠠᠨ ᠶᠤᠮ᠃
ᠣᠯᠠᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠡᠳ ᠦ᠋ᠨ ᠬᠡᠯᠡ ᠰᠣᠶᠣᠯ ᠦ᠋ᠨ ᠦᠢᠯᠡᠰ ᠲᠤ
ᠤᠬᠠᠭᠠᠨ ᠲᠠᠮᠢᠷ ᠶ᠋ᠢᠠᠨ ᠰᠢᠩᠭᠡᠭᠡᠵᠦ ᠦᠵᠦᠭ ᠬᠤᠷᠴᠠᠯᠠᠭᠰᠠᠨ ᠪᠠᠭᠰᠢ ᠮᠢᠨᠢ
ᠨᠠᠢ᠍ᠮᠠᠨ ᠮᠢᠩᠭᠠᠨ ᠠᠭᠤᠯᠭᠠ ᠲᠠᠢ ᠺᠢᠨᠣ᠋ ᠵᠦᠴᠦᠭᠡ ᠶ᠋ᠢ ᠵᠢᠷᠤᠭᠯᠠᠨ
ᠨᠠᠷᠢᠯᠢᠬ ᠤᠷᠠᠯᠢᠭ ᠲᠥᠰᠥᠪᠯᠡᠨ ᠰᠢᠨᠡᠴᠢᠯᠡᠯᠲᠡ ᠡᠭᠦᠳᠦᠭᠰᠡᠨ ᠭᠠᠪᠢᠶᠠᠲᠡᠳ ᠮᠢᠨᠢ
ᠵᠥᠭᠡᠯᠡᠨ ᠬᠠᠲᠠᠭᠤ ᠣᠷᠴᠢᠯᠠᠩ ᠊ᠢ ᠰᠣᠶᠣᠨ ᠬᠡᠬᠡᠷᠡᠭᠦᠯᠬᠦ ᠪᠡᠷ ᠮᠡᠷᠡᠶ᠋ᠢᠵᠦ
ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠴᠤᠭᠯᠠᠷᠠᠯ ᠊ᠢ ᠰᠠᠨᠠᠭᠠᠴᠢᠯᠠᠨ ᠰᠡᠳᠬᠢᠵᠦ ᠡᠭᠦᠰᠬᠡᠨ
ᠵᠦᠭ ᠪᠦᠬᠦᠨ ᠦ ᠪᠠᠬᠠᠲᠡᠳ ᠦ᠋ᠨ ᠣᠶᠤᠨ ᠤ ᠰᠣᠷᠢᠯᠲᠠ ᠶ᠋ᠢ ᠳᠠᠶ᠋ᠢᠴᠢᠯᠠᠵᠤ
ᠵᠢᠷᠦᠬᠡ ᠰᠡᠳᠬᠢᠯ ᠶ᠋ᠢᠡᠨ ᠴᠢᠯᠡᠭᠡᠵᠦ ᠰᠣᠶᠣᠯ ᠶ᠋ᠢᠠᠨ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠠᠭᠰᠢ ᠨᠠᠷ ᠮᠢᠨᠢ
ᠵᠢᠳᠬᠦᠯ ᠭᠠᠪᠢᠶᠠ ᠲᠡᠮᠳᠡᠭᠯᠡᠨ ᠱᠠᠩᠨᠠᠯ ᠮᠥᠩᠭᠥᠨ ᠳᠤ ᠭᠣᠷᠢᠯᠠᠭᠠ ᠦᠭᠡᠢ
ᠵᠥᠩᠨᠡᠯ ᠢᠷᠥᠭᠡᠯ ᠴᠠᠯᠭᠢᠭᠤᠯᠤᠨ ᠲᠦᠮᠡᠨ ᠣᠯᠠᠨ ᠶ᠋ᠢᠠᠨ ᠤᠷᠢᠶᠠᠯᠠᠵᠤ
ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠰᠦᠨᠡᠰᠦ ᠶ᠋ᠢ ᠳᠠᠭᠤᠳᠠᠨ ᠰᠡᠷᠭᠦᠭᠡᠵᠦ ᠠᠮᠢᠯᠠᠭᠤᠯᠤᠨ
ᠮᠣᠷᠢᠲᠠᠨ ᠪᠠᠭᠠᠲᠤᠷ ᠦᠨᠳᠦᠰᠦᠲᠡᠨ ᠦ ᠬᠡᠶ᠋ᠢᠮᠣᠷᠢ ᠰᠦᠯᠳᠡ ᠶ᠋ᠢ ᠮᠠᠨᠳᠤᠭᠤᠯᠵᠤ
ᠤᠨᠲᠠᠵᠤ ᠠᠮᠠᠷᠠᠬᠤ ᠪᠠᠨ ᠤᠮᠠᠷᠲᠠᠵᠤ ᠴᠠᠭ ᠮᠥᠴᠡ ᠲᠡᠢ ᠤᠷᠤᠯᠳᠤᠨ
ᠤᠯᠤᠰ ᠦᠨᠳᠦᠰᠦᠲᠡᠨ ᠦ ᠲᠥᠯᠥᠭᠡ ᠨᠠᠰᠤ ᠪᠠᠨ ᠡᠯᠡᠭᠡᠭᠰᠡᠨ ᠪᠠᠭᠰᠢ ᠨᠠᠷ ᠮᠢᠨᠢ᠂
ᠤᠯᠠᠷᠢᠵᠤ ᠣᠷᠣᠰᠢᠬᠤ ᠬᠣᠷᠸ᠋ᠠ ᠶ᠋ᠢᠨ ᠰᠠᠯᠬᠢ ᠰᠢᠭᠤᠷᠭᠠ ᠲᠠᠢ ᠲᠡᠮᠡᠴᠡᠨ
ᠤᠷᠭᠠ ᠪᠢᠷ ᠲᠡᠢ ᠬᠠᠨᠢᠰᠠᠨ ᠢᠰᠭᠡᠷᠴᠤ ᠳᠠᠪᠬᠢᠬᠰᠠᠨ ᠬᠥᠮᠦᠰ ᠦ᠋ᠨ ᠮᠢᠨᠢ
ᠭᠠᠯ ᠲᠠᠢ ᠬᠠᠯᠠᠭᠤᠨ ᠰᠡᠳᠬᠢᠯ ᠳᠤ ᠴᠢᠨᠢ ᠲᠩᠷᠢ ᠪᠤᠷᠬᠠᠨ ᠣᠶᠠᠷᠠᠵᠤ
ᠭᠠᠩ ᠲᠠᠢ ᠨᠤᠲᠤᠭ ᠨᠣᠭᠣᠭᠠᠷᠠᠨ ᠬᠤᠷᠠ ᠲᠠᠢ ᠵᠤᠨ ᠮᠢᠨᠢ ᠠᠮᠤᠭᠤᠯᠠᠩ
ᠭᠠᠩᠭᠠᠩ ᠪᠠᠶ᠋ᠢᠭᠠᠯᠢ ᠰᠣᠯᠣᠩᠭᠠᠷᠠᠨ ᠲᠣᠷᠭᠠᠨ ᠪᠡᠯᠴᠢᠭᠡᠷ ᠭᠠᠩᠬᠤᠯᠵᠠᠵᠤ
ᠭᠠᠷ ᠬᠣᠯᠪᠣᠨ ᠨᠢᠬᠲᠠᠷᠠᠭᠰᠠᠨ ᠮᠣᠩᠭᠣᠯ ᠲᠦᠮᠡᠨ ᠮᠢᠨᠢ ᠪᠠᠶᠠᠰᠬᠤᠯᠠᠩ᠃
2024.9.10 ᠤ ᠪᠠᠭᠰᠢ ᠶ᠋ᠢᠨ ᠪᠠᠶᠠᠷ ᠦ᠋ᠨ ᠡᠳᠦᠷ ᠊ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠬᠣᠯᠪᠣᠭᠠ᠂ ᠬᠠᠳᠠᠮᠠᠯ ᠦᠰᠦᠭ ᠦ᠋ᠨ ᠬᠣᠯᠪᠣᠭᠠ᠂ ᠠᠮᠢᠳᠤ ᠦᠰᠦᠭ ᠦ᠋ᠨ ᠬᠣᠯᠪᠣᠭᠠ ᠵᠡᠷᠭᠡ ᠬᠡᠶ᠋ᠢᠮᠣᠷᠢ ᠰᠦᠯᠵᠢᠶᠡᠨ ᠦ ᠡᠯᠡ ᠲᠠᠪᠴᠠᠩ ᠳᠤ ᠠᠵᠢᠯᠯᠠᠵᠤ᠂ ᠦᠢᠯᠡᠴᠢᠯᠡᠵᠤ ᠪᠠᠶ᠋ᠢᠭᠠ ᠣᠯᠠᠨ ᠰᠠᠶ᠋ᠢᠬᠠᠨ ᠰᠣᠶᠣᠯ ᠦ᠋ᠨ ᠵᠢᠳᠬᠦᠯᠲᠡᠨ ᠪᠠᠭᠰᠢ ᠨᠠᠷ ᠲᠤ ᠪᠠᠨ ᠴᠢᠩ ᠰᠡᠳᠬᠢᠯ ᠦ᠋ᠨ ᠲᠠᠯᠠᠷᠬᠠᠯ ᠳᠡᠪᠰᠢᠭᠦᠯᠦᠶᠡ!
ᠲᠠ ᠨᠠᠷ ᠮᠠᠨᠢ ᠵᠦᠳᠡᠷᠡᠭᠰᠡᠨ ᠰᠢᠦ᠂ ᠪᠠᠭᠰᠢ ᠨᠠᠷ ᠮᠢᠨᠢ ᠡᠷᠡᠭᠦᠯ ᠡᠩᠬᠡ ᠪᠠᠶ᠋ᠢᠭᠠᠰᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠳᠣ
ᠦᠰᠦᠭ ᠬᠠᠳᠠᠭᠴᠢ᠄ ᠰᠣᠳᠣ
ᠦᠰᠦᠭ ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠋