ᠨᠠᠢᠵᠠ ᠴᠢᠩᠪᠠᠭᠠᠲᠤᠷ ᠢ᠋ ᠡᠷᠭᠢᠨ ᠳᠤᠷᠠᠰᠬᠤᠢ - ᠪᠠᠶᠠᠭᠤᠳ ᠬᠠᠰᠪᠢᠯᠢᠭ᠌Найз чанбаатарыг эргэн дурсхуй-Баяут Хасбилэг
1291 ᠪᠠᠶᠠᠭᠤᠳ ᠬᠠᠰᠪᠢᠯᠢᠭ᠌
ᠥᠴᠥᠭᠡᠳᠦᠷᠬᠡᠨ ᠭᠡᠮᠡᠷ 99 ᠣᠨ ᠤ᠋ ᠡᠪᠦᠯ
ᠦᠶᠡᠷᠬᠡᠵᠦ ᠶᠠᠪᠤᠬᠤ ᠮᠥᠳᠳᠥᠬᠡᠨ ᠴᠢᠯᠥᠭᠡ ᠮᠢᠨᠢ ᠡᠬᠢᠯᠡᠭᠰᠡᠨ
ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠷᠠᠳᠢᠣ᠋ ᠲᠧᠯᠸᠢᠰ ᠢ᠋
ᠨᠠᠢᠵᠠ ᠶ᠋ᠢᠨ ᠢ᠋ᠶ᠋ᠡᠨ ᠠᠯᠪᠠ ᠭᠡᠵᠦ ᠰᠠᠨᠠᠳᠠᠭ ᠴᠤ ᠪᠣᠯᠤᠭᠰᠠᠨ
ᠢᠷᠠᠭᠤᠬᠠᠨ ᠮᠣᠩᠭᠣᠯ ᠬᠣᠭᠣᠯᠠᠢ ᠪᠠᠷ ᠴᠢᠨᠢ
ᠢᠯᠭᠤᠮ ᠮᠣᠩᠭᠣᠯ ᠢ᠋ᠶ᠋ᠠᠷ ᠷᠠᠳᠢᠣ᠋ ᠲᠧᠯᠸᠢᠰ ᠶᠠᠷᠢᠳᠠᠭ ᠴᠤ ᠪᠣᠯᠤᠭᠰᠠᠨ
ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠮᠥᠷ ᠲᠦ᠍
ᠬᠡᠯᠡᠬᠦ ᠦᠭᠡ ᠪᠡᠨ ᠨᠢᠭᠤᠳᠠᠭ ᠴᠤ ᠪᠠᠢᠭᠰᠠᠨ
ᠶᠠᠷᠢᠭᠰᠠᠨ ᠪᠦᠬᠦᠨ ᠴᠢᠨᠢ ᠰᠣᠨᠣᠰᠬᠤᠯᠠᠩ
ᠬᠡᠯᠡᠭᠰᠡᠨ ᠪᠦᠬᠦᠨ ᠴᠢᠨᠢ ᠳᠠᠭᠤᠷᠢᠰᠬᠤᠯᠠᠩ
ᠵᠣᠷᠢᠭᠰᠠᠨ ᠪᠦᠬᠦᠨ ᠴᠢᠨᠢ ᠬᠦᠰᠡᠯᠡᠩ
ᠵᠣᠬᠢᠶᠠᠭᠰᠠᠨ ᠪᠦᠬᠦᠨ ᠴᠢᠨᠢ ᠪᠦᠲᠦᠭᠡᠯ
ᠬᠠᠢᠷᠠ ᠲᠠᠢ ᠪᠦᠬᠦᠨ ᠡᠴᠡ ᠴᠢᠨᠢ
ᠬᠣᠷᠸᠠ ᠴᠢᠮᠠ ᠶ᠋ᠢ ᠲᠥᠭᠡᠷᠢᠭᠦᠯᠦᠭᠡ ᠦᠭᠡᠢ
ᠲᠣᠭᠣᠰᠣ ᠲᠠᠢ ᠪᠣᠯᠬᠣᠷ ᠨᠢ ᠬᠣᠷᠸᠠ ᠶ᠋ᠢ
ᠲᠤᠭᠤᠯ ᠦᠭᠡᠢ ᠤᠭᠤᠷᠤᠨ ᠣᠳᠪᠠ ᠤᠤ ᠳᠠ
ᠵᠦᠭ ᠨᠢ ᠲᠠᠭᠠᠷᠠᠵᠤ
ᠵᠥᠷᠢᠭ ᠵᠠᠮ ᠢ᠋ᠶ᠋ᠠᠷ ᠪᠢᠳᠡᠨ ᠲᠦᠳᠡᠬᠡᠨ ᠬᠠᠮᠲᠤ ᠶᠠᠪᠤᠭᠰᠠᠨ
ᠵᠦᠢ ᠮᠢᠨᠢ ᠡᠪᠳᠡᠷᠡᠵᠦ
ᠮᠥᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠡᠷᠭᠢᠬᠦ ᠳ᠋ᠦ᠍ ᠴᠢ ᠮᠢᠨᠢ ᠠᠯᠠᠭᠠ
ᠣᠷᠴᠢᠯᠠᠩ ᠭᠡᠭᠴᠢ ᠣᠭᠣᠰᠣᠷ ᠪᠦᠴᠡ ᠦᠭᠡᠢ
ᠵᠥᠷᠢᠭᠡᠳ ᠭᠠᠷᠬᠤ ᠭᠱᠠᠨ ᠳ᠋ᠤ᠌ ᠨᠢᠭᠡᠨ ᠨᠠᠢᠵᠠ ᠮᠢᠨᠢ ᠠᠯᠠᠭᠠ
ᠵᠡᠭᠦᠳᠦᠨ ᠮᠡᠲᠦ ᠡᠯᠡᠢ ᠪᠠᠯᠠᠷ
ᠵᠦᠢᠯ ᠵᠦᠢᠯ ᠢ᠋ᠶ᠋ᠡᠷ ᠬᠥᠮᠦᠰ ᠭᠠᠰᠠᠯᠠᠩ ᠲᠠᠢ
ᠵᠦᠢᠵᠦ ᠵᠦᠢᠵᠦ ᠵᠢᠷᠦᠬᠡᠨ ᠳ᠋ᠦ᠍ ᠪᠡᠨ ᠴᠢᠮᠠ ᠪᠠᠨ ᠴᠤᠭᠯᠠᠭᠤᠯᠵᠤ
ᠮᠥᠳᠳᠥᠬᠡᠨ ᠴᠢᠯᠥᠭᠡᠨ ᠳ᠋ᠦ᠍ ᠴᠢᠨᠢ ᠰᠡᠳᠬᠢᠯ ᠢ᠋ ᠴᠢᠨᠢ
ᠮᠡᠳᠡᠭᠴᠢ ᠪᠠᠢᠭᠰᠠᠨ ᠨᠠᠢᠵᠠ ᠴᠢᠨᠢ
ᠮᠥᠩᠬᠡ ᠶ᠋ᠢᠨ ᠵᠤᠯᠠ ᠠᠰᠠᠭᠠᠵᠤ ᠮᠥᠷᠥᠭᠡᠳᠦᠯ ᠦ᠋ᠨ ᠢ᠋ᠶ᠋ᠡᠨ ᠵᠦᠭ ᠡᠴᠢᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠣᠳᠬᠠᠨᠴᠡᠴᠢᠭ
ᠬᠢᠨᠠᠭᠴᠢ᠄ ᠨᠠᠷᠠᠨ᠂ ᠣᠳᠬᠠᠨᠰᠣᠠ