ᠴᠠᠰᠤ ᠰᠤᠮᠤᠨ - ᠰᠠᠮᠪᠤᠤ ᠨᠠᠳᠮᠢᠳЦас суман
856 ᠰᠠᠮᠪᠤᠤ ᠨᠠᠳᠮᠢᠳ
ᠥᠷᠯᠥᠭᠡ ᠪᠣᠰᠤᠭᠠᠳ ᠬᠠᠷᠠᠭᠰᠠᠨ ᠴᠢᠨᠢ
ᠥᠴᠢᠨᠡᠨ ᠴᠠᠰᠤ ᠳᠠᠷᠤᠴᠢᠬᠠᠵᠠᠢ᠂
ᠴᠠᠢ ᠪᠠᠨ ᠴᠤ᠌ ᠤᠤᠭᠤᠯ ᠦᠭᠡᠢ ᠪᠠᠭᠠᠴᠤᠳ
ᠴᠠᠰᠤ ᠪᠠᠷ ᠪᠠᠢᠯᠳᠤᠨ ᠲᠣᠭᠯᠠᠵᠠᠢ᠃
ᠬᠠᠩᠬᠤ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠨᠠᠭᠠᠳᠤᠭᠰᠠᠭᠠᠷ
ᠬᠠᠮᠤᠭ ᠬᠤᠪᠴᠠᠰᠤ ᠪᠠᠨ ᠨᠣᠷᠭᠠᠴᠢᠬᠠᠵᠠᠢ᠂
ᠠᠪᠤ ᠡᠵᠢ ᠡᠴᠡ ᠪᠡᠨ ᠵᠣᠪᠠᠭᠠᠳ
ᠠᠮᠠᠷᠠᠬᠤ ᠪᠠᠷ ᠴᠥᠮ ᠲᠣᠬᠢᠷᠠᠵᠠᠭᠠᠵᠠᠢ᠃
ᠦᠳᠡ ᠡᠴᠡ ᠬᠣᠢᠰᠢ ᠴᠤᠭᠯᠠᠶᠠ ᠭᠡᠳ
ᠦᠷᠢᠯ ᠰᠤᠮᠤ ᠨᠤᠭᠤᠳ ᠢ᠋ᠶ᠋ᠠᠨ ᠪᠡᠯᠡᠳᠬᠡᠵᠡᠭᠡᠵᠡᠢ᠂
ᠪᠠᠢᠯᠳᠤᠨ ᠲᠣᠭᠯᠠᠬᠤ ᠳ᠋ᠤ᠌ ᠠᠮᠠᠷ ᠭᠡᠳ
ᠪᠠᠭᠠᠬᠠᠨ ᠰᠤᠮᠤ ᠪᠠᠵᠠᠭᠠᠵᠠᠭᠠᠵᠠᠢ᠃
ᠤᠳᠠᠬᠤ ᠦᠭᠡᠢ ᠡᠨᠳᠡ ᠠᠭᠤᠯᠵᠠᠶᠠ ᠭᠡᠳ
ᠤᠮᠳᠠᠭᠠ ᠤᠤᠭᠤᠬᠤ ᠪᠠᠷ ᠭᠦᠶᠦᠵᠡᠭᠡᠵᠡᠢ᠃
ᠪᠣᠷᠣᠬᠠᠨ ᠬᠣᠳᠣᠭᠣᠳᠣ ᠪᠠᠨ ᠳᠦᠭᠦᠷᠭᠡᠭᠡᠳ
ᠪᠣᠯᠵᠣᠭᠰᠠᠨ ᠴᠠᠭ ᠲᠠᠭᠠᠨ ᠢᠷᠡᠵᠡᠭᠡᠵᠡᠢ᠃
ᠣᠷᠬᠢᠭᠰᠠᠨ ᠰᠤᠮᠤ ᠨᠢ ᠲᠡᠭᠡᠲᠡᠯᠡ
ᠣᠷᠣ ᠦᠭᠡᠢ ᠠᠯᠠᠭᠠ ᠪᠣᠯᠴᠢᠬᠠᠵᠠᠢ᠂
ᠬᠠᠪᠤᠷ ᠢᠷᠡᠭᠰᠡᠨ ᠶᠦᠮ ᠪᠠᠢᠬᠠ
ᠬᠠᠢᠯᠤᠭᠠᠳ ᠮᠥᠷ ᠦᠭᠡᠢ ᠤᠷᠤᠰᠴᠢᠬᠠᠵᠠᠢ᠃
1988 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠣᠳᠬᠠᠨᠰᠣᠠ